Новости за 03.09.2019

Ош базарындагы “Берекет универсал” соода борборундагы соодагерлер нааразылык акциясына чыгышты. Алар бул аймактын ордуна жаңы комплекс салуу үчүн базарды бошотуу талабына ынабай турушат. Акцияга чыккан 200дөн ашык соодагер “Берекет” жабык акционердик коомуна бир топ дооматтарды коюшту. Ал эми “Берекеттин” жетекчилиги аны четке кагууда.

Башкы прокуратура «7-апрель шейиттери» мечити камакка коюлбаганын маалымдады. Андан алынган маалыматка караганда, учурда мечиттин ишмердүүлүгүнө эч кандай тоскоолдук болгон жок. Башкы көзөмөл органы мурдагы президент Алмазбек Атамбаев бул мечитти кайсы каражатка салганы гана текшерилип жатканын белгилейт.  Коррупцияга байланыштуу мурдагы президентке карата козголгон кылмыш иштерин тергөө учурунда №7 кичирайондо жайгашкан бул мечитти Атамбаев салганы аныкталган. Мечиттин аянты бир гектар. Ал участок «Форум» фирмасына караштуу болгон. Читать дальше...

Бир нече күн мурун «Азаттыктын» өзбек кызматы Сохту Өзбекстан менен байланыштырган жолдун ачылыш аземинен видео тасма жарыялаган. Анда жолдун ачылышы боюнча салтанаттуу иш-чара уюштурулуп, кыргызстандык жарандар катышканын көрүүгө болот.

Казакстандын Нур-Султан, Актөбө жана Чымкент шаарларында Жаңы-Өзөн шаарынын тургундарынан талабына тилектештик билдирген митингдер өттү. Жаңы-өзөндүктөр эки күндөн бери казак-кытай өкмөттөрүнүн айыл чарба жана өнөр жай багытындагы 55 биргелешкен ишкана ачуу боюнча макулдашуусуна каршылык билдирип жатышат. Алар президент Касым-Жомарт Токаевди эмдиги аптадагы Кытайдагы иш сапарынан баш тартууга чакырышууда.  Нааразылыкка чыккандар ишканаларды кытай тарап эмес, жергиликтүү компаниялар курушу керек. Читать дальше...

Бесланда Орусиянын cоңку тарыхындагы эң кандуу теракттын 15 жылдыгын эскерип жатышат. Казак президенти Касым Жомарт-Токаевдин элге кайрылуусун айрым активисттер популизм деп баалашты. Брно шаарындагы оорукананын дарыгерлери энесинин мээси өлгөндөн кийин төрөлгөн ымыркай жөнүндө айтып беришти.

Төкмөлүк өнөрдүн чыгармачылык сапаты, өсүү жолундагы жагдайларга талдоо.

Кыргызстандын аймагындагы Сох анклавын Өзбекстандын негизги аймагы менен байланыштырган Сох-Риштан жолу ачыла элек. Учурда анклавдагы Тул айылы менен чектеш жердеги көпүрө эки тараптан тең жабык турат. Чек арага "Азаттыктын" кабарчысы барып келди.

Бишкек шаарынын мэриясына таандык сегиз батирди сатып жиберген деп шек саналган мэриянын мурдагы кызматкери Эрик Ашыралиев изделүүдө. Ал «батирлерди сатуу боюнча аукцион өткөрүлүп жатат» деп жарандардан 305 миң доллар алып качып кеткени кабарланды.

«Сары-Чат - Ээр-Таш» мамлекеттик коругунун аймагында чалгындоо жүргүзүлгөн эмес жана жүргүзүлбөйт. Бул тууралуу «Азаттыкка» өкмөттүн маалыматтык камсыздоо бөлүмүнүн башчысы Чынгыз Эсенгул уулу билдирди. Ал «мамлекеттик корукка кирген 16 миң гектар жер аянты «Кумтөр» долбооруна кен казыш үчүн кайрадан кайтарылып берилди» деген маалымат туура эмес экенин айтты: - Коруктун аймагында чалгындоо жүргүзүлгөн эмес жана жүргүзүлбөйт. Сөз болуп жаткан 16 миң гектар жер «Сары-Чат - Ээр-Таш» коругуна кирбейт. Читать дальше...

4-сентябрда түнкүсүн тоолуу райондордо кар жаашы мүмкүн. Дыйканчылык аймактарда жаан-чачын болбойт. Күндүз Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын кээ бир райондорунда жамгыр жаап, күн күркүрөйт. Тоолуу райондордо кар жаашы ыктымал. Батыштан соккон шамалдын ылдамдыгы секундасына 4-9 метрге, кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 11…16, күндүз 20…25; Таласта түнкүсүн 6…11, күндүз 19…24; Ош... Читать дальше...

26-августта жарыгы өчүрүлгөн Ат-Башыдагы кирпич заводдун электр энергиясы 30-августа кайра кошулду. Бул тууралуу Ат-Башы райондук электр тармактар ишканасынын жетекчисинин орун басары Замирбек Жакыпов билдирди. Анын айтымында, завод электр энергиясына болгон июль айындагы карызы төлөнбөгөндүктөн өчүрүлгөн. Ошондой эле заводдогу электр энергиясын эсептөөчү аппарат туура эмес иштеп жатканы аныкталган. - Мамлекеттик стандарт эсептегичтин бир фазасы иштебей атканын аныктаган корутунду чыгарып берди. Читать дальше...

«Кыргызалтын» мамлекеттик ишканасынын башкармалыгынын төрагасы Алмаз Алимбеков "Азаттыктын" "Ыңгайсыз суроолор" телекөрсөтүүсүндө суроолорго жооп берип жатып, 2009-жылдагы "Центерра" менен болгон келишимдин шарттарын аткаруу үчүн 16 миң гектар жер тилкеси кайра кайтарылып берилгенин ырастаган. Анткени "Кумтөр" алтын кен долбоорун иликтеген Мамлекеттик комиссиянын корутундусунун негизинде Жогорку Кеңеш 2012-жылы 27-июнда кабыл алган токтомдо 2009-жылдагы келишимге ылайык, 2010-жылы 25-мартта "Кумтөргө"... Читать дальше...

Украинада Жогорку Рада 3-сентябрда Конституцияга өзгөртүү киргизүү тууралуу мыйзам кабыл алды. Документте парламент депутаттарынын кол тийбестигин чектөө, тактап айтканда Баш мыйзамдагы «Жогорку Раданын макулдугу жок депутаттарды кармап-камаганга, кылмыш жоопкерчилигине тартууга болбойт» деген беренени алып салуу каралган. Бул мыйзам долбоорду парламенттин мурдагы чакырылышына ошол кездеги президент Петро Порошенко жөнөткөн. Өлкөнүн Конституциялык соту былтыр июнь айында «мыйзам долбоору... Читать дальше...

«Коопсуз шаар» долбоорунун экинчи этабы боюнча тендердин расмий жыйынтыгы чыга элек. Бул тууралуу «Азаттыкка» Маалымат технологиялары жана байланыш боюнча мамлекеттик комитеттин басма сөз катчысы Тимур Алхожоев кабарлады. Анын айтымында, тендердик комиссия учурда документтерди изилдеп жатат. - Мыйзам боюнча мөөнөт көрсөтүлгөн эмес. Муну комиссия өзү аныктайт, - деди Тимур Алхожоев. 23-августта «Коопсуз шаар» долбоорунун экинчи этабы боюнча тендердин жыйынтыгы мамлекеттик сатып алуу сайтында жарыяланды. Читать дальше...

«Күлкү кербендин» кезектеги чыгарылышы ар кыл булактардан топтолгон абитуриенттик азилдерге арналды.

Ленин райондук прокуратурасы Бишкекте эки киши катуу сабалган мушташ боюнча милиция кызматкерлерине кылмыш ишин козгоду. Бул маалыматты «Азаттыкка» Башкы прокуратуранын басма сөз кызматы ырастады. Маалыматка караганда, Бишкектин Ахунбаев менен Курчатов көчөлөрүнүн кесилишинде жайгашкан супермаркеттин жанындагы мушташка катышып, эки кишини катуу сабагандарды окуя болгон жерден милиция алып кеткен. Алар аймактык милиция бөлүмүнө жеткирилип, кайра коё берилген. Кийин аларга издөө жарыяланган. Милиция... Читать дальше...

Ташкент шаарынын тургуну милиция аны мажбурлап сакалын алдырганын айтып чыкты, күч органы мындай айыптоону четке кагууда. Тажикстанда мурдагы мечиттин ордуна ачылган тигүү цехинин ээси карактоого кабылганын билдирди. "Фейсбук", "Инстаграм" эмес, токой романтикасын тандаган казакстандык жаш корукчунун кыялы. Жүз жылдык күрөш – бир кылым ичинде ооган кыз-келиндеринин абалы кандай өзгөрдү?

2-сентябрда Москва шаарында Иран менен Орусиянын тышкы иштер министрлери жолугушуу өткөрүштү.

Түндүк Осетиянын Беслан шаарындагы мектепте барымтага алынгандарды бошотуу операциясы 3-сентябрда болгон. Жүздөгөн курмандыкка алып келген бул операциянын жүрүшү боюнча суроолор азыр да көп.

Орусиянын Москва шаарындагы Пресненск райондук соту 3-сентябрда блогер Владислав Синицаны беш жылга эркинен ажыратуу тууралуу өкүм чыгарды. Ага ылайык, Синица «күч органдарынын кызматкерлеринин балдарына зомбулук көрсөтүүгө чакырган» деп табылды. Соттун өкүмүндө «Владислав Синица анын «Твиттерде» жазгандарын көп адам окуй турганын жана өзүнүн аракеттери мыйзамсыз болгонун алдын-ала билген» деп жазылган. Тергөө комитети 30 жаштагы Владислав Синицага өткөн айда кылмыш ишин козгоп, камакка алган. Читать дальше...

Өзбекстан Салык кодексин өзгөртүп, өлкөдө интернет-кызмат көрсөткөн ири технологиялык компанияларга салык салганы жатат. Эгер документ кабыл алынса «Google», «Яндекс», «Alibaba» жана «Netflix» өңдүү компаниялар кошумча акча төлөй баштайт. Мамлекеттик порталга жайгаштырылган мыйзам долбоорунда «интернет-компаниялар эмдиги жылдын башынан тартып салык органдарына катталышы керек жана ай сайын отчет тапшырып турушу зарыл» деп жазылган. Орусия 2017-жылы чет өлкөлүк интернет-компанияларга салык салган. Читать дальше...

Индия океанында Иран-орусия аскердик машыгуулары өтөт.

Орусиянын Москва шаарында 2-сентябрда Куранды орусчалаган жалгыз котормочу Валерия (Иман) Порохова 79 жаш курагында көз жумду. Анын зыйнаты 4-сентябрда Москванын Тынчтык проспектисиндеги мечитте өтөт.  Ал 1975-жылы сириялык жаранга турмушка чыккан жана алты жылдан кийин Москвадан Дамаскка көчүп кеткен. Порохова ислам динине өтүп, кошумча Иман деген ысым алган.  Ал Куранды 1991-жылы толук которуп бүткөн. Анын котормосундагы Куран көп нускада 12 ирет басылып чыккан.

Кыргызстандын аймагындагы Сох анклавын Өзбекстан менен байланыштырган Сох-Риштан жолу ачыла элек. Бул тууралуу «Азаттыктын» аймактагы кабарчысы жеринен кабарлады. Учурда анклавдагы Тул айылы менен чектеш жердеги көпүрө эки тараптан тең жабык турат. Кабарчыбыздын айтымында, жол автоунаа жана жөө жүргүнчүлөр үчүн да жабык. Чек арачылар комментарий беришкен жок.  Буга чейин «Азаттыктын» өзбек кызматы Сохту Өзбекстан менен байланыштырган жолдун ачылыш аземинен видео тасма жарыялаган. Анда жолдун ачылышы боюнча салтанаттуу иш-чара уюштурулуп... Читать дальше...

Гонконг администрациясынын башчысы Керри Лам бир канча айдан бери токтобой жаткан нааразылык акцияларынан улам «кызматтан мөөнөтүнөн мурда кетүүгө аракет кылган» деген маалыматты жокко чыгарды. Ал 3-сентябрда бул маселени талкуулоо «оюна да келбегенин» айтты. Мунун алдында «Reuters» маалымат агенттиги «расмий эмес жабык жыйындардын биринде Лам эгер мүмкүнчүлүгү болгондо кызматтан эбак эле кетип калмак болгонун сөз кылды» деп билдирген жана анын үнү жазылган деген аудио да жарыяланып кеткен. Гонконгдо... Читать дальше...