Новости за 19.01.2020

Iедалшна критика еш болчу журналисташна а, блогершна хIума тоха еза (мочить) аьлла, кхайкхам бина Чувашин куьйгалхочо Игнатьев Михаила. Цу тайпа кхайкхам бина цо Чебоксары гIалахь зорбан де даздан гулбеллачу Iедалшна муьтIахь болчу журналисташна хьалха вистхуьлуш. Цунах лаьцна яздо «Медиазоно, "Правда ПФО" зорбан гIирсана тIе а тевжаш. Игнатьевс дицарехь, цхьаболчу журналисташа къинхьегамхочух цхьа а материал а ца язйина, амма яздо Европехь а, Америкехь а дика ду бохуш, Оьрсийчуьрчу Iедалшна критика а еш. Читать дальше...

Соьлж-ГIала ян луш ю Мохьаммад Iелин йоI Рашида. Цунах лаьцна Iела Рашидас хаам бина шен видеокхайкхамехь, яздо «Нохчийчоь тахана» агенталло. Цу видео тIехь боксан легендан йоIа баркалла боху республикан куьйгалхочунна Кадыров Рамзанна, Соьлж-ГIалахь проспектана шен ден цIе тилларна.   “Со а, сан доьзал а лаам болуш бу шу махка дахка, нохчийн къоман исторех а, йовхонах а марзо эца», - боху Рашидас шен видеокхайкхамехь. Шен аIор Кадыровс баркалла аьлла Iела Рашидана довха дешнаш аларна, ткъа иштта иза хьошалгIа кхайкхина Нохчийчу... Читать дальше...

UFC Президенто Уайт Данас хаам бина, Нурмагомедов Хьабиб UFC-н шина дивизионехь чемпион хиллачу Макгрегор Конорца летар ву аьлла. «Конор дика летира тахана, цкъа а цахиллачу кепара. Конор реванш ян лууш ву Хьабибца. Тахана латар хиллачул тIаьхьа Хьабибца реванш исторехь уггар йоккханиг хир ю», - элира Данас.     UFC 246 турнирехь тахана Макгрегора нокауте вахийтира Серроне Дональд хьалхарчу раундехь. Конор летира Хьабибца UFC 229 турнирехь 2018 шарахь ГIaдужу-баттахь. Нурмагомедов туьйлира 4-чу раундехь.

Оьрстйчоьнан президенто Путин Владимира Санкт-Петербургехь ШолгIачу дуьненан тIеман ветеранашна хьалха вистхуьлуш дIахьедар дина оьшуш дац, тоьхна хан а йоцуш, цхьа стаг пачхьалкхан куьйгалхо цу даржехь латторан кепана тIе юхадерза аьлла. Цунах лаьцна хаам бина Интерфаксо.   Цу тайпа комментарий йина Путина цхьана ветерано шега хаттар дича жоп луш. Цу стага дехар дира Путине президентан декхарш кхочуш дан мегар ду билгалъяьккхина хан йоцуш аьлла хийцахьара Конституцин цхьа артикл аьлла.