Новости за 14.01.2019

Чеченстанда кумсаларга каршы өнөктүк кайра башталып, 40тай киши кармалды. Алардын ичинен эки адам жарыкчылык менен кош айтышты. Бул тууралуу Орусиянын ЛГБТ коомчулугу билдирип, жумуриятта гейлер менен лесбиянкаларга чабуулдун жаңы толкуну башталганын ырастады. Уюмдун маалыматына караганда, декабрдын этегинен бери кеминде 40тай аял-эркек мыйзамсыз кармалса, алардын экөө кыйноодон улам каза тапкан. Сексуалдык азчылыктардын өкүлдөрүн укук коргоо органдарынын кызматкерлери кармап, алардын айрымдарын Аргундагы бейрасмий түрмөгө камашкан. Читать дальше...

Ооганстандын баш калаасы Кабулда чет элдик өкүлчүлүктөр жайгашкан жерде катуу жарылуу болуп, кеминде төрт киши көз жумду, дагы 40тай киши жаракат алды.        Ички иштер министрлигинин басма сөз катчысы Нажиб Даниш жардыруу чет элдик уюмдар жайгашкан "Жашыл кыштак" деген райондо болгонун билдирди. Чабуулду эч бир топ дароо мойнуна алган жок.  Саламаттыкты сактоо министрлигинин өкүлү Вахид Майор "Твиттер" баракчасына "40тан ашуун киши жарадар болду" деп жазды. Ал жарылуу болгон маалда Улуттар Уюмунун кызматкерлери иш ордунда жүргөнүн... Читать дальше...

Дүйшөмбүдө Польшанын Гданск шаарынын мэри, бир күн мурда соопчулук иш-чарасы маалында бычак жеп жарадар болгон Павел Адамович көз жумду. Полиция шектүү катары жакында абактан бошогон 27 жаштагы жергиликтүү тургунду кармады.

АКШнын мамлекеттик катчысы Майк Помпео киши колдуу болгон журналист Жамал Хашогжинин өлүмүн иликтөөдө ага тиешеси барлар "жоопкерчиликке тартыларын" баса белгиледи. Помпео Эр-Риядда туруп, Сауд Аравиянын бийлиги Жамал Хашогжинин өлүмүнө тиешеси барларды жоопкерчиликке тартуу "милдеттемесин бышыктаганын" айтты.   Мамлекеттик катчы кошумчалагандай, падышалык бийлик жана иш жүзүндө өлкөнү башкарып жаткан ханзаада Мухаммед бин Салман "жооптууларды табууга макул". Ал ошондой эле Вашингтон Эр-Рияддан... Читать дальше...

Айтматовдун “Ак кеме” повестиндеги Момун чалдын чыныгы турмуштагы үйү кароосуз калып, урай баштады. Берлинде дары-дармектерди тескеген ири компанияда иштеген кыргызстандык Назгүл Жаманкулованын таржымалы. Таэквондо аркылуу дүйнөнү багынткысы келген эне ким? Бишкектеги Ош базарындагы жол бойлоп соода кылгандар менен күрөш.

Бишкектен эт алып бараткан учак Иранда кырсыктады. Бортундагы 16 адамдын бирөө гана аман калганы кабарланууда. Скопье менен Афинынын ортосунда Македониянын аталышы боюнча жаралган талаш-тартыш уланып жатат.

Польшанын түндүгүндөгү 570 миңдей тургун жашаган Гданск шаарынын мэри Павел Адамовичти белгисиз эркек киши 13-январдын кечинде эл чогулган жерде “курч нерсе” менен сайган. Мэрге ооруканада беш саат операция жасалган. Гданск медициналык институтунун дарыгерлери “бейтаптын абалын өтө оор” деп баалашкан. Окуяны иликтей баштаган Гданск полициясынын басма сөз катчысы Карина Каминская ​"эң башкысы кол салган киши мэрдин жанына кантип жеткенин териштирүү маанилүү" экенине токтолду. Полициянын маалыматына караганда... Читать дальше...

14-январда "Оштогу "Мухаммед-Умар" спорт клубунун мүчөлөрүнөн жабыркадык" деген ишкерлердин иши Жогорку сотто каралып, айыпкерлердин адвокаты алмашканына байланыштуу сот 23-январга жылдырылды.

Өткөн жумада Ош шаарында эки жашар баланы сабап өлтүрдү деген шек менен анын тууганынын аялы кармалып, эки айга тергөө абагына камалды.

АКШ аскерлерин чыгара турганын билдиргенден бери Сириядагы күрт кошуундары Вашингтон менен Анкараны кайым айтыштырууда.

Скопье менен Афинынын ортосунда Македониянын аталышы боюнча жаралган талаш-тартыш уланып жатат. Жума күнү македон парламенти өз өлкөсүнүн аталышын "Түндүк Македония" деп өзгөртүүгө макул болду.

Кадыр Токтогулов Кыргызстандын АКШдагы жана Канададагы атайын жана ыйгарым укуктуу элчисинин кызматынан бошотулду. Тийиштүү жарлыкка мамлекет башчы Сооронбай Жээнбеков кол койгону президенттин расмий сайтына 14-январда жарыяланды.  Экс-президент Алмазбек Атамбаевдин басма сөз катчысы болуп иштеген Кадыр Токтогулов Кыргызстандын АКШдагы элчиси болуп 2014-жылдын 31-декабрында дайындалган. 2016-жылдын 24-февралынан тартып Кыргызстандын Канададагы элчисинин кызматын да кошо аткара баштаган.  Өткөн жумада Орусияга... Читать дальше...

12-январда эртең менен Бишкектен учуп чыккан жүк ташуучу учак Ирандын баш калаасы Тегерандын чет-жакасында кырсыктап, борттогу 16 адамдын көбү мерт болду. Иран тарап бул учак Кыргызстандан эт ташып баратканын маалымдады. Кыргызстандан эт ташып бараткан "Боинг-707" учагы дүйшөмбүнүн таңында Тегерандын чыгышындагы Караж шаарчасынын "Фатх" аэропортуна конууга аргасыз болгон.

Кыргызстандын Тышкы иштер министрлиги (ТИМ) 14-январдан тартып чет элдеги журтташтар үчүн мессенжер-канал иштете баштады. Мекеменин маалымат департаменти билдиргендей, мекендештер суроо-талаптарын "WhatsApp", "Telegram", "WeChat" жана "Viber" аркылуу жөнөтүп, кеп-кеңеш алса болот. Номуру - +996 551 312-000. Билдирүүлөр текст, үн, фото жана видео түрүндө кабыл алынат.  "Күнү-түнү иштеген бул канал чет жактагы жарандарыбыздын кызыкчылыгы үчүн жана алардын укуктарын коргоо максатында ачылды" деп айтылат маалыматта. Читать дальше...

Кылмыш иши козголуп, иши тергөөдө каралып жаткан Сопубек Сариевдин Сузак райондук билим берүү бөлүмүнө дайындалышы бир катар адистердин нааразылыгына себеп болду. Бул тууралуу “Азаттыкка” коомдук ишмер Жылдызбек Турганов билдирди. - Сариев буга чейин бир да жолу мектепте окуу бөлүмүнүн башчысы же директор болуп иштеген эмес. Жергиликтүү өз алдынча башкаруу тармагында жана өкмөттүк эмес уюмдарда гана иштеген. Билим берүү тармагына тиешеси жок адам жетекчи болуп жатат. Райондук сотто жана ички иштер... Читать дальше...

АКШнын мамлекеттик катчысы Майк Помпео Сауд Арабиясынын падышасы жана анын мураскор уулу менен жолукту. Помпео ханзаада Мухаммад бин Салман менен 45 мүнөт бетме-бет сүйлөшүп, Йемендеги чатакты жөнгө салуунун зарылдыгын талкуулаган. Буга чейин Помпео журналист Жамал Хашогжинин өлүмү кандай иликтенип жатканын да сурарын билдирген. Азырынча ал тууралуу эмне кеп болгону белгисиз. Хашогжи (Хашогги) былтыр октябрда Түркиядагы Саудиянын башкы консулдугунда өлтүрүлгөн. Бул үчүн Батыш өлкөлөрү падышанын бийлигин айыпташкан. Читать дальше...

Өзбекстандын президенти Шавкат Мирзиёев өлкөнүн куралдуу күчтөрүн түзүлгөн күнү менен куттуктады. Куттуктоонун тексти президенттин басма сөз кызматынын сайтына жарыяланды. Мамлекет башчынын куттуктоосунда куралдуу күчтөр келечекте кесипкөй, интеллектуалдык жана психологиялык тажрыйбасы бар аскерлерге муктаж экени белгиленет. “2019-жылы аскер кызматкерлерине жеңилдетилген насыя менен 116 көп кабаттуу турак жай салынат. 700дөн ашуун аскерлердин балдарына жогорку окуу жайларында билим алууга мамлекеттик... Читать дальше...

Оштун Ноокат районунун Гүлистан айыл аймагынын 40 жаштагы тургунунан карыз доолап келгендер аны арматура менен сабап, бутка атып кетишти. Окуя 14-январда түш ченде болгонун облустук ички иштер башкармалыгынын басма сөз катчысы Жеңиш Аширбаев билдирди.  Маалыматка караганда, 22-23 жаштагы үч адам жабырлануучуну "Honda CRV" үлгүсүндөгү машинеде ээн талаага алып барып, арматура менен сабап, бутка атып таштап кетишкен. Кылмыштын изи сууй электе ошол эле райондун 22-23 жаштагы тургундары кармалып, алар айдаган машине текшерилген. Читать дальше...

Никол Пашиняндын саясий альянсы парламенттик шайлоодо ишенимдүү жеңишке жетишкен соң ал Армениянын премьер-министринин кызматына кайра дайындалды. Президент Армен Саркисян тиешелүү жарлыкка дүйшөмбүдө 132 орундуу парламенттин биринчи жыйыны өткөн күнү кол койду. Былтыр 9-декабрда мөөнөтүнөн мурда өткөн парламенттик шайлоодо премьер-министр Пашиняндын "Менин кадамым" блогуна шайлоочулардын 70,42% добуш берген. Натыйжада парламентте "Менин кадамым" 88 мандат алды. Ишкер Гагик Царукяндын "Гүлдөгөн Армения" партиясы 26 мандатка... Читать дальше...

Президент Сооронбай Жээнбеков 14-январда Жогорку Кеңештин төрагасы Дастанбек Жумабеков жана парламенттеги фракциялардын лидерлери менен жолугушту. Президенттик аппараттын басма сөз кызматы билдиргендей, мамлекет башчы 2019-жылды Аймактарды өнүктүрүү жана өлкөнү санариптештирүү деп жарыялоо жөнүндөгү чечим, 2018-2040-жылдары Кыргызстанды өнүктүрүүнүн улуттук стратегиясы, 2018-2020-жылдарга карата шайлоо мыйзамдарын өркүндөтүүнүн стратегиясы тууралуу сүйлөшүп, Жогорку Кеңешти алардын багыттарын ишке ашырууга кызуу киришүүгө чакырды. Читать дальше...

20 000 жыл сайын Сахара чөлүндө жана Түндүк Африкада нымдуу аба ырайы кургакчылыкка орун берет. Бул Батыш Африканын деңиз түптөрүндө соңку 240 миң жылда топтолгон чаңдын изин жана торий изотобунун концентрациясын талдаганда билинген.

Иранда кулап түшкөн жүк ташуучу "Boeing 707" учагына Кыргызстандагы "Наведитс" ишканасынан алынган 30 тонна кой эти жүктөлгөн болчу. Аталган ишкана Иранга ушул көлөмдөгү этти экспорт кылыш үчүн быйыл 11-январда Мамлекеттик ветеринария жана фитосанитария коопсуздугу боюнча инспекциядан уруксат алган.  Кыргызстан Иранга 2017-жылдан бери эт экспорттойт. Аны "Наведитс" ишканасы аткарат. Мамлекеттик ветеринария жана фитосанитария коопсуздугу боюнча инспекциядан алынган маалыматка караганда 2017-жылы 146 тонна, 2018-жылы 786 тонна жөнөтүлгөн. Читать дальше...

Американын Utah штатынын  Salt Lake City шаарынын мэриясы базарда адамдарга куралдуу кол салуу болгонун билдирди.

Польшанын басма сөз агенттиги билдиргендей, 570 миңдей тургун жашаган Гданск шаарынын мэри Павел Адамовичти белгисиз эркек киши 13-январдын кечинде эл чогулган жерде “курч нерсе” менен сайган.  “Бейиштин нуру” деп аталган кайрымдуулук иш-чарасы жыйынтыкталып жатканда 53 жаштагы мэр турган секиге чуркап чыккан киши ага кол салган. Шектүү ошол жерде кармалган.     Адамовичке ооруканада беш саат операция жасалган. Гданск медициналык институтунун дарыгери Томас Стефанияк “бейтаптын абалы оор экенин” билдирди. Читать дальше...

Сириянын тышкы иштер министринин орун басары Айман Сусан өлкөнүн Сириядагы кризисти токтотуу үчүн жасалып жаткан эл аралык аракеттерди дайыма колдоп келерин баса белгилөө менен, Дамаск БУУнун жаңы өкүлү Гей Пидерсон менен кызматташууга даяр экенинин билдирди.