123ru.net
World News in Chechen

Новости за 11.01.2020

50 шарахь паччахьаллехь лаьттина Оманан Султан кхелхина

Radiomarsho.com 

Оманан Султан, 79 шо долу ал СаIид Кабус бен СаIид кхелхина. Дикка хан яра иза цомгуш волу, яздо Reuters агенталло, паччахьа шен метта верас цавитар билгалдоккхуш. Маскатан шахьаран урамашка бронетехника ю озийна, дуьйцу гинчара. Цуьнан метта паччахь харжа гуллуш бу тIеман буьйранчаш. Веллачун шича, културан министр лаьттина ал СаIид Хайтем бен Тарикъ хьалхатеттина цIеххьашха вовшахтоьхначу кхеташонехь. Оманан урхаллехь бара ал СаIида цIийнах болу нах 1746-чу шарера схьа дуьйна. Персийн карара мохк баьккхинчул тIаьхьа султанат вовшахтоьхнера.

Нохчийн 17 шо долу кIант "Динамон" клубе эцна

Radiomarsho.com 

Москварчу "Динамо" футболан тобано контрактна куьйгяздина нохчийн 17 шо долчу Нохчийчуьрчу Мицаев Расулца. "Динамон" футболан матчашкахь кевнехь лаьттар волуш ву Мицаев. Хьалхо Соьлжа-гIаларчу кегийрхойн "Ахмат" клубехь хилла ву иза. Кхиамца клубан кастингех чекхваьлла кевнахо хIинцале а тобанах дIа а кхетта, Туркойчохь кечамаш беш ву кхечу ловзархошца цхьана. ТIейогIучу заманчохь лоьмар 95 йолу спортхо ган таро хир ю "Динамон" футболан матчашкахь. "Чечня Сегодня" агенталлаца хиллачу къамелехь Мицаевс дIахьедина... Читать дальше...

Нохчийчу къаьркъа дохьуш Ставрополера вахархо лаьцна полисхоша

Radiomarsho.com 

Нохчийчу къаьркъа дохьуш вогIучу юкъанна Ставрополан кIоштара вахархо лаьцна. Теркйистерчу Ломаз-Юьртахь полисхоша оперативан барамаш дIахьочу заманчохь лаьцна иза, бакъо йоцуш чудохьу малар схьа а доккхуш. Лада Калина машенахь 40 шиша корта бахон малар хилла цо сехьадоккхуш цхьана а кепара документаш карахь а доцуш. ГIуллакх тергоне а эцна, талла долийна ницкъахоша.

Шелковск кIоштахь керла школа схьайиллина

Radiomarsho.com 

Нохчийчуьрчу Шелковск кIоштахь 720 дешархочунна меттиг кхачош школа схьайиллина аьлла, яздо ТАСС агенталло. "Образование" аьллачу къоман проектан гурашкахь йина ю гIишло. "Кхузаманан гIирсаш а, хьелаш а хIиттош, тоъал хьехархой вовшахтоьхна, кийча ю школа. КIоштарчу кхаа школехь гаттонехь доьшура бераша, и проблема дIаер ю хIинца", - аьлла дешаран министро Байханов Исмаила. ТАСС агенталле министралло хаамбарехь, регионерчу 80 школехь бераш кхаа рожехь доьшуш ду. Карарчу шарахь а 11 школа йина ялийта лерина ду шаьш аьлла дешаран урхаллехь.

Украинан кема шайн тIемалоша дохийна аьлла, дIахьедина ГIажарийчоьно

Radiomarsho.com 

Кху беттан 8-чохь шайн тIемалоша ларамза дохийна украинхойн кема аьлла, дIахьедина ГIажарийчоьно. 176 стаг вуьйш, хилла бохам эскархошкара даьлла гIалат ду аьлла билгалдаьккхина динчу дIахьедарехь. Шоьтан Iуьйранна пачхьалкхан телевизионехула инарла штабо бинчу кхайкхамехь боху, Исламан революцин гIаролхойн Корпусан (КСИР)"къайлахчу тIеман центре" дIадирзича, мостагIийн кема тарделла хиллера аьлла. Iамеркаца юкъаметтигаш телхина хиларна тIемалой кийчча хилла тIелата аьлла ду дIахьедарехь. Трагедина бехкеболчарна таIзар дийр ду аьлла Тегерано. Читать дальше...

123ru.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в режиме онлайн. Вы всегда можете добавить свои новости сиюминутно – здесь и прочитать их тут же и – сейчас.