Новости за 20.09.2019

Түркиянын Анкара шаарында эмгектенген ондогон кыргызстандык мигранттар учакка билет сатып алмакчы болуп мекендешине алданып калганын айтып чыгышты. Мигранттардын акчасын алган жаран менен учурда эч кандай байланыш жок.

Кыргызстандык балбан кыз Айсулуу Тыныбекова дүйнө чемпионатынын финалдык беттешинде болгариялык Тайбе Мустафа Юсеин менен күрөшөт. Финалдык таймаштар бүгүн, 20-сентябрда кечки саат 18:00дө башталат. Таймаштын жүрүшүн Биргелешкен күрөш дүйнөсү уюмунун расмий сайтынан түз эфирде көрсөтөт. Казакстандын Нур-Султан шаарында өтүп жаткан Күрөш боюнча дүйнө чемпионатында Айсулуу Тыныбекова кыз-келиндер күрөшүнө 62 килограммга чейинки салмакта килемге чыгып жатат. Буга чейин төрт беттеш өткөрүп, бардык атаандаштарын жеңип, мелдештин финалына чыккан. Читать дальше...

Базар-Коргон айыл өкмөтүндө, айыл өкмөт башчысынын милдетин аткарган адам эки жарым жыл ичинде сегиз жолу дайындалды.

Бул тууралуу Жапониянын NHK телеканалы өз булактарына таянып билдирди. Маалымат Түндүк Кореянын чыгышындагы Синпхо портунун спутниктен тартылган сүрөттөрүн иликтөө учурунда алынган.  Тасмаларда 13 түркүгү жана жүз метрге чамалуу чатыры бар имарат көрүнүп турат. Телеканалдын булактары бул имарат суу астында жүрүүчү кайыктарга ылайыкташтырылып, алардын бортундагы баллистикалык ракеталарды өнүктүрүү үчүн курулган болушу ыктымалдыгын айткан. Пхеньян суу астында жүрүүчү жаңы кеме куруп жатканын... Читать дальше...

Бишкектеги Э. З. Гареев атындагы Ботаникалык бакта климаттык фестиваль өтүп жатат. Алгачкы жолу өтүп жаткан иш-чара «Жашоо климаты» долбоорунун алкагында Бишкек мэриясы менен чогуу уюштурулуп жатат.  Фестивалда Туруктуу өнүгүү үчүн жашыл альянстын жана айлана-чөйрөнү коргоо тармагындагы коомдук уюмдардын 30дан ашуун мүчөлөрү климатты жөнгө салууга багытталган иш-чараларды өткөрөт. Буга байланыштуу жармаңке, жаш сүрөтчүлөрдүн көргөзмөсү уюштурулуп, ачык асман алдында тасма тартууланат. Шаардыктар менен конокторго экология темасында оюн-зоок... Читать дальше...

Бир нече ай мурун АКШга качып келген укук коргоочу Гүлалай Исмаил Пакистанда демократия орнотуш үчүн күрөшүн токтотпосун билдирди.  - Мен күрөштү андан ары улантыш үчүн качып келгенмин. 15 жылдан бери элимдин укугу үчүн күрөшүп жүрөм, мен аны улантам, - деди Исмаил «Машаал» радиосуна.  Исмаил өткөн жылы августта Пакистанда митингге катышкандан кийин «мамлекетке каршы ишмердүүлүк кылган» деп куугунтукталган. Ал Нью-Йоркко келип, качкын макамын сураган. Укук коргоочу өзүнүн жана үй-бүлөсүнүн, досторунун... Читать дальше...

Бишкекте климаттын өзгөрүшүнө чара көрүүгө чакырган акция-жүрүшкө уруксат берилген жок. Бул тууралуу уюштуруучулар “Твиттердеги” баракчасына жазышты. Калаа мэриясы Биринчи май райондук сотунун 30-сентябрга чейин шаардын борбордук бөлүгүнө чогулууга, митингдин бардык түрүн өткөрүүгө тыюу салган чечимин жүйө келтирип жатат. Уюштуруучуларга акцияны шаардын башка бөлүгүндө өткөрүү сунуш кылынган. Бүгүн дүйнөнүн бир катар өлкөлөрүндө экологияны коргоо максатында, климаттын өзгөрүшүнө чара көрүүгө чакырган акциялар өтүп жатат. Читать дальше...

Сириянын БУУдагы туруктуу өкүлү Башар аль-Жафари террордук уюмдар Сириянын Идлиб провинциясындагы жай тургундарды тирүү калкан катары пайдаланып жатканын билдирди.

19-сентябрда Нур-Султанда акцияга чыккан жыйырма чакты көп балалуу эне түнү бою Экономика министрлигинин имаратынын алдынан кетишкен жок. Алардын жууркан жамынып, имараттын тепкичинде бири-бирине сүйөнүп отурган сүрөттөрү интернетке жарыяланды. Чогулгандар казак бийлигинен турак жай маселесин чечип берүүнү жана көп балалуу үй-бүлөлөргө социалдык жактан колдоону күчөтүүнү талап кылышууда. 20-сентябрда таң эрте алар менен Нур-Султан шаарынын акимчилигинин өкүлү Бактияр Макен жолукту. Түшкө жуук... Читать дальше...

Премьер-министр Мухаммедкалый Абылгазиев борбор шаардын көчөлөрүн оңдоодогу ыңгайсыздыкты азайтып, жол кыймылын оптималдаштырууну Бишкек мэриясына тапшырды. Өкмөт башчы бул иштерди ИИМдин Жол кыймыл коопсуздугун камсыздоо башкы башкармалыгы жана Маалыматтык технологиялар жана байланыш боюнча мамлекеттик комитет менен бирге жүргүзүү зарыл экенин белгиледи. Ал эми бул иштердин ыкчам чечилишин вице-премьер-министр Жеңиш Разаков көзөмөлгө алмай болду. Бул тууралуу өкмөттүн басма сөз кызматы кабарлады. Читать дальше...

Спорттук иш-чара саат 9:00дө Арча-Бешик конушундагы "Газпром" дене тарбия комплексинин жанында башталып, спортчулар 7-апрель көчөсүн көздөй, батыштан чыгышты карай чуркашат. Мындан улам Түштүк магистралдын бир тилкеси эки тараптуу болот.

"Азаттыктын" Оштогу кабарчысы Керкидан суу сактагычынын айланасындагы "Өзбекстанга алмашылды" деген жердин чоо-жайын, жергиликтүү тургундар жана бийлик өкүлдөрү менен сүйлөшүп, билип келди. 10-сентябрда Өзбекстандын чек арачылары Керкидан суу сактагычынын тегерегиндеги тилкени тосо баштаганы жергиликтүү тургундарды нааразы кылып, пикир келишпестик чыккан. Өзбекстандын аскер кызматкерлери чек арада атайын техника менен турганы тартылган видеолор интернетте тарап жатты.

Орусиянын президенти Владимир Путинди «бийликтен кууп кетирем» деген бакшы Александр Габышев Якутиядагы психоневрологиялык диспансерге жеткирилди. Орусиянын курамындагы бул республиканын Саламаттык сактоо министрлиги кабарлагандай, диспансерде Габышев психиатриялык текшерүүдөн өтөт. «Эгер бейтапта паталогия аныкталса, ага тиешелүү медициналык жардам көрсөтүүгө даярбыз», - деп айтылат расмий билдирүүдө. Жыл башында Якутиядан Москваны көздөй жолго жөө чыккан бакшы 19-сентябрга караган түнү Бурятияда кармалган эле. Читать дальше...

Кыргызстандын аймагында 21-сентябрда жамгыр жаабайт. Шамалдын багыты улам өзгөрүлүп турат, ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн 13…18°, күндүз 29…34°; Таласта түнкүсүн 7…12°, күндүз 28…33°; Ош, Жалал-Абад жана Баткен аймактарында түнкүсүн 13…18°, күндүз 30…35°; Ысык-Көл дубанында түнкүсүн 6…11°, күндүз 18…23°; Нарында түнкүсүн 3…8°, күндүз 21…26°; Бийик тоолуу райондордо түнкүсүн -2…-7° суук, күндүз 7…12° жылуу болот. 21-сентябрда Бишкек шаарында жаан-чачын жаабайт. Читать дальше...

АКШнын Коргоо министрлиги Ирандагы абадан сокку урулушу мүмкүн болгон аймактардын тизмесин 20-сентябрда президент Дональд Трампка сунуштаганы турат. Бул тууралуу Пентагондун планынан кабары бар америкалык расмий өкүлдөр «Associated Press» маалымат агенттигине билдиришти. Алардын айтымында, Пентагон президент Трампка Иранга каршы аскердик чаралар куралдуу жаңжалды жаратышы мүмкүндүгүн да эскерткени жатат. Кошмо Штаттардагы мындай аракеттерге 14-сентябрда Саудиянын эки мунай заводуна дрондон сокку урулганы себеп болду. Читать дальше...

Мурдагы президент Алмазбек Атамбаевдин жан сакчысы Канат Сагымбаев иштен алынды. Бул тууралуу адвокат Замир Жоошев өзүнүн «Фейсбуктагы» баракчасына жазды. Сагымбаев Улуттук коопсуздук боюнча мамлекеттик комитеттин (УКМК) 9-кызматында иштечү. Жактоочунун жазганына караганда, жан сакчынын иштен алынганына Атамбаевди туулган күнү менен куттуктаган видео ролик себеп болгон. «9-кызматтын ички жоболоруна ылайык, кызматкерлерге коомчулукка видео кайрылуу жасоого, журналисттерге комментарий берүүгө тыюу салынат. Читать дальше...

Эми эртең Ош облусу менен Чүйдүн командалары баш байге үчүн беттешет. Дал ушул күнү Көчмөндөр оюндары жыйынтыкталат.

Жумгал районунун Баш-Кууганды айылынын тургундары быйыл жетиштүү тоют жыйнай албай калды. Эгиндин түшүмү да ойдогудай эмес. Буга айылдагы 40 миң куб суу бата турган суу сактагыч буулуп, жалпысынан 300 гектарга жакын жер сугарылбай калганы себеп. Айылдыктар «аны Кара-Кечеден агып келген көмүрдүн калдыктары аралашкан ылай толтурду» деп жатышат.

Кыргызстандын президенти Сооронбай Жээнбеков Шанхай Кызматташтык Уюмунун (ШКУ) курамындагы өлкөлөрдүн аскердик бөлүктөрүнүн «Борбор-2019» аттуу биргелешкен машыгуулары өтүп жаткан Орусиянын Оренбург шаарына учуп кетти.

Иран Ислам Республикасынын аба күчтөрү менен Ислам Революциясынын сакчылар корпусунун Перс булуңундагы биргелешкен машыгуусу ийгиликтүү аяктады.

Ушул күндөрү Талас облусунда өтүп жаткан биринчи Улуттук көчмөндөр оюндарында көк бөрү боюнча мелдеште финалга чыккан командалар аныкталды. 20-сентябрда Талас шаарындагы Райкан Алканов атындагы ат майданда болгон жарым финалдык беттештерде Чүй облусу менен Талас облусунун командасы ойноп, 5:2 эсебинде чүйлүк улакчылар жеңишке жетти. Дагы бир жарым финалдык беттеште Ош облусу менен Бишкек шаарынын көк бөрү командалары финалга чыгыш үчүн таймашып, 8:5 эсебинде Ош облусунун командасы алдыга чыкты. Читать дальше...

Конституциялык палатынын мурдагы судьясы Клара Сооронкулова Кой-Таш айылында болгон окуяларды иликтөө боюнча мамлекеттик комиссиянын жыйынына катыша элек. Ал «Азаттыкка» буга чейин аны эч ким жыйынга чакырбаганын билдирди: - Бүгүн чалып, менин телефонумду таппай жатышканын айтышты. Комиссиянын иши 26-сентябрда бүтөт экен. Ошого чейин мен болгон документтер менен таанышып чыгышым керек экен. Мага аны окуп, карап, талдап, изилдеп чыкканга мүмкүнчүлүк түзүп беришсе мен катышышым мүмкүн. Эгер андай мүмкүнчүлүк болбосо комиссиянын курамынан чыгам.

Ош, 20-сентябрь, 2019-жыл. /ca-irnews.com/. Быйыл, 11-октябрда, «ЖИА» Бизнес ассоциациясы Эл аралык деңгээлде “Бишкек инвестициялык форумун” (БИФ) өткөрөт.

«Кыргызстан» саясий партиясы ушул жекшемби, 22-сентябрда өзүнүн курултайын өткөрөт. Анда партиянын соңку эки жылдагы ишмердүүлүгү боюнча отчёт угулат. Бул тууралуу «Азаттыкка» партиянын мүчөсү, Жогорку Кеңештин депутаты Нурбек Алимбеков ырастады. Ал лидерди алмаштыруу, шайлоо тууралуу маселе жок экенин кошумчалады. Айрым жергиликтүү маалымат каражаттары, курултайда партиянын лидерин шайлоо боюнча маселе добушка коюлушу ыктымал экенин жазышкан. Ага ылайык, азыркы лидер жаңы мөөнөткө кайра шайланышы ыктымал. Читать дальше...

Чүй командасынын финалдагы атаандашы Бишкек шаары менен Ош облусунун беттешинен кийин белгилүү болот.