Новости за 07.09.2019

Аралаш мушташ боюнча UFC 242 турнири Абу-Даби шаарында өттү.

Харуки Мураками “дүйнөдөгү көзү тирүү улуу жазуучулардын бири”. Бул Британиянын мыкты делген басылмаларынын бири - “The Guardian” гезитинин аныктамасы.

Өкмөттүн Баткен облусундагы ыйгарым укуктуу өкүлү Акрам Мадумаров баштаган делегация Тажикстандын Согди облусунда болуп кайтканын 7-сентябрда облустук акимчиликтин маалымат кызматы “Азаттык” радиосуна билдирди. Маалыматта айтылгандай, Баткен облусунан барган топ кошуна өлкөнүн Эгемендик майрамынын урматына уюштурулган салтанатка катышты. Иш-чарада Мадумаров менен Согди облусунун аткаруу бийлигинин төрагасы Раджоббой Ахмадзода эки тараптуу кызматташуу, кошуналык мамилелерди чыңдоо жаатында сүйлөштү. Читать дальше...

Каныбек Ботобаев Жер ресурстары боюнча мамлекеттик агенттигинин директору болуп дайындалды. Тиешелүү буйрукка премьер-министр Мухаммедкалый Абылгазиев кол койду. Буга чейин Ботобаев өкмөт аппаратынын жетекчисинин биринчи орун басары – өкмөттүн чек ара маселеси боюнча атайын өкүлү болуп иштеп келген. Ал бул кызматка ушул жылдын 22-апрелинде дайындалган. 1-августтан тарта Жер ресурстары боюнча жаңы мамлекеттик агенттик түзүлгөн. Өкмөт ресурстарды натыйжалуу пайдалануу максатында ушундай чечим чыкканын билдирген. Читать дальше...

Москва менен Киев өз өлкөлөрүндө соттолгон, кармалып турган орусиялык жана украиналык туткундарды алмашты. Орусиянын түрмөсүнөн бошотулган моряктарды, кинорежиссер Олег Сенцов жана башка туткундарды Киевдин "Борисполь" аэропортунан украин президенти Владимир Зеленский тосуп алды. Ал журналисттердин суроосуна жооп берип, туткундарды бошотуу боюнча жумушчу топ бир ай бою иш алып барганын белгиледи. Туткундарды бошотуу боюнча биринчи этап ишке ашканын белгиледи. Кийинки этап Минск келишиминин негизинде ишке аша турганын айтты. Читать дальше...

Орусиялык түрмөдөн бошотулган украиналык туткундар түшкөн учак Киевдеги "Борисполь" эл аралык аба майданына конду. Аларды Украинанын президенти Владимир Зеленский жана туткундардын туугандары тосуп алды. Бошотулган туткундардын арасында украиналык режиссер Олег Сенцов дагы бар.

Терезелери караңгылатылган эки автобус полициянын коштоосунда Москвадагы түрмөдөн чыгып кетип жатышат. Буга чейин Киев менен Москва туткундарды алмашууну макулдашкан.

Орусиянын жана Украинанын бийликтери туткундарды алмаша баштады.

Комуз күнүн утурлай 500 комузчу Алымбек Датка этнографиялык комплексинде “Маш ботой” күүсүн чертишти. Бул тууралуу Ош шаардык мэриясынын басма сөз кызматы кабарлады. Флешмобго музыкалык окуу жайларда окуган студенттер, музыканттар, шаардагы театр жана филармониянын кызматкерлери катышты. Мамлекет башчы Сооронбай Жээнбеков кол койгон жарлыкка ылайык, 9-сентябрь Кыргызстанда Комуз күнү деп белгиленген. (КЕ)

7–8-август күндөрү мурдагы президент Алмазбек Атамбаевди кармоо үчүн ал жашаган Кой-Таш айылындагы үйүнө УКМКнын атайын даярдыктагы “Альфа” тобу жана ИИМ тарабынан жасалган атайын операция, каза болгон подполковник Үсөнбек Ниязбеков тууралуу ар кандай сөздөр айтылууда.

Кыргызстандын аймагында 8-сентябрда түнкүсүн жаан-чачын жаабайт, күндүз тоолуу райондордо жаан-чачын жаашы мүмкүн. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 8…13, күндүз 20…25; Таласта түнкүсүн 4…9, күндүз 19…24; Ош, Жалал-Абад, Баткен аймактарында түнкүсүн 11…16, күндүз 24…29; Ысык-Көл дубанында түнкүсүн 5…10, күндүз 18…23; Нарында түнкүсүн 3…8, күндүз 18…23; Бийик тоолуу райондордо түнкүсүн -4…+1, күндүз 7…12 градус болот. Читать дальше...

Шүкүрбек Бейшеналиев калемин көбүнесе ири эпикалык жанрларда сынаган сүрөткер.

Орусиянын жана Украинанын бийликтери туткундарды алмаша баштады. Болжол менен эки тараптан тең соттолгондор Москванын Внукова аэропортуна жана Киевдеги Борисполь аба майданына алынып келинди. Алмашуу “35ке 35” схемасы менен болот деп күтүлүүдө. Орусия мурда айтылгандай “террорчулукка” байланыштуу айыпталып, 20 жыл абакка кесилген режиссёр Олег Сенцовду бошотушу керек. Киев "РИА Новостинин” Украинадагы бөлүмүнүн башкы редактору Кирилл Вышинскийди Москвага өткөрүп берет. Аба майданда аны менен... Читать дальше...

Киевдеги «Борисполь» аэропортунан Украина Орусия менен алмашып жаткан учак учуп кетти. Бул тууралуу аэропортто жүргөн Крым.Реалиинин кабарчысы кабарлады. Маалыматты Киев аэропортунда жүргөн Украинанын Коопсуздук кызматынын басма сөз катчысы Елена Гитлянская билдирди. «Орусиялыктардын баары учуп кетти», – деп айтты ал журналисттерге. Ушул эле маалда орусиялык ЖМКлар Москванын «Внуково-2» аэропортунан туткундар түшкөн учак Киевди көздөй учканын маалымдашты.

Ички иштер министрлигинин Тергөө кызматы мурдагы президент Алмазбек Атамбаевге байланыштуу сотко чейинки тергөө аяктаганын адвокаттар Сергей Слесарев менен Замир Жоошевге 30-августта эле маалымат берген. Бул тууралуу ИИМдин басма сөз кызматы кабарлады. Маалыматка караганда, 2-3-сентябрда адвокаттар ар кайсы шылтоону айтып, кылмыш иштин материалдары менен таанышуу үчүн келишкен эмес. “4-сентябрда Атамбаев жана анын жактоочусу тергөө бүткөнү тууралуу документке кол коюудан баш тартты. Ушул эле... Читать дальше...

Багам аралдарында катуу шамалдын кесепетинен өлгөн адамдардын саны 43кө жетти. Буга чейин алардын саны 30дай экени айтылып жаткан. Би-Би-Синин маалыматында куюндан кийин аман калган жүздөгөн адамдар салыштырмалуу коопсуз жерлерге кетүүгө аргасыз болууда. Миңдеген тургундар эвакуацияны күтүп турушат. NBC телеканалы премьер-министрдин өкүлү Эрика Веллс Кокска шилтеме кылып, көптөгөн адамдардын дайыны чыкпай жатканын жана куюндун курмандыктары мындан да көп болушу ыктымалдыгын кабарлады. "Кызыл чырым" уюмунун маалыматына караганда... Читать дальше...

Футболчу келинчеги менен түшкөн сүрөтүн Instagram баракчасына жарыялады.

Бишкекте автоинспекторду сүзүп, качып кеткен айдоочу кармалды. Бул тууралуу Бишкек милициясы “Азаттыкка” кабарлады. Маалыматка караганда, 6-сентябрда “Mazda 626” машинасынын айдоочусу ИИМдин Жол кыймылынын коопсуздугун камсыздоо башкармалыгынын кенже инспекторун, милициянын старшинасын укпай жол эрежесин бузуу менен машинасын айдап кеткен. Бул факт Кылмыштардын жана жоруктардын бирдиктүү реестрине Кылмыш-жазы кодексинин 266-беренсинин (“Бейбаштык”) негизинде катталып, сотко чейинки тергөө иштери башталды. Читать дальше...

Индиянын тышкы иштер министри эки өлкөнүн ортосундагы талаш-тартыштарды чечүү үчүн Дели Пакистан менен сүйлөшүүгө даяр экенин билдирди.

Кытай Ирандын газ жана мунай өндүрүшүнө 280 млрд. доллардык инвестициясы тууралуу билдирди.

Бишкектеги Курчатов көчөсүндө жайгашкан толук бүтө элек үйдүн 4-кабатынан 16 жаштагы өспүрүм кулап түштү. Бул маалыматты Бишкек милициясынын басма сөз кызматы “Азаттыкка” ырастады. Өспүрүм баланын бийиктен кулашынын себептери айтылган жок. Факт Кылмыштардын жана жоруктардын бирдиктүү реестрине катталып, тергөө-териштирүү иштери жүрүп жатат. Дарыгерлердин айтымында, 6-сентябрда кулаган баланын мээси чайкалган. Мээсине кан куюлуп, баш сөөгү сынышы ыктымалдыгын айтышкан. Учурда ал жандандыруу бөлүмүндө дарыланууда. Читать дальше...

Индиянын космостук изилдөөлөр уюму (ISRO) "Chandrayaan-2" станциясы менен байланыш үзүлгөнүн кабарлады. Байланыш Жерден эки чакырым 100 метр аралыкта үзүлгөн. Станциянын Айга конушу уюмдун YouTube каналында түз көрсөтүлүп жаткан. Ракета космоско "Chandrayaan-2" станциясын алып чыгып, Айдын түштүк тарабына конушу керек эле. Бул аппарат Айдын бетинде суунун изи бар-жогун изилдемек. Жабдык Айга конуу үчүн оптималдуу жерди тандашы керек болчу. Сигнал жоголгонго чейинки маалыматтар аппарат оптималдуу траекториядан жылып кеткенин көрсөткөн. Читать дальше...

Кыргызстанда айдоочулук күбөлүк даярдоого тендер жыйынтыгы создугууда.

Иран парламентинин тышкы саясат жана улуттук коопсуздук комиссиясынын мүчөсү Али Реза Рахими “Америка 98 ядролук реакторго ээ болуп туруп, бир гана реактору бар Ирандын ядролук өлкө болуусуна каршы чыгууда”,- деп өзүнүн Твиттердеги баракчасына жазды.

АКШ сенаторлору Сербия менен Косовонун бийлигине кайрылып, өз ара мамилени жакшыртуу үчүн диалогду калыбына келтирүүгө чакырды. Бул тууралуу демократ Крис Мёрфи жана республикачыл Род Жонсон 6-сентябрда Белградда Сербиянын президенти Александр Вучич менен сүйлөшкөндөн кийин билдиришти. Вучич жолугушууда Сербиянын товарларына 100% тарифти алып салуу шартын атаган. Мурда Сербиянын провинциясы болгон Косово 2008-жылы өзүн эгемен мамлекет деп жарыялаган. Анын өз алдынчалыгын дүйнөнүн 110дон ашык өлкөсү тааныган. Читать дальше...