Новости за 15.12.2019

Грузиядан өз алдынчалык жарыялап алган Түштүк Осетия менен чек арага жүздөгөн адамдар топтолушуп, Орусия көзөмөлдөгөн аймакта кармалган белгилүү догдурду бошотууну талап кылышты. Важи Гаприндашвилинин кесиптештеринин айтымында, ал жикчил аймакка дарыланууга муктаждарды издеп барган. Грузиядагы Ортопеддер менен травматологдор ассоциациясынын президенти Гаприндашвили аймактын борбору Цхинвалиге 9-ноябрда жеткирилип, "чек арадан мыйзамсыз өткөн" деген айып менен эки айга камакка алышканы маалым болду. Читать дальше...

CNN кабарлагандай, Кошмо Штаттар жакын арада Ооганстандагы америкалык аскерлердин санын кыскартышы мүмкүн. Америкалык телеканал бул маалыматты Трамптын администрациясындагы жогорку даражалуу өкүлгө таянуу менен жазды. Ага ылайык, президент ушул аптада аскерлердин санын төрт миңге чейин кыскартарын жарыялышы ыктымал. Бул маалымат 13-декабрда Ак үй жакында Борбор Азия боюнча жаңы стратегиясын жарыялай турганын кабарлагандан кийин чыкты. Учурда Ооганстанда 12-13 миңдей америкалык аскер бар. Быйыл... Читать дальше...

Ирандын баш калаасы Тегеранды каптаган коюу түтүндөн улам шаар бийлиги ондогон мектептерди жаап, ачык абада спорттук иш-чараларды өткөрүүнү токтотту. Мындай чечим абанын булганышы тууралуу чукул жыйындан кийин 14-декабрда кабыл алынды. Мектептер 17-декабрга чейин жабылары кабарланды. Бийлик ошондой эле калаадагы жол кыймылына чектөөлөрдү киргизип, оор жүк ташуучу машинелерге Тегерандын ичинде жүрүүгө тыюу салынды. Өткөн жылы Дүйнөлүк Банк жарыялаган баяндамага ылайык, Тегерандагы абанын булганышынын... Читать дальше...

Мадридде Улуттар Уюмунун Климат боюнча 25 - конференциясы аяктады. Анын катышуучулары бирдиктүү билдирүү кабыл алышканы менен, табият коргоочуларынын сынына кабылышты. Greenpeace уюмунун өкүлү Мартин Кайзер конференциянын жыйынтыгын "климат кризисинен жабыркап жаткан бардык адамдарды сатып кетүү" катары баалады. Мурдараак жыйындан натыйжа чыкпай калганын 16 жаштагы экологиялык активист Грета Тунберг айтып чыккан. Бул конференциянын жыйынтыгында катышуучулар тарабынан климатты коргоо боюнча олуттуу... Читать дальше...

Индиянын түндүк-чыгышындагы "Жарандык жөнүндө" мыйзамга каршы 15-декабрда уланган акцияларда беш адам өлгөнү кабарланды. Анын үчөө полициянын огунан мерт болгону айтылды. Жергиликтүү басылмалар Ассам штатынын Гувахати аттуу ири шаарында кырдаал оорлоп кеткенин жазышууда. Бийлик интернетке чектөө коюп, айрым райондорго коменданттык саат киргизди. Батыш Бенгалия штатында демонстранттар поезддерди жана автобустарды өрттөп жибергенден кийин Индиянын чыгышындагы айрым поезддик каттамдар токтотулду. Читать дальше...

Этномузыкага кайрадан жан киргизген, дүйнөгө аты кеткен «Ордо Сахна» фольклордук-этнографиялык театры 20 жылдык чыгармачылык кечесин өткөрдү. Адистер «Ордо Сахнага» «байыркы улуттун уңгусунда уюп жаткан күүлөрдү азыркы замандын акылына сиңире турган кылып иштеп чыгууда, жайылтууда опол тоодой эмгек кылган» деп баа берип жүрүшөт.

Кыргызстандын акыйкатчысы Токон Мамытов үч медиага коюлган доолор боюнча билдирүү жасап, соттун чечими жана моралдык чыгымдын суммасы боюна өз позициясын жарыялады. Ал өлкөнүн башка жарандары сыяктуу Матраимовдордун үй-бүлөсү да, эгер алардын кадыр-баркына доо кетирди деп санашса, жалпыга маалымдоо каражаттарын сотко берүүгө мыйзамдуу укугу бар экенин белгилейт. Акыйкатчы судья Жылдыз Ибраимованын жооптуулардын эсебин дароо камакка алганын сынга алып, муну “шашылыш чечим” деп баалады. Анын белгилешинче... Читать дальше...

Беттеш үчүнчү раунддун акыркы мүнөттөрүндө жыйынтыкталды. Муну менен россиялык мушкер UFC уюмунда алтынчы жеңишин камсыздады.

Дүйнөлүк басма сөзгө баяндама (9-15-декабрь).

15-декабрь таңга жуук Ош облусунун Алай районунда очогунда 3,5 баллга жеткен жер силкинүү катталды. Бул тууралуу Улуттук илимдер академиясынын Сейсмология институту кабарлады. Жер титирөөнүн эпицентри аталган райондогу Бор-Дөбө айылынан 13 чакырым алысыраак жерде болду. Бул кыштакта болсо силкинүүнүн күчү 3 баллга чейин сезилди. Зилзаладан жабыркагандар жана кыйроолор болгон-болбогону тууралуу маалымат айтыла элек. (ErN)

Кыргызстандын президенти Сооронбай Жээнбеков бүгүн, 15-декабрда, Сауд Арабиясынын падышасы Салман бин Абделазиз ал-Сауддун чакыруусу менен Сауд Арабиясына учуп кетти. Бул тууралуу президенттик аппараттан кабарлашты. Расмий сапардын алкагында Жээнбеков падыша, анын мураскери, ханзаада Мухаммад бин Салман бин Абдель Азиз ал-Сауд жана Аш-Шура Мажилисинин төрагасы Абдулла бин Мухаммад бин Ибраим ал-Аш-Шейх менен жолугушат. Жолугушууларда саясий, соода-экономикалык жана маданий-гуманитардык тармактарда... Читать дальше...

CNN телеканалы Америка Кошмо Штаттары жакын арада Ооганстандагы аскерлеринин үчтөн бирин чыгарып кетиши мүмкүндүгүн кабарлады. АКШдагы кабелдик телеканалдар тармагы Ак үйдүн жогорку аткаминерине таянып, президент Дональд Трамптын администрациясы келерки аптада бул жөнүндө билдирүү жасай турганын билдирди. Кабарга ылайык, жоокерлердин саны 4 миңге чейин кыскарышы ыктымал. 2001-жылдан бери Ооганстандагы согуштук аракеттерге катышып келаткан америкалык аскерлердин саны учурда 13 миңге жакын. Быйыл... Читать дальше...

Ноокат районунун Насирдин Исанов айылдык аймагынын Жар-Коргон айылынын тургундары милициянын таяныч пунктуна имарат белек кылышты. Бул тууралуу Ош облустук ички иштер башкармалыгынын басма сөз кызматы кабарлады. Аталган айылдагы жеке ишкер Закир Исаков өзүнө дүкөн үчүн салган 32 чарчы метр аянтка ээ менчик курулушун коомдук тартипти көзөмөлдөөгө кол кабыш кылуу максатында кайтарымсыз негизде милицияга өткөрүп берген. Кыштактын 1981-жылы туулган жаштары каражат топтоп имаратты оңдоп, эки бөлмөлүү... Читать дальше...

Мусабай Токтосунов аздек өмүрүн билим берүү, журналистика, көркөм чыгармачылыкка арнаган белгилүү калемгер болгон.

"Кыргызгидрометтин" кабарлашынча, 16-декабрда түнкүсүн Ысык-Көл облусунун кээ бир райондорунда кар жаашы ыктымал, калган аймактарда жаан-чачын болбойт. 16-декабрда күндүз жамгыр жаабайт. Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн.  Жолдор тайгак жана тоңголок болот. Абанын температурасы: Чүйдө түнкүсүн -8…-13, күндүз -3…+2; Таласта түнкүсүн -9…-14, күндүз -3…+2; Баткенде түнкүсүн -4…-9, күндүз 1…6;​ Ошто, Жалал-Абадда түнкүсүн -2…-7, күндүз 1…6; Ысык-Көлдө түнкүсүн -6…-11... Читать дальше...

Жаңы Зеландиянын Ак (White) аралындагы жанар тоонун атылуусунан улам курмандыктардын саны 16 адамга жетти. Бул тууралуу "Reuters" агенттиги жергиликтүү милицияга шилтеме берип кабарлады. Агенттик билдиргендей, ооруканага түшкөн бир нече адам каза болду. Жаратылыш кырсыгы 9-декабрда катталды. Ал күнү беш киши каза таап, дагы 20дай киши жабыркаганы маалымдалган. Аталган аралга куткаруучулар барганы менен дайын-дареги белгисиз болуп жаткан эки адамды таба алышкан жок. 75 мүнөттүк издөө иштеринен кийин алар кайра кайтып кетишкен. Читать дальше...

Мурдагы президент Алмазбек Атамбаевди колдогон Кыргызстан социал-демократиялык партиясынын (КСДП) төрайымынын орун басары Кундуз Жолдубаева Ички иштер министрлигинин Тергөө кызматына кайрадан суракка чакырылды. Бул тууралуу “Азаттыкка” анын адвокаты Замир Жоошев билдирди. Жактоочунун айтымында, Жолдубаева биринчи жолу 14-декабрда чакырылып, баргандан кийин алты-жети саат суракка алынган эмес. Соңунда ага дүйшөмбү, 16-декабрга саат 11:00гө чакыруу тапшырышкан. Жоошев Кундуз Жолдубаева Кой-Таш... Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдардын бирин сунуштайбыз. Сынакка макала кабыл алуу 1-декабрдан баштап токтотулган.

2014-жылдан 2018-жылга чейин Кыргызстанда адам сатуу боюнча 45 факты катталды. Бул тууралуу Улуттук статистика комитетинин "Кыргыз Республикасында укук бузуулар жана укук тартиби" боюнча жыйнагында жарыяланды. Мунун 28си бала сатуу, 14ү сексуалдык эксплуатация жана үчөө эмгек эксплуатациясы. Ар бир фактыда бир же бир нече адам сатылышы мүмкүн жана кылмыштарга жалпы 65 кишинин катыштыгы аныкталып, жоопкерчиликке тартылган. Кеп болгон маалыматтар Кыргызстандын укук коргоо органдарынан алынган. Анда 2019-жылдын көрсөткүчтөрү келтирилген эмес. Читать дальше...

Бразилиялык мушкер үчүн кармаш оңой болгон жок. Атаандашы Рандами оор соккуларды жиберип жаткандыктан Нуньес күрөшкө ыктаганга аргасыз болду.

Кикбокс боюнча Кыргызстандын улуттук курама командасынын мүчөсү Элнура Айдарова республикада тай бокс жана кикбокска кызыккан кыз-келиндердин саны арбып бараткандыгын айтты.

Кыргызстандын Тышкы иштер министрлиги (ТИМ) АКШнын Өкүлдөр Палатасынын эл аралык иштер боюнча комитетинин билдирүүсүнө жооп кайтарды. “Бул чындыкка дал келбеген билдирүүнү эгемендүү өлкөнүн ички иштерине кийлигишүү аракети катары жана Кыргыз Республикасынын сот бийлигине басым кылуу катары баалайбыз. Буга байланыштуу АКШнын Өкүлдөр Палатасынын комитетин маалымат булагын алууда тыкыр болууга, алынган маалыматтарды жакшылап текшерүүгө кеңеш беребиз”,-деп айтылат ТИМдин билдирүүсүндө. АКШнын Өкүлдөр... Читать дальше...

Узаган аптанын урунттуу окуяларына сереп (9-15-декабрь).

2019-жылдын январь-ноябрында Кыргызстандын ички дүң өнүмү (ИДӨ) 513 млрд. сомду түзүп, өткөн жылдын тиешелүү мезгилине салыштырмалуу 4,9% көбөйдү. Бул тууралуу Улуттук статистика комитети кабарлады. «Кумтөр» кен казуу ишканаларын эсепке албаганда, ИДӨнүн көлөмү былтыркы жылдын январь-ноябрынын деңгээлинен 3,5 пайызга ашуу менен 459 млрд. сом болду. Ички дүң өнүмдүн өсүшү, негизинен, өнөр жай, курулуш тармактары, айыл чарба жана кызмат көрсөтүү чөйрөлөрү тарабынан камсыздалды. Муну менен бирге товар өндүрүү... Читать дальше...

Кыргызстандын Билим берүү, илим министрлиги жана Бириккен Араб Эмирлигинин (БАЭ) Шейх Мухаммад Зайед атындагы эл аралык фондунун ортосунда Кыргызстанда Ислам Академиясын ачуу жөнүндө макулдашууга кол коюлду. Бул тууралуу президенттин сайтында жарыяланды. Мындай келишим мамлекет башчы Сооронбай Жээнбековдун БАЭге расмий сапары учурунда кабыл алынды. Билим берүү жана илим министри Каныбек Исаков белгилегендей, мамлекеттик жана жергиликтүү өз алдынча башкаруу органдарынын жетекчилери жеке дүйнө таанымын жана диний билимдерин өстүрүү... Читать дальше...