ټام وېسټ د امریکا متحدانو سره له طالبانو پر غوښتنو سلا مشورو ته دوام ورکوي
د بهرنیو چارو وزارت ویاند ند پرایس پرون په واشنګټن کې په یوه خبري غونډه کې وویل چې ښاغلی وېسټ په بروکسل کې و او د دې فرصتیې درلود چې زموږ د ناټو له متحدانو سره د افغانستان په اړه خبرې وکړي.
ښاغلی پرایس زیاتوي: "هغه به همدا شان لندن ته هم لاړ شي. هغه به پاکستان، روسیې او هند ته لاړ شي. په ګډه زموږ له شریکانو سره به هغه دا مسئله واضح کړي چې موږ له طالبانو او د افغانستان له راتلونکي حکومت څخه څه انتظارات لرو."
ښاغلي وېسټ پرون په واشنګټن کې خبریالانو ته وویل، طالبان غواړي چې نړیوالیې حکومت په رسمیت وپېژني، بندیزونه پرې لیرې شي او د نړیوالو ډیپلوماتیکه ټولنه بېرته په کابل کې ولیدل شي، خو واشنګټن دا یو شی هم په یوازې توګه نهشي کولای.