Новости за 29.03.2021

(Актаныш, 29 март, «Татар-информ», «Актаныш-информ» ). Бүген Актаныш укучылары «Батыр» спорт комплексына район башлыгы Энгель Фәттахов призына татарча көрәш бәйгесенә җыелды. Турнирда 22 мәктәптән 89 бала ике көн дәвамында бил алышачак. Актанышта балаларның язгы каникуллары һәр төр юнәлеш буенча да файдалы һәм нәтиҗәле уза. Көрәш буенча ярышларда ел дәвамында мәктәпләрдә көрәш секцияләрендә «Иман» яшүсмерләр һәм балалар спорт мәктәбе тренерлары күрсәтмәләре белән юнәлешле шөгыльләнүче көрәшче балалар катнашты. Читать дальше...

(Казан, 29 март, «Татар-информ»). 30 мартта көндез Татарстан территориясендә һава температурасы 10 градуска кадәр җылы булуы көтелә. Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, иртәгә алмашынучан-болытлы һава торышы була, явым-төшем көтелми. Шулай ук төньяк-көнчыгыштан көньяк-көнчыгышка күчүчән җил исәргә мөмкин. Юлларда урыны белән бозлавык хасил булуы фаразлана. Төнлә һава температурасы -4...-9 градус була, урыны белән -10...-15 градуска кадәр салкынайтачак. Читать дальше...

(Казан, 29 март, «Татар-информ», « Безнең мирас »). 2018 елда артист Ринат Таҗетдинов турында сабакташы Әхтәм Зарипов «Безнең мирас» журналына язма әзерләгән: Шундый да кеше буламыни? — диярләр кемнәрдер. — Бар шул! — дим мин, бәхәскә урын калдырмас ышаныч белән һәм кулыма драматург, төзүче-автор Юныс Сафиуллинның «Ринат Таҗетдинов» дигән саллы китабын алам. Бу китапта Россиянең һәм Татарстанның халык артисты, Дәүләт премияләре лауреаты, орден-медальләр кавалеры, сәхнәдәге казанышларын хуплап... Читать дальше...

(Казан, 29 март, «Татар-информ»). Рособрнадзор 2021 елда барлык төбәкләрдә узачак 9 сыйныфлар өчен контроль эшләре вакытын игълан итте. Тикшерүдзр бөтен илдә билгеләнгән бер көндә була. 18 майда биология, әдәбият, информатика һәм ИКТ; 19 майда физика, тарих; 20 майда җәмгыять белеме, химия; 21 майда география, чит телләрдән контроль эшләр узачак. Бу турыда Татарстан Мәгариф һәм фән министрлыгының матбугат хезмәте хәбәр итте. Быел сайлап алынган фәннән имтихан булмый. Тугызынчы сыйныф укучылары... Читать дальше...

(Казан, 29 март, «Татар-информ», Эвелина Киселёва). Бүген Татарстан Президенты Аппараты хезмәткәрләре коронавирустан прививка ясатты. «Теләге булган һәр кешегә эштә прививка ясату мөмкинлеге булдырылды», — диделәр республика җитәкчесе матбугат хезмәтендә. Эш бирүче коронавирустан прививка ясатырга теләгән хезмәткәрләр өчен вакцинацияне оештыру төрен сайлый. Бу очракта процедура күчмә форматта узды. Прививканы табибларның күчмә бригадасы ясады. Элегрәк «Татар-информ» мәгълүмат агентлыгы хәбәр иткәнчә... Читать дальше...

(Казан, 29 март, «Татар-информ»). Бүген Татарстанда Идел аша Аракчино–Югары Ослан һәм Яшел Үзән–Карамалы Тау маршруты буенча боз кичүләре ябылды. Россия Гадәттән тыш хәлләр министрлыгының ТР буенча Баш идарәсе хәбәр иткәнчә, көндез уңай температура урнашу сәбәпле, кичүләрдә боз катламы җимерелүе һәм колея ясалу ачыкланган. Башка кичүләрнең эше алданрак туктатылды, диелә хәбәрдә.

(Казан, 29 март, «Татар-информ»). Бүген Мәскәүдә узган очрашуда Татарстанда сәламәтлек саклау өлкәсен цифрлаштыру турында сөйләштеләр. Очрашуда Татарстан Президенты Рөстәм Миңнеханов, Россия сәламәтлек саклау министры урынбасары Павел Пугачев, мәгълүмати-коммуникацион технологияләр өлкәсендә Импортны алыштыру буенча компетенцияләр үзәге директоры Илья Массух, «Фармстандарт» компаниясе вәкилләре фикер алышты, дип хәбәр итте Татарстан Президенты матбугат хезмәте. «Сәламәтлек саклау өлкәсен цифрлаштыру — ул бүген тормыш өчен кирәкле процесс. Читать дальше...

(Казан, 29 март, «Татар-информ»). Узган тәүлектә Татарстанда коронавирустан тагын өч үлем очрагы расланды. «1933 һәм 1941 елларда туган хатын-кызлар, шулай ук 1952 елда туган ир-ат ковид корбаны булган», — дип хәбәр итә Татарстан Сәламәтлек саклау министрлыгы матбугат хезмәте. Үлем сәбәпләре патологоанатомик экспертиза нәтиҗәсендә ачыкланган. Пандемия башланганнан алып, республикада 415 кеше ковид корбаны булган. «Татар-информ» хәбәр иткәнчә, коронавирус йоктыруның 38 яңа очрагы ачыкланган.

(Казан, 29 март, «Татар-информ»). Россия Сәламәтлек саклау министрлыгы яңа коронавирус инфекциясеннән «Спутник Лайт» вакцинасына теркәү таныклыгы бирде. Яңа препаратны «Спутник V» ике компонентлы вакцинасын ясаган Гамалея исемендәге үзәк белгечләре эшләгән. Лайт-версия бер компоненттан гына тора. Вакцинаны теркәү турындагы мәгълүмат Дәүләт дарулар реестры сайтында урнаштырылган. Препаратның саклау вакыты кыскарак, әмма кешене ковидның катлаулы узуыннан саклый алачак. Вацинаны клиник сынауның икенче этабы 5 мартта тәмамланды. Читать дальше...

(Казан, 29 март, «Татар-информ», Наталья Рыбакова). Татарстанда бакчачыларга төрле чараларны гамәлгә ашыруга ярдәм итү буенча республика программасы дүрт ел эшли. Шул елларда бу максатларга 2 млрд сумнан артык акча тотылган. Бүген «Бердәм Россия» төбәк кабул итү бүлмәсенең инстаграм аккаунтында туры эфир вакытында Татарстан Дәүләт Советы рәисе урынбасары, «Россия авылы» федераль партпроектының координаторы Марат Әхмәтов шул хакта әйтте. «2017 елдан бакчачылар өчен республика ярдәме программасы эшли башлады. Читать дальше...

(Казан, 29 март, «Татар-информ»). Татарстан Алексеевск районы «Алга» колхозының элеккеге рәисе Мансур Хәлиловның вафат булу сәбәпле, республика җитәкчелеге кайгы уртаклашты. Татарстанның атказанган авыл хуҗалыгы хезмәткәре 28 мартта үлде. Аңа 78 яшь иде. Бу хакта ТР Президенты матбугат хезмәте хәбәр итә. Мансур Сафа улы Хәлилов 1942 елның 6 августында Татарстан АССР Алексеевск районының Түбән Тигәнәле авылында туган. Урта Тигәнәле мәктәбен бетергәч, ул Лаеш училищесына механизаторлыкка укырга керә. Читать дальше...

(Казан, 29 март, «Татар-информ»). Татарстан Президенты Рөстәм Миңнеханов бүген Мәскәүдә Татарстанның Россиядәге Тулы вәкаләтле вәкиллегендә берничә очрашу үткәрде. Ул Төньяк флотның Кольск төрле көчләр флотилиясе штабы башлыгы, контр-адмирал Илдар Әхмәров белән Татарстанның хәрби хезмәткәрләре шәхси составы һәм чакырылыш буенча килгән егетләрнең хәрби хезмәте турында фикер алышты, дип хәбәр итте Татарстан Президенты матбугат хезмәте. Аннары Рөстәм Миңнеханов «СИБУР Холдинг» гаммәви акционерлык җәмгыяте идарәсе рәисе Дмитрий Конов белән очрашты.

(Казан, 29 март, «Татар-информ»). Казахстанның Нур-Солтан шәһәрендәге «Солтан хәзрәт» мәчетендә укучылар арасында әбиләр төркеме оештырылган һәм «Әбиләр үрнәге» («Әжелер өнегесі») мәктәбе ачылган. Чарада Нур-Солтан шәһәренең баш имамы Ерболат Жусупов әбиләрне котлады һәм «Әбиләр үрнәге» мәктәбенең уңышлы эшләвен теләде. Шулай ук  ул өлкәннәрнең яшь буынны тәрбияләүдә мөһим роль уйнавын әйтте. Бу турыда Казахстан мөселманнарының Диния нәзарәте хәбәр итә. Чарада катнашучылар Коръән укыды, баш имам... Читать дальше...

(Казан, 29 март, «Татар-информ»). Россия Президенты Владимир Путин бүген хәрби хезмәткә язгы чакырылыш турындагы указга имза куйды. Әлеге документ буенча Россиядә яшәүче 134 650 кеше чакырылыш кампаниясенә керә. Язгы чакырылыш 2021 елның 1 апреленнән 15 июленә кадәр дәвам итәчәк. Бу турыда хокукый мәгълүматның рәсми интернет-порталында хәбәр ителә. «Запаста булмаган һәм „Хәрби бурыч һәм хәрби хезмәт турында“ Федераль закон нигезендә Россиянең 18 яшьтән алып 27 яшькә кадәрге 134 650 гражданын хәрби хезмәткә чакырырга», диелгән указ текстында. Читать дальше...

(Казан, 29 март, «Татар-информ»). Әлмәт татар дәүләт драма театры Халыкара театр көне уңаеннан шәһәрнең барлык театр студияләрен үз залына җыйган. «Әлмәт татар дәүләт театры халыкара театр көнен „Галиҗәнап театр!“ тамашасы белән билгеләп үтте. Бер сәхнәгә шәһәрнең профессиональ һәм һәвәскәр коллективларын җыйды», — дип хәбәр итә театрның матбугат хезмәте. Бәйрәм программасында Әлмәтнең «Легкие крылья» урам театры, «Фристайл» заманча бию студиясе, «Әлмәт» мәдәният үзәгенең «Радужка» курчак театры... Читать дальше...

(Казан, 29 март, «Татар-информ»). Татарстанның Питрәч районы башкарма комитеты җитәкчесенең урынбасары Дамир Байгильдин тоткарланган. 25 яшьлек ир-ат мошенниклыкта шикләнелә. Татарстан буенча Эчке эшләр министрлыгының Икътисади иминлек һәм коррупциягә каршы көрәш идарәсе хезмәткәрләре ачыклаганча, Дамир Байгильдин 2017 елда эшмәкәрлек эшчәнлеге белән шөгыльләнгәндә район Авыл хуҗалыгы идарәсенә грант кулланылу турында ялган мәгълүмат бирелгән. Эш башлаган фермерларга ярдәм программасы буенча 1,4 млн сум бүлеп бирелгән. Читать дальше...

(Казан, 29 март, «Татар-информ»). 27 мартта Әлмәт районының Салкын Алан авылы имамы Илдус хәзрәт Маликов 110 чакрым йөгерде. Аның юлы Мамадыш районы Соколка авылыннан башланып, Әлмәт районының Салкын Алан авылында тәмамланды. Әлеге йөгереш Идел буе Болгар дәүләтендә Ислам динен кабул итүнең 1100 еллыгына һәм Салкын Алан авылына 100 ел тулуга багышланды. Бу турыда Татарстан Диния нәзарәтенең матбугат хезмәте хәбәр итте. Илдус хәзрәт Маликов белән бергә йөгерешкә Татарстанның Карабаш бүлегенең... Читать дальше...

(Казан, 29 март, «Татар-информ»). Шушы көннәрдә Ижевскида «Театраль Идел буе» фестиваленә йомгак ясалды һәм җиңүчеләр игълан ителде. Туры эфирда Идел буе федераль округының барлык төбәкләрендәге студияләр булды, анда фестивальдә катнашучылар, жюри әгъзалары, театр сәнгатен яратучылар җыелган иде. Татарстаннан «Театраль Идел буе» фестиваленең округ этабында Әлмәт нефть институтының «Дебют» студентлар коллективы һәм Казанның «ЕрашОК» сатира һәм юмор эстрадасы балалар театры катнашты. Бу турыда Россия... Читать дальше...

(Казан, 29 март, «Татар-информ», Гадел Әхмәтҗанов). Краснодар краеның «Болгар-К» татар оешмасы рәисе Роман Динисламов төбәктә бер гасыр элек яшәгән татарлар турында материаллар эзләүләрен әйтте. «Тарихи чыганаклар, материалларга ышансак, татарлар Краснодар краенда 100 ел элек тә яшәгән. Хәзер без шушы чыганакларны табарга тырышабыз. Туган төбәкне өйрәнү музеенда да булдык. Элек татарлар ничек яшәгән, нәрсә белән шөгыльләнгән? Шул сорауларга җавап табасыбыз килә», — дип сөйләде ул «Татар-информ» хәбәрчесенә. Читать дальше...

(Казан, 29 март, «Татар-информ», Марат Ишкильдин). «Идел» яшьләр үзәгендә Татарстан муниципаль берәмлекләре мәдәният хезмәткәрләренең «Софитлар яктысында» дип исемләнгән ике көнлек республика форумы ачылды. Съезд «Мәдәният: проект алымы — заман чакыруы» панель дискуссиясеннән башланды. «Неконференция һәм формаль булмаган аралашу технологиясе безнең зур команда өчен бик мөһим. Бүген мәдәният тармагы алдында бик күп чакырулар тора, без мәдәният экосистемасын төземәсәк һәм мәдәният хезмәткәрләренең элемтәсе булмаса... Читать дальше...

(Казан, 29 март, «Татар-информ», Полина Шевчук). Казанда күпфатирлы йорттагы фатирның  берсендә газ плитәсендә калдырылган чәйнек аркасында аш бүлмәсендә йорт җиһазлары янган. Бүген 13.39 сәгатьтә ашыгыч хезмәтнең 112 бердәм номерына Космонавтлар урамында 616 йортта янгын чыгуы турында хәбәр килгән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләделәр. Янгын урынына 6нчы янгын сүндерү-коткару часте килгән һәм 15 катлы йорттагы... Читать дальше...

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев журналист Илфат Фәйзрахмановны юбилее белән котлады. «Хөрмәтле Илфат Хәкимулла улы! Сезне чын күңелдән туган көнегез белән котлыйм! Сез җитәкләгән "Безнең гәҗит" газетасы - татар-матбугатында иң алдынгы басмаларның берсе. Хезмәтегезне югары бәялибез, аның алга таба да уңышлы дәвам итәчәгенә ышанабыз. Барлык теләкләрегез, иң кыю планнарыгыз һәм якты хыялларыгыз чынга ашсын. Якыннарыгыз һәм туганнарыгыз һәрчак янәшәгездә булсыннар»... Читать дальше...

(Казан, 29 март, «Татар-информ»). Татарстанда «ЭпиВакКорона» вакцинасының өч мең дозасы кайтуын көтәләр. Бу хакта Казан мэриясендә узган киңәшмәдә ТР сәламәтлек саклау министры урынбасары - Казан башкарма комитетының Сәламәтлек саклау идарәсе башлыгы Владимир Жаворонков хәбәр итте.   «Без „ЭпиВакКорона“ вакцинасының өч мең дозасы килүен көтәбез. Бүгенге көндә республикага 149 мең вакцина алынган, Казанның медицина оешмалары 56 мең доза вакцина алды, алдагы ике көндә без тагын бер мең доза алачакбыз», — дип сөйләде ул. Читать дальше...

(Казан, 29 март, «Татар-информ»). Г.Камал театры артистлары — РФ һәм ТР халык артисткасы Алсу Гайнуллина, Россиянең атказанган, Татарстанның халык артистлары Илдар Хәйруллин, Рузия Мотыйгуллина, Татарстанның халык артистлары Әсхәт Хисмәтов, Фуат Әбубәкеров коронавирустан прививка ясатканнар.  Вакцинация Казанның 18 шәһәр хастаханәсе сырхауханәсендә узган, дип хәбәр итә ТР Сәламәтлек саклау министрлыгының матбугат хезмәте. «Мин, Рузия Мотыйгуллина, кызым, ике оныгым бар. Алар белән гел аралашасым килә. Читать дальше...

(Казан, 29 март, «Татар-информ»). Татарстан Президенты Рөстәм Миңнеханов шәһәр яны бистәләрендә мәктәпләр төзү мәсьәләсе буенча киңәшмә үткәрде. Очрашу нәтиҗәләре буенча республика җитәкчесе берничә йөкләмә бирде. Бу хакта ТР Президенты матбугат хезмәте җитәкчесе Лилия Галимова хәбәр итте. «Беренчесе: тиешле инфраструктура булмаган шәһәр яны бистәләреннән балаларны мәктәпләргә оештырылган төстә ташуны өстәмә рәвештә тәэмин итү. Шул ук вакытта Президент балаларны йөрткән вакытта куркынычсызлык чараларын үтәүгә аерым игътибар бирергә кушты. Читать дальше...