Новости за 15.01.2020

Ша-шен вен гIоьртина нохчо «Бутыркехь», Германехь нохчий дIахецна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

ГIажарийчоьнан президенто кхайкхам бина тIеман ницкъашка Украинин кема чудаийтарна шаьш бехке хилар шен хеннахь даре ца дарна геч дар деха аьлла. Роухани Хьасанан къамел гайтина пачхьалкхан телевизионо. ГIажрийн президенто дийцарехь, лайнер хIаллакдарна жоьпаллехь болчу наха кхето деза, билггал хIун бахьана хилла и бохам хиларан. Цо кхайкхам бина гIажарошка къоман цхьаалла ларъяре, авиакатастрофа хиллачул тIаьхьа дуьхьалонан акцеш йоьлхуш хиларна.   Украинин некъахойн кема чудаийтира ГIажарийчохь... Читать дальше...

Кху беттан 8-чу Iуьйранна Тегеранан аэропортера гIаьттинчул тIаьхьа чудаийтинчу "Украинин дуьненаюкъара авианекъаш" кеманна тоьхна хилла 2 ракета. Иза гойтуш ю шинарин дийнахь социалан машанашкахь яьржина, терго ечу камеро яьккхина видео.   Иза бакъ хилар тIечIагIдина The New York Times газетан талламхоша. Цу видео тIехь гуш ду, юкъа ах минот а бен ца йолуш, кеманна тоха ши ракета хецар. Ши а тIекхетта. Кема ца доьхна хIаваэхь, амма цIе а яьлла цунах, урхалла а доьхна цуьнан. Маситта минот яьлча иза охьадоьжна лаьтта. Читать дальше...

Гафурова Марият Берашна маьхза операцеш ян баьхкина лоьраш-волонтёраш ХIинжа-ГIалахь болх бийр бу кху беттан 12-16-чу деношкахь массех махкара веанчу берийн лоьро – «Къажар» операци" шех олучу, берашна маьзха дарбан акцеш дIахьош йолчу юкъаралло. Пациенташлахь ду 20 сов цIаро дагийна бер. Шо хьалха баьхкинера и лоьраш Кавказе. ХIетахь церан акци яра деш дуьйна челакх долчу берашна лерина. Массанхьачул дукха ду ишта бераш Дагестанехь. Цуьнан бахьана дузу сов дукха доьзалш вовшашна гергара болчу нахах кхоллалуш хиларца. Читать дальше...

Нохчийчуьрчу зударшна лерина «Мехкарий» такси юкъаелира стохка бIаьста. Совдегаралла а, инновацеш а шоръян коьллина йолу Заед Шайхан фонд яра оцу проектана ахчанца бух биллинарг. Пхи машен яра юьхьанца таксопаркехь. Ткъа тахана яц йиъ бен – хала ду зеделларг долу зударий-машенлелорхой каро.

Волкова Алиса Стенна веза Къилбаседа ХIирийчохь Советан Iедалан баьчча Сталин Иосиф уггаре безачу нахах лору ХIирийчохь. Комаьршша даздина цуьнан 140 шо кхачар – концерташца, эшаршца, хелхаршца, студенташна мукъаде даларца. Пачхьалкхехь коммунисташ безарца даима а къасташ хилла ю Къилбаседа ХIирийчоь, ткъа Сталин цигахь «вуьззина» шайниг ву, ца хилла иза гуьржи - хIири хилла, олу. "Нахана иза шаьш санна хиларна, шена хьал лоьхуш ца вахарна везаш хилла. Сталина хIора шарахь лахдеш хилла мехаш. Читать дальше...

Москвахь лаьцна латто нохчо ша шена тIе куьйг дахьа гIоьртина №2 «Бутырка» талламан изоляторехь. Иза дIакхачийна дарбанан цIийне, хаам бо "Москва"хаамийн  агенталло, низамаш лардон органашкарчу хьастана тIе а тевжаш. Цо бинчу хаамца, шинарин дийнахь Москварчу дарбанан цIийне кхачийнарг ву «Бутырка» талламан изолятрехь суицид ян гIоьртина 28 шо долу Нохчийчуьра вахархо. Дархочо дийцарехь, иза вала гIоьртина хьостамах пайда а оьцуш.     Болчу хаамца, карарчу хенахь цунна гIо деш бу лоьраш.... Читать дальше...

Теракт кечйеш хилла аьлла шинарин дийнахь Германехь лаьцна 5 нохчо сарахь дIахецна, хаам бина прокуратуро. Болчу хаамца, талламхошна тоам боллуш тоьшаллаш ца карийна уьш талламан изоляторехь латто. Амма низамаш лардон органаш толлуш ю цу нахехь карийна видео а, аудио а материалаш.   Кавказ.Реалиин хьастано дийцарехь, немцойн низамаш лардон органийн шеко кхоллаелла нохчий жуьгтийн синагогина тIелатар кечдеш хила мега аьлла. Шинарин дийнахь лецначерах цхьаммо видео яьккхина хилла шен чуьра араваьлчхьана... Читать дальше...

Донецкан кIоштахь Мариуполехь лееш ДНР тобанерчу зудчо дийцина Оьрсийчуьра мехах тIом бан баьхкинчу нахаца цхьаьна ша Украинин махкахой муха байира. Цунах лаьцна хаам бо "Апостроф" зорбан гIирсо, "Цензор.НЕТ" сайтана тIе а тевжаш. Юьйцург ю 1994-чу шарахь Харьковн махкахь йина йолу Черникова Галина. 2014-чу шарахь Донбассехь лелачу терроран тобанийн декъашхо хилла йолу иза Украинин къайлахчу сервисаша лецира 2017-чу шарахь. Иза лееш яьккхинчу видео тIехь цу зудчо дуьйцу, нохчийн къомах болчу... Читать дальше...

Оьрсийчохь шен лаамехь Iожалла тIеоьцу уггар дукха бахархой беха меттиг ю Алтайн махкахь, хаам бо Chslovo.com сайто. Цигахь вехачу хIора 100 эзар стагах 54 вахархо велла ша шена тIе куьг даьхьна.  ШолгIачу меттехь бу цу гайтамехула Забайкалан мохк – 50 стаг хIора 100 эзар вахархочун юкъахь. Уггар гIоле хьал ду Нохчийчохь. Стохка хIора 100 эзар стагана юкъахь ша шена тIе куьг дьахьна велла республикехь цхьа стаг. Иштта гайтам бу Астраханан кIоштахь а.