Новости за 25.09.2019

Швециялык активист Грета Тунбергдин экология боюнча акциясына кыргызстандык активисттер колдоо көрсөттү.

Швециялык активист Грета Тунбергдин БУУда экология боюнча сүйлөгөн сөзү кыргызстандык активисттерди да шыктандырды. Бишкекте жети адамдан турган топ өткөргөн акцияда Кумтөр кенин иштетүү, мөңгүлөрдүн эриши жана уран казуу маселеси көтөрүлдү.

Ирандын президенти Хасан Роухани 25-сентябрда БУУнун Башкы ассамблеясында сүйлөп, Иран "санкциялардын басымында турганда өзөктүк программа тууралуу сүйлөшүүлөргө барбайт" деп билдирди. Ал ошондой эле АКШны "ырайымсыз экономикалык терроризм" үчүн да  айыптады. - Биз басым алдында сүйлөшүүгө барбайбыз. Иран бийлиги тарыхтагы эң катаал санкцияларды колдонуп жатышканын бекемдегендер менен сүйлөшүүгө бара албайт - деди Роухани. Мындан тышкары ал Иран "көз карандысыздыгы жана илимий-техникалык өнүгүү үчүн өз укугун коргой турганын" белгиледи. Читать дальше...

Кыргыз өкмөтү 2009-жылкы Макулдашуунун шарттарын аткаруу үчүн мурда алынган 16 миң 330 гектар жер аянты “Кумтөргө” кайра кайтарылып берилгенин жарыялаган. Бирок өкмөт 2012-жылы ызы-чуу болгон “Сары-Чат-Ээр-Таш” мамлекеттик жаратылыш коругунун жери кен казуучу аянтка кирген эмес деп ишендирип жатат.

АКШнын Юстиция министрлиги беш барактан турган стенограмманын сүрөт нускасын Ак үйдүн сайтына жарыялады. АКШ президенти Дональд Трамп менен Украинанын лидери Владимир Зеленский 25-июлда телефондон сүйлөшкөн. Андагы жазууларга ылайык, Трамп сүйлөшүүдө Зеленскийди мурдагы президент Барак Обаманын тушунда вице-президент кызматын аркалаган Жо Байдендин жана анын уулу Хантер Байдендин Украинадагы ишмердигин иликтөөгө чакырган. Трамп Жо Байден уулу иштеген "Бурисма" компаниясына байланыштуу иликтөөнү токтотуп салганын эскерткен. Читать дальше...

Украин президенти Владимир Зеленский БУУнун Башкы ассамблеясынын экинчи күнүндө сүйлөгөн сөзүндө Орусия Европанын борборунда согушка шыкак берип жаткан шартта өздөрүн коопсуз сезе албасын дүйнөлүк лидерлерге эскертти. Украин лидери глобалдашкан дүйнөдө "башка бирөөнүн согушу" деген мамиле жарабай турганына токтолду: - Ар бир адам өзүнүн гана эмес, бүтүндөй дүйнөнүн тагдыры үчүн жооптуу, - деди Зеленский. Ал 24-сентябрдагы биринчи кайрылуусунда Украинанын аймактык бүтүндүгүн калыбына келтирүү негизги максаты экенин билдирген. Читать дальше...

Ош базарынын батыш тарабындагы «Берекет универсал» дүң жана чекене базарынын соодагерлери Бишкек мэриясынын алдына нааразылык акциясына чыгышты. Алар базарга электр энергиясын берип, базарды мэриянын карамагына өткөрүп алууну талап кылышты. Соодагерлерди Бишкек шаарынын мэри Азиз Суракматов кабыл алды. Алар буга чейин да нааразылык акциясын уюштуруп, базардын жабылышына жана анын ордуна соода борборун курууга каршылык билдиришкен.

Орусиянын президенти Владимир Путин Венесуэланын мамлекет башчысы Николас Мадуро менен Москвада жолугушту. Мадуро Москвага 24-сентябрда келген. Путин жолугушуу учурунда Орусия Венесуэлага 4 млрд. доллар инвестиция кылганын айтты. "Интерфакс" агенттиги орусиялык аскер адистери Венесуэланын борбору Каракаска келишкенин жазды. Ага ылайык, адистер Венесуэлага берилген аскердик техникаларды иштетүү жана оңдоо үчүн келишкен. Аталган агенттик Орусия Венесуэлага 600 миң тоннага чейин буудай берүүнү көздөп жатканын жазды. Читать дальше...

Ал Кандагарда президент Ашраф Ганинин эл менен жолугушуусу учурундагы жанкечтинин жардыруусунан жараат алган. Hewad TV 25-сентябрда Абдул Хамид Хотаки ооруканада жан бергенин маалымдады. "Абдул Хамид Хотаки быйыл Ооганстанда өлтүрүлгөн жетинчи журналист болуп калды" деп жазды Ооган журналисттеринин борбору. Кандагардагы жардырууга Ички иштер министрлиги талибдерди күнөөлөп жатат. Бирок азырынча эч ким жоопкерчилик ала элек. Жардыруулар Ооганстанда 28-сентябрга белгиленген президенттик шайлоонун алдында күч алды. Читать дальше...

Өкүлдөр палатасы АКШ президенти Дональд Трампка импичмент жарыялоо жараянын баштай турганын билдиришти.

Москва облусунун Балашиха шаарында эки өзбекстандык оор жарат алып, реанимацияга түштү. Полиция кызматкерлери күтүүсүздөн алардын батирине кирип келип, акча доолап эки саат сабашкан. Өкүлдөр палатасы АКШ президенти Дональд Трампка импичмент жарыялоо жараянын баштай турганын билдирди. Британияда оппозиция премьер- министр Борис Жонсондун кызматтан кетүүсүн талап кылууда.

Орусиядагы Илимдер академиясынын элүүдөн ашык кызматкери бийликти репрессивдүү саясатты токтотууга чакырды.

Эртең 26-сентябрда, Кыргызстандын ар тарабынан топтолгон 57 айыл өкмөттүн өкүлдөрү Бишкекке чогулуп, өздөрүнүн аймагында ишке ашырган өнүгүүнүн эң мыкты тажрыйбаларынын бет ачарын өткөрөт. Бул сыяктуу жолугушуу биринде жок практиканы экинчи бир айыл өкмөткө жайылтууга шарт түзгөн эң мыкты тажрыйба алмашуу болуп берет. Бул тууралуу USAIDдин “Ийгиликтүү аймак” долбоорунун коммуникация боюнча менеджери Жылдыз Ниязалиева маалымдады. Форумдун катышуучулары жергиликтүү өз алдынча башкаруу органдарынын ишин күчөтүү... Читать дальше...

Тизменин сап башында мурдагыдай эле уюмдун орточо оор салмактагы (93 кг) чемпиону, америкалык белгилүү мушкер Жон Жонс турат.

Алар буга Федералдык коопсуздук кызматынын коркутууларынан улам, аргасыз барганын айтышууда. Тарапкерлердин бири Виктор Егоровдун "Азаттыкка" билдиргени боюнча, 24-сентябрь күнү Москвага 5000 чакырым аралыкта бакшынын тарапкерлери орноткон лагерге күч кызматкерлери келип, активисттерди кармап кетишкен. "Путинди бийликтен кетирүү" максаты менен Якутиядан жөө-жалаң Москвага чыккан бакшы Александр Габышев 19-сентябрда күч кызматкерлери тарабынан кармалып, Бурятияда кармалган. Ага карата "экстремизмге чакыруу" боюнча кылмыш иши козголгон. Читать дальше...

АКШдан келген режиссер жана продюсер Юджиния Чанг Кыргызстандагы ала качуу, кыздардын укуктары, үй-бүлө мүчөлөрүнүн мамилеси, бири-бирин колдоосу тууралуу эки сааттык тасма тартты.

Ливиянын “Аль-Табави конгресси” партиясынын жетекчиси Иса Абдуль Мажид шейшемби күнү Женевада адам укуктары боюнча Жогорку Кеңештин уктуруусунда Бириккен Араб Эмираты Ливиядагы бөлүнүп-жарылуу жана согушту жаратуу үчүн 74 млн. доллардан ашык каражат сарптаганын билдирди.

Орусия президенти Владимир Путин Кытайга жана НАТОго мүчө бардык өлкөлөрдүн лидерлерине кат жолдоп, Европада жана башка аймактарда кыска жана орто аралыктагы ракеталарды жайгаштырууга мораторий киргизүүгө чакырды.

Айыл чарба, тамак-аш өнөр жай жана мелиорация министринин орун басары Жаныбек Керималиев өлкө боюнча жалпы 10 млн. гектар жер бар экенин билдирди. Керималиев парламентте депутаттардын суроолоруна жооп берип жатып малдын саны көбөйүп кеткендиктен жайыт пайдалануу маселеси курч экенин белгиледи. Ал малдын санын эмес, сапатын жогорулатуу зарылдыгын айтууда.  Улуттук статистика комитетинин маалыматына ылайык, 2016-жылы Кыргызстанда 1,5 миллион бодо мал катталган. Кой-эчкинин саны 6 миллионго жеткен... Читать дальше...

Парламентте дин туттуу жана диний уюмдарды каттоого байланыштуу мыйзам долбоору каралып жаткан учурда депутат Кожобек Рыспаев Дин иштери боюнча мамлекеттик комиссиянын жетекчисинин орун басары Замир Чотаевга мектептеги хижаб маселеси боюнча суроо салды. Чотаев светтик мамлекет болгондуктан мектепте хижаб кийип келүүгө тыюу салынганын билдирди. Бирок, Кожобеков Дин иштери боюнча мамлекеттик комиссия бул маселе боюнча коомчулукка түшүндүрүү иштерин жүргүзүү керек экенин сунуштады.  Ошондой эле... Читать дальше...

Өзбекстанда журналист Махмуд Ражаб менен кошо анын 20дай тууганы камакка алынды. Алардын арасында кичинекей балдар, төрт айлык наристе да бар.

Премьер-министр Мухаммедкалый Абылгазиев Евразия Экономикалык Биримдиги - дүйнөлүк экономикада маанилүү роль ойногон мамлекеттер аралык өзгөчө орган экенин айтты. Ал бул тууралуу «Евразия жумалыгы» IV форумдун ачылышында билдиргенин өкмөттүн басма сөз кызматы кабарлады. Өкмөт башчы форумда андан тышкары биримдиктин алкагында Кыргызстандын ишкерлери кабылып жаткан кыйынчылыктарды атады: - Жакшы жактары менен катар эле, баарыңар иш жүзүндө билген ЕАЭБдин маселелерине токтолгум келет. Биз бул маселелерди чечүүгө өзгөчө көңүл бурушубуз керек. Читать дальше...

Өкүлдөр Палатасы АКШнын президенти Дональд Трампка импичмент жарыялоо жараянын баштай турганын билдирди. Дональд Трампка импичмент жарыялоо жараяны башталганын Өкүлдөр палатасынын спикери Нэнси Пелоси 24-сентябрда жарыялады:  - Бул жумада президент өзүнө саясий упай алып келе турган иш-аракетти жасоону өтүнгөнүн мойнуна алды. Президент Трамптын кадамы - өзүнүн антына чыккынчылык, улуттук коопсуздукка чыккынчылык жана биздин шайлообузга чыккынчылык кылганын айгинелеп турган уят көрүнүш. Ошондуктан... Читать дальше...

Дин иштери боюнча мамлекеттик комиссиянын жетекчисинин орун басары Замир Чотаев парламент жыйынында депутаттардын суроолоруна жооп берип жатып, мечит курууга чектөө киргизүү маселеси көтөрүлгөнүн айтты:  - Бул суроо боюнча Коопсуздук кеңешинин катчылыгы диний жайлардын курулушун иретке келтирүүнү жана чектөө киргизүүнү сунуш кылган. Эгерде көп болуп жатса, аймакта жашагандардын санына карап чек коюу айтылган. Бирок бул маселе чечиле элек.  Чотаев өлкө боюнча 2 669 мечит каттоодон өткөнүн маалымдады. Читать дальше...

«Эйр Манас» авиакомпаниясынын Бишкек-Ош-Бишкек багыты боюнча 25-сентябрдагы беш каттамы токтотулду. Бул тууралуу авиакомпаниянын Ош шаарындагы өкүлү Урмат Абдуразаков билдирди. Анын маалыматына караганда, эртең менен бир каттам жргүзүлүп, калганы токтотулган.  -Учагыбыз Ошко келип конуп, бирок техникалык себептерден улам кайра уча албай калды. Бузулуп калды. Азыр техниктерибиз оңдоп жатышат. Ошондуктан бүгүнкү каттамдар толугу менен токтотулду, - деди ал.  2018-жылдын аягындагы расмий маалыматка ылайык, Кыргызстанда 36 учак бар. Читать дальше...