Новости за 08.12.2019

Гонконгдо жекшемби күнү он миңдеген демонстранттар кайрадан көчөгө чыгышты. Уюштуруучулар 8-декабрдагы жарандык эркиндиктин сакталышын талап кылган акцияга 800 миңдей киши катышканын билдирсе, полиция митингчилердин саны 183 миңди түзгөнүн маалымдады. Шаардын бийлиги август айынан бери биринчи жолу "Жарандык адам укуктарынын фронту" аттуу уюмга демонстрация өткөрүүгө уруксат берди. Бул акцияда 11 адам кармалганы кабарланды. Жекшембидеги жүрүш Кытайга баш ийген Гонконгдо демократиячыл кыймылдардын... Читать дальше...

Индиянын баш калаасы Нью-Делиде баштык тиккен фабрикада өрт чыгып, кеминде 43 адамдын өмүрү кыйылды. Элүүдөй киши аман-эсен куткарылды. Полиция бул кырсык боюнча "Киши өлтүрүү" беренеси менен кылмыш ишин козгогону белгилүү болду. Тилсиз жоо алты кабаттуу фабриканы 8-декабрда таңкы саат 5-6лар чамасында чулгаган. Каза тапкандардын көбү имараттын ар кайсы кабаттарында уктап жаткан жумушчулар болгон. Индиянын маалымат каражаттары бул фабриканын өрт коопсуздугу боюнча сертификаты жок экенин билдирип жатышат. Читать дальше...

Ооганстандын Жалалабад шаарындагы кол салууда каза тапкан жапониялык дарыгер Тетсу Накамуранын сөөгү мекенине жеткирилди. Анын сөөгүн Токионун Нарита аэропортунда жапон өкмөтүнүн расмий өкүлдөрү баштаган ондогон адамдар тосуп алышты. Аба майданында чакан аза күтүү зыйнаты да өттү. Ондогон жылдардан бери Ооганстандын чыгышында жашап, кайрымдуулук менен алектенген 73 жаштагы дарыгер "Peace Japan Medical Service" өкмөттүк эмес уюмун жетектеп келген. 4-декабрда Нангархар провинциясындагы Жалал-Абад... Читать дальше...

Беларустун баш калаасы Минскиде Орусия менен интеграцияга каршы нааразылык акциясы жекшемби күнү да уланды. Таң эрте митингчилер Октябрь аянтына чогулуп, андан соң Орусиянын Минскидеги элчилигине чейин жүрүшкө чыгышты. Чогулгандар оппозициянын символуна айланган Беларус элдик республикасынын ак жана кызыл түстөгү желегин жана "Интеграцияга жол жок!" деген жазуулары бар плакаттарды көтөрүп турушту. Бир күн мурдагыдай эле жекшембидеги жүрүшкө полиция кийлигишкен жок. 7-декабрда Беларус президенти... Читать дальше...

Украин президенти Владимир Зеленский менен орус лидери Владимир Путиндин дүйшөмбүгө белгиленген жолугушуусуна байланыштуу бүгүн Киевде миңдеген адамдар катышкан митинг өтүп жатат. Түш оой Эгемендик аянтына чогулгандар "Зе үчүн кызыл чектер" деген плакаттарды көтөрүп турушат. Зеленский 9-декабрда "Норманд төрттүгү" форматынын алкагында биринчи жолу Путин менен Парижде жолугат. Киевдин борборуна топтолгон митингчилер Зеленскийди бул кездешүүдө Украинанын позициясын бекем коргоого жана беш "кызыл чектен" өтпөөгө чакырып жатышат. Читать дальше...

Орусияда жол кырсыгынан төрт кыргыз жараны каза болду. Бул маалыматты “Азаттык” радиосуна Кыргызстандын Оренбургдагы ардактуу консулу Таалайбек Жандар уулу тастыктады. Анын айтымында, дагы үч кыргызстандык азыр реанимацияда жатат. Орусиянын маалымат каражаттары кабарлагандай, окуя бүгүн 8-декабрда эртең менен Оренбург облусундагы Акбулак кыштагы менен Оренбург шаарынын ортосундагы трассада болгон. «Мерседес» минивэни жана “Форд Транзит» автомашинасы сүзүшө кеткен. Расмий маалымат боюнча,... Читать дальше...

Кыргызстандын аймагында жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорун туман каптайт. Тоо этектеринде жана тоолуу райондордо жолдор тайгак болот. Абанын температурасы: Чүйдө түнкүсүн -3…+2, күндүз +8…+13; Таласта түнкүсүн -4…1, күндүз +8…+13; Баткенде, Ошто, Жалал-Абадда түнкүсүн -2…+3, күндүз +10…+15; Ысык-Көлдө түнкүсүн -2…-7, күндүз +4…+9; Нарында түнкүсүн -11…-16, күндүз +1…+6; Бийик тоолуу райондордо түнкүсүн -18…-23, күндүз -4…-9 градус болот. Читать дальше...

Ирандын президенти Хасан Роухани “санкцияларга каршы бюджетти” парламентке сунуш кылды. Анда негизги каржы булагы катары Орусиядан алынган 5 миллиард доллар насыя болушу мүмкүн. Перс жыл санагы боюнча 2020-жылдын март айынан башталчу бюджет АКШ салган санкциялардын жана акыркы мезгилдеги башаламандыктын кесепетин жоюу үчүн көп аракетти талап кылат. Роухани “сунуш кылынган бюджет мунайдан көз карандылыкты азайтууга багытталган” деп атады. “Былтыркы бюджет быйылкыдай эле санкцияларга каршы туруунун... Читать дальше...

Муз үстүндө көркөмдөп бийлөө боюнча Гран-при турнирине катышкан алты кыздын төртөө россиялык болчу. Биринчи орунду алган спортчу дүйнөлүк рекорд койсо, дагы башка байге ээси секирип туруп абада төрт ирет чимирилгени менен тарыхка кирди.

Якутиялык бакшы Александр Габышев Москваны көздөй жолун улантарын билдирди. Бул тууралуу "Сибирь.Реалии" сайтына Габышев менен бирге жолго чыккан сапарлаштары кабарлашты. Бакшы Орусиянын борборуна «президент Владимир Путинди бийликтен кетирүү» максаты менен барарын айтууда. 51 жаштагы Александр Габышев Якутск шаарынан Москваны көздөй ушул жылдын март айында жөө-жалаңдап жолго чыккан. Ал өзүн «Орусияны кара күчтөн тазалай турган бакшы жоокери» деп эсептей турганын, Москвага 2021-жылы жетип, дубанын... Читать дальше...

Дүйнөлүк басма сөзгө баяндама (2-9-декабрь).

Кыргызстандын Чек ара кызматы кыргыз-өзбек чек арасындагы абал боюнча маалымат берди. Ага ылайык, Ала-Бука районундагы Ак-Курча аймагында жергиликтүү тургундун малы Өзбекстанга өтүп кеткен. Эки өлкө ортосундагы келишимге ылайык, мал чек арадан өтүп кетсе коңшу өлкөнүн чек арачылары айдап келиши керек. Ушул эреженин негизинде өзбек чек арачылары малды айдап келген учурда жергиликтүү тургундар менен кайым айтыша кеткен. Окуя болгон жерге Кыргызстандын чек арачылары келип, коңшу өлкөнүн чек арачылары менен сүйлөшүүлөрдү өткөргөн. Читать дальше...

АКШ “Талибан” радикал кыймылы менен тынчтык сүйлөшүүлөрүн жандантты. Буга чейинки сүйлөшүү үч ай мурун АКШнын президенти Дональд Трамптын тапшырмасы менен токтотулган эле. Жаңы сүйлөшүү Катардын борбору Доха шаарында өтүп жатат. Ага “Талибан” кыймылынын жетекчилери катышууда. Сүйлөшүүгө америкалык делегацияны Ооганстан боюнча атайын чабарман Залмай Халилзад жетектеп келген. 7-декабрдагы сүйлөшүү аяктаган соң “Талибандын” расмий өкүлү Сухаил Шахин "Твиттердеги" баракчасына жолугушуу жекшембиде да уланарын жазган. Читать дальше...

Өткөн айда Екатеринбургда баңгизатын мыйзамсыз сактоого шектелип кармалган Качкынбек Тажиевди полиция кызматкери атып салган.

АКШнын президенти Дональд Трамп Дүйнөлүк банкты Кытайга насыя берүүнү токтотууга чакырды. Трамп бул тууралуу Дүйнөлүк банктын Кытайга берилчү насыянын планын бекиткен соң билдирди. АКШ президенти "Твиттердеги" баракчасына “Эмне үчүн Дүйнөлүк банк Кытайга насыя берет? Бул кантип мүмкүн болсун? Бээжиндин акчасы көп. Эгер жок болсо, алар түзүп алат. Муну токтотуш керек” деп жазды. 5-декабрда Дүйнөлүк банк бекиткен планга ылайык, 2025-жылга чейин жыл сайын төмөн пайыз менен 1 миллиард доллардан 1,5 миллиард долларга чейин насыя бөлүп берүү... Читать дальше...

Кыргызстан F тайпасында Тажикстанды кошумча көрсөткүчтөр менен артта калтырып, экинчи орунда келе жатат. Бирок бардык командалар дагы 3-4 жолу беттеш өткөрүшү керек.

Өзбекстандык Махмуд Мурадов кармаштын үчүнчү раундунда сол колу менен каршылашын жаак тушка урган. Америкалык спортчунун тиш кабы ыргып, жерге сулап түшкөн.

Кумтөр алтын кенинде жер көчкүдөн кийин дайынсыз болуп жаткан эки жумушчу табыла элек. Бул тууралуу Өзгөчө кырдаалдар министрлигинен кабарлашты. Маалыматка ылайык, учурда дайынсыз болуп жаткандарды 94 куткаруучу издеп, 37 оор техника тартылган. Министрликтин басма сөз катчысы Элмира Шерипованын айтымында, куткаруучулардын аракетине карабастан издөө иштеринен майнап чыга элек. Кумтөр кениндеги кырсык 1-декабрь күнү таңга маал катталган. Лысый өрөөнүндөгү жер катмары көчүп түшкөн. Көчкөн жер катмарынын узуну 450 метр... Читать дальше...

“Азаттык”, Kloop, Жемкорлукту жана уюшкан кылмыштуулукту иликтөө борборунун (OCCRP) соңку иликтөөсү Кыргызстандын бажысында тамыр жайган коррупциялык схемаларды гана ачпастан, өлкөдөгү көмүскө экономиканын реалдуу масштабы кандай экенин ачык көрсөттү.

Кыргыздар Кара-Тегинге качан, кантип барып калган?

Улуттук Энергохолдингдин жетекчиси Айтмамат Назаровдун айтымында, быйыл аба ырайынын шартына байланыштуу суу сактагычка куюлган суунун көлөмү аз болду. - Гидрометеорологдор суу аз болгон сезон башталды деп айтышкан. Аны биз да байкап жатабыз. Былтыркыга салыштырмалуу Токтогул суу сактагычында 2 миллиард куб метрге суу аз топтолду. Бул - жакындаштырып айтканда 2 миллиард кВт саат электр энергия дегенди билдирет. Анын ордун кантип толтурабыз, кайдан толтурабыз? Мына ушул маселе ойлондуруп жатат.... Читать дальше...

Кечээ, 7-декабрда, Россияда болгон профессионалдык бокс турнирине атактуу америкалык боксчу Рой-Жонс кичүү конок катары келген. Анын көз алдында кыргызстандык спортчу сегизинчи жеңишин камсыздаган.

Бишкектеги Ынтымак сейил багында 7-декабрда “Биз зомбулукка каршыбыз” деген ураан алдында жөө жүрүш өттү. Ага 100дөн ашык адам катышты. Алардын арасында мектеп окуучулары, жогорку окуу жайлардын студенттери жана мамлекеттик кызматкерлер да бар. Иш-чаранын уюштуруучулары жөө жүрүш аркылуу коомго гендердик тең укуктуулукту жайылтуу жана жаштарга зордук-зомбулуктун кесепеттерин, анын өспүрүмдөргө тийгизген терс таасирлерин жана ага карата мыйзам чегинде кандай чаралар көрүлөрүн түшүндүрүү максатын көздөшкөн. Читать дальше...

АКШ жана Иран абакта жаткан жарандарын 7-декабрда алмашты. Кошмо Штаттардын президенти Дональд Трамп Тегеран тыңчылыкка айыпталып, үч жылдан бери абакта жаткан америкалык жаран Сюэ Ванды өткөрүп бергенин кабарлады. Ал эми Иран бийлиги өз жараны Массуд Солеймани бошотулганын ырастады. Абактагыларды алмашууга Швейцария ортомчу болуп, алмашуу Цюрихте өттү. АКШ менен Ирандын ортосунда дипломатиялык алака токтотулуп, элчилиги жабылган. Учурда АКШнын Тегерандагы дипломатиялык кызыкчылыктарын Швейцария ишке ашырат. Читать дальше...

Узаган аптанын урунттуу окуяларына сереп.