پر افغانستان د طالبانو تر بیا واکمنیدو مخکې تل له نشه اي موادو سره د مبارزې په خاطر د میلیونونو ډالرو د لګښت خبره کیده خو دا نیوکې کیدې چې دا هڅې لکه څرنګه چې پکار دي هغسې اغیزمنې نه دي. اوس طالبانو ویلي دي چې د مخدر موادو او د کوکنار د کښت د مخنیوي په اړه جدي دي. ستاسو په نظر په دې برخه کې څه بدلون راغلی دی؟ لومړی دا مستند وګورئ چې پخوا پژواک ازادي راډیو ته چمتو کړی و بیا د کامنټونو په برخه کې خپل ځوابونه راته ولیکئ.
په افغانستان کې د نجونو لپاره د زده کړو د محدودیت په اړه اندېښنې د طالبانو په لاس د افغانستان له سقوط وروسته یوازې په بلخ او هرات ولایتونو کې د ښوونځیو دروازې پورته تر شپږم ټولګي پورې د نجونو پر مخ پرانیستل شوې.
په پاکستان کې د حکومت او د تحریک طالبان پاکستان د ډلې ترمنځ د یوې میاشتې په مخه اوربند سر له نن دوشنبې څخه نافذ شوی. د پاکستان د حکومت ویاند او د اطلاعاتو وزیر فواد چودري پرون یکشنبه په یوه غږیز پیغام کې د دغه اوربند په اړه وویل: "د شوې هوکړې له مخې د تحریک طالبان پاکستان او د پاکستان د حکومت ترمنځ په بشپړ ډزبندیز سلا شوې ده. خبرې اترې به د پاکستان د اساسي قانون او قانون په چوکاټ کې کېږي او پهکې به د هېواد د ملي حاکميت، د خاورې د سلامتیا، د اړوندو سيمو امنيت، ټولنيزه او اقتصادي پیاوړتيا په پام... Читать дальше...
پولنډ له بلاروس سره ختیځه پوله تړلې او مېنسک وارسا ته د هر پاروونکي اقدام په وړاندې خبرداری ورکړی دی. دا په داسې حال کې ده چې له دې پولې د کډوالو د اوښتو بحران چې اروپایي ټولنې یې د خطر زنګ کړنګولی، روان دی. نن سهار وختي د بروژي کوزنیڅه د پولې له تړل کېدو سره یو شمېر کډوالو هڅه وکړه چې د اغزن سیمونو کټارې ماتې کړي او د اروپایي ټولنې غړي، پولنډ ته ننوځي. د پولنډ صدراعظم ماتیوژ موراویسکي نن په یوه ټویټ کې ولیکل چې د ټولې اروپایي ټولنې ثبات او امنیت په خطر کې دی او په پوله کې د کډوالو د بحران... Читать дальше...
په افغانستان کې د 'کووېډ-۱۹' له روغتونونو سره د بهرنیو مرستو په پرې کېدو، د طالبانو عامې روغتیا وزارت په دغه هېواد کې د کرونا ویروس د مثبتو پېښو له ډېرېدو خبر ورکوي. د دغه وزارت د روغتیايي خدمتونو د وړاندې کولو برخې مرستیال عبدالباري عمري د سې شنبې په ورځ «۱۴۰۰ کال د لړم ۱۸» ازادي راډیو سره په خبرو، کې له مرسته کونکو مؤسسو وغوښتل چې په دې برخه کې مرسته وکړي. ښاغلی عمري زیاتوي: "په افغانستان کې د کرونا پېښې مخ په زیاتېدو دي او وضعیت د اندېښنې وړ دی. په تېرو ۱۰ ورځو کې ۶۰۰ مثبتې پېښې ثبت شوي چې له دې شمېر۳۰ تنه مړه شوي دي. Читать дальше...
د طالبانو د حکومت د رئیسالوزرا ملا محمد حسن اخوند په مشرۍ د وزیرانو شورا په نننۍ غونډه کې د یو لړ نورو مسئلو په اړه د پرېکړو ترڅنګ د استخباراتو عمومي ریاست ته دنده وسپارل شوه چې د ولسي جرګې د پخواني غړي الله ګل مجاهد د وهلو ډبلو قضیه دقیقه وڅېړي او له عاملانو سره دې قانوني چلند وکړي. دا خبره د چارو د ادارې لوی ریاست په خپله وېبپاڼه کې د وزیرانو شورا د نننۍ غونډې په اړه په یوه خپاره کړي بیان کې کړې ده. په دې وروستیو کې په ټولنیزو رسنیو کې په ځینو وېډیوګانو کې ښکاري چې وسلهوال کسان له نوموړي سره بد چلند کوي. Читать дальше...
د افغانستان د خبریالانو ملي ټولنې نن په یو خبري کنفرانس کې له افغانستانه د خبریالانو د ویستلو په پروسه کې په فساد اندېښنه وښوده. دغه ټولنې وویل چې د رسنیو یو شمېر بنسټونو د خبریالانو له نوم ناوړه ګټه اخیستې او له افغانستانهیې د خپلو کورنیو غړي او ملګري ویستلي دي. د خبریالانو ملي ټولنې په دې اړه د کوم ځانګړي بنسټ یا شخص نوم وانهخیست، خو ویېویل چې په دې اړهيې پرلهپسې شکایتونه ترلاسه کړي دي. د دې ټولنې ویاند مسرور لطفي د سې شنبې په ورځ «۱۴۰۰ کال د لړم ۱۸» ازادي راډيو ته وویل: "موږ د دغه وضعیت... Читать дальше...
د امریکا د بهرنیو چارو وزارت وایي، د افغانستان لپاره د امریکا ځانګړی استازی ټام وېسټ به د متحده ایالاتو له متحدانو سره په دې اړه چې له طالبانو او د افغانستان له راتلونکي حکومت څه غوښتنې لرو، سلا او مشورو ته دوام ورکړي. د بهرنیو چارو وزارت ویاند ند پرایس پرون په واشنګټن کې په یوه خبري غونډه کې وویل چې ښاغلی وېسټ په بروکسل کې و او د دې فرصتیې درلود چې زموږ د ناټو له متحدانو سره د افغانستان په اړه خبرې وکړي. ښاغلی پرایس زیاتوي: "هغه به همدا شان لندن ته هم لاړ شي. هغه به پاکستان، روسیې او هند ته لاړ شي. Читать дальше...
په سوریه کې د جګړو له کبله د یوې هغه بېځایه شوې کډواله ښځه چې اوس د جامو طراحه ده د خپلې کورنۍ مالي چارې پر مخ وړي. اته دېرش کلنه سمر مغربي د څلورو کوچنیانو مور ده، نوموړې وايي: "زما هدف دا دی چې یو مشهوره فیشن ډیزاینره شم او د یوې داسې ښځې په توګه چې ماتې نه مني، د خپل هېواد نوم روښانه کړم." تر کلونو سختیو وروسته، مغربي اوس هره ورځ په خپل سالون کې کار کوي، چېرته چې دا جامې ډیزاینوي. په دې کار سره دا د خپلې کورنۍ مصارف هم پوره کوي. مغربي په ۲۰۱۱ میلادي کال کې د سوریې په دمشق کې د جګړې له کبله له خپله کوره بې ځایه شوه. Читать дальше...
اوس هم د یوې داسې بحرینۍ ښځې کیسه چې یو لاس یې د سرطان له ناروغۍ پرې شوی، خو دې له ژونده لاس نه دی اخېستی او د یوې مسلکي ورزشکارې په توګه ځلېدلې ده. شیخه الشېبه د ۱۸ میاشتو وه چې د سرطان په ناروغۍ اخته شوه. د دې ناروغۍ د مخنیوي په خاطر یې ډاکټرانو ښی لاس قطع کړ. خو دې غمیزې یې د ورزشي سفر او په سپورټي سیالیو کې د ګډون مخه ونه نیوله. شېبه چې اوس ۳۸ کلنه ده وايي، په دومره کم عمر کې يې د لاس قطع کېدل "اسانه نه وو"، خو دې له ژونده لاس وانه خېست. هغې زیاته کړه: "کله چې زه اتم ټولګي ته... Читать дальше...
پاکستاني طالبانو تایید کړه چې له حکومت سره یې اوربند کړی چې سرله ننه به اعتبار لري. د پاکستان حکومت پرون دوشنبې اعلان وکړ چې د یوې میاشتې په مخه یې د تحریک طالبان پاکستان له ډلې 'TTP' سره اوربند کړی دی. د پاکستان د حکومت ویاند او د اطلاعاتو وزیر فواد چودري په یوه ټویټ کې لیکلي چې په افغانستان کې د طالبانو حکومت د تحریک طالبان پاکستان او حکومت ترمنځ اوربند ته د زمینې په برابرولو کې مرسته کړې ده. د تحریک طالبان پاکستان ویاند محمد خراساني په یوه بیان کې وویل چې دغه اوربند به د یوې میاشتې په... Читать дальше...
د افغانستان لپاره د امریکا ځانګړی استازی وایي، په افغانستان کې سخت ژمۍ به د کابل له نړیوال هوایي ډګره چې لا هم بشپړ فعالیت ته نه دی چمتو شوی، د هغو کسانو لپاره چې غواړي له دې هېواده ووځي، نوې ستونزې رامنځته کړي. ټام وېسټ په واشنګټن کې خبریالانو ته وویل، طالبانو تراوسه خپلې ژمنې تر ډېره پرځای کړي او هغو امریکایي اتباعو او د امریکا د اوږدې مودې هستوګنې اجازې لرونکو ته یې چې غواړي له افغانستانه ووځي د وتلو اجازه ورکړې. ښاغلي وېسټ زیاته کړه، د ده په باوراساسي ستونزه چې دوی به ورسره مخامخ وي هغه... Читать дальше...
هغه څلور ستور مزلي چې په سپېس اېکس کېپسول کې سپاره وو، له نړیوالې فضایي اډې څخه بېرته ځمکې ته د امریکا د فلورېډا ایالت سواحلو ته نژدې د مکسیکو په خلیج کې په خوندي ډول راکوز شول. دغه بېړۍ کې دوه امریکایان، یو فرانسوي او یو جاپانی سپاره وو. دوی په نړیواله فضایي اډه کې د اپریل له ۲۴مه نېټه راهیسې وخت تېر کړی او په دې موده کې یې په سلګونو ازموینې ترسره کړې او هم یې د دې اډې د سولري سیسټم په نوي کولو کې مرسته کړې. دوی د سپېس اېکس د کمپنۍ په ډراګان کېپسول کې چې تر ډېره الوتنه په خپله کنټرولوي ځمکې ته راښکته شول.
د افغانستان نوي کابل بانک د یوې خبرپاڼه په خپرولو سره خپلو ټولو ګډونوالو ته اعلان کړی چې په کابل ښار کې يې ۱۶ څانګې د دوی پرمخ پرانيستي دي. دغه بانک ويلي چې دوی نه يوازې په کابل بلکې په ۳۲ ولايتونو کې هم خپلې څانګې پرانيستي دي او د دې بانک ګډونوال کولی شي چې خپلې راکړې ورکړې په اسانۍ سره ترسره کړي. د افغانستان د نوي کابل بانک په خبرپاڼه کې دا هم ويل شوي چې له دې وروسته خلک کولی شي د برق د بېلونو پېسې هم د تحویلۍ لپاره دغه بانک ته راوړي. ياد بانک په داسې حال کې دغه اعلاميه ورکوي چې د طالبانو... Читать дальше...
د ملګروملتونو د خوړو نړیوال پروګرام ویلي، په افغانستان کې شااوخوا درې میلیونه کسان د قحطۍ سره مخ دي. د دې ادارې اجرائیوي مشر ډېوېډ بیسلي په خپل ټويټرپاڼه ليکلي چې په دې هېواد کې شااوخوا ۲۳ میلیونه کسانو ته مرستې برابروي. نوموړي ویلي چې د ټولې نړۍ په ۴۳ هېوادونو کې شااوخوا ۴۵ میلیونه کسان د قحطۍ سره مخ دي چې یوازې درې میلیونه یې په افغانستان کې دي. د نوموړي په خبره، اوس مهال شااوخوا ۹۵ سلنه افغانان کافي خوړو ته لاس رسی نه لري. د دې سازمان د معلوماتو پر بنسټ، په افغانستان کې د طالبانو د... Читать дальше...
د امریکا پخواني ولسمشر بارک اوباما د ملګرو ملتونو د اقلیم په اړه کنفرانس کې پر چین او روسیې د هغه څه په خاطر چې نوموړي د دغو هېوادونو له خوا د کاربن ګازو کمېدو ته نه لومړیتوب وبلل، انتقاد وکړ. اوباما د سکاټلنډ په ګلاسګو کې پرون د نوومبر په اتمه جوړ شوي کنفرانس ته وویل، په ځانګړي توګه دا د ناهیلۍ خبره ده چې د چین ولسمشر شي جین پینګ او د روسیې ولسمشرولادیمیر پوتین له دې ډډه کوي چې په دې اړه اقداماتو کې برخه واخلي. اوباما وویل، داسې ښکاري چې د دغو هېوادونو ملي پلانونه د دې څرګندونه کوي چې دولتونه... Читать дальше...
غلام فاروق د ننګرهار له کوټ ولسوالۍ تر جلال اباد ښاره راغلی، څو کار روزګار پیدا کړي وايي، که په ټوله میاشت کې ۵ ورځې هم کار وکړي، لویه خبره ده: "تر لسو بجو پورې ناست یوو. هغه د لارې کرایه هم له جېبه ورکوو، د هغې توان هم نه لرو. میاشت کې ۵ـ۶ ورځې کار هم نه پیدا کېږي. هڅه ډېره کوو، ځکه بل څه مو زده نه دي، همدا مو وسیله ده." د بې روزګارۍ، بېوزلۍ او بد اقتصادي وضعیت دا غږونه داسې مهال پورته کېږي چې د افغانستان یو له مهمو مالي ملاتړ کوونکو له دې هېواد سره د مخامخ مرستو د درېدو خبره کړې. نړیوال... Читать дальше...
د اقتصادي ستونزو له امله په کندز کې ۱۴سیمه ییزو رسنیو خپل فعالیتونه بند کړي دي چې له ډلې یو ټلوېزیون، ۷ سیمه ییزې راډیوګانې او ۶ چاپې رسنۍ دي. په دې ولایت کې د سیمه ییزو رسنیو چارواکي وايي، د پخواني حکومت په حاکمیت کې په دغلته ۱۵راډيوګانې، څلورخصوصي ټلوېزیونونه او شپږو چاپي رسنیو فعالیت کاوه، خو د طالبانو په واکمنېدو سره ۱۴ سیمه ییزو رسنیو د اقتصادي ستونزو له کبله خپل فعالیتونه بند کړي دي. په کندز کې د خاور ټلوېزیون مسوول اکمل رحماني ازادي راډيو ته وویل: "پخوا زموږ رسنۍ پر اعلاناتو او ځینو پروژو... Читать дальше...
په داسې حال کې چې امریکا له طالبانو سره په دوحه کې د خبرو بل پړاو ته چمتوالی نیسي، طالبان دا د ستونزو د حل لپاره ښه ګام بولي. د طالبانو د حکومت ویاند او د اطلاعاتو او فرهنګ وزارت مرستیال ذبیح الله مجاهد د سې شنبې (د لړم ۱۸مه نېټه) په ورځ ازادي راډيو ته وویل، د ستونزو د حل په برخه کې مذاکره ښه پایله ورکولی شي. مجاهد زیاته کړه: "سیمې ته د امریکايي استازي سفر او د اسلامي امارت له استازو سره لیدل، ښه ګام دی، موږ دا د ستونزو د حل ښه لار بولو، ځکه تفاهم او خبرې پایلې ورکوي او موږ مخکې هم تجربه لرو... Читать дальше...
د امریکا د دفاع وزارت وایي، هڅه کوي چې د خپلو افغان کارکوونکو د کورنۍ غړي هم له افغانستانه وباسي. د دغه وزارت ویاند جان کربي پرون دوشنبه (د لړم ۱۷مه) ویلي، د کورنۍ په دې غړو کې ښځه یا مېړه او تر ۲۱ کلونو ښکته هغه اولادونه حسابېږي چې واده یې نه وي کړی. د امریکا دفاع وزارت دغه هېواد ته له تازه تللو افغانانو غوښتي چې د کورنۍ د غړو کره معلومات او اسناد ور وسپاري. د امریکا د پوځ اړوند ورځپاڼې سټار اېنډ سټرایپس لیکلي، متحده ایالاتونو دا پرېکړه وروسته تردې وکړه چې افغان همکارانو یې د کورنۍ غړو ته د ګواښ خبره ورته وکړه. Читать дальше...
د طالبانو د بهرنیو چارو سرپرست وزیر امیرخان متقي د یوه لوړپوړي پلاوي په مشرۍ سبا چهارشنبه(د لړم ۱۹مه نېټه) پاکستان ته ځي. د طالبانو د حکومت د بهرنیو چارو وزارت نن په یوه خبرپاڼه کې ویلي چې د دې سفر پر مهال د اړیکو پر پراختیا، اقتصاد، ټرانزیټ، کډوالۍ او د خلکو د تګ راتګ پر اسانتیاوو خبرې کیږي. په خبرپاڼه کې راغلي چې له ښاغلي متقي سره به په دې سفر کې د مالیې او سوداګرۍ وزیران او د دغو وزارتونو کاري ډلې هم ملګرتیا کوي. د طالبانو مرستیال ویاند احمدالله وثیق پرون د دې سفر په اړه ازادي راډیو ته وویل... Читать дальше...
ټايمز اف انډيا ټایمز اف انډيا لیکلي، هند تأیید کړې چې د افغانستان په اړه سیمهييزه امنیتي غونډه د چهارشنبې په ورځ جوړېږي. په دې مقاله کې راغلي چې روسیه، ایران او ټول مرکزي اسیايي هېوادونه په دې راروانه غونډه کې ګډون کوي. دا غونډه د ملي امنیت سلاکارانو په کچه جوړېږي. په مقاله کې د رسمي سرچینو له قوله ویل شوي چې پاکستان او چین تر اوسه د هند رسمي بلنلیکونو ته ځواب نهدی ویلی. تر دې مخکې د پاکستان د ملي امنیت سلاکار موید یوسف اشاره کړې وه چې د هند په کوربهتوب په دې غونډه کې ګډون نهکوي. ده همداراز... Читать дальше...
د خوړو د نړیوال پروګرام اجرائیوي رییس ډېوېډ بیسلي وایي، افغانستان د نړۍ پر مخ له تر ټولو ناوړه بشري ناورین سره مخامخ دی. ښاغلي بېسلي پرون دوشنبه (د لړم ۱۷مه نېټه) د ایټالیا په پلازمېنه روم کې وویل چې په اوس وخت کې د شااوخوا ۴۵ میلیونه وګړو چې په نړۍ کې د قحطۍ له ګواښ سره مخامخ دي، نژ دې نهه میلیونه یې په افغانستان کې دي. نوموړي خبردارې ورکړ چې ښایي افغانستان چې ژمۍ را روان دی، راتلونکې څو میاشتې له داسې یوه وضعیت سره چې نوموړي د ځمکې پر سر له دوزخ سره پرتله کړ، مخامخ شي. د خوړو د نړیوال پروګرام... Читать дальше...
د افغانستان لپاره د امریکا ځانګړی استازی ټام وېسټ وايي، متحد ایالاتونه په افغانستان کې د اسلامي دولت سخت دریځې ډلې یا داعش د حملو د زیاتېدو په اړه اندېښمن دي او هم په دې هېواد کې د القاعده دوامداره حضور ته ژوره اندېښنه لري. د رویټرز خبري اژانس د راپور له مخې ټام وېسټ پرون دوشنبه (د لړم ۱۷مه) له بروکسله د ټیلیفون له لارې په واشنګټن کې خبریالانو ته وویل، واشنګټن غواړي چې طالبان د داعش پر ضد بریالي شي. هغه زیاته کړه، په افغانستان کې د القاعده حضور هم د دوی لپاره د اندېښنې وړ ده او دا هغه موضوع... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.