Новости за 23.01.2019

Жогорку Кеңештеги “Бир Бол” фракциясынын мүчөсү, депутат Исхак Пирматов автоунаалардын айнегин караңгылатуунун акысын 500 долларга баалап, аны мыйзамдаштырууну сунуш кылды. Эл өкүлү мындан бюджетке кошумча каражат түшө турганын кошумчалады. - Биз өткөн чакырылышта өзгөчө комбинациядагы номерлерди аукцион аркылуу алуу боюнча мыйзам кабыл алып бердик эле, - деди ал. - Ошондон канчалаган миллион сом түшүп жатпайбы. Азыр айнекти караңгылатканды 500 доллар кылып койбойсуздарбы. Жок дегенде 1 млн. машиненин 10% пайдаланат да, 4-5 млрд. Читать дальше...

Жогорку Кеңеш быйылтан тарта күчүнө кирген кодекстерди кабыл алууда кемчиликтерге жол берилгенин моюнга алды. Бул тууралуу парламенттин 23-январдагы жыйынында аталган мыйзамдардагы өксүктөрдү талкуулоо маалында айтылды.

Казакстандан өзбек жарандарын салып баратып, Орусиянын Саратов облусунда кырсыкка кабылган автобустун айдоочусу жети жылга эркинен ажыратылышы мүмкүн. Былтыр 17-ноябрда  Саратов облусунда киши салган автобус жүк ташыган поезд менен кагылышып, беш өзбек жараны көз жумган. Айдоочу менен анын жардамчысы – казак жарандары оор абалда ооруканага жеткирилген.     Полиция 61 жаштагы автобустун айдоочусуна “жол эрежесин бузуп, эки же андан көп адамдын өлүмүнө жеткирген” деген кине коюп, кылмыш ишин козгогон. Читать дальше...

АКШнын Ооганстанда тынчтык сүйлөшүүлөрүн жүргүзүү боюнча чабарманы Залмай Халилзад ушул аптада Катарда “Талибан” кыймылынын өкүлдөрү менен жолугарын Вашингтон ырастады. Мамлекеттик департамент 22-январда Доха шаарында Халилзад “Талибандын" өкүлдөрү менен кездешкенин билдирди. Тышкы иштер мекемесинин басма сөз катчысынын айтымында, эки күндөн бери өтүп жаткан сүйлөшүүлөргө Кошмо Штаттардын “мекеме аралык тобу” да катышып жатат.  “Талибан” кыймылынын басма сөз катчысы Забиулла Мужахиддин “Ооган... Читать дальше...

“Журналисттик иликтөөлөр фонду” чакан грант үчүн кезектеги сынак жарыялады. "Сорос-Кыргызстан" фондунун колдоосунда ишке ашып жаткан "Кыргызстанда журналисттик иликтөөнү өнүктүрүү" долбоорунун алкагындагы бул сынакта "шаарларды өнүктүрүү", "тоо-кен байлыктары", "инфраструктуралык долбоорлордогу коррупция" багытында иликтөө жүргүзгүсү келгендерге артыкчылык берилет.  Арыз бергендердин арасынан комиссиянын тандоосунан өткөндөргө грант берилет. Сынакка журналисттер, медиа уюмдар, фрилансерлер, жарандык активисттер... Читать дальше...

Бул ыр эмес, балдарга сөз үйрөтүү үчүн оюн ыкмасына салынып жасалган атайын тил сөздүк. Муну бала бакчалардын тарбиячылары, мектеп мугалимдери, кыргыз-орус тилдерине арналып өткөрүлчү ар кандай иш-чаралардын уюштуруучулары өздөрүнө колдонмо катары пайдаланса болот деген ойдобуз.

Мамлекеттик циркте эмгектенген 30дан ашуун артист, труппа жетекчилери иштен кетүү боюнча арыз жазды. Бул тууралуу “Азаттыкка” цирктеги “Жаш Кыргызстан” труппасынын жетекчиси Данияр Бөлөкбаев кабарлады. Анын айтымында, арыз менен бирге артисттер эл аралык мелдештерде, ар кандай сынактарда утуп келген кубокторун, грамоталарын маданият, маалымат жана туризм министри Азамат Жаманкуловго тапшырганы жатышат. - Министр "үч күн ичинде жетекчи дайындалат" деп убада берген. Бүгүн үчүнчү күн болуп жатат. Кеч кирип баратат... Читать дальше...

Орусиянын президенти Владимир Путин менен Түркиянын президенти Режеп Тайып Эрдоган 23-январда Москвада кездешет. Анкара билдиргендей, эки лидер Сириянын түндүгүндөгү “коопсуздук тилкелерине” көңүл бурушат. Эрдоган менен Путиндин жолугушуусун утурлай Кремл тараткан билдирүүдө президенттер “Сириядагы кырдаалды жөнгө салуу жана ошондой эле эки өлкө ортосундагы соода-экономикалык, маданий жана гуманитардык кызматташтык маселелерин талкуулай турганы” айтылат. Сирияда жарандык согуш башталганына мартта сегиз жыл толот. Читать дальше...

Асылбек Исмаилов жумшак юморго ширелген мыкты аңгемелердин, ойчул поэзиянын чебери эле. Театр күйөрмандарына анын пьесалары жакчу.

Иран өткөн жылы Өзбекстандан 115 млн. 500 миң долларга 57 миң 900 тонна пахта буласын сатып алган.

"Даңк" медалынын ээси, геолог Аскер Турдукулов 83 жашында оорудан улам дүйнөдөн кайтты. Улуттук илимдер академиясы кабарлагандай, 21-январда көз жумган окумуштуунун сөөгү 23-январда жерге берилди.  Геология-минералогия илимдеринин доктору, жүздөн ашуун илимий эмгектин автору негизинен сейсмология жаатында изилдөөлөрдү жүргүзүп, сейсмикалык кооптуу аймактарды аныктоого салым кошкон. 1994-жылдан 2005-жылга чейин Сейсмикалык институтту башкарган.  Маркум Бишкек, Кара-Балта, Талас, Нарын, Жалал-Абад... Читать дальше...

Иордания өкмөтү Сирия менен дипломатиялык мамилелерин кеңейтти жана Дамасктагы элчилиги өз ишин кайрадан баштады.

Ушул тапта өлкө боюнча эки жүз миңден ашык баланын ата-энеси Орусияга жумуш издеп кеткени айтылып келет. Адатта мигрант балдарын кароо түйшүгү чоң эне, чоң атага же таене менен таятасына жүктөлөт. 60 жаштагы Запар Кайназарова да 12 жаштагы жээн небересин багат. Секелектин апасы алыста.

Орусиянын президенти Владимир Путиндин Кыргызстанда өтө турган мамлекеттик сапары март айына белгиленди. Бул тууралуу президенттик аппараттын тышкы саясат бөлүмүнүн башчысы Данияр Сыдыков билдирди. Анын айтымында, орус лидерин кыргыз-орус мамилелерин жана стратегиялык өнөктөштүктү илгерилетүү, достукту бекемдөө менен катар экономикалык долбоорлорду алга жылдыруу максатында Кыргызстандын президенти Сооронбай Жээнбеков чакырган. Маалыматка караганда, мамлекеттик визиттин алкагында бир катар иш-чаралар болжолдонгон. Читать дальше...

Израилдин Офер абагында жаткан 1200дөн ашуун палестиналык жарандар израилдик күчтөрдүн абактагы туткундарга кол салгандыгына нааразычылык билдиришип, ачкачылык жарыялашты.

Конгресстин Эл өкүлдөр палатасы АКШнын НАТОдон чыгып кетишине бөгөт койгон мыйзам долбоорун кабыл алды. Долбоорго Конгресстин демократтар көпчүлүктү түзгөн төмөнкү палатасынын 357 мүчөсү колдоп добуш берди. 22 республикачы каршы чыкты. Документ эми Сенаттын кароосуна жиберилди. Конгресстин жогорку палатасын республикачылар көзөмөлдөшөт. Добуш берүүнүн алдында өткөн басма сөз жыйынында демократ мыйзам чыгаруучулар президент АКШнын НАТОдогу мүчөлүгүн токтотуу боюнча Трамптын планына тынчсызданып турганын билдиришкен. Читать дальше...

Расмий маалыматтарга таянсак, Бишкекте күнүнө 400 тоннага жакын таштанды чогулат. Алар шаардан 11,5 км узактыкта жайгашкан полигонго төгүлөт. 48 жылдан бери таштандыга толгон полигонду алмаштыруу маселеси соңку жылдары көп көтөрүлө баштады.

Жаңы кодекстерди тез арада кабыл алуу боюнча президенттик администрациядан тапшырма түшкөн. Бул тууралуу бүгүн, 23-январда парламент жыйынында жаңы кабыл алынып, 1-январдан тартып күчүнө кирген кодекстер менен мыйзамдарды талкуулаган учурда депутат Зиядин Жамалдинов билдирди. Ал “буга чейин да "президент айтты" деп эки-үч окууда дароо кабыл алган бир топ мыйзамдар” болгонун айтты. Эл өкүлү азыркы болуп жаткан кырдаалга депутаттар, өкмөт, жумушчу топ баш болуп баары күнөөлүү деп эсептейт. - "Президент... Читать дальше...

Кыргыз-казак чек арасына жакын мыйзам бузуу боюнча шек саналган адам жоокерлер аткан октон каза тапты. Кыргызстандын Мамлекеттик чек ара кызматы кабарлагандай, 23-январда Талас облусунун Манас районуна караштуу Жайылган аймагында кыргыз тараптан 15 чакты жылкыны айдап, Казакстанга мыйзамсыз өтүп бараткандар аныкталган.  Мекеменин басма сөз катчысы Гүлмира Бөрүбаева "Азаттыкка"  билдиргендей, ал жерге чек арачылар барып, мыйзам бузгандарды кармоого аракет кылганда шектүүлөр каршылык көрсөтүп, жоокерлерге бычак шилтешкен. Читать дальше...

Кыргызстан менен Бириккен Араб Эмирлигинин (БАЭ) беттешинде гол киргизген футболчу Турсунали Рустамовдун атасы Sputnik Кыргызстан маалымат агенттигине сезимдери менен бөлүштү.

Ушул жылдын алгачкы жыйырма күнүндө Жер ортолук деңизи аркылуу Европага мыйзамсыз жол тарткан 203 мигрант чөгүп кеткен.

Соттук-укуктук реформа жүргүзүүнүн алкагында каралган 13,6 млн. евро каражаттын кайда жана кандай жумшалганын текшерүү керек. Бул тууралуу бүгүн, 23-январда парламент жыйынында Жогорку Кеңештин депутаты Курманкул Зулушев айтып чыкты. Ал эми депутат Акылбек Жапаров бул каражаттын 3 млн. евросу калкка түшүндүрүү үчүн жалпыга маалымдоо каражаттарына жумшалганын, бирок жарандардын жаңы кодекстер тууралуу түшүнүгү жок болуп жатканын белгиледи. - Каражат натыйжасыз чыгымдалган, ошондуктан соттук-укуктук... Читать дальше...

Ирандын Систан жана Белужистан провинциясындагы Гаср-е Ганд шаарынын мурдагы губернатору Хомейра Риги Ирандын Брунейдеги жаңы элчиси болуп дайындалды.

24-январда түнкүсүн жаан-чачын болбойт, күндүз кээ бир райондордо кар жаашы мүмкүн. Жолдорго муз тоңот.  Чүй, Талас, Ош, Жалал-Абад, Баткен облустарынын айрым аймактарына туман түшөт. Батыштан соккон шамалдын ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн -3...-8, күндүз 1...6, Талас жергесинде түнкүсүн -5...-10, күндүз 0...5, Баткен, Жалал-Абад, Ош аймактарында түнкүсүн -2...-7, күндүз 2...7, Ысык-Көл дубанында түнкүсүн -6...-11, күндүз -2...+3, Нарын облусунда түнкүсүн -18...-23... Читать дальше...

Депутаттар 1-январдан тартып күчүнө кирген жаңы кодекстер тууралуу кабыл алынганга чейин эксперттердин кеңешин уккан эмес. Бул тууралуу бүгүн парламент жыйынында кодекстерди иштеп чыгуу боюнча эксперттик топтун мүчөсү Гүлмира Мааткеримова депутаттын суроосуна жооп берип жатып билдирди. Мунун алдында эл өкүлү Элвира Сурабалдиева жол эрежесин бузганы үчүн айып пулдар туура эмес эсептелип калганын, мунун айынан коррупцияга жол ачыла турганын айткан. - Эксперттик топтун мүчөлөрү, 6 млн. калкка түшүндүрүп койгулачы. Читать дальше...