Новости за 29.12.2019

29-декабрда Кошмо Штаттары Ирак жана Сирияда “Катаиб Хезболла” куралдуу кошунуунун беш жайына сокку урду. Пентагон билдиргендей, Ирактын бир жана Сириянын үч району “Катаиб Хезболланын” көзөмөлүндө турат.  АКШнын Коргоо министринин жардамчысы Жонатан Хоффмандын Пентагондун веб-сайтына жарыяланган билдирүүсүндө  “Катаиб Хезболланын” Ирактагы коалициялык күчтөрдүн базаларына жасаган чабуулдарына жооп иретинде Кошмо Штаттары Сириядагы жана Ирактагы куралдуу кошуундун беш жайына так коргонуу соккуларын урду. Читать дальше...

«Азаттык» радиосунун украин кызматынын блогерлери жана штаттан тышкаркы кабарчылары Станислав Асеев менен Олег Галазюк орусиячыл жикчилдердин туткунунан бошотулду. Бул тууралуу окуяны чагылдырганы барган «Азаттыктын» украин кызматынын журналисттери кабарлашты. Эки кабарчынын аты-жөнү Украинанын атайын кызматы түзгөн туткундан бошотулгандардын тизмесинде да бар. Асеев Станислав Васин деген ысым, Галазюк болсо Мирослав Тямущий деген ат менен жикчил аймактан кабар берип турушкан. Экөө тең туткунда дээрлик эки жарым жылдай отурушту. Читать дальше...

Өкмөттүн Баткен облусундагы ыйгарым укуктуу өкүлчүлүгү Тажикстандын Исфара районунун басма сөз катчысы Икбол Тешаевдин социалдык тармактарга жарыялаган маалыматын четке какты. Тешаев 29-декабрда «Фейсбуктагы» баракчасына Баткендин Көк-Таш айылында кыргыз жараны аң уулоочу курал менен Тажикстандын жаранына ок чыгарганын, кыргыз тарап чагымчылдык кылып жатканын жазды. Өкмөттүн Баткен облусундагы ыйгарым укуктуу өкүлчүлүгүнүн басма сөз катчысы Чолпон Бердикулова бул маалымат чындыкка дал келбесин айтып, Тешаевдин билдирүүсүн четке какты. Читать дальше...

Ысык-Көлдө мал багып жүрөт деген 9 жаштагы Илья үй-бүлөлүк типтеги балдар үйүнө которулуп, сабакка бара баштады. Келечекте президент болом деген жигиттин окуудагы жетишкендиктери жакшы. Ал жаңы үй-бүлөсүнө көнүп да калганын айтууда.

2019-жылы "Азаттык" радиосу 14 иликтөө программасын тартуулады. Анын дээрлик ар биринде өлкөдөгү коррупциялык көрүнүштөрдүн бети ачылды. Буга бийлик кандай реакция жасап, чара көрдү?

Ооганстандын Тахар провинциясында 29-декабрда «Талибан» кыймылынын кол салуусунан жергиликтүү 17 күч кызматкери каза болду. Талибдердин өкүлү Забихулла Муджахид бул кол салуу үчүн жоопкерчиликти өзүнө алды. 28-декабрда талибдер Гилменд провинциясындагы аскер базасына чабуул коюп, Ооганстандын 10 аскери өлгөн. «Талибан» кыймылынын согушкерлери Ооганстандын жана АКШнын күчтөрүнө дээрлик күн сайын кол салууларды уюштуруп жатат. 23-декабрда эле Ооганстанда АКШнын бир аскери ажал тапкан. Бул өлкөдө... Читать дальше...

Өзбекстандын президенти Шавкат Мирзиёев бийликке келгенден бери саясаттагы оппозиция тууралуу биринчи жолу оюн билдирип, сырттан келчү оппозицияга жол бербей турганын айтты. «Азаттыктын» өзбек кызматы Gazeta.uz сайтына шилтеме берип жазгандай, ал бул тууралуу 27-декабрда жаштар менен жолуккан учурда билдирди. - Интернетте «оппозиция кандай пайда алып келди?» деген талкуу жүрүп жатат. Мен президент катары оппозицияга каршы эмесмин. Бирок элдин маселесин билген, ушул жердин суусун ичип, нанын жеген... Читать дальше...

Гулжигит — белгилүү куудул Жаныбек Алыкуловдун уулу. Футбол менен бала чагынан машыгып келет. "Дордой" клубунун тарбиялануучусу. 2019-жылдан тарта улуттук курама команданын мүчөсү.

Киев менен өздөрүн «Донецк жана Луганск элдик республикалары» («ДНР» жана «ЛНР») деп атап алган жикчилдер 29-декабрда туткундарды алмашып жатышат. «Азаттыктын» орус кызматы жазгандай, Украинанын чыгышындагы жикчилдер Киевге 55 кишини берип, 87 тарапташын өткөрүп алат. Киев менен жикчилдер акыркы жолу мындан туура эки жыл мурун туткун алмашкан. Орусия менен Украинанын президенттери ушул айдын башында Парижде «Норманд төрттүгү» форматындагы саммиттин алкагында жолукканда ушул жылдын аягына чейин... Читать дальше...

Дүйнөлүк басма сөзгө баяндама (23-30-декабрь).

Өкмөт Чүй облустук милициясынын Москвада дарыланып жаткан башчысы Самат Курманкуловдун дарылануусуна 3,5 млн. сом бөлөт сом бөлөт. Тиешелүү буйрукка премьер-министр Мухаммедкалый Абылгазиев 19-декабрда кол койгон. Сөз болуп жаткан акча Саламаттык сактоо министрлигинин ушул жылдагы бюджетинен каралган. Самат Курманкулов Кой-Ташта 7-8-август күндөрү мурдагы президент Алмазбек Атамбаевди кармоо операциясынын учурунда башына таш тийип, оор жарадар болгон. Бир нече күн бою комада жатып, 11-августта... Читать дальше...

Казакстандын Нур-Султан жана Алматы шаарларында авиакырсыктан каза болгондор жерге берилди. Алматыда кырсыкта көз жумган юстициянын генерал-майору Рустем Кайдаров менен коштошуу зыйнаты болду. Informburo.kz порталынын редактору Дана Круглова Нур-Султанда акыркы сапарга узатылды. 27-декабрда таңга маал Алматы шаарынын жанына кулаган учактын ичинде 95 жүргүнчү жана экипаждын беш мүчөсү болгон. Казак бийлиги кырсыктан кеминде 12 адам каза таап, 40тан ашык киши жаракат алганын кабарлады. Алматы аэропортунун маалыматы боюнча... Читать дальше...

30-декабрда көпчүлүк аймактарда кар жаайт. Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрден, тоолуу райондордо 15-20 метрге жетет. Абанын температурасы: Чүйдө түнкүсүн -4…+1, күндүз 1…6; Таласта түнкүсүн 0…-5, күндүз 0…5; Баткенде, Ошто, Жалал-Абадда түнкүсүн -3…+2, күндүз 3…8; Ысык-Көлдө түнкүсүн -1…-6, күндүз 1…6; Нарында түнкүсүн -16…-21, күндүз -10…-15; Бийик тоолуу райондордо түнкүсүн -15…-20, күндүз -4…-9 градус болот. Бишкекте кар жаайт. Читать дальше...

30-декабрдан тартып Ош шаардык милициясы күчөтүлгөн тартипте иштей баштайт. Бул тууралуу “Азаттыкка” Ош шаардык ички иштер башкармалыгынын басма сөз кызматы билдирди.   Маалыматка ылайык Жаңы жыл майрамында Ош шаардык ички иштер башкармалыгынын өздүк курамы, ИИМдин «Шумкар» атайын отрядынын, ички коопсуздук аскер кызматынын аскерлери коомдук коопсуздукту сактоо үчүн кызматка тартылат. Шаар бир нече аймактарга бөлүнүп, жооптуу кызматкерлер дайындалып, милицияга элдик кошуундар жардам беришет.... Читать дальше...

Япониядагы турнирде Емельяненконун кармашы бир раунд менен соңуна чыкты. Анын узаткан таамай соккусунан америкалык мушкер көмкөрөсүнөн кулап түшкөн.

Жогорку Кеңештин депутаты Искендер Матраимов «Азаттыкка» комментарий берип жатып үч медиага жана журналистке коюлган 60 миллион сомдук доо ойлонулуп коюлганын айтып, кыска жооп берди. - Ар бир нерсенин чеги болот. Биз 60 миллион сом доону өзүбүз ойлонуп туруп койдук, - деди Матраимов. Депутат Искендер Матраимов, анын бир тууганы, Бажы кызматынын төрагасынын мурдагы орунбасары Райымбек Матраимов жана алардын жубайлары 9-декабрда Кыргызстандагы үч медианы сотко берген. Соттун кезектеги отуруму 2020-жылдын 20-январында болот. Читать дальше...

Азиз Биймирза уулу - Чыңгыз Айтматов атындагы улуттук орус драма театрынын 1-категориядагы актёру. Мындан сырткары ал төбөсү көрүнгөн таланттуу манасчы катары белгилүү.

Бул тууралуу эмгек жана социалдык өнүктүрүү министри Улукбек Кочкоров «Азаттыктын» суроолоруна жооп берип жатып айтты. Өткөн жылы сүйүнчү акча 117 миң балага берилген. Анын сөзүнө караганда, мурда сүйүнчү пулду алыш үчүн 3-4 маалым кат талап кылынчу. Акчаны алыш үчүн документ чогултуу баш-аягы 9 күндөн 2-3 айга чейин созулчу. Кочкоров азыр сүйүнчү акчаны алуу жеңилдегенин айтты. - Азыр балага сүйүнчү пул алыш үчүн эч кандай документтин кереги жок. Бала төрөлгөндө туулгандыгы тууралуу күбөлүк... Читать дальше...

28-декабрда Бишкектин Киев көчөсү №114 даректе жайгашкан кийим-кече саткан дүкөн өрттөнүп кетти. Бул тууралуу Өзгөчө кырдаалдар министрлигинин басма сөз кызматы кабарлады. Министрликтин маалыматы боюнча өрттү өчүрүүгө эки бөлүм тартылып, тилсиз жоо саат 22:53тө толук өчүрүлгөн. Кырсыктан жабыркагандар жок. (BTo)

2019-жылы Кыргызстанда ар кандай окуялар болду. “Азаттык” радиосу алардын чордонунда болуп, ар тараптуу чагылдырды. Жылы бою изденип иштеди, коомчулуктун колдоосун тапты, сынын да укту.

Кыргызстан мусулмандарынын дин башкармалыгынын Жаңы жыл майрамына байланыштуу фатвасы чыкты. Анда «Кыргызстандын мыйзамдарында белгиленген жана бекитилген расмий майрамдарга карата дин кызматкерлери тарабынан тескери үгүт иштери жүргүзүлбөсүн» деп айтылат. Буйрукту аткаруу милдети Муфтияттын түзүмдөрүндөгү бардык диний кызматкерлерге жүктөлдү. Дүйнө эли жыл сайын 1-январда белгилеген календардык Жаңы жыл майрамы Борбор Азия мамлекеттеринин баарында советтик жана светтик майрам катары калыптанып калган. Читать дальше...