Новости за 24.03.2021

(Чирмешән, 24 март, «Татар-информ», «Безнең Чирмешән» , Кадрия Гамирова). Чирмешәндәге Мөшбикә мәчете балалар өчен дини лагерь оештырды. Язгы каникул атнасында биш көн бирегә һәр көнне утызлап бала килә. Мәчет имамы Хәбир Ханов балаларга кызыклы һәм мавыктыргыч итеп дин дәресләре оештыра, малайлар һәм кызлар пәйгамбәрләр тарихы белән дә танышалар, кыска сүрәләр дә ятлыйлар, бергәләшеп өйлә намазын укыйлар, мәчеткә йөрүче апалар әзерләгән тәмле ашлар белән сыйланалар. "Балаларның кайберләре намаз тәртибен белә... Читать дальше...

(Казан, 24 март, «Татар-информ», Полина Шевчук). Казанда Дәрвишләр бистәсендәге полиция терәк пунктына ут төрткән җинаятьчене тоткарлаганнар, дип сөйләделәр «Татар-информ»га Россия Эчке эшләр министрлыгының Казан буенча идарәсе матбугат хезмәтендә. Полиция терәк пунктын Казанда яшәүче элек хөкем ителгән 32 яшьлек ир-ат яндырган. Хәзерге вакытта ир-атны полиция бүлегенә китерделәр. Элегрәк «Татар-информ» агентлыгы хәбәр иткәнчә, бүген көндез билгесез ир-ат кулларына канистра тоткан килеш Дәрвишләр... Читать дальше...

(Казан, 24 март, «Татар-информ»). Иртәгә, 25 мартта Татарстанда салкынча һава торышы саклана. Республикада аязучан-болытлы һава торышы көтелә. Явым-төшем ихтималы аз. Кайбер районнарда томан төшәчәк. Җил тотрыксыз һәм акрын тизлектә исәчәк дип фаразлана. Юлларда бозлавык хасил булачак, дип хәбәр итә Татарстан Гидрометеорология һәм әйләнә-тирә мохитне күзәтү үзәге. Төнлә һава температурасы 6-11 градус салкын, ә аязганда 16 градуска кадәр суытырга мөмкин. Көндез һава температурасы -1…+4 градуска кадәр җылытачак.

(Казан, 24 март, «Татар-информ», Надежда Гордеева). «Бердәм Россия» партиясенең Татарстан төбәк бүлеге ковид белән авырган 65 яшьтән өлкәнрәк медицина хезмәткәрләренә тернәкләнү өчен юллама тапшырдылар. Республиканың 17 муниципаль берәмлегеннән 44 белгеч юллама алган. «Безнең илдә медицина хезмәткәрләрен һәрвакыт хөрмәт иттеләр. Әмма соңгы ике елда табиб, медицина хезмәткәре турында ешрак сөйли башладылар, чөнки пандемия аларның авыр чакта сынатмый торган искиткеч кешеләр икәнен күрсәтте», — диде Татарстан Дәүләт Советы Рәисе урынбасары... Читать дальше...

(Казан, 24 март, «Татар-информ»). 2021 елгы Казан марафонында милләтләр парадын үткәрү планлаштырыла. Анда һәр теләүче катнаша ала. Берәр дистанциядә катнашу теләге белдергән теләсә кайсы йөгерүче үз иле яки Россия төбәге данын яклый ала. Парад ярышларның беренче көнендә, 1 майда узачак. Бу турыда Спорт министрлыгы матбугат хезмәте хәбәр итә. Спортчылар Татарстан башкаласының төп истәлекле урыннары — Казан Кремле, Үзәк стадион, Кабан күле һәм Меңьеллык паркы яныннан йөгереп узачак. Киңкүләмле чарада катнашучыларга лекторий һәм паста-пати... Читать дальше...

(Казан, 24 март, «Татар-информ», Эвелина Киселёва). Татарстанда туберкулез белән авыручыларның гомуми саны арасында авыру йоктыручы балаларның өлеше кимеми. «Авыруларның гомуми структурасында авырый торган балалар саны кимеми. Ел саен 3,5 меңнән артык балада туберкулез инфекциясе ачыклана», — диде «Татар-информ»да узган матбугат конференциясендә Республика туберкулезга каршы клиник диспансеры баш табибының урынбасары Рәмзия Фатыйхова. Ковид чикләүләренә карамастан, республика бала тудыру йортларында... Читать дальше...

(Казан, 24 март, «Татар-информ»). 1 апрельдән Кипр хакимияте Россия туристлары өчен чикләрен ача. Утрауда ял итү өчен аларга ковидка тискәре анализ нәтиҗәсен күрсәтергә кирәк булачак. «Ковидка тискәре тест нәтиҗәсе булган, авыру кешеләр белән элемтәгә кермәгән туристлар Кипрда карантинда булмаячак», — дип гарантияли Кипрның Туризм министрлыгы. Бу хакта РИА Новости хәбәр итә. 12 яшькә кадәрге балалар ковидка тест ясатырга тиеш түгел, дип ачыклык кертелә министрлык хәбәрендә.

(Казан, 24 март, «Татар-информ»). 30 апрельдә Мәскәүдән Түбән Камага яңа авиарейс ачыла. Самолетлар көн саен очачак. «Рейслар Мәскәүнең «Домодедово» аэропортыннан гамәлгә ашырылачак», — диделәр Татарстан Транспорт һәм юл хуҗалыгы министрлыгында. Россия башкаласыннан очыш 21.40 сәгатькә, ә Түбән Камадан 6.00 сәгатькә планлаштырылган. Пассажирлар яңа уңайлы SSJ100 лайнерына утырып очачак.

(Казан, 24 март, «Татар-информ»). Азнакайда яшәүче 24 яшьлек егет инвалидлык бирмәгән өчен өлкән яшьтәге табибның башына чүкеч белән суккан. Бу турыда «Татар-информ»га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте. Тикшерү мәгълүматы буенча, узган ел 24 яшьлек ир-ат инвалидлык рәсмиләштерү үтенече белән күп тапкыр Азнакай үзәк район хастаханәсенә 71 яшьлек терапевт янына килгән. Табиб пациентка махсус учреждениегә мөрәҗәгать итәргә һәм тикшерү узарга кирәк дип аңлаткан. Читать дальше...

(Казан, 24 март, «Татар-информ»). Дәүләт Думасы өченче укылышта Россия Салым кодексына төзәтмәләр кабул итте. Алар физкультура һәм спорт белән бәйле хезмәтләр өчен түләгәннән салым кайтарту мөмкинлеге бирә. Закон проектын парламентка Хөкүмәт керткән. «Интерфакс» хәбәр иткәнчә, Документта НДФЛ буенча салым базасын билгеләгәндә гражданин оешма яки шәхси эшмәкәр күрсәткән физкультура-савыктыру хезмәтләре өчен түләгән акчадан салым кайтара ала диелгән. Салымны 18 яшькәчә балалар өчен дә алырга мөмкин. Читать дальше...

(Казан, 24 март, «Татар-информ»). Казан мэры Илсур Метшин янә Европа Советы Җирле һәм төбәк хакимиятләре конгрессының Актуаль мәсьәләләр буенча вице-рәисе итеп сайланды. Илсур Метшин берничә актуаль теманы кузгатты. Аларның берсе — төрле мәдәният һәм халыклар вәкилләренең тату яшәве. 2018 елда ук Казанга килгән конгресс делегациясе мәдәни күптөрлелекне һәм мәдәниятара диалогны үстерү буенча җирле ысуллар һәм практикалар күп кенә Европа илләре өчен үрнәк булырга мөмкин булуын әйткән иде. Бу турыда... Читать дальше...

(Казан, «24 март, «Татар-информ», Гөлүзә Ибраһимова). «Сәхнә» журналының март санында күрсәтелгән QR-код аша аудиокитап тыңлап була. «Әгәр матурлык булмаса, бу дөньяда батырлык булмас иде. Безне матурлык яшәтә. Дөньяда татар кызы дигән матурлык бар. „Сәхнә“ журналының март санында без татар кызларының матурлыгы турында аудиокитап тәкъдим итәбез. Әгәр матур татар кызларын тәрбияли алсак, безнең киләчәк бик матур булачак», — дип сөйләде «Сәхнә» журналының баш мөхәррире Зиннур Хөснияр. Журналдагы... Читать дальше...

(Казан, 24 март, «Татар-информ»). Мәскәү өлкәсе мөхтәсибе Дауд хәзрәт Мөхетдинов, Россия мөселманнары Дини җыены имамы Илнур хәзрәт Гайнетдинов һәм аның башлыгы ярдәмчесе Денис хәзрәт Мостафин Мәскәү өлкәсе Подольск шәһәре «Нур» мәхәлләсенең 16 еллыгына багышланган чарада, шулай ук Подольск шәһәренең хөрмәтле остабикәсе Разыя ханым (мәчет рәисенең әнисе) истәлегенә багышланган чарада катнашты. Җәмгыять рәисе Ришат Сәйфетдинов күпмилләтле җәмгыятькә тугандаш мохит һәм ярдәм өчен рәхмәт әйтте, шулай... Читать дальше...

(Казан, 24 март, «Татар-информ», Эвелина Киселёва). Коронавирустан соң биш мие эшчәнлеге бозылуын күрсәтүче симптомнар турында билгеле булды. Бу турыда ковидка багышланган туры эфирда табиб-психиатр, Бөтендөнья сәламәтлек саклау оешмасы белгече Владимир Менделевич сөйләде. «Әгәр дә кеше субъектив рәвештә үзенә нидер комачаулавын тоя икән… Мисал өчен, ул элеккеге эшен башкара, гадәти интеллектуаль эшчәнлек алып бара алмый… Бу белгеч белән киңәшү өчен сәбәп булып тора, чөнки аннары соң булырга мөмкин. Читать дальше...

(Казан, 24 март, «Татар-информ»). 19-20 мартта Самарада «Триумф» Х Халыкара балалар һәм яшүсмерләр иҗаты фестиваль-конкурсы узды. Проектта Самара шәһәре округының «Яктылык» мәктәбе укучылары — «Йолдыз» татар биюе театрында шөгыльләнүчеләр өченче урынны алды. «Самара татарлары» сайты хәбәр иткәнчә, конкурсантлар «Тыпырдау» һәм «Күңелле гөрләвек» биюләре белән өченче дәрәҗә лауреат булды. Шулай ук  «Яулык белән бию» һәм «Биибез бергәләп» биюләре белән бүләкле урыннарга ия булдылар.

(Казан, 24 март, «Татар-информ»). «ШАЯН ТВ» балалар телеканалы 6 дан 15 яшькә кадәрге балаларны «Биюbattle» — «Бию баттл» дигән яңа проектта катнашырга чакыра. «Биюbattle» ул — заманча музыка дәрте, халык биюе эстетикасы һәм классик хореография нәфислеге, дип хәбәр итә каналның матбугат хезмәте. Катнашуылар соло, дуэт яки тулы бер коллектив белән килә ала. Алар заманча халык биюе яки эстрада хореографиясен күрсәтергә тиеш. Тулырак мәгълүмат, катнашучы гаризасы һәм бәйге турында нигезләмә shayantv.ru... Читать дальше...

(Казан, 24 март, «Татар-информ»). Чита шәһәрендә Байкал аръягы крае губернаторы Александр Осипов Байкал аръягы мөселманнарының Диния нәзарәте рәисе, имам-мөхтәсиб Алмаз Сәлахов белән очрашты. Дин эшлеклесе төбәк башлыгына Идел буе Болгар дәүләте халыклары Ислам динен кабул итүнең 1100 еллыгын бәйрәм итү кысаларында төбәктәге чаралар планын тәкъдим итте һәм аның ярдәменә өметләнүен әйтте. Байкал аръягы краеның мөселман җәмгыяте чаралар планын әзерләгән. Могоча һәм Нерчинск шәһәрләрендә, шулай ук Яңа Чара бистәсендә мәчетләр төзелә... Читать дальше...

(Казан, 24 март, «Татар-информ»). «Дни века Чингиза Айтматова» фильмы режиссеры, «АМАТУС» кинокомпаниясе продюсеры Григорий Нахапетов Татарстанның Россиядәге Тулы вәкаләтле вәкиллегендә булды. Аның белән Татарстан Премьер-министры урынбасары — Татарстанның Россиядәге Тулы вәкаләтле вәкиле Равил Әхмәтшин очрашты. «Чингиз Айтматов — дни и века» документаль картинасы 2020 елда «Россиядә Кыргызстан елы», «Кыргызстанда Россия елы» ның төп вакыйгаларының берсе булды. Бу турыда Татарстанның Россиядәге Тулы... Читать дальше...

(Казан, 24 март, «Татар-информ», Тимур Рәхмәтуллин). Башкортстанның көнбатыш районнарының күпчелегендә урнаштырылган һәм республикада ризасызлык китереп чыгарган туристик стелаларның бәясе төбәк бюджетына 22 миллион сумга төшкән. Бу хакта «Миллиард.татар» порталы хәбәр итә. «Туристик стелалар» урнаштыруга лотны Башкортстан халыклары дуслыгы йорты куйган. Контрактның якынча бәясе 22 млн сум. Тендерны «Спектр» ҖЧҖ откан. Басма ачыклаганча, техник бирем конструкцияләрне республиканың 22 районында (һәр районга икешәр)... Читать дальше...

(Казан, 24 март, «Татар-информ»). Татарстан Президенты Рөстәм Миңнеханов, ТР автомобиль спорты федерациясенең трассалар буенча комитеты рәисе һәм картинг буенча «Титан» кече академиясе президенты Евгений Шафрановның вафаты сәбәпле, кайгы уртаклашты. Татарстан Президенты аның улы Романга телеграмма җибәргән. «Әтиегез, легендар тренер һәм танылган автоспорт мастеры Евгений Львович Шафранов вафатына сәбәпле, тирән кайгыгызны уртаклашам. Аның китүе — Сезнең өчен зур югалту, бөтен республикабыз өчен бик авыр югалту», — дигән Рөстәм Миңнеханов. Читать дальше...

(Казан, 24 март, «Татар-информ»). Дәүләт Думасы Россиянең гамәлдәге Президенты Владимир Путинга дәүләт башлыгы вазифасын тагын ике срокта биләү мөмкинлеге бирә торган закон кабул итте.  Яңа закон сайлаулар һәм референдумнар үткәрүгә бәйле документларны узган ел Россия Конституциясенә кабул ителгән төзәтмәләр нигезендә туры китерә. Аны Дәүләт Думасы депутатлары Павел Крашенинников һәм Ольга Савастьянова, шулай ук сенатор Андрей Клишас эшләгән, дип хәбәр итә РИА Новости. Яңалык нигезендә, ил җитәкчесе... Читать дальше...

(Казан, 24 март, «Татар-информ»). Татарстан шикәр һәм көнбагыш мае белән җитәрлек күләмдә тәэмин ителгән. Бу продукциягә кытлык көтелми. Татарстан Республикасы Авыл хуҗалыгы һәм азык-төлек министрлыгының матбугат хезмәтендә шул хакта хәбәр иттеләр. «Шикәр белән тәэмин ителеш 356,9 процент тәшкил итә, ягъни бу кирәкле күләмнән өч тапкыр артык. Көнбагыш мае Татарстанда һәр кешегә 12 тапкырдан артык туры килә, тәэмин ителеш — 1269,6 процент», — дип искәрттеләр министрлыкта. Ведомство исәпләү өчен елга... Читать дальше...

(Казан, 24 март, «Татар-информ», Рузилә Мөхәммәтова). Журналист Рәфис Җәмдихан «Башкортстанга кодаларга кунакка» акциясе үткәрергә тәкъдим итә. «Дуслар, әйдәгез, җәй айларында Башкортостанга кунакка барабыз. Һәрберебезнең анда туган-тумачасы, таныш-белеше, дус-ише бар бит инде. Минем, мәсәлән, кодалар Бөредән. Берәр атна хәлләр белешеп, күрешеп, аралашып кайтыйк», — дип яза Рәфис Җәмдихан социаль челтәрләрдә. Башкортстанда туганнары булмаганнарны ул сәяхәткә чыгып, Уфа, Бәләбәй өязләренең гүзәл табигатен... Читать дальше...

(Казан, 24 март, «Татар-информ», Гөлүзә Ибраһимова). 31 март — 2 апрель көннәрендә Бөтендөнья татар конгрессы IX Бөтенроссия татар авыллары эшмәкәрләре җыенын уздыра. Иң зур делегация Башкортстан республикасыннан килер дип көтелә. «Иң ерак төбәктән килгән делегация Ерак Көнчыгыштан булачак. Иң зур делегация Башкортстан Республикасыннан киләчәк. Аннан 65 татар эшкуары катнашачак», — дип сөйләде матбугат очрашуында Бөтендөнья татар конгрессы башкарма комитеты җитәкчесе Данис Шакиров.

(Казан, 24 март, «Татар-информ», Рузилә Мөхәммәтова). Мәрхүмә җырчы Әлфия Авзалованың кызы Зөлфия Авзалова-Нигъмәтҗанова әнисенеңә багышлап куелган истәлек тактасын «Эллочка»га охшату белән килешми. «Без барысын да әнинең васыяте буенча, ул яраткан фотодан һәм афишадан күчереп эшләдек, скульптор әнинең елмаюын бронзага күчерә алды», — диде ул архитектор Сергей Саначинның Татарстан Мәдәният министрлыгында әнисенең истәлек тактасын тәнкыйтьләвенә ризасызлыгын белдереп. ТР Мәдәният министрлыгында... Читать дальше...