Новости за 24.01.2020

Германин къилба-малхбезерчу декъехь йолчу Рот-ам-Зе гIалахь наханна герзаш диттина цкъачунна вевзаш воцучо. Бу белларш а, лазийнарш а. Ишта хаам баржийна меттигерчу полицино. Прессо бахарехь, ялх стаг ву вийнарг. Герз диттинарг а, цо байинарш а, лазийнарш а вовшашна бевза нах бу, хьосташа дийцарехь. Нах байинарг лаьцна, амма йовзийтаза ю полицино цIуьнан цIе.

Полицин министра хьоьху нохчашна дин, Набахтехь еттарна – набахте, «Коронавирусна» дуьхьаллаьтта нохчийн аэропорт, Дагестанера министр: ма яха, нах а хьийзош, видеош (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Мехкан бюджетах полицин белхахошна дечу цIийнан ахчанах цхьа дакъа -17 миллион сом – доладерзорна бехктакхам айбина ГIалгIайчохь, боху ТАСС-о, Оьрсийчоьнан Инарла пркуратурин Къилбаседа Кавказан декъерчу пресс-гIоьнчаллина тIе а тевжаш. «2018-гIачу, а 2019-чу шерийн пхеа бетта чохь Магасехь 100 петарх долу цIа деш, хьукматан директора а, цуьнца бертахь полицин хьаькамаша а 17 миллион сом сов ахча лачкъор толлуш ду», аьлла прокуратурехь.

Францерчу Ниццехь кавказхойн юкъараллин лидер волчу Магомадов Рамзана (имам Басхан) довзуьту махкахошна, хIун дуьйцу дино веллачу стеган меженаш дарбан хIусамашка дIаяларх лаьцна. Меттигерчу жигархочо Долдаева Фатимас хоуьйту, Iедало муха могуьйту оцу барамах велларг мукъаваккха.

Кху деношкахь Нохчийчуьрчу цхьана дешархочо кехат даийтинера Маршо Радион редакце, хьехархочо Даймахках лаьцна эссе (сочинени) язъе аьлла шайга, иза муха язйийр ю ца хууш хиина Iаш ву ша, аьлла. Муха хир дара и дийцар сайга и и яздан аьлча? Йоца кхо истори. Даймох. Хьокхаман марзалла Сайн дахарехь дуьххьара Нохчийчуьра, аравалла маситта бутт а баьккхина, цIавогуш вара со. Аьхкенан тIаьххьара денош дара уьш. Iуьйрана саррралцц цхьана агIор, сарахь сахиллалц кхечу агIор хьоькхуш мох а болуш, уггар лекха дитт кол санна а долуш... Читать дальше...

Хьалха-Мартанарчу полице дIа а гулбина, «махкахь лелочу динах бохарна», меттигерчу кегийнехан юьхь яьхна Нохчийчоьнан чоьхьарчу гIуллакхийн министра Алханов Руслана. Оцу хиламах лаьцна дуьйцу полицин барамаш бовзуьйтучу "ЧП Чечня" паблико. Министрца къамелдечу кхайкхина кегийнехан дай-наной а. Дов дечу барамехь дакъалаьцна Мартанарчу полицин буьйранчас Бацилов Валида а, кIоштан куьйгалхочо  Абдурашидов Валида а, къедас Амерханов Iалус а. Мехкан куьйгалхочо Кадыровс Нохчийчоь хазъярх, кхиорах... Читать дальше...

Кху деношкахь Ярославлерчу набахтера мукъаваьллачу нохчочо Муртазалиев Хасдина, набахтин хьакамаша кхо шо хьалха шен могашалла галъяьккхина етташ, аьлла дIахьедина, хаамбо "Кавказский узел" газето. "Кавказ.Реалиино" хаийтина ма-хиллара, бакъоларъечу "Юкъараллин вердикт" хьукмато видео яржийра тутмакхашна Ярославлерчу набахтехь 2016-чу шарахь етташ. ТаIзаре берзийначу нахах цхьаъ вара Нохчийчуьра схьаваьлла Муртазалиев. Иза кху деношкахь араволучу юкъанна, кIира хьалха, набахтехь такха 3,5 шо... Читать дальше...

Терахьдешнаш нийсаяздан декхаре ву математика нохчийн маттахь туьдуш я хьоьхуш верг. Муха хеза нохчийн мотт математикехь хьесапаш деш? Хьовсур вай цуьнга.

Дагестанан чоьхьарчу гIуллакхийн министра Магомедов Iабдурашида нийса дац аьлла шен хьукматерчу пресс-гIоьнчаллин белхахошка, некъан бакъо йохийначу машенлелорхойх видеош а йохуш, яржа а еш, уьш юьхьIаьржа хIитта декхаребар. Оцу хьокъехь хаамбо "Кавказский узел" газето. "Кавказ.Реалиино" яздира Дагестанан полицино кху беттан 12-чу дийнахь Хасу-Юьртахь хиллачу некъахьовзамах видео яккхарх лаьцна. Машенлелорхочунна гIуда тохарал а совнах, Iедалхошка шена къинтIера бовлар доьхуш гайтира иза. Камераш тIе а хьовсийна... Читать дальше...

Китайхь даьржина «коронавирус»  ун Нохчийчу ца кхачийта гIерта Соьлжа-ГIалара аэропорт – санитараш хьаьвсича бен ца буьту махка чу арахьара хьеший. Ишта хаамбина РИА Новости агенталле могашаллин хьелех жоп лучу Роспотребнадзоран декъан куьйгалхочо Термулаева Ритас. «Тепловизоршца термометрин зераш до оха пассажирашна, яздойту цаьрга тхаьш леррина хIиттийначу хеттаршна жоьпаш», - боху Термулаевас. Цо дийцарехь, Китайхь ун даржарх йолу информаци дIакхачайо аэропортан санитарашка а, кхечу белхалошка а, юха-юха карла а йоккхуш. Читать дальше...

Гадаев Мохьмад-Салахь МаьркIажан мур Малх буьзи, Стиглан йист геннахь латийна. ХIоккхузахь – МаьркIаже хьийзалуш ю. Буьйса-де, кегалуш, вовшаха ийна, Нахазар башха сурт ду. Лам бетта, Iаьршашка Iаьржа ладоьгIна. Аренаш хьуллуш ю, Мокха бос тоьхна. Боьрашкахь кхоллалуш Чорда къахь ю. Суьйре, ва суьйре! Суна хьо еза – Мерза ахь сингаттам хьелош* тIебутту: лезначех тохало диснариш теза, дезна мел хиллариг, догIий, схьахIутту. Хьелохьа жимма, Ян сих ма лохьа – Хьастахьа хьайга са дерзийна Iийриг... Читать дальше...