Новости за 18.12.2019

Кыргызстанда бир нече маалымат каражаттары хакердик чабуулга туш болду. Муну эксперттердин тобу Кыргызстанда орун алган маалымат согушунун далили катары баалап жатышат.

Жарандык коом сөз эркиндигин коргоп, тынч митингге чыкты. Акциянын катышуучулары кыргыз бийлигин кырдаалга реакция жасап, коррупцияга каршы күрөшүүгө чакырды. Сөз эркиндигине басымдын жана демократиялык баалуулуктардан чегинүүнүн кесепети кандай болушу мүмкүн? Кыргыз бийлиги жарандык коомдун үнүн, коңгуроосун кандай кабылдап жатат? "Ыңгайсыз суроолор" берүүсүнүн коноктору – Жогорку Кенештин депутаты Рыскелди Момбеков, журналист, маданият, маалымат жана туризм министринин орун басары Нуржигит Кадырбеков... Читать дальше...

АКШнын Өкүлдөр палатасы президент Дональд Трампка импичмент жарыялоо маселесин талкуулап, добуш берүү үчүн чогулду. Демократтар көзөмөлдөгөн палата президент Украинага аскердик жардам берүүнү жеке кызыкчылыгына байлап кызматынан кыянат пайдаланган жана Конгресстин ишине тоскоолдук кылган деген эки айыпты жактырат деп күтүлүүдө. Андан ары документ республикачылар үстөмдүк кылган Сенатка жөнөтүлмөкчү. Сенат президентти кызматтан четтетип же четтетпөөнү чечет. Байкоочулар импичменттин жактоочулары керектүү... Читать дальше...

Кыргыз-тажик чек арасында чыккан чырда жалпыcынан тогуз адам жаракат алды. АКШ Конгрессинин Өкүлдөр палатасы президентке импичмент жарыялоо маселесин колго салганы турат. Президент Трамп демилгени "төңкөрүш аракети" деп баалады. Румын ыңкылабына 30 жыл толду

Бишкекте Элмира Ногойбаеванын «Эсимде: өткөн тарыхты эстеп» долбоорунун алкагында жарык көргөн «Чиеш тагдырлар» китебинин бет ачары өттү. Бул китепте совет мезгилинде Кыргызстанда жашап, ар кандай жүйөлөр менен саясий куугунтукка кабылган адамдардын жеке тарых-таржымалы баяндалган.

Ички иштер министрлиги мурдагы президент Алмазбек Атамбаевге атайын багыттагы "Альфа" түзүмүнүн командиринин орунбасары Үсөн Ниязбековдун өлүмүнө шек саналып жатканы жөнүндө маалымдама берилгенин билдирди. 18-декабрда таратылган расмий кабарга ылайык, Атамбаевге Жазык кодексинин 130-беренеси ("Адам өлтүрүү") боюнча жактоочусу Сергей Слесаревдин катышуусунда 18-ноябрда маалымдама тапшырылган.   2019-жылдын 7-8-августунда Улуттук коопсуздук боюнча мамлекеттик комитети (УКМК) Чүйдүн Кой-Таш айылында... Читать дальше...

Ирандын Кыргызстандагы атайын жана ыйгарым укуктуу элчиси Алиможтаба Рузбеханинин дипломатиялык миссиясы аяктады. Бул тууралуу Тышкы иштер министрлигинин басма сөз кызматы билдирди. 18-декабрда тышкы иштер министри Чыңгыз Айдарбеков аны кабыл алып, эки мамлекеттин ортосундагы ымаланын бекемделишине кошкон салымы үчүн ыраазычылык билдирди.  Расмий маалыматтарга ылайык, Кыргызстан менен Ирандын товар алмашуусу жылына 14,8 млн. долларды түзөт. Эки өлкөнүн дипломатиялык кызматташтыгына 27 жыл болду. Читать дальше...

Минскиде Беларустун Орусия менен интеграциясына каршы акциялардын уюштуруучуларынын бири Павел Северинец кармалды. Бул тууралуу анын жубайы "Фейсбуктагы" баракчасына жазды. "Эркин Европа/Азаттык" радиосунун беларус кызматынын маалыматына ылайык, "Европалык Беларус" деген жарандык өнөктүктүн координаторун да кармап кетишти. Анын себеби белгисиз. 20-21-декабрь күндөрү Орусия менен интеграцияга каршы болгондор Минскиде нааразылык акцияларын өткөрүүнү пландап жатышат. Шаршембиде алар билдирүү таратып... Читать дальше...

Кыргызстандын Мамлекеттик чек ара кызматы кыргыз-тажик чек арасындагы чыр чыккан аймакта кырдаал салыштырмалуу туруктуу экенин билдирди. "Сүйлөшүүлөрдүн жыйынтыгында чыр-чатакты андан ары күчөтпөө максатында кыргыз-тажик мамлекеттик чек арасынын такталбаган аймагындагы Кыргызстан менен Тажикстандын жарандары орноткон тосмо дубалдарды алуу боюнча иштер жүргүзүлө башталды",- деп айтылат 19-декабрда саат 18:30а берилген маалыматта. 18-декабрда Баткен районунун Көк-Таш айылында чек арада чыккан жаңжалдан... Читать дальше...

Башкы прокурор Өткүрбек Жамшитовду кызматтан алуу боюнча өлкө башчысына жолдонгон кайрылууну президенттин канцеляриясы кабыл алды. Бул тууралуу «Прецедент» укуктук тобунун жетекчиси Нурбек Токтакунов «Фейсбуктагы» баракчасына жазды. Ага ылайык, «Мамлекеттик бажы кызматынын башчысынын мурдагы орун басары Райымбек Матраимовду коргогону үчүн башкы прокурордун кызматтан кетишин талап кылган» кайрылууга 207 киши кол койду.   - Эми президенттен жооп күтүү менен бирге УКМКнын Башкы тергөө башкармалыгына да кайрылабыз. Читать дальше...

Абсолюттук мушкерлер чемпионаты (UFC) YouTube каналына ирландиялык мушкер Конор Макгрегордун кийинки жылы боло турчу беттешинин ролигин чыгарды.

18-декабрда Баткен районунун Көк-Таш айылында кыргыз-тажик чек арасында чыккан чырдан кыргыз тараптан баш-аягы тогуз адам жараат алды. Анын ичинде Ички иштер министрлигинин (ИИМ) ички аскеринин бир кызматкерине жана Баткендин Самаркандек айылдык кеңешинин депутатына да ок тийген. Жараат алгандардын арасында дагы бир милиция кызматкери жана үч жайкын тургун бар.

Украина президенти Владимир Зеленский бир күн мурда Киевдеги парламенттин жанында болгон кагылышууну айыптады. Айыл чарба багытындагы жерлердин сатылышына каршы митингге түмөндөгөн адамдар чыкканын жергиликтүү маалымат каражаттары жазышты. Алардын чатыр тигүү аракеттерине полциия жол берген жок. Мындан улам кагылышуу башталып, 17 офицер жана эки журналист жаракат алды. Зеленский "Фейсбукка" жазган билдирүүсүндө "ар бир жарандын тынч митингге чыгуу укуктарын колдоорун" айтып, "бирок кимдир-бирөө... Читать дальше...

Кыргызстандын Баткен облусунун жетекчиси Акрам Мадумаров менен Тажикстандын Согди облусунун башчысы Раджаббой Ахмадзода кыргыз-тажик чек арасындагы Көк-Таш айылында кездешти. Бул тууралуу Баткен облустук администрациясынан кабарлашты. Тараптар чек арада болгон айрым турмуштук чыр-чатактарды жөнгө салуу боюнча тийиштүү органдар гана иштөө керектигин макулдашып, ага жергиликтүү калкты аралаштырбоо, окуяны ырбатпоо боюнча түшүндүрүү иштерин жүргүзүүнү сүйлөштү. Облус башчылары чек аралаш аймакта абалды турукташтыруу... Читать дальше...

Талибандын өкүлү Америка менен акыркы сүйлөшүүлөрдө ар кандай макулдашууларды жана ок атпоону четке кагып, америкалык күчтөр Ооганстандан толугу менен чыгарылышы керек деп белгиледи.

Жарандык коомдун өкүлдөрүнөн турган топ бул жолу коррупцияга жана сөз эркиндигин муунткан аракеттерге каршы «REакция 2.0» аттуу акцияга чыгышты. Бишкектин Ала-Тоо аянтында «REакция 2.0» деген тынчтык митинги экинчи жолу өттү. Нааразылык акциясына чыккандар бийликтен коррупцияга каршы күрөшүүнү жана сөз эркиндигин коргоону талап кылышты. Алар Кыргызстандын бажысындагы коррупциялык схемалар боюнча журналисттер бир нече иликтөө жасап, мыйзамсыз иштерди ашкере кылганына карабай президент дагы деле факты талап кылып жатканын сынга алышты.

АКШ Конгрессинин Өкүлдөр палатасы президентке импичмент жарыялоо маселесин колго салганы турат.

Жогорку Кеңештин депутаты Искендер Матраимов Бишкекте өткөн нааразылык акциялары Матраимовдордун үй-бүлөсүнө каршы уюштурулуп жатканын жана айрым күчтөр муну кимдир-бирөөнүн кадыр-баркын тебелөө менен пайдаланып жатканын билдирди. Бул тууралуу ал 18-декабрда «Фейсбуктагы» баракчасына жазды. Анда айрым журналисттер журналисттик этиканы сактабай, бир жактуу каралоого орун берип жатканы жазылат. - Иним Райымбекке карата чындыкка дал келбеген жалган жалаалар айтылып, ага карапайым эл ишене турган деӊгээлге жеткиришти. Читать дальше...

Бириккен Улуттар Уюмунун (БУУ) Балдар фонду – ЮНИСЕФ Кыргызстандагы балдардын 12 пайызынын – 277 миңден ашык баланын атасы же апасы, же экөө тең чет өлкөдө жашай турганын жана 4,3 пайызынын – 99 миңден ашык баланын атасы да, апасы да башка мамлекетте чет жакта экенин кабарлады. 18-декабрь - Мигранттардын эл аралык күнүнө карата уюм тараткан билдирүүдө, бул көрсөткүч 2018-жылы жүргүзүлгөн Балдардын жана аялдардын көп индикатордук кластердик изилдөөсүндө аныкталганы белгиленет. ЮНИСЕФ ата-эненин баланын жанында болбогону ага эмоционалдык... Читать дальше...

Пакистанда талиб согушкерлери балдарды шал оорусуна каршы эмдеген кызматкерлерди коштоп жүргөн эки тартип коргоочуну атып кетишти. Жергиликтүү полициянын өкүлү окуя 18-декабрда Хайбер-Пахтунхва чөлкөмүндө болгонун, кол салгандарды издеп жатышканын маалымдады. Пакистандагы "Талибан" кыймылынын басма сөз өкүлү чабуулдун артында алар турганын билдирди. Талибдер эмдөө балдарды тукумсуз кылууну көздөйт деп буга чейин да өнөктүккө катышкан кызматкерлерге кол салып келишкен. Пакистан бул жугуштуу кооптуу илдет жайылган сейрек өлкөлөрдүн бири. Читать дальше...

Санкт-Петербургда шейшемби күнү кечинде "Гринпис" уюмунун Орусиядагы бөлүмүнүн эксперти Рашид Алимовду кармап кетишти. Уюмдун өкүлдөрү экологду 17-декабрдагы акция үчүн кармашты деп эсептешет. Кийин «жер аянтын ээлеп алуу» тууралуу протокол түзгөндөн кийин Алимовду кое беришти. Экоактивисттер Германиядан уран калдыктарын алып келүүгө каршы чыгышкан. Уюмдун маалыматына караганда, өзөктүк таштандылар ушул жумада Петербургга кеме менен алынып келет, андан ары поезд менен Свердлов облусуна жөнөтүлмөкчү. Читать дальше...

Орусиянын Москва шаарында мекендештерин тоноп, акча талап кылган, кыргызстандыктардан куралган кылмыштуу топ кармалды. Бул тууралуу Кыргызстандын Ички иштер министрлиги (ИИМ) кабарлады. Билдирүүдө айтылгандай, ИИМдин Орусиядагы өкүлчүлүгүнө азият түспөлүндөгү белгисиз адамдар кылмыштуу ишмердүүлүк менен алектенишип, өз мекендештерин тоноп, акча опузалап жүргөнү жөнүндө ыкчам маалымат түшүп турган. Аталган топ Москва шаарында жана Москва облусунун аймагында ишкерлерди (кафе-ресторандарда, курулушта иштегендерди... Читать дальше...

Бириккен Улуттар Уюмунун азчылыктар маселеси боюнча атайын баяндамачысы Фернан де Варен Кыргызстанга келип, баяндамасын жарыялады.

Бул тууралуу президент Сооронбай Жээнбеков Миграциянын эл аралык күнүнө карата чет өлкөлөрдөгү мекендештерге жолдогон кайрылуусунда айтты. Президенттин басма сөз кызматы тараткан маалыматка караганда, Жээнбеков чет жакта жүргөн кыргызстандыктар күнүмдүк жашоо муктаждыгы менен гана чектелбей, мекенине инвестиция тартып жатканын белгилеген. - Өлкөбүздүн элет жериндеги турмуш деңгээлин көтөрүүгө кошкон салымыңызды баалайбыз. Мекендештерге колдоо көрсөтүүнү — мамлекеттик саясаттын артыкчылыктуу багыты катары аныктадык. Читать дальше...

Сириянын өкмөтчүл күчтөрү Идлиб провинциясындагы де-эскалация тилкесин артиллериядан аткылаганда өлгөндөрдүн саны 22 кишиге жетти. Бул тууралуу 17-декабрда “Ак каскачандар” жарандык коргонуу агенттиги билдирди. Алардын айтымында, каза тапкандардын арасында балдар да бар. Чабуулдан улам жайкын тургундар Түркия менен чек ара аймагындагы коопсуз жерлерге агылышты. 2018-жылы Москва менен Анкара ортосунда келишимге жетишилгенден бери Идлибдеги де-эскалация тилкесинде 1 300дөн көп киши набыт болду. ... Читать дальше...