Новости за 17.02.2021

(Әлки, 17 февраль, «Татар-информ», « Әлки хәбәрләре », Люция Низамиева). Әлки районының ​​​​​​​Әхмәт авылы крестьян (фермер) хуҗалыгы башлыгы Бакиров Фәнис Рәшит улына «Татарстан Республикасының атказанган авыл хуҗалыгы хезмәткәре» дигән мактаулы исем бирелде. Фәнис Бакиров гаилә фермасында 300 баштан артык ат асрый. Аларның яртысы — татар токымлы атлар. Фермер «Ел эшмәкәре. Алтын йөзлек-2016» республика бәйгесе җиңүчесе дә булган иде.

(Азнакай, 17 февраль, «Татар-информ», « Маяк », Резидә Шәрипова). Бүген Туйкә авылы мәдәният йортында Азнакай районы төзелүгә — 90, Туйкә авылына 280 ел тулуга багышлап, «Бүгенге заманда музейларның роле» дигән темага семинар узды. Анда районыбызда эшләп килүче музей җитәкчеләре һәм мәдәният хезмәткәрләре катнашты. «Үткәне юк халыкның киләчәге юк, дип юкка әйтмиләр. Безнең һәр авылда, учреждениедә диярлек музейларыбыз бар. Соңгы елларда бу юнәлештә эш бераз сүлпәнләнде. Аны активлаштыру, тарихыбызны барлауны дәвам итү сорала»... Читать дальше...

(Казан, 17 февраль, «Татар-информ»). Үзбәкстан хакимияте коронавирустан Россиядә җитештерелгән «Спутник V»не күмәк кулланырга рөхсәт итте. Хәзер 1 миллион доза препарат сатып алу чаралары күрелә. Бу турыда РИА Новости хәбәр итте. «Россиянең Гамалея исемендәге фәнни үзәге эшләгән „Спутник V“ вакцинасы Үзбәкстанда күмәк куллануга сертификацияләнгән һәм хупланган», — диелгән коронавируска каршы көрәш буенча махсус комиссия хәбәрендә. Санитар-эпидемиология хезмәте башлыгы урынбасары Ботыр Корбанов сүзләренчә... Читать дальше...

(Казан, 17 февраль, «Татар-информ», Рузилә Мөхәммәтова). Нәҗип Җиһанов исемендәге VI «Мирас» татар музыкасы фестиваленең икенче концерты күренекле татар композиторы Рөстәм Яхинның 100 еллыгына багышланды. «Мирас концертында аксакалларыбыз белән бергә яшь композиторлар музыкасы да яңгырый. Кемнәрдер үз юлларын шушы фестивальдән башлады», — диде тамашачыны сәламләп Татарстан һәм Россия композиторлар берлеге рәисе Рәшит Кәлимуллин. Ул «Мирас» концертларының югары дәрәҗәдә узуын билгеләп узды һәм оештыручыларга ... Читать дальше...

(Казан, 17 февраль, «Татар-информ»). Татарстан мөфтияте хатын-кызлар өчен яңа проект — «Затлы мәҗлес» проекты башлап җибәрә. «Затлы мәҗлес» проектының лозунгы — хатын-кызлар тормышы турында дини сөйләшүләр, дип хәбәр итә ТР Диния нәзарәте матбугат хезмәте. Ул, «Яшь килен» проектыннан аермалы буларак, Коръән, дин, фикъһе мәсьәләләре, хатын-кызның тормыштагы роле, Пәйгамбәребезнең, сәхабәләрнең хатыннары, татар халкының хатын-кызлар белән бәйле традицияләре, Рамазан ае турында сөйләшүгә багышланган очрашулар булачак. Читать дальше...

(Казан, 17 февраль, «Татар-информ»). Бүген, Оренбург шәһәрендә Өлкә татар хатын-кызларының V Форумы узды, дип хәбәр итә Бөтендөнья татар конгрессының матбугат хезмәте. Форум эшендә ТРның Премьер-министры урынбасары, Бөтендөнья татар конгрессының Милли Шура рәисе Васил Шәйхразиев, Бөтендөнья татар конгрессы Башкарма комитеты җитәкчесенең РФ төбәкләрендәге татар иҗтимагый берләшмәләре белән эшләү буенча урынбасары Марс Тукаев, Бөтендөнья татар хатын-кызлары оешмалары җитәкчесе Кадрия Идрисова; Оренбург... Читать дальше...

(Казан, 17 февраль, «Татар-информ», Адилә Зиатдинова). Нефть дәвере тәмамлану Татарстанның киләчәге өчен куркыныч тудырмый. Бу хакта республика Президенты Рөстәм Миңнеханов Татарстанның Россиядәге Тулы вәкаләтле вәкиллеге каршындагы медиаклуб утырышында әйтте. «Барыбыз да яңартыла торган энергия турында сөйлибез, әмма аннан башка нефть химиясе һәм газ бар. Бик күп продукция углеводород чималыннан җитештерелә. Безнең бурыч — нефть химиясе продукциясен эшкәртүне максималь тәэмин итү. Бездә авиация производствосы үсеш ала... Читать дальше...

(Казан, 17 февраль, «Татар-информ»). Татарстан мөфтие Камил хәзрәт Сәмигуллин Рәгаиб кичәсе якынлашу уңаеннан республика мөселманнарына мөрәҗәгать итте «Хөрмәтле дин кардәшләрем! Иртәгә, кояш баю белән, барча мөселманнар Рәгаиб кичәсен каршы алачак. Ул изге Рәҗәб аеның беренче җомгасына каршы төнгә туры килә. Риваятьләрдә Рәгаиб кичәсендә безнең сөекле Пәйгамбәребез Мөхәммәднең ﷺ әти-әнисе — Габдулла белән Әминә никахлашкан дип хәбәр ителә. Аллаһы Илчесе ﷺ үзе үк бу төн турында болай дип әйткән:... Читать дальше...

(Казан, 17 февраль, «Татар-информ»).19 февральдән Казаннан Мәскәүгә төбәкара автобус маршруты яңартылачак. Рейслар атна саен башкарылачак. Автобуслар Татарстан башкаласыннан җомга һәм якшәмбе, 17.00 сәгатьтә, «Көнчыгыш» вокзалыннан кузгалачак. Юлда булу вакыты 14 сәгать тәшкил итә. Бу турыда Татарстан Транспорт һәм юл хуҗалыгы министрлыгы хәбәр итә. «Сәфәр дәвамында бушлай Wi-Fi эшләячәк», — диделәр министрлыкта. Билет бәясе 1,3 мең сум тәшкил итәчәк.

(Казан, 17 февраль, «Татар-информ», Ксения Перепеченова). Татарстан һәм Башкортстан тугандаш халыклар булып кала, һәм якынлашып килүче халык санын алу таркалуга сәбәп булмаячак. ТР Президенты Татарстанның Россиядәге Тулы вәкаләтле вәкиллеге каршындагы медиаклуб утырышында шундый фикер белән уртаклашты. «Татарстан һәм Башкортстан — тугандаш халыклар. Әйе, мөгаен, ниндидер этапта җитешсезлекләр булгандыр. Әмма безнең позиция — мөнәсәбәтләрне саклап калу. Безнең бүлешәсе әйберебез юк. Әйтерсең, без башкортлардан нидер алабыз яки алар бездән ала!

(Казан, 17 февраль, «Татар-информ», Ксения Перепеченова). Татарстанда Элвин Грейның концертларын гамәлдән чыгару башкаручының иҗаты белән түгел, ә коронавируска каршы чаралар белән бәйле булырга мөмкин. Бу хакта Татарстан Республикасының Россия Федерациясендәге Тулы вәкаләтле вәкиллеге каршындагы медиаклуб утырышында Татарстан Республикасы Президенты Рөстәм Миңнеханов хәбәр итте. «Татарстанда бу иптәшне яраталар, аңа ихтыяҗ бар. Роспотребнадзорның Элвин Грейга түгел, ә аның концертын оештыручыларга карата дәгъвасы бар. Читать дальше...

(Казан, 17 февраль, «Татар-информ»). Югары уку йортларына керүче ятим балалар һәм хәрби хезмәт узганда имгәнгән инвалидлар өчен каралган ташламалар вакытын гамәлдән чыкмый торган иттеләр. Шул турыдагы законга Россия Президенты Владимир Путин имза куйган. Әлеге категория гражданнар өчен Россия вузларына конкурстан тыш керү каралган ташлама агымдагы ел башында бетте. Аның буенча ташламалардан файдаланучыларга гомуми бюджет урыннарының 10 проценты каралган иде. Абитуриент укырга керү өчен һәр фән буенча минималь балл җыярга тиеш иде. Читать дальше...

(Казан, 17 февраль, «Татар-информ»). Татарстан Президенты Рөстәм Миңнеханов Мәскәү политехника университетында булды. Татарстан Республикасы Президенты Инжиниринг үсеше үзәген һәм спорт автомобильләренең проект-җитештерү лабораторияләрен, механик эшкәртү, композицион материаллар карады, «Сәнәгать дизайны» фәнни-техник үзәгенең эше белән танышты. Бу турыда республика җитәкчесенең матбугат хезмәте хәбәр итә. Шулай ук югары уку йорты ректоры Владимир Миклушевский белән очрашу узды. Алар фән һәм... Читать дальше...

(Казан, 17 февраль, «Татар-информ»). Полиция Казан кешесен эзләүдә ярдәм сорый. Аның югалганына бер айга якын вакыт узган. Казанда яшәүче хатын-кыз полициягә мөрәҗәгать иткән. Аның  33 яшьлек ире Артур Вәлиев 31 гыйнварда иртән өеннән чыгып киткән һәм югалган. Бу турыда «Татар-информ» агентлыгына Россия Эчке эшләр министрлыгының Казан буенча идарәсендә хәбәр иттеләр. Ир-ат соры олимпийка, караңгы зәңгәр джинсы, көрән кышкы ботинка кигән, үзе белән паспорты булган. Хәзерге вакытта ир-ат федераль эзләүгә игълан ителгән. Читать дальше...

(Казан, 17 февраль, «Татар-информ», Адилә Зиатдинова). Танылган мәчеләр өйрәтүче Юрий Куклачев Татарстан Президенты Рөстәм Миңнехановтан Мәскәү үрнәге буенча Татарстан мәктәпләрендә «Изгелек дәресләре» оештыруны сорады. Алар Татарстанның Россиядәге Тулы вәкаләтле вәкиллеге медиаклубы утырышында очрашты. «Бу программаның мәктәпләрдә шәхси тәртиптә түгел, Мәскәүдә һәм башка шәһәрләрдәге кебек дәүләт дәрәҗәсендә булуын үтенәм», — диде Юрий Куклачев. Куклачев Иннополис шәһәрендә алган хис-кичерешләре белән уртаклашты. Читать дальше...

(Казан, 17 февраль, «Татар-информ», Полина Шевчук). Аномаль салкыннар сәбәпле, Татарстанда шторм кисәтүе игълан ителде. Республика территориясендә аномаль салкын һава торышы урнашты. Татарстанда уртача температура нормадан 9-15 градуска түбән. Республиканы кайбер районнарында һава температурасы -37 градуска кадәр төшәчәк. Республикада салкыннар 25 февральгә кадәр дәвам итәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә. Түбән температура булганда өшү куркынычы бар. Читать дальше...

(Казан, 17 февраль, «Татар-информ», Зилә Мөбәрәкшина). «Гыйлем» проекты авторы Айдар Шәйхин Татар китабы йортына директор вазифасына тәкъдим ителгән. «Татар китабы йортында үзгәрешләр булгач, аның элекке директоры Луиза апа Янсуар миңа шундый тәкъдим белән чыкты. Минем кандидатураны ул үзе тәкъдим итте», — дип сөйләде «Татар-информ» хәбәрчесенә Айдар Шәйхин. Айдар ризалыгын бирүен әйтте. «Мин бу оешмага керергә ризалаштым, чөнки ул минем өчен таныш урын. Бина төзекләндерелгәннән соң биредә “Гыйлем»... Читать дальше...

(Казан, 17 февраль, «Татар-информ», Зилә Мөбәрәкшина). Галимнәр 2017 елда Башкортстанның Стәрлебаш районында экспедиция үткәргән. «"Милли-мәдәни мирасыбыз: Башкортстан татарлары. Стәрлебаш" китабында Башкортстанның Стәрлебаш районында яшәүче татарлар, аларның гореф-гадәтләре, тел-авыз иҗаты, сөйләш үзенчәлекләре, җыр-моңнары, җирле осталарның кул эшләре, шәҗәрәләр, археографик мирас турында бай мәгълүмат бирелә», — диде «Татар-информ» хәбәрчесенә китапны төзүче Нуридә Насыйбуллина. Китапның икенче... Читать дальше...

(Казан, 17 февраль, «Татар-информ»). Бер компонентлы «Спутник Лайт» вакцинасы клиник сынауларның өченче стадиясенә күчә. Тиешле рөхсәтне Россия Сәламәтлек саклау министрлыгы бирде. Тикшеренүләрнең бу стадиясен 2022 елның 28 гыйнварында тәмамлау планлаштырыла, дип яза РИА Новости. Препаратны эшләү белән элек ике компонентлы «Спутник V» вакцинасын чыгарган Н.Ф.Гамалея исемендәге үзәк шөгыльләнә. Бер компонентлы препарат «Спутник V» тан көчсезрәк, әмма кешене Covid-19ның авыр агымыннан якларга сәләтле.

(Казан, 17 февраль, «Татар-информ»). Бөекбритания Язучылар берлеге һәм Язучылар халыкара берлегенең Халыкара Лондон премиясе өстендә бишьеллык уртак эшенә йомгак ясалды. Бу киңкүләмле проект бөтен дөнья язучыларына үз әсәрләрен халыкара аренада тәкъдим итәргә, грант һәм мактаулы исем алырга мөмкинлек бирде. Халыкара Лондон премиясе күп кенә катнашучыларга алга таба зур адым ясарга ярдәм итте. Премия алты номинациягә бүленде, авторларның һөнәри осталыгы дәрәҗәсе буенча берничә этаптан һәм категориядән торды. Читать дальше...

(Казан, 17 февраль, «Татар-информ», Зилә Мөбәрәкшина). Башкортстанның төньяк-көнчыгыш, үзәк һәм төньяк-көнбатыш, көнбатыш һәм көньяк-көнбатышта урнашкан татар телле халыкның фольклоры җыелган. «"Башкортстан татарлары фольклоры" сериясендәге китапларга Авыргазы, Әлшәй, Миякә, Балтач, Илеш, Бакалы һ.б. районнарында яшәүче татарлар фольклоры кертелде. Бу районнарда татарлар электән күпләп яши, аларның фольклор мирасы бай һәм күптөрле. Китап туган як тарихы һәм мәдәнияте белән кызыксынучыларга тәкъдим ителә»... Читать дальше...

(Казан, 17 февраль, «Татар-информ», Эвелина Киселёва). Уку елыннан башыннан Татарстанда 119 студент, 116 укучы һәм 202 укытучы коронавирус йоктырган. Яңа коронавирус инфекциясенең 423 чыганагы ябылган, барысында да берәр очрак теркәлгән. Роспотребнадзорның республика идарәсе контролендә 14 авыру кала. Бу турыда «Татар-информ» агентлыгында матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) Татарстан буенча идарәсе матбугат секретаре Миләүшә Җамалиева сөйләде. Читать дальше...

(Казан, 17 февраль, «Татар-информ»). Аз керемлеләр өчен азык-төлек сертификатларын кертү идеясе хәзер коронавирус пандемиясенең кызган вакытында булган кебек актуаль түгел, ләкин фикер алышырга мөмкин. Бу хакта Россия Президенты Владимир Путин Дәүләт Думасы фракцияләре җитәкчеләре белән очрашуда әйтте. «Азык-төлек сертификатлары турында сезнең белән фикер алыштык инде, хакимияткә дә бу темага сөйләшергә йөкләгән идем», — диде Путин һәм бу инициативаның уңай белән проблемалы яклары барлыгын билгеләп үтте, дип яза РИА Новости. Читать дальше...

(Казан, 17 февраль, «Татар-информ», Зилә Мөбәрәкшина). Татарстан галимнәре узган ел Себер татарлары яшәгән төбәкләрдә тикшеренү уздырган. Шул чакта моңарчы билгеле булмаган борынгы әкият табылган. «Узган ел февральдә Төмән өлкәсе Саз ягында узган экспедиция вакытында „Каләмдәр белән Сәламдар“ дигән әлегә кадәр беркайда да очрамаган тылсымлы әкият язып алынды. Саз ягы — Каспий диңгезе зурлыгында урнашкан саз эчендә урнашкан авыл җирлеге», — диде «Татар-информ» хәбәрчесенә филология фәннәре докторы Илсөяр Закирова. Читать дальше...

(Казан, 17 февраль, «Татар-информ», Эвелина Киселёва). 8 Март һәм 23 февраль хөрмәтенә корпоратив бәйрәме оештыру киңәш ителми. «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат секретаре Миләүшә Җамалиева шул хакта сөйләде. «Мондый чаралар үткәрүгә килгәндә, аларны эш урыннарында үткәрмәскә дигән киңәш саклана, бигрәк тә бу ниндидер аерым бүлекчәләргә кагылганда», — диде спикер. Читать дальше...