Новости за 01.09.2019

Талип согушкерлери эки күндүн ичинде Ооганстандын эки шаарына чабуул коюшту. 1-сентябрда жоочулар Баглан чөлкөмүнүн борбору Пули Хумридеги бир нече жайды ээлеп алышты.

Йемендеги козголоңчуларга каршы күрөшкөн Саудия баштаган коалиция Дхамар шаарына урган соккулар түрмөгө тийип, 100дөн көп киши өлдү. Бул тууралуу Эл аралык Кызыл Чырым комитети билдирди. Комитеттин маалыматы боюнча бери дегенде 40 киши аман калды, алар ооруканаларга жеткирилди. Кызыл Чырым комитетинин Йемендеги делегация башчысы Франц Раухенштайн 1-сентябрда окуя болгон жерге барып кетти. Анын айтымында, уранды алдындагы сөөктөр толугу менен алынып чыга элек. Иранга ыктаган хуси козголоңчулары... Читать дальше...

Флорида штатына жакындап келаткан «Дориан» ураганы күчтөнүүдө. Шамалдын ылдамдыгы эпицентрде саатына 260 километрге жетти. Бул тууралуу америкалык метеорологдор маалымдашууда. Ушу тапта ураган Багам аралдарына жакындап калды. Абако аралынын жашоочуларына атайын жайларга жашынууга же жээктен алыс болууга кеңеш берилди. Флориданын чыгыш жээгине ураган болжолу менен дүйшөмбү же шейшемби күнү жетет. Айрым прогноздор шамал түндүк тарапка багыт алып, Жоржиа жана Түштүк Каролина штаттары да жабыркашы мүмкүн экенин көргөзүүдө. Читать дальше...

Сауд Арабия баштаган Йемендеги аскердик коалиция баш калаа Санаанын түштүк ыптасында хуси согушкерлерине каршы абадан сокку урушканын 1-сентябрда билдирди. Козголоңчулар Дхамар шаарындагы түрмөгө урулган соккудан кеминде 60 киши набыт болгонун билдиришти. Кызыл Чырым Эл аралык комитетинин Йемендеги делегация башчысы Франц Раухенштайн “мындай кабарларды олуттуу кабыл алышаарын” айтып, кырдаал менен таанышуу үчүн Дхамарга аттанды. Саудия баштаган коалиция хусилердин дрондору менен ракеталары сакталган жайларга сокку урушканын... Читать дальше...

Спортчу Кытайга UFC уюмунун чемпиондук наамын биринчи жолу алып келди.

Түндүк Осетиянын Беслан шаарындагы мектепте 1 миң 128 кишинин барымтага алган окуядан бери 15 жыл өттү. Жылдагыдай жекшембиде шаарда эскерүү иш-чаралары өттү. Мемориалга айландырылган мектептин урап калган спортзалынын жанына курман болгондордун жакындары, барымтадан куткарылгандар чогулушту. 2004-жылдын 1-сентябрында чечен согушкерлери Бесландагы Биринчи мектепте Билим күнүнө арналган линейкага чогулган балдарды, ата-энелерди, мугалимдерди барымтага алышкан.Террорчулар орусиялык аскерлерди Чеченстандан чыгарууну талап кылышкан. Читать дальше...

Германиянын президенти Франк-Валтер Штайнмайер тарыхтагы эң кандуу жаңжал үчүн Польшадан кечирим сурады. Президент жекшембиде 1939-жылдын 1-сентябрында нацисттер тарабынан биринчи болуп аткыланган жана бомбаланган Велюнь шаарында Экинчи дүйнөлүк согуштун башталганынын 80 жылдыгына арналган эскерүү иш-чарасына катышты. “Германиялык тираниянын курмандыгы болгон поляктарга таазим этем жана кечирим сурайм”, -деди Штайнмайер немис жана поляк тилдеринде сүйлөп. Аземге катышкан Польшанын мамлекет башчысы... Читать дальше...

Мындан 80 жыл илгери нацисттер эгемен Польшага басып киргенде Экинчи дүйнөлүк согуштун оту алооонгон. Ага сталинчилердин канчалык тиешеси бар?

Каныбек Иманалиев окурман журтуна көп кырдуу талант катары таанымал.

Өткөн ишембиде Гонконгдун полициясы митингчилерге каршы суу атуучу курал колдонуп, желим ок атты. Шаардык жетекчиликтин тыюу салганына карабай түмөндөгөн демонстранттар жүрүш жасашты. ВВС бир нече активисттер камалганын маалымдады. Акциянын катышуучулары шаардын борборунда күч түзүмдөрүнүн кызматкерлерине Молотов кошулмасы менен каршылык көрсөтүп жатышты. CNN полиция аларга каршы көздөн жаш агызуучу граната колдонгонун кабарлады. Акциянын бир нече катышуучусу кармалды. Күч түзүмдөрү шаардын администрациясын курчап... Читать дальше...

Ала-Арча эс алуу жайындагы 31-августта тутанган өрт толук өчүрүлдү. Бул тууралуу Өзгөчө кырдаалдар министрлиги кабарлады. Тоонун боорундагы жана чокусундагы бадал менен куураган чөптөн башталган өрт 30 гектарга жакын аянтты каптаган. Өрт 1-сентябрда саат 13:03тө толук өчүрүлдү. Учурда ал жерде 10 куткаруучу нөөмөттө калды.    Буга чейин милиция кырсыктын себептери аныкталып жатканын билдирген. Бул факт Кылмыштар менен жоруктардын бирдиктүү реестрине катталып, 287-берене («Токойго зыян келтирүү») менен сотко чейинки өндүрүшкө алынды. Читать дальше...

Дүйнөлүк басма сөзгө баяндама (26-август - 2-сентябрь, 2019-жыл).

Караганда облусундагы Темир-Тоо шаарына жакын жердеги дача аймагында 29-августта чоң өрт чыккан. Баштапкы маалымат боюнча тилсиз жоодон 700дөн ашык ээсиз дача өрттөнүп кеткен. Андан сырткары өрт 20дай киши жашап жаткан үйлөрдү каптаган. Кырсыктан улгайып калган эки аял жабыркаган.   Өрттүн себептери, анын жалпы чыгымы азырынча аныктала элек. Бирок бул дача аймагында ширетүү иштери жүрүп жатканы кабарланды. Ошондой эле өрттөнүп кеткен мүлк үчүн кенемте төлөнүп берилери белгисиз. (TSh)

Ишемби күнү АКШ Сириянын түндүгүндөгү «Аль-Каида» террористтик тобу турган аймакка сокку урду. АКШнын Куралдуу күчтөрү сокку «америкалык жарандарга, биздин өнөктөштөргө жана тынч элге чабуул коюп, коркунуч туудурган «Аль-Каиданын» жетекчилигине каршы багытталган» деп билдирди. Маалыматта кандай куралдан сокку урулганы айтылган жок. Баш кеңсеси Британияда жайгашкан, адам укуктарына мониторинг кылган Сириядагы борбор бул чабуулдан кыркка жакын адам өлгөнүн, анын ичинде «Аль-Каида» тобунун лидерлери бар экенин ырастады. Читать дальше...

Кыргызстандын футбол боюнча курама командасы 2022-жылы Катарда өтө турган футбол боюнча дүйнө чемпионатына тандоо оюндарынын 2-баскычына даярдыгын баштады. Бул тууралуу кыргыз курама командасынын башкы машыктыруучусу Александр Крестинин бүгүн, 1-сентябрда Бишкекте өткөн басма сөз жыйынында билдирди.  Башкы машыктыруучу курама командага жалпысынан 23 оюнчуну чакырган. Окуу-машыгуу иштери бүгүн, 1-сентябрда башталат. - Биздин максат - биринчи эле тандоо оюндарында Азия Кубогуна өтүү, 12 мыкты команданын катарына кирүү. Читать дальше...

31-августтагы эгемендик майрамынан кийин Бишкекте 16 тонна таштанды тазаланды. «Тазалык» ишканасы анын 10 тоннасын Ала-Тоо аянтынан чыгарды. Бул тууралуу Бишкектин мэриясы кабарлады. Ала-Тоо аянтында майрамдоо учурунда 60тай бала жоголуп, аларды милиция кызматкерлери таап беришкен. Мыйзам бузуу катталган жок. Шаардын муниципалдык кызматтары түн ортосуна чейин иштешти. 31-августта Кыргызстан эгемендик алганынын 28 жылдыгын белгиледи. Ага байланыштуу Ала-Тоо аянтында шаардыктар үчүн майрам уюштурулган. Читать дальше...

Мусулмандардын дүйнө цивилизациясына кошкон салымы жана ислам дүйнөсүндөгү илимий ачылыштардын солгундап кеткени жөнүндө көп сөз кылса болот.

2-сентябрда түнкүсүн Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын кээ бир райондорунда жаан жаап, күн күркүрөп, тоолуу райондордо кар жаайт. Батыштан соккон шамалдын ылдамдыгы секундасына 4-9 метрден 15-20 метрге жетиши күтүлөт. Абанын температурасы: Чүй өрөөнүндө түнкүсүн 9…14, күндүз 21…26; Таласта түнкүсүн 5…10, күндүз 20…25; Ош, Жалал-Абад аймактарында түнкүсүн 11…16, күндүз 24…29; Баткенде түнкүсүн 11…16, күндүз 24…29; Ысык-Көл дубанында түнкүсүн 7…12... Читать дальше...

Ысык-Көлдү сүзүп өтмөкчү болуп дайынсыз кетип, сегиз сааттан кийин табылган Орус-кыргыз өнүктүрүү фондунун төрагасы Эркин Асрандиев «Фейсбук» баракчасы аркылуу коомчулукка ыраазычылык билдирди. Асрандиев жергиликтүү бийлик өкүлдөрүнө, куткаруучуларга ыкчам иштери үчүн рахмат айтып, баарын дүрбөлөңгө түшүрүп убара кылганы үчүн өзүн бир аз күнөөлүү сезип жатканын белгилеген. Ал өзү жана командасы баары жайында экенин айтып, өз окуясына кыскача токтолгон. «Мындай сүзүүгө жана коштоого тажрыйбасы бар эки коштоочу кайык... Читать дальше...

1-сентябрда Ысык-Көл облусунун бийлик өкүлдөрү «Ынтымак кербени» аттуу иш-чаранын алкагында келген Оштун делегациясы менен жыйын курушту. Анда өкмөттүн Ош облусундагы ыйгарым укуктуу өкүлүнүн орун басары Байыш Юсупов мындай жолугушуулар элдин биримдигин бекемдей турганын белгиледи. Оштун делагациясы Ысык-Көлгө 30-августта келген. Анын мүчөлөрү маданий комплекстерге барып, көлдүн жээгинде эс алышты. Аймактар арасындагы ажырымды токтотуу жана ынтымакты бекемдөө максатын көздөгөн «Ынтымак кербени»... Читать дальше...

Кыргызстандын президенти Сооронбай Жээнбеков Өзбекстандын мамлекет башчысы Шавкат Мирзиёевди жана өзбекстандыктарды бул өлкөнүн эгемендик күнү менен куттуктады. Бул тууралуу президенттин сайтында жазылды. Жээнбековдун куттуктоосунда «Өзбекстан аймакта жана эл аралык маселелерде таштаган чечкиндүү кадамдарынын натыйжасында дүйнөлүк аренада татыктуу орунду ээледи» деп жазылган. Шавкат Мирзиёев - эгемен Өзбекстандын экинчи президенти. Ислам Каримов 1989-жылы СССР мезгилинде Өзбекстан Коммунисттик партиясынын биринчи катчылыгына дайындалган. Читать дальше...

АКШнын Огайо штатындагы мекендештер жыл сайын 31-август - Кыргызстандын эгемендик күнүндө өтүүчү «Ынтымак» кубогунун 10 жылдыгын белгилешти.

«Күлкү кербенинин» кезектеги сатиралык жанытмасы.

Ооганстанда «моралдык кылмыш» же кыздык белгиси жок деген айып менен эркинен ажыратуу токтой элек. Чейрек кылымдай согуш баскан өлкөдө кыздардын кыздык белгисин текшерүү кадыресе көрүнүшкө айланган.

Узаган аптанын урунттуу окуяларына сереп (26-август - 1-сентябрь, 2019-жыл).