Новости за 04.12.2019

Башталгыч кесиптик билим берүү агенттигине жетекчи болуп дайындалган Рита Карасартова "Азаттыктын" суроолоруна жооп берди. Буга чейин бийликтин иш-аракеттерин катуу сынга алып келген активист ал дайындалган тармакты кандайча реформалай турганын, бул кызматка кантип дайындалганын айтып берди. Ал ошондой эле Жогорку Кеңештин айрым депутаттарынын сынына да жооп кайтарды.

«Азиздер жана дүлөйлөр» коомунун Оштогу ишканасына шаардык казынадан жардам берилди. 350 миң сомду жамаатка мэр Таалайбек Сарыбашов тапшырды. Ишканада майыптар өз колу менен эмерек жасап, сапаттуу төшөк, жаздык жана кызматтык кийимдерди тигишет. Мэр менен жолугушууда алар шаар башчысынан мамлекеттик ишканалардан буюртманы көбөйтүүгө көмөк сурашты. Сарыбашов Оштогу жалпы социалдык колдоого муктаж жарандардын тизмеси материалдык-моралдык колдоо көрсөтүү үчүн мекеме-ишканаларга бөлүштүрүлүп берилгенин билдирди... Читать дальше...

Кыргызстандын футзал боюнча улуттук курама командасы Түркиянын курама командасын 5:3 эсебинде утуп алды. Жолдоштук беттеш кечээ кечинде Бишкекте өттү. Кыргызстандын командасынан Максат Алимов, Мирлан Жолдубаев, Дилшат Кадыров жана Юлдаш Салимбаевдер гол киргизишти. Кыргызстан менен Түркиянын командалары бүгүн дагы бир оюн өткөрүшөт. Эки команданын тең машыктыруучулары бул жолдоштук беттеш командаларга алдыдагы ири турнирлерге даярдык катары мүнөздөп жатышат. Оюн Арча-Бешиктеги «Газпром» спорт комплексинде, кечки саат 20:00дө башталат. Читать дальше...

Арзыбек Кожошев өкмөткө караштуу Финансы рыногун жөнгө салуу жана көзөмөлдөө боюнча мамлекеттик кызматтын төрагасы болуп дайындалды. Бул тууралуу буйрукка 4-декабрда премьер-министр Мухаммедкалый Абылгазиев кол койду.  Бул мекемеде жетекчинин орду быйыл жайдан бери бош турган. Мурдагы төрага Санжар Муканбетов экономика министри болуп дайындалган.  Кожошев 2015-2017-жылдары экономика министри болгон. Быйыл жазында Евразия экономикалык комиссиясында Кыргызстандан министр болуп дайындалган. (RK)

Камакта отурган активист Афтандил Жоробековдун туугандары аны бошотууга жардам сурап Бириккен Улуттар Уюмуна кайрылышты. Жоробековдун бир тууганы Чынара Темирова бүгүн «Фейсбуктагы» жеке баракчасы аркылуу БУУнун Башкы катчысы Антонио Гуттеришке видео кайрылуу жиберип, Кыргызстандагы демократиялык баалуулуктар коркунучта экенин айтты: - Менин бир тууганым Афтандил Жоробеков бийликти социалдык түйүндөрдө сындаганы үчүн камалып отурат. Ага каршы ойдон чыгарылган жана негизсиз айыптар коюлууда. Үч күн психологиялык басым жасалып... Читать дальше...

Бишкектин Свердлов райондук сотунда баш калаанын Жылуулук электр борборун (ЖЭБ) оңдоп-түзөөдөгү коррупцияга байланыштуу соттук ишти кароо уланып жатат.

«Азаттыктын» кабарчыларын скайп аркылуу суроого мыйзам уруксат берет. Бул тууралуу «Азаттык» радиосуна «Медиа полиси» институтунун юристи Акмат Алагушев билдирди. Ал УКМКнын «эки кабарчы суракка өздөрү келиши керек» деген талабы боюнча төмөнкүлөрдү айтты: - Эмне себептен ошол беренени (Жазык-процессуалдык кодекстин 194-беренеси - ред.) колдоно алышпайт экен? Эмнеси дал келбейт? Ошону жазышпаптыр. Суроосу болсо беришсин, жооп беришет. Бул шылтоо. Көрсөтмөлөрү керек болсо ошол жакка учуп барсын. Муну юрист эмес адам да түшүнөт. Читать дальше...

Казакстандык саясий эксперт Казбек Бейсебаев: Казакстандын мурдагы президенти Нурсултан Назарбаев бийликтен кетсе дагы анын тышкы жана ички саясатта роль ойноп жатканы көрүнүп турат.

Тажикстан 1922-жылы эле Кызыл Армиянын бөлүктөрүнүн жардамы менен Анвар пашанын күчтөрүн талкалаган болсо да, басмачылыкка каршы күрөш 1932-жылга чейин созулган.

Кыргызстандын Улуттук коопсуздук боюнча  мамлекеттик комитети (УКМК) «Азаттык» радиосунун эки кабарчысы бул мекемеге суракка келиши керектигин билдирди. Бүгүн УКМКнын басма сөз кызматы тараткан маалыматта алардын катышуусу менен тергөө аракеттери өткөрүлүүгө тийиш экендиги айтылат. «Кыргыз Республикасынын аймагынан сырткары болгон адамдын катышуусу менен скайп аркылуу же башка техникалык байланыш режиминде тергөө аракеттеринин өткөрүлүшү Кыргыз Республикасынын Жазык-процессуалдык кодексинин 194-беренесине... Читать дальше...

Ислам Кызматташуу Уюму Израилдин басып алынган Палестина жерлеринде өз шаарчаларын курууларын токтотуусун талап кылды.

Бишкекте абанын булгануу деңгээли соңку эки күндө кескин төмөндөдү. Бул тууралуу «Азаттык» радиосуна Өзгөчө кырдаалдар министрлигинин басма сөз катчысы Элмира Шерипова билдирди. Шерипованын айтымында, ноябрдын акыркы күндөрүнө караганда бүгүн булгануу 34 эсе аз. 3-4-декабрда Бишкек шаарында аба массасынын алмашуусу байкалууда. Ар түрдүү бийиктиктерде жүргөн шамалдын ылдамдыгы секундасына 15 метрге жетип жатты. Мындай метеорологиялык шарт борбор калаанын абасындагы зыян заттардын тарап кетишине алып келди... Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат.

Кыргыз паспорту Орусияда бизнеске айланганы Жогорку Кеңеште айтылды. Вице-спикер Аида Касымалиева парламенттин жалпы жыйынында Мамлекеттик каттоо кызматынын жетекчилигине кайрылып, жакында Санкт-Петербург шаарында мекендештер менен жолугуп келгенин, Кыргызстандын паспортун башка өлкөлөрдүн жарандарына сатып жаткандар көп экенин айтты: - Кыргыз паспорту бизнеске айланды. Өзбекстандан барган мигранттар кыргыз паспортун жарнамалап сатып жатат. Кылмыш кылган адам кармалып калса анын паспорту Кыргызстандан... Читать дальше...

Ош облусунда катталган жер титирөөдөн эч ким жабыркаган жок. Бул тууралуу бүгүн Өзгөчө кырдаалдар министрлигинин басма сөз кызматы кабарлады. Сейсмология институтунун маалыматына караганда, жер титирөө 3-декабрда саат 16:03тө болгон. Күчү үч баллга жеткен силкинүү Алай районунун Кара-Киндик айылында эки баллга чейин сезилди. Кыйроо жана жабыркагандар тууралуу маалымат жок.

Швециянын TV4 телеканалы мыйзамсыз миграцияга өбөлгө түзгөн өкмөттүк системадагы өксүктөр тууралуу «Эркин Европа/Азаттык» радиосу менен бирге жүргүзгөн иликтөөсүн жарыялады.

Жогорку Кеңеш Кыргызстандагы коррупция маселесин талкуулайт. Парламент төрагасы Дастанбек Жумабековдун айтымында, жемкорлукка жана кылмыштуулукка каршы күрөшүү маселеси 5-декабрдагы жалпы жыйындын күн тартибине кирди. «Республика - Ата Журт» фракциясынын депутаты Руслан Казакбаев «Кыргызстандын ички жана тышкы коопсуздугу боюнча өкмөттүк саат же өкмөттүк күн өткөрүүнү сунуш кылганын, бул кылдат маселе болуп жатканын» эскертти.  Президент Сооронбай Жээнбеков 2018-жылы Коопсуздук кеңешинин жыйынында... Читать дальше...

Трамптын НАТО отурумуна катышуусуна каршы болгондор Букингем сарайынын алдында митинг өткөрүшүүдө.

Кыргызстан Евразия Экономикалык Биримдигине (ЕАЭБ) киргенине 4 жыл болду.

Гонконг автономдуу районунун губернатору Американын митингчилерди колдогон акыркы мыйзамы аймакта туруксуздуктун келип чыгышына себеп болгонун жана Вашингтонго каршы чараларды кабыл аларын эскертти.

Адаттан тыш окуя Португалиядагы мелдеш учурунда болгон. Жерге кулаган мушкерлердин бирине дарыгерлер жардам берген.

Жапонияда кыз-келиндер жумушта көз айнек тагынууга жана жалпак бут кийим кийүүгө тыюу салган эрежелерге каршы өнөктүктү улантып жатышат. Күн чыгыш өлкөсүндө аялдардын ажарын бузат деп көз айнек тагынууга уруксат берилбейт. Ошондой эле аялдар кеңседе бийик такалуу бут кийим кийип жүрүүгө милдеттүү.  Активист Юми Исакава петиция жарыялап, кол топтоодо. 3-декабрдагы маалыматка ылайык, онлайн петицияны 31 миң адам колдоду. «Бут жана оору» деген маанини туюндурган акция Жапонияда жылдын башында башталган.

Филиппинди каптаган «Каммури» бороону бир кишинин өмүрүн алды. Жүз миңдеген тургун коопсуз жайларга көчүрүлдү. Шамалдын ылдамдыгы саатына 235 чакырымга жетип жатат.  Баш калаа Манилада окуу жайлар жана мамлекеттик мекемелер жабылды. 3-декабрдагы кабарга ылайык, аэропортто 500дөй авиакаттам токтотулду.  Бул жыл башынан өлкөгө бүлүк салган жыйырманчы тайфун.

4-декабрь - Манас күнүнө карата Бишкектеги Улуттук филармонияда 13:30да «Манас» эпосуна арналган сүрөт көргөзмөсү уюштурулат. Ага чейин Чыңгыз Айтматов атындагы кино үйүндө «Залкар манасчы» тасмасынын бет ачары болот. Саат 14:00дө Токтоболот Абдумомунов атындагы Кыргыз улуттук академиялык драма театрынын артисттери «Кагылайын Манасым» деген театрлаштырылган пролог тартуулап, ал концерттик программа менен коштолот. 2013-жылдын 4-декабрында «Манас», «Семетей», «Сейтек» үчилтиги ЮНЕСКОнун Адамзат... Читать дальше...

Калифорния штатынан шайланган демократ-сенатор Камала Харрис АКШ президенттигине ат салышуудан баш тартты. Талапкерлиги ийгиликтүү башталып, сурамжылоолордо мыкты натыйжаларды көрсөтүп келаткан 55 жаштагы Харрис акыркы убакта АКШнын негизги штаттарынан көп колдоо таппай калды. Ал электрондук почта аркылуу тараткан билдирүүсүндө күрөштү улантууга каржы тартыш болуп жатканын белгиледи.  Айрым серепчилердин айтымында, Камала Харристин популярдуулугунун түшүп кетиши анын саясий программасы так жазылбаганына байланыштуу болду. Читать дальше...