Новости за 06.09.2019

Мурдагы президент Алмазбек Атамбаевди колдогон Жогорку Кеңештин депутаты, КСДПнын мүчөсү Ирина Карамушкина анын иши «өзгөчө оор кылмыш» катары каралып жатканын «Фейсбуктагы» баракчасына жазды. Буга байланыштуу ал депутаттык кол тийбестигинен ажыратылып жатканын да билдирип, Башкы прокуратуранын аракеттерин сындаган. Карамушкина өзү Жогорку Кеңештин депутаты экенин, мыйзам боюнча анын кол тийбестигин алуу парламенттин макулдугу менен болушу керектигин белгилеген.  Ирина Карамушкина - 2007-жылдан бери Жогорку Кеңештин депутаты. Читать дальше...

Кытайдын Казакстандагы элчиси нааразылыктардын артында «кайсы бир күчтөр турат» деп билдирди. Казакстандын бир нече шаарында кытай заводдорунун курулушуна каршы нааразылык акциялары уланып жатат. Мындан 20 жыл мурда, 1999-жылдын сентябрында террорчулар Орусиянын бир нече шаарында, анын ичинде Москвада турак үйлөрдү жардырышкан. Франциянын батышындагы аралда Морис деген короз сотто жеңип алды. Бул ишти француз басма сөзү элет жергесинин эзелтен калган жашоо ыкмасы менен чоң шаарларда калыптанган баалуулуктардын күрөшү деп атады.

Премьер-министр Мухаммедкалый Абылгазиев билим берүү жана илим министри кызматына Каныбек Исаковдун талапкерлигин Жогорку Кеңештин кароосуна жөнөттү. Бул тууралуу өкмөт аппаратынын маалыматтык камсыздоо бөлүмү кабарлады.  Каныбек Исаков 2011-жылдан бери Ош мамлекеттик университетинин ректорунун кызматын аркалап келет. Мурдагы министр Гүлмира Кудайбердиева 4-сентябрда өзү берген арызынын негизинде кызматынан бошотулган. Ал бул кызматта 2016-жылдан бери эмгектенип келген. Кудайбердиева башкарып турган учурда басылып чыккан окуу китебиндеги... Читать дальше...

Төрт жыл мурун ири өлчөмдө пара алуу иши боюнча кармалып, 14 жылга кесилген, Башкы прокуратуранын Тергөө башкармалыгынын мурдагы башчысы Кылычбек Арпачиевдин жаза мөөнөтү жеңилдеп, жатак абагына которулду.

Орусиянын Ички иштер министрлиги Борбордук шайлоо комиссиясынын төрайымы Элла Памфилованы үйүндө чоочун адам сабап кеткенин билдирди. Маалыматка ылайык, кол салган адам аны электрошокер менен бир канча жолу башка чаап, качып кеткен. Окуя 6-сентябрга оогон түнү болгон. Ниети бузук адам Памфилованын үйүнө көчөгө караган терезесинен кирген. «Baza» басылмасы өзүнүн булактарына таянып кол салган адамдын электрошокери иштебей калганын жазды.  Бул окуяга байланыштуу «Кол салуу» беренеси менен кылмыш иши козголду. Читать дальше...

6-сентябрда Түркиянын борбору Анкарада түрк тилдүү мамлекеттердин өкүлдөрү катышкан маданий фестивалда Кыргызстандан келген өнөр адамдары да концерттик программасын тартуулашты. Бул жылы 19-жолу уюштурулуп жаткан фестивалга Кыргызстан, Казакстан, Өзбекстан жана Азербайжан сыяктуу түрк тилдүү өлкөлөрдүн өнөрпөздору катышууда.  Фестиваль «Түрктүн тою» деп аталып, конокторго ар бир өлкөнүн нукура маданиятын көрсөтүүнү максат кылат. Анкарадагы маданий иш-чара 8-сентябрга чейин уланат.  Эки өлкөнүн... Читать дальше...

Контейнер мектеп, катага толгон китеп, туура эмес жазылган аттестат менен дипломдор жана билим берүү министринин кызматтан кетиши - мындай кабар учурда кызуу талкууда. “Азаттык+” бул жолу жаштар менен билим берүүнү кантип оңдойбуз деген суроого жооп издеди.

«Сары-Чат - Ээр-Таш» мамлекеттик коругунун 4380 гектардан кем эмес жер аянты «Кумтөргө» кен казууга берилип кеткени аныкталды.

Бишкек шаарынын Ленин райондук сотунда, мурдагы мэрлер Кубанычбек Кулматов менен Албек Ибраимовдун иши боюнча бүгүнкүгө белгиленген отурум болгон жок. Бул тууралуу “Азаттыкка” алардын адвокаты Сергей Слесарев билдирди. Ал процессти жылдыруу боюнча соттун чечими аларга түшүнүксүз болгонун, келерки соттук кароо 9-сентябрь, дүйшөмбү күнгө белгиленгенин кошумчалады.   Кулматов «Бишкектин четиндеги Калыс-Ордо конушундагы мектепти курууга кеткен 2 миллион долларды пайдаланууда жемкорлукка барган» деп соттолуп жатат. Читать дальше...

Баш калаада эки кишини катуу сабады деген шек менен кармалган Жаныбек Бапышев менен Калысбек Сейитбеков ушул иш боюнча көрсөтмө берүүдөн баш тартышууда. Бул тууралуу Бишкек шаардык ички иштер башкы башкармалыгынын тергөө кызматынын башчысы Нурлан Утемисов билдирди. Ал ушул себептен улам кылмыштын мотиви белгисиз болуп жатканын кошумчалады. Утемисов ошондой эле мындай кадам шектүүлөрдүн укугу экенин, тергөөнүн жүрүшүндө адвокаттын катышуусу менен кийин кеңири көрсөтмө беришерине ишеним артарын айтты. Читать дальше...

Баш калаада эки кишини катуу сабады деген шек менен кармалган Жаныбек Бапышев менен Калысбек Сейитбеков иш боюнча көрсөтмө берүүдөн баш тартууда. Ал эми жабырлануучунлардын жакындары соттон адилеттүү чечим талап кылышууда. Учурда алар милициянын тергөө абагына киргизилди. Тергөө иштери жүрүп жатат.

Ош шаарынын мэриясы Маданият, маалымат жана туризм министрлигине каршы укук коргоо органдарына даттанарын эскертти. Бул тууралуу «Азаттыкка» мэриянын шаар куруу жана муниципалдык менчик бөлүмүнүн башчысы Алтынбек Пирматов билдирди. Шаар жетекчилигин нааразылыгына Ош шаарынын Навои көчөсүнүн тротуары казылган бойдон үч айдан бери бүтпөй жатканы себеп болгон. Ал жер аталган министрликке караштуу Оштогу Рыспай Абдыкадыров атындагы филармонияга жылуулук тартып кириш үчүн казылган. Мэрия билдиргендей... Читать дальше...

Өкмөттүн Нарын облусундагы мурдагы өкүлү Аманбай Кайыпов Өнөр жай, энергетика жана жер казынасын пайдалануу боюнча мамлекеттик комитеттин төрагасынын орун басары болуп дайындалды. Бул тууралуу өкмөт аппаратынын маалыматтык камсыздоо бөлүмү кабарлады. Тиешелүү буйрукка премьер-министр Мухаммедкалый Абылгазиев кол койду. Аталган кызматта иштеген Жыргалбек Сагынбаев берген арызына ылайык  бошотулган. 6-сентябрда Аманбай Кайыпов Нарын облусундагы ыйгарым укуктуу өкүлүнүн кызматынан алынган эле. Читать дальше...

Орусиянын энергетика министри: Орусия Ирандын мунай өндүрүшүнө көбүрөөк салым кошуу мүмкүнчүлүгүн караштырып жатат.

2022-жылы Катарда өтө турган дүйнө чемпионатына тандоо оюндарынын 2-баскычынын алгачкы беттешинде, Кыргызстандын курама командасы Тажикстанга 1:0 эсебинде утулду.

Кыргызгидромет борбору шашылыш билдирүү таратып, 9-сентябрда жана 10-сентябрда көпчүлүк аймактарда катуу жамгыр жаап, тоолуу райондордо кар түшөрүн эскертти. 11-12-сентябрда түнкүсүн Талас, Ысык-Көл, Нарын облустарынын дыйканчылык аймактарында, Чүй, Ош, Жалал-Абад, Баткен облустарынын тоо этектеринде абанын температурасы 0…-2°ка түшүп, үшүк жүрүшү ыктымал. Мындай туруксуз аба ырайы айыл чарба иштерине, жол каттамына, энергетикалык жана коммуналдык кызматтардын ишине түйшүк жаратып, жайыттарда малды багууну кыйынчылыкка учуратат. Читать дальше...

Иран ТИМнин басма сөз катчысы өз жетекчисинин Могериниге жазган каты боюнча маалымат берди.

Францияда узакка созулган териштирүүдөн кийин, Рошфор шаардык соту «Морис аттуу короздун таң кылайгандан тарта каалашынча кыйкырууга укугу бар» деген чечим чыгарды. Корозго байланыштуу анын кожоюнун кошунасы 2017-жылы сотко берген. Бул окуяны француз басылмалары «элет жергесинин эзелтен калган жашоо ыкмасы менен чоң шаарларда калыптанган баалуулуктардын күрөшү» деп да сыпатташкан.  Айрым жарандык активисттер короздун укугун талашып чыгышкан жана аны коргоого чакырган петицияга 140 миң адам кол койгон. Читать дальше...

Ирандын тышкы иштер министри Мухаммад Жавад Зариф Американын экономикалык террорчулугу карапайым элге багытталганын Твиттердеги баракчасына жазды.

Бишкек Жылуулук электр борборунда (ЖЭБ) бүгүн, 6-сентябрда авария болуп, мекеменин эки кызматкери жабыркады. Бул тууралуу жалпыга маалымдоо каражаттарына чыккан кабарды борбордун ЖЭБин караган «Электр станциялары» ишканасы ырастады. Мекеменин басма сөз кызматкери Тагжана Айдаралиева «Азаттыкка» билдиргендей, турбиналардын бири токтоп калган. Натыйжада электр адиси жеңил жараат алган. Ал жабырлануучулардын абалы канааттандырарлык экенин, турбина кайрадан иштей баштаганын кошумчалады. Кырсыктын себептерин атайын комиссия иликтейт. Читать дальше...

Багам аралдарында «Дориан» куюну салган кыйсыпыр-кымгуутта өлгөн адамдардын саны 30га жетти. Бул тууралуу өлкөнүн саламаттык сактоо министри Дюэйн Сэндс билдирди. Ал катуу шамалдын кесепетинен ажал тапкандардын саны «үрөй учурушу» мүмкүн экенин эскертти.  БУУнун баш катчысынын гуманитардык иштер боюнча орун басары Марк Лоукок Багам аралдарында кеминде 70 миңдей адам куткарууга, медициналык жардамга, коопсуз баш калкага жана тамак-ашка муктаж экенин маалымдаган.  «Дориан» 5-сентябрда Атлантика океанынын АКШдагы жээгине жетти. Читать дальше...

UFC тарыхындагы негизги беттеш 8-сентябрга караган түнү Бириккен Араб Эмирлигинин борбору Абу-Даби шаарында өтөт.

Кошмо Штаттардын прокуратурасы Италияда камакка алынган орусиялык «Ростех» мамлекеттик ишканасынын топ-менежери Александр Коршуновго коюлган айыпты ачыкка чыгарды. Ага ылайык, 57 жаштагы Коршунов америкалык авиациялык компанияга тиешелүү «интеллектуалдык менчикти жана патенттерди уурдады» деп айыпталып жатат.  Бул кылмыш ишинде анын шериги катары шек саналган, АКШнын «GE Aviation» компаниясынын Италиядагы бөлүмүнүн башчысы жана Кытай менен Орусиядагы бизнестери үчүн да жооптуу өкүлү Маурицио Бьянкиге дагы айып коюлду. Читать дальше...

Германиянын канцлери Ангела Меркел Кытайга үч күндүк сапары менен барды. Ал 6-сентябрда Кытайдын премьер-министри Ли Кэцян менен жолугушууда Гонконгдогу соңку кырдаалды да талкуулады. Меркел Кытай бийлигине Гонконгду Британиядан өткөрүп алып жаткандагы адам укуктарына байланышкан милдеттенмелерин эске салды. Ошондой эле жагдайды тынч жол менен жөнгө салып, калыс чечүүгө чакырды.  Меркел бүгүн Кытайдын лидери Си Цзиньпиң менен жолугат.  Гонконгдун бийлиги кылмышка шектүүлөрдү Кытайга экстрадициялоого... Читать дальше...

Сарманбет Кыдырбай уулунун өмүр жолу, ишмердиги Көл кылаасындагы даанышмандардын бири Кыдыр Аке менен байланышып кетет.