Новости за 08.01.2020

Кеманчохь белларш, Сулейманин тезетахь хьешна нах, Нохчийчуьра кхерамаш, "Путинан кемпеташ" (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

КIоштан думан депутато Осипов Александра кхайкхамбина ницкъаллийн структурашка, нохчийн блогеро Носаев Мухьаммада Волгоградехь нахана юкъа ахча тасарна тIе терго яхийта аьлла. Парламентхо тешна ву, цуьнан акци сийсазе яра аьлла. "ГIиллакхе, оьздангалле диллича, цхьабоса мах хадабойла дац цуьнгара даьллачун, хIунда аьлча, Кавказан къаьмнийн ламасташлахь ахча тасар -могIарера хIума хиларна", - аьлла, дIахьедина, блогеран акци емалйинчу Осиповс VI.RU хьостане. "Социалан машанашкахь шена бонусаш яхар - иза цуьнан бизнес ю. Читать дальше...

Къилбаседа-Кавказан федералан гонашкарчу регионашкахь дахначу шарахь белхан алапа, юккъерчу барамехь аьлча, 20 эзар сом гергга хилла. Йоллу пачхьалкхехь а уггар лахара гайтам бу иза. Росстатан зерашца, Оьрсийчохь 32, 9 эзар сом оьцуш хилла. Цхьаццайолчу регионашкахь 60 эзаре кхочуш хилла белхан алапа. ГIебарта-Балкхаройчохь а, Кхарачойн Чергазийчохь а, Нохчийчохь а, Дагестанехь а бахархоша эцна 19 эзар сом. ГIалгIайн бахархошна кхочуш хилла 18, 6 эзар сом, ткъа Къилба-ХIирийчуьрчу белхалошна 20, 2 эзар сом.

"Президент" цIе йолу, Путинан сурт тIехь долу кемпеташ дIасаекъна Омскерчу берийн бешахь Керлачу шарна леринчу барамехь. "ВКонтакте" социалан машанехь "Ревизор Омск" группехь зорбане даьккхина сурт Антон цIе йолчо, церан чам баккха кхоьру ша аьлла, тIе а тухуш. Чили олу кIон бурч а, къаьркъа а тоьхна кемпетех. Санкт-Петербургерчу "Джи Си – Золотые конфеты" компанино арахецна "Президент" цIазамаш. Компанин сайтехь яздина, шаьш йохка юкъаяьхначу марзолгаша пачхьалкхан куьйгалхочун амалш гойту аьлла. Читать дальше...

Некъан низамаш дохочаьргара машенаш схьа а йохуш, уьш урамаш цIанда хьийсабе аьлла, омра дина Куьршаларчу полицин декъан куьйгалхочо Агуев Рустама. "Кавказский узел" агенталло хаамбарца, Инстаграме яьккхинчу видеоролик тIехь дина ишта дIахьедар. Куьршала кIоштарчу полисхойн декъехь дIаяьхьначу кхеташонера видео Инстаграме хIоттийна "ЧП/Чечня" паблико. "Низамаш дохош верг- сан гергара вац…Ловзарш дIадевлла. Некъан полицин (ГИБДД) Iалашо ю – садаIар а доцуш, дийнахь а, буса болхбар… Къаьркъа мелла стаг а Iадвитахь - вайчух болх хир бац. Читать дальше...

Шинаридийнахь Шемарчу Дамаске веанера Оьрсийчоьнан президент Путин Владимир а, пачхьалкхан тIеман министр Шойгу Сергей а. Президентан пресс-секретаро Песков Дмитрийс хаамбарехь, аэропортера оьрсийн эскархоша куп тоьхначу меттиге ваханера иза. Цигахь цхьанакхетар нисделла Путинан пачхьалкхан президентца Асад Башарца. Президенто баркалла аьлла Оьрсийчоьнна, тIеман конфликт йолаелчхаьана шайна латточу гIоьнна. Хаамашкахь яздарца, Шемарчу Омейядовн маьждигехь а, ишта Дамаскерчу ширчу Дева Мариян килсехь а хилла Путин. Читать дальше...

Шинаридийнахь лаьтте кховдо Iалашонца Кермане кхачийнера гIажаройн инарлан Сулеймани Касеман дакъа. Мел лахара а 50 стаг велла инарла лаьтте кховдо гулбеллачарлахь вовшийн хьешна, яздо Reuters агенталло. И сингаттам бахьана долуш масех сахьтана дIатеттинера Сулеймани дIаволлар. Шинаридийнахь еллачу информацехь велларг 35 стаг ву аьлла дара. Ткъа кхааридийнахь Iорадаьхначу терахьашца 50 ву жIугана юкъахь кхелхинарг. «Исламан революцин гIаролхоша» арахьа дIахьочу тIеман барамех жоп лучу «Къудс» декъан буьйранча... Читать дальше...

Шинаридийнахь имаман Хомейнин цIарахчу Тегеранан аэропортера гIаьттинчул тIаьхьа доьхна Украинан коммерцин кема, хаамбо гIажаройн хаамийн гIирсаша. Кеманчохь мел хилларш белла. Дийцарехь, кема чудожаран бахьана хила тарло техникаца кхачамбацар нисдаларна. Пачхьалкхан IRNA агенталло дIахьедо, кеман чохь 167 пассажир а, 9 экипажан декъашхо а вара бохуш. Planespotters сайтан информацица, диъ шо бен ца хилла доьхна кема болхбан доладелла. ГIажарийчоьнан пачхьалкхан хаамийн гIирсаша хьалхо яздора... Читать дальше...

Тегеран а, Москва а юкъахь тIом беш ю Шемахь. Уьйраш ю церан вовшашца энергертикехь а. Мехкдаьтта долу кегий меттигаш толлуш а, и сурсат доккхуш а гIо до ГIажарийчоьнна Оьрсийчоьно. Дикка хан ю «Газпромо» цигара газ шен тидаме эцна а.

«ТIадам а мер бац!» Алкоголца къийсам – 70 шо (суьртийн гайтам)