Новости за 07.01.2020

Романова Софья Нохчийчоьнан, Туркменистанан куьйгалхойн дуккха ду юкъара хIуманаш Нохчийчоьнан куьйгалхочо Кадыров Рамзана кест-кеста олу, махкахь коьрта ду «Оьрсийчоьнан низамаш а, демократи а». Амма цигара Iедал тIех тера го политологаша «диктатор» шех олучу президента Бердымухамедов Гурбангулыс Турменистанехь дIахIоттийначу режимах. Кадыров а санна, 2007-чу шарахь веана Бердымухамедов Iедале, 13 шо ду и шиъ, хийца ца луш, шайн мехкийн коьртехь Iен. Шен тIаьххьарчу харжамашкахь, 2017-чу шарахь... Читать дальше...

Нанас лехнарг Кадыровн полкехь ву, "Альфредо Аудиторе" "финансист" ву, Скайповский набахтехь ву (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Нохчийчуьрчу Шелара С.-А. Юсуп Оьрсийчоьне дIавала кечлуш ю Украинера прокуратуран офис аьлла, хаамбина "Кавказ.Реалиига" Юсупан доьзалан векало. Цо дийцарехь, карарчу беттан хьалхарчу деношкахь Нохчийчохь бехачу кIентан гергарчаьрга оьрсийн къайлахчу сервисан белхахоша хаийтира, тIедогIучу еаридийнахь Юсуп шайн карахь хир ву аьлла. Оцу юкъанна, "Кавказ.Реалиин" информацица, лаьцначу нохчочуьнга хаийтина дац, цунна экстрадици ян дагахь хиларх. Бакъонашларъярхошна хетарехь, Оьрсийчоьнан ФСБ-но билгалдаьккхинчу дийнахь Юсуп дIалуш велахь... Читать дальше...

Ниццехь шайн маьждигна лаьцна меттиг, кхечу къаьмнийн векалшца цхьаьна, битаме ялош бохку меттигера нохчий кху муьрехь. Ниццерчу кавказхойн синбахамаллин центран куьйгалхо Магомадов Рамзан (маьждиган имам ву иза, Басхан олу цунах цига Далла Iамалъян лелачара) чIогIа реза ву гIодечу бусалбанашна.

Бельгерчу Антверпен гIалин кхело набахтехь даккха пхи шо тоьхна Дагестанера веанчу 50 шо долчу мухIажирна Маликов Шемална. Социалан машанашкахь Скайповский аьлла, гоьваьлла Маликов бехкевина цхьа могIа зуламаш дарна. Миссионер ву ша а бохуш, джихIаде кхуьйкхура цо, ишта керста нахана а ницкъбе бохуш, яздо HLN хьостано. Ишта Скайповскийс Iазапехь латтабора шен доьзал а: кхерамаш туьйсура шегахь хиллачу зудчунна а, шарIан кхел йийр ю бохуш, кIенташна а цхьана. Цхьахволу цуьнан кIанта буддизме вирзина. Читать дальше...

ГIажарийчуьрчу Керманехь инарла Касем Сулеймани дIавуллучу дийнахь вовшийн хьешна 35 стаг велла, 48 лазийна. AP хьостано бина и хаам, пачхьалкхан телевизионан информацина тIе а тевжина. Тезетан барамехь дакъалоцуш бу эзарнашкахь меттигера бахархой. Мукъа де ду аьлла, дIакхайкхийна шинара пачхьалкхан Iедалхоша, яздо "Свобода" Радионо. Де хьалха Тегеранехь тIаьххьара инарлан Iодикаян гулбеллера бIеннашкахь эзарнашкахь нах. ДоIа дира ГIажарийчоьнан лакхарчу лидеро Хаменеи Iелас. Цул тIаьхьа маьхьарий... Читать дальше...

Къилбаседа Кавказехь вацош 24 шо даьккхина Магнитогорскерчу 69 шо долчу Богданов Виктора. Лоллица къийсам латточу "Альтернатива" волонтерийн боламо дийцина цунах лаьцна. Жигархоша бахарехь, 1996-чу шарахь Кавказе белхаш бан вахана хилла Богданов. Цигахь даьккхинчу 24 шерех 15 Дагестанерчу тайп-тайпанчу ярташкахь ваьхна иза. Цо ша дийцарехь, кибарчигаш еш а, тIулг боккхуш а, жа дажош а вацийна иза маьхза. ТIаьххьарчу шерашкахь Левашинскан кIоштахь вехаш хилла иза. БIаьрса а дайна цуьнан, могушалла а телхина. Читать дальше...

Дуьненаюкъарчу зарратан энергин агенталлерчу эксперташ ца сацийна ГIажарийчоьнан зарратан программа тергалъяр, иза зарратах лаьцна дуьнено бинчу бертан декъара яьллехь а 2015-чу шарахь. Цкъачунна Тегеранан аьтто ца баьлла уран зарратан герзана оьшучу хьесапе хьалакхачон. Инарла Сулеймани вер доькхур ду шаьш, аьлла пачхьалкхан дайша. Стенца бан бохку уьш и бекхам?

Иттанашкахь гIажароша а, ГIажарийчуьра схьабевллачу Iамеркахоша а дахначу мукъаденошкахь Канадера Iамерке юхадогIучу хенахь дозанехь хеттарш деш, дукха латтиийра шаьш аьлла, бинчу хаамашна тIехь бакъонашларъяран организацеша а, юристаша а дийцадаьккхина. Iамеркан а, исламан а юкъаметтигашкахула йолчу Вашингтонерчу коммерцица йоьзна йоцчу Кхеташонан декъо дIахьедина, Канадан а, Вашингтон штатан а дозанехь 60 сов баккхий а, кегий а гIажарой а, ГIажарийчохь дуьненчу бевлла Iамеркахой а латтийра 10 сахьтана аьлла. Читать дальше...

46 регионехь могушаллаIалашъяран гIишлош хьалаян Оьрсийчоьнан министрийн кабинето 95 миллиард сом билгалдаьккхина. Цу кепара хаам зорбане баьккхина Оьрсийчоьнан Iедалхойн сайтехь. 2020-чу шарахь Нохчийчоьнна кхочу цу ахчанах 448 миллион сом. Iедалхойн Iалашо ю, 100 маьнга хIотто таро луш йолу берийн инфекцийн гIишло ян республикерчу Глинкан цIарахчу берийн клиникан дарбан цIийнан территори тIехь. 233,8 миллион хьажо дагахь бу оцу гIишлонна. Соьлжа-гIаларчу Первомайская урамера лоьмар 1 йолчу... Читать дальше...

ГIажарийчоьнан къилба-малхбалерчу Керман гIалахь дIавуллуш ву инарла Сулеймани Касем. Эзарнашкахь меттигера бахархой бу цуьнан тезетахь. Шинарийде гIалахь мукъа де ду аьлла, дIакхайкхина. Де хьалха Тегеранехь тIаьххьара инарлан Iодикаян гулбеллера бIеннашкахь эзарнашкахь нах. ДоIа дира ГIажарийчоьнан лакхарчу лидеро Хаменеи Iелас. Цул тIаьхьа маьхьарий деттара гулбеллачара "Iожалла Iамеркана" бохуш. «Исламан революцин гIаролхоша» арахьа дIахьочу тIеман барамех жоп лучу «Къудс» декъан буьйранча... Читать дальше...

Дахначу 2019-чу шарахь Оьрсийчохь мел лахара а 56 полисхо велла ша шена тIе куьйгаш даьхьна. Цу кепара зераш дина "МБХ медиа" хьостано. Эксперташна, масала, "Омбудсмен полиции" паблик кхоьллинчу Воронцов Владимирна хетарехь, чоьхьарчу гIуллакхийн министраллан белхахошлахь суицидийн терахь кхин а лакхара ду, хIунда аьлча, дукхахболчу хьаькамаша Iора ца доху царех лаьцна. Полисхойн могIаршкахь лаьттинчу Воронцовс бахарехь, ницкъахочо ша шена тохаран бахьанаш нисло дукха хьолахь, церан хьаькамаша уьш йийсарехь латторна. Читать дальше...

ГIаряьллачу машенан реплика ган аьтто бу Оьрсийчохь. Хьовса, муха тIеоьцу наха хIара проект.

Социалан машанехь «Альфредо Аудиторе» аьллачу никца волчу блогеро, Нохчийчоьнан куьйгалхочун Кадыров Рамзанан Волгоградан кIоштарчу векалан гIовсан кIанта Носаев Мухьаммада ахчанаш нахана юкъа кхийсар ца тайна Нохчийчоьнан Iедалхошна. Къилбаседа Кавказан федералан гонашкарчу Кадыровн векало Гочаев Руслана дIахьедина, блогеран лелар новкъадеана Iедалхошна аьлла, яздо МК хьостано. Карладоккху, оршотан суьйранна Волгоградерчу "Мармеланд" йохка-эцаран центрна гергахь гулбеллачу нахана юкъа 200 эзар сом ахча кхоьсинера блогеро. Читать дальше...

Байначу беттан 26-чу дийнахь Соьлжа-гIалахь вайна Хамурзаев Шамхан волу меттиг къаьстина цуьнан гергарчарна. Старопромыслан кIоштарчу Кадыров Ахьмадан цIарахчу полкехь латтош хилла иза. Ватсаппехула яржийнера, шен 36 шо долу кIант лохуш гIо доьхучу ненан аудио, яздо "Кавказский узел" агенталло. Тоита ю шен цIе аьллачу вайначун нанас дуьйцу, шен кIант Шамхан, кхаа беран да, байначу бетан 26-чу суьйранна араваьллачул тIаьхьа юха ца веанера. "Хьан вигина, хIунда вигина, стенга вигина хууш дац. Тхоьга цунах жоп луш стаг а вац"... Читать дальше...