Новости за 16.01.2020

Кадыров цомгуш хилла, Мишустин вевзаш ву Кадыровна, 16 000 нохчо сацийна махкахь (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Берлинехь Дечкен-беттан 14-хь "нохчийн исламисташ" лаьцна хиллачу пхеаннах цхьаммо Удугов Зелимхас харцдина немцойн, прокуратуро хаам барца, шайгара арсаш даьхна бохург, яздо Кавказ.Реалиино. Блогерна Абдурахманов Тумсона еллачу видеоинтервьюхь цо дIахьедар дина, таллам бича нохчашкара телефонаш а, компьютерийн дискаш а, роутер а йоцург кхин дIаяьккхина хIумма яц аьлла. МухIажиран статус а йолуш, Германехь веха Удугов ур-аттала полице а виггина а ца хилла.   Полицино бинчу хаамца, нохчий... Читать дальше...

Сталин Иосиф уггаре безачу нахах лору ХIирийчохь. Пачхьалкхехь коммунисташ безарца даима а къасташ хилла ю Къилбаседа ХIирийчоь, ткъа Сталин цигахь «вуьззина» шайниг ву, ца хилла иза гуьржи - хIири хилла, олу.

Соьлж-ГIаларчу Маяковскийн городок урамерчу юкъарчу xӀyсамера (общежитие) арабохуш бу бахархой. Цунах лаьцна хаам бина 1989-чу шарахь дуьйна петар яларе сатуьйсуш рогIехь лаьттачу Габраилова Маккас, хаам бо Кавказ.Реалиино. Цу зудчо дийцарехь, лортIехь хIусам яларан метта цунна а, цуьнан лулахошна чоьнаш елла Новаторов урамерчу юкъарчу хIусамехь. Соьлж-ГIалин мэрин белхахочо Хасимиков Алаудыс стохка ГIуран-баттахь кехат дайитина хилла цаьрга, хIинца шаьш деха чоьнаш маьрша яха аьлла. Бахьана ду уьш беха юкъара хIусам дIачIогIуш хилар. Читать дальше...

Нохчийчоьнан куьйгалхочо Кадыров Рамзана комментари йина Оьрсийчоьнан президенто Путин Владимира Iедалан куьйгалхо хIотто веза аьлла Мишустин Михаил хьалхататтарна, хаам бо "Грозный-информ" агенталло. Белхан юкъаметтигашкахула хиларал а сов, "Михаил Владимирович вуьшта а дика вевзаш ву" шена аьлла билгалдаьккхина Кадыровс.   Кадыровс дийцарехь, вас хила мегаш хазахь а, цхьаболчу хьалха хиллачу куьйгалхойн болх дIоггара дика бара ала хала ду. Iедалехь хьекъале а, кхетам а, кхане а йолу а, къона а... Читать дальше...

Декхарелахь хиларна Оьрсийчоьнан дозанал арабовлар дихкинчу Нохчийчуьрчу бахархойн терахь ду 16 эзар. Цунах лаьцна хаам бина республикерчу суьдан пурстоьпийн урхаллан векло. Арабовлар дихкинчарна юкъахь бу кредиташ шен хеннахь дIа ца делла а, ял яланза а, коммуналан декхарш тIехь долу а бахархой. Шайн декхар дукха кIезиг хилар бахьана долуш Iедало дина дехкар тIех сов хета цхьаболчу бахархошна. Федералан низамца а догIуш, 30 эзар сом пачхьалкхана декхар волчу стагана дихкина ду Оьрсийчуьра аравалар. Читать дальше...

Ницкъаллин структурийн белхахоша 2019-чу шарахь Къилбаседа Кавказан федералан гонехь зуламаш дарна юкъахбаьхна иттаннаш тIемалой а, церан гIоьнчаш а, хаам бо "Интерфаксо". "Дуккха а  гӀоьнчаш а, низамца йоцчу герзаца лелачу тобанийн декъашхой а, 120 сов стаг, лецна", - дIахьедина Къилбаседа Кавказан тIеман гонан къоман гвардин эскарийн буьйранчо инарла-лейтенанто Гетманов Игора.   Цунна хетарехь, Къилбаседа Кавказехь лаьтташ долу оперативан хьал дика ду, амма цхьацца меттигаш ю гIоьртина хьал долуш. Читать дальше...

"Нохчийн Республикан куьйгалхо Кадыров Рамзан чекхволуш ву, медицинан процедураш лело оьшучу дарбанан курсах", - дIахьедар дина цуьнан зорбан секретаро Каримов Iаьлвис. Хьалхо хаам баьржира Кадыровс Дечкен-беттан 13-хь дуьйна ша могуш воцчу ханна шен декхарш кхочуш дар тIедиллина Iедалан куьйгалхочун Хучиев Муслимана аьлла. И кехат гучудаьлла Нохчийчоьнан куьйгалхочун сайта тIехь. Билгалдоккхуш ду цо иза дина хилар, Нохчийн Республикан Конституцин 76-чу артикална тIе а тевжаш.   Стохка Гезгмашин-баттахь... Читать дальше...

Нохчийчоьнан куьйгалхочун администрацино бинчу хаамца, цхьана ханна Кадыров Рамзанан декхарш кхочуш деш ву республикерчу Iедалан куьйгалхо Хучиев Муслим. Кадыровс шен лаам гойтучу кехата тIе куьг таIийна хилла Дечкен-беттан 13-чудийнахь. И кехат зорбане даьккхина Кавказ.Реалиино.   Цу кехатца а догIуш, Кадыров цхьана ханна балуш вац республикан куьйгалхочун болх.  Пачхьалкхан Думан депутато Саралиев Шамсаила дийцарехь, Кадыровс "цамгаран кехат" эцна могашаллица йоьзна жима-тIама проблемаш хиларна.