Новости за 23.01.2019

Москва соту тыңчылыкка шек саналып жаткан америкалык жаранды күрөөгө бошотуудан баш тартты. Шейшембидеги соттук жараяндан кийин анын адвокаты өз кардары айыптарды четке кагарын айтып, аны кимдир бирөөлөр атайылап тузакка түшүргөнүн ишара кылды.

Жогорку Кеңеш 1-январдан тарта күчүнө кирген жаңы кодекстер менен мыйзамдар боюнча өкмөттүн маалыматын угуп жатат. Эл өкүлү Үмбөталы Кадыралиев 5,5 миң айып кантип, эмненин негизинде эсептелгенине кызыкты.  -Айып пулдар боюнча коомчулук кыжырданып жатат. 5,5 миң сом кайдан алынды? Жашоо деңгээлин, айлык акыны баары билет. Мында эч кандай логика жок болуп жатат? Депутаттын бул суроосуна эксперттик топтун мүчөсү Тахмина Шералиева жооп берип, эсептик көрсөткүч 100 сом бойдон калганын, бирок айып... Читать дальше...

Нарын шаарында оор жүк ташуучу автоунаа турак үйдүн дубалын сүзүп, ичине чейин кирип кетти. Бул окуя кан жолдун жээгинде жайгашкан турак үйлөрдүн коопсуздугун жана камсыздандыруу маселесин көтөрдү. Кыш чилдеси күчүндө турганда үйүнүн жарымы кулап калган шаар тургуну ушул тапта кай жерге барып баш калкаларын билбей баш катып турган чагы.

Коомдук ишмер, саясатчы Азимбек Бекназаров президентке, өкмөткө жана Жогорку Кеңешке кайрылып, өлкөдө кыргыз тилинин абройун көтөрүүгө чакырды. Ал кайрылуунун көчүрмөсүн "Азаттыкка" 22-январда жөнөттү. Кайрылууда "мамлекеттик кызматка кирип жаткандардан кыргыз тилин билүү формалдуу эмес, милдеттүү түрдө талап кылынышы, көрнөк-жарнактар тартипке келтирилип, мамлекеттик тилди билбеген чиновниктерге айып пул салуу" маселеси жазылган.   Бекназаров мүчө коомдук-саясий жана мекенчил күчтөрдүн 15-январдагы курултайында бул маселе козголгон. Читать дальше...

Түркмөнстандын Дашогуз жана Балкан облустарында нөшөрлөгөн жаан карга айланып, жолдор жабылды. Электр өткөрүү линиялары иштен чыкты. Анын алдында Каспий деңизинде катуу шамал башталып, өлкө борборун карай бороон-чапкын келе жатканы тууралуу маалымат тараган. “Азаттыктын” түркмөн кызматы кабарлагандай, аба ырайынан катаал шартынан улам бир катар райондор электр жарыгысыз калды. Абанын температурасы 0 градустан төмөн болуп, үйлөрдү жылытууда көйгөй жаралганы айтылууда. Түркмөнстанда соңку жылдары... Читать дальше...

Ошентип КТРКнын жетекчилик ордуна каалоочулардан арыздарды кабыл алуу башталды. Азыркы директор Илим Карыпбековдун иш мөөнөтү аягына чыгып калганына байланыштуу Байкоочулар кеңеши бул орунга сынак жарыялаган.

Америка киноакадемиясы быйылкы "Оскар" сыйлыгына талапкерлердин тизмесин жарыялады.  "Жылдын эң мыкты тасмасы" багытында "Жашыл китеп", "Рома" , "Жылдыздын төрөлүшү", "Богем рапсодиясы", "Фаворитка", "Бийлик", "Кара кабылан" жана "Кара клан кишиси" фильмдери ат салышат.  "Эң мыкты чет элдик тасма" үчүн "Рома" (Мексика), "Кансыз согуш" (Польша), "Дүкөн тоногучтар" (Жапония), "Капернаум" (Ливан), "Автору жок эмгек" (Германия) тандалды.  "Эң мыкты режиссер" номинациясын Альфонсо Куарон ("Рома")... Читать дальше...

Казакстандын Алматы шаарында мурдагы депутат, “Кыргызстан” фракциясынын мүчөсү Дамирбек Асылбек уулу аралашканы кабарланган иш боюнча соттук териштүрүү уланууда.

Ушул жылдын 1-январдан тарта күчүнө кирген жаңы кодекстерди ишке киргизүү, даярдоого бюджеттен 300 млн. сом каралган. Бул тууралуу бүгүн, 23-январда вице-премьер-министр Жеңиш Разаков парламент жыйынында билдирди. Анын айтымында, 1-январдан тартып беш кодекс жана эки мыйзам ишке киргизилип, бөлүнгөн каражатка тийиштүү оргтехникалар менен жабдуулар сатылып алынып, кылмыштардын, жоруктардын, бузуулардын бирдиктүү реестрлери түзүлдү. Мындан сырткары кызматкерлер атайын окутуулардан өткөрүлгөн. Жогорку... Читать дальше...

АКШ аскерлери Ооганстанда 22-январда душмандын огунан бир америкалык жоокер набыт болгонун билдиришти. Окуянын чоо-жайы иликтенип жатат. Каза болгон жоокердин тек-жайы, кайсыл бөлүктө кызмат кылганы айтыла элек. Бул маалыматтар анын өлүмү тууралуу үй-бүлөсүнө кабарлангандан кийин гана жарыяланат.  Бир күн мурда, 21-январда «Талибандын» согушкерлери Ооганстандын Майдан Вардак провинциясынын борбору Майдан Шахр шаарындагы аскердик базага кол салган. Андан 65 адам көз жумганы маалымдалды. Баштапкы кабарларга ылайык... Читать дальше...

Өзбекстандын өкмөттүк делегациясы АКШга барып, эл аралык "Cotton Campaign" коалициясынын жыйынына катышат. Тышкы иштер министрлиги маалымдагандай, сапар 4-6-февралда болот. Эл аралык "Cotton Campaign" («Пахта кампаниясы») коалициясына эмгек жана укук коргоо уюмдары, инвесторлор, бизнес-уюмдар кирет. Ал 2010-жылы балдар эмгегинин колдонулганына байланыштуу өзбек пахтасына бойкот жарыялаган. Акцияны жүздөн ашык дүйнөлүк бренддер колдогон. Өзбек чиновниктери АКШга барганда "Nike", "Zara", "GAP"... Читать дальше...

Баткен облусунун прокурору Анарбай Мамажакыповду өлтүрүүгө шек саналып жаткан Мелис Калыковдун эжеси Дарика Калыкова сот отурумдарында айыпталуучу тараптын укуктары сакталбай жатканын айтып чыкты. Анын айтымында, 22-январда Баткен райондук соттук отурумуна шектүүнүн жактоочулары катышкан жок. Анткени, соттук отурум боюнча маалымдама кагаз Мелис Калыковдун жактоочусуна эрте берилген эмес. Мелис Калыковдун эжеси Дарика Калыкова соттордон мыйзамды сактоону талып кылып, жакында нааразылык акциясына чыга турганын кошумчалады. Читать дальше...

Казакстандын Актөбө облусунда жоолук салынгандыгына байланыштуу мектепке киргизилбей жаткан эки үй-бүлө окуучуларынын ата-энелерине айыппул салынды. Алардын балдары Актөбө шаарынын №8 жана №60 орто мектебинде окушат. Облустук билим берүү тармагын көзөмөлдөө департаментинин өкүлү Жанар Мухамбеталина ар бир ата-энеге 12 миң 625 теңге (30 доллар) айыппул салынганын маалымдады. Аймактык билим берүү башкармалыгынын билдирүүсүнө караганда, учурда облус аймагында “мектеп формасын бузгандыктан” сабакка катыша албай жаткан 10 бала бар. Читать дальше...

Кырсык 22-январда болжол менен саат 15:30 чамасында Чүй жана Жаш гвардия көчөлөрүнүн кесилишинде болгон. Алдын ала маалымат боюнча Бишкектеги маршруттук каттамдагы №7 автобус жөө кишилер өтө турган тилкеде бараткан 16 жаштагы кызды коюп кеткен. Учурда кыз ооруканада дарыланып жатат. Бул тууралуу Жол кыймылы коопсуздугун камсыздоо башкармалыгынан маалымдашты.  Автобустун айдоочусу 29 жаштагы жаран экени такталып, тиешелүү экспертизалар дайындалды. Тергөө амалдары жүрүп жатат. (TSh)

Вице-президент Майкл Пенс Венесуэладагы нааразылык акциясына чыккандарды колдой турганын айткан кайрылуусун жарыялады. Нааразычылык акциясы 23-январга белгиленген. Пенс АКШ президентинин атынан Вашингтон активисттерди колдой турганын билдирди. Вице-президенттин айтымында, Венесуэла эли эркиндикти коргоп жана азыркы президент Николас Мадуронун бийлигине каршы чыгып жатышат. Пенс Улуттук ассамблея - Каракаска карата Вашингтондун мамилесин белгиледи.б Венесуэладагы нааразылык акциясы аскерий топтордун... Читать дальше...

Бүгүн Москвада Орусиянын президенти Владимир Путин менен Жапониянын премьер-министри Синдзо Абэ жолугуп, Курил аралдары боюнча сүйлөшүүлөрдү өткөрүүдө.