Новости за 27.03.2021

(Казан, 27 март, «Татар-информ», Рузилә Мөхәммәтова). Чаллы театрының «Шәһәр. Нокта. Брежнев» спектаклендә Артур Вафин ролен башкарган Винер Фәйзуллин «Дебют» номинациясендә «Тантана» премиясен алды. Яшь актерга премия дипломын өлкән медсестра Эльвира Галимҗанова тапшырды. Винер Фәйзуллин Чаллы театрында беренче сезонын эшли. «Яңа килгәннәрнең берсе романнан килеп чыккан кебек. Гәүдәле дә… Аның белән эшләргә генә кирәк», — дигән иде Чаллы театрының сәнгать җитәкчесе Олег Кинҗәгулов. Республика театр... Читать дальше...

(Казан, 27 март, «Татар-информ», Марат Ишкильдин). ТР Милли китапханәсендә бөек татар шагыйре Габдулла Тукайның тууына 135 ел тулуга багышланган «Татар китабының глобаль дөньясы» дигән проект әзерләнә. ТР Милли китапханәсе директоры Мәдинә Тимерҗанова Андрей Кузьминга биргән интервьюсында шулай дип белдерде. «Хәзерге вакытта без Тукайның туган көне уңаеннан „Татар китабының глобаль дөньясы“ дигән киң колачлы проект әзерлибез», — дип аңлатты ул. Әлеге проектны әзерләү эше китапханә, Милли музей... Читать дальше...

(Казан, 27 март, «Татар-информ», Полина Шевчук). Татарстанның Югары Ослан районында Куйбышев сусаклагычында суның биеклеге бер тәүлек эчендә 3 сантиметрга күтәрелгән. Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына хәбәр итүләренчә, Чаллы янында Түбән Кама сусаклагычында суның биеклеге 5 сантиметрга кимегән һәм 63,15 билгесендә туктап калган. Түбән Кама ГЭСының түбән бьефында суның биеклеге 5 сантиметрга күтәрелгән, әмма куркыныч биеклеккә – 60 сантиметрга кадәр ерак әле. Читать дальше...

(Казан, 27 март, «Татар-информ»). Татарстан Президенты Рөстәм Миңнеханов татар телендә открыткалар җибәрү буенча «Хатлар языгыз» акциясен хуплады. Ул Instagram социаль челтәрендәге үз сәхифәсендә «Хатлар йорты» сервисыннан видеоролик урнаштырган. Әлеге акциянең максаты — хатлар ярдәмендә татар халкын берләштерү. «Беренче хатны без Президент Рөстәм Миңнехановка җибәрдек, ул аны үзенең инстаграм-аккаунтында урнаштырды. Бу безнең проектка үзенә күрә хәер-фатиха булды», — дип искәрттеләр берләшмәдә. Читать дальше...

(Казан, 27 март, «Татар-информ»). Коронавирус инфекциясенә каршы прививка ясаткан кешеләр вакцинаның икенче дозасын алганнан соң өч атна дәвамында иминлек чараларын үтәргә тиеш. Н. Ф. Гамалея үзәге («Спутник V» препараты әлеге үзәктә уйлап табылды) директоры Александр Гинцбург россиялеләрне шул хакта кисәтте. Прививка ясатканнан соң битлек киеп йөрү һәм социаль дистанция саклау вируска иммунитет формалашырга өлгерсен өчен кирәк. Антитәнчекләр коронавируска каршы 92 процент очракта тиешле нәтиҗә бирә... Читать дальше...

(Казан, 27 март, «Татар-информ», Наталья Рыбакова). 2021 елда эшсезләрне эшкә алучы предприятиеләр һәм эшкуарларга РФ Социаль иминият фонды тарафыннан субсидия бирү кагыйдәләре расланды. Бу хакта ТР Хезмәт, халыкны эш белән тәэмин итү һәм социаль яклау министрлыгының матбугат хезмәте хәбәр итә. «Субсидия алу өчен эш бирүчегә мәшгульлек хезмәтенә „Россиядә эш“ порталындагы шәхси кабинет аша гариза юлларга, шулай ук эшсез гражданнарны эшкә урнаштыру күздә тотылган буш эш урыннары һәм вакантлы вазифалар исемлеген күрсәтергә кирәк. Читать дальше...

(Казан, 27 март, «Татар-информ», Розалия Хәйруллина). Төп азык-төлек продуктларына атналык бәяләр мониторингы күрсәткәнчә, Татарстанда балалар ризыклары, ак май, шулай ук итнең кайбер төрләре кыйммәтләнгән. Татарстанстат хәбәр иткәнчә, кишер бәясе 2 сумга диярлек арткан – элек 34,59 сум булса, хәзер 36,54 сумга җиткән. Шулай ук балалар ризыклары да кыйммәтләнгән. Әйтик, балалар өчен ит консервлары 2,08 сумга арткан, хәзер аның килограммы 772,48 сум тора. Балалар өчен җиләк-җимеш консервлары бәясе дә күтәрелгән. Читать дальше...

(Казан, 27 март, «Татар-информ»). 27 март көнне Татарстанда Сибгатуллиннар гаиләсе белән иҗади очрашу үткәрелә. Алар иҗади гаиләнең замана кыйммәтләре һәм иҗат турында сөйләячәк. Очрашудан соң яшүсмерләр туры эфирда «Озын тәнәфес»нең федераль кунаклары белән сөйләшә алачак. Мәктәп укучылары өчен киң күләмле конкурсның яңа сезонын ачу өч көнлек онлайн-марафон форматында үтә, һәм, 28 март, зур үзгәрешләр көнендә тәмамланачак. Бу турыда Татарстан Яшьләр эшләре министрлыгы матбугат хезмәте хәбәр итә. Читать дальше...

(Чаллы, 27 март, «Татар-информ», «Шәһри Чаллы» ). Чаллы Дәүләт педагогика университетында авыл укытучылары әзерләү буенча федераль үзәк төзергә ниятлиләр. Бу хакта профессор, галим-педагог Анатолий Цирульников хәбәр итте. Әлеге уку йортына дүрт көнлек визиты барышында галим университет базасында гамәлгә ашырыла торган проектлар белән танышты. Анатолий Цирульников шулай ук Актаныш, Мамадыш һәм Менделеевск районнары белем бирү учреждениеләрендә булды, университетның республика авыл мәктәпләре белән хезмәттәшлек итү тәҗрибәсен өйрәнде. Читать дальше...

(Актаныш, 27 март, «Татар-информ», «Актаныш-информ» ). Актанышның «Башак» хуҗалыгында язгы кыр эшләре вакытында агулауда эшләячәк хезмәткәрләрне укыту оештырылды. Язгы кыр эшләренә кереп киткәнче, мондый укулар ел саен үткәрелә. Узган елда җибәрелгән кимчелекләрне кабатламау, быелгы яңалыклар белән танышу максатыннан уздырыла торган укулар киләчәктә төрле хилафлыклар чыкмасын өчен бер кисәтү дә булып тора. Биредә хуҗалыкларның баш агрономнары, агулауда хезмәт куячак эшчеләр катнашты. Укыту барышында... Читать дальше...

(Казан, 27 март, «Татар-информ»). 3 апрельдә Самараның Гали авылы мәдәният йортында Самара губерниясенең 170 еллыгына һәм кешенең галәмгә беренче тапкыр очуына 60 ел тулуга багышланган «Халкым минем-2021» татар муниципальара иҗади фестивале узачак. Фестиваль 2021-2025 елларга Самара өлкәсе муниципаль районының «Похвистнево районында мәдәниятне үстерү» максатчан программасын үтәү кысаларында уздырыла. Бу турыда «Самара татарлары» сайтында хәбәр ителә. «Халкым минем» муниципальара иҗат фестивале татар милли иҗатын үстерүгә... Читать дальше...

(Чаллы, 27 март, «Татар-информ», «Шәһри Чаллы» ). Чаллы шәһәрендә, «Шатлык» яшьләр үзәгендә «Татар егете-2021» бәйгесенең финал туры узды. Әлеге бәйге шәһәрдә быел 19нчы тапкыр үткәрелә. Катнашучылар «Татар егете» исеме өчен көч сынашырга Татарстанның төрле район-шәһәрләреннән килгән. Егетләр үзләренең күп кырлы талантларын күрсәтеп, төрле номинацияләрдә җиңүче исемнәренә лаек булды. Ә «Татар егете-2021» исеме Мөхәммәтҗанов Илназ Нияз улына бирелде.