Президент Шавкат Мирзиёев, Сергей Лебедев ва Георгий Церетелини қабул қилди

Президент Шавкат Мирзиёев МДҲ кузатувчилар миссияси бошчилигида мамлакатимизда бўлиб турган МДҲ Ижроия қўмитаси раиси - Ижрочи котиби Сергей Лебедевни қабул қилди. Ўзбекистонда навбатдаги парламент сайловларига тайёргарлик кўриш ва уларни ўтказиш даврида миссия фаол ишлагини қайд этилди. МДҲ Ижрочи котиби сайлов кўп партиявийлик асосида, эркин, шаффоф ва рақобат муҳитида ўтгани, демократик ўзгаришларни чуқурлаштиришнинг муҳим омили бўлганини таъкидлади. Шу бугун Президент Шавкат Мирзиёев Европада хавфсизлик ва ҳамкорлик ташкилоти Парламент ассамблеяси раиси Георгий Церетелини қабул қилди. Давлатимиз раҳбари мамлакатимиз 2018 йилда ушбу органдаги иштирокини қайта тиклаганидан буён ўзаро муносабатлар сифат жиҳатидан янги даражага кўтарилгани ва ижобий суръат билан ривожланиб бораётганини мамнуният билан қайд этди. ЕХҲТнинг Ўзбекистондаги сайловларни кузатиш бўйича узоқ ва қисқа муддатли миссияларининг фаолиятига қулай шароитлар яратилгани учун миннатдорлик билдирилди деб хабар қилди Ўзбекистон Республикаси Президенти матбуот хизмати.