Новости за 12.02.2020

Мамлекеттик чек ара кызматынын мурдагы офицерлери Айбек Камчыбеков менен Марлис Осмонбековго издөө жарыяланган. Бул тууралуу 11-февралда Жогорку Кеңештин Укук тартиби, кылмыштуулук менен күрөшүү жана коррупцияга каршы күрөш комитетинин жыйынында Мамлекеттик чек ара кызматынын төрагасы Уларбек Шаршеев депутат Искендер Матраимовдун суроосуна жооп берип жатып билдирди. Анын айтымында, жайында жеке адамдардын маалыматтарын соцтармакка чыгарып жиберишкени үчүн алардын иши Аскер прокуратурасына өткөрүлгөн. Читать дальше...

Кабулдун түштүгүндө 11-февралда болгон бул окуя акыркы бир нече айлардан берки ири чабуул катары бааланууда. Жардыруу ооган президенти Ашраф Ганиге АКШнын мамкатчысы Майк Помпео талибдер менен элдешүү тууралуу сүйлөшүү «өнүгүп жатканы» байкалганын айткан учурга туш келди. Ооганстандын Коргоо министрлиги «Азаттыкка» маршал Фахим атындагы аскердик академиянын кире биришинде жанкечти өзүн жардырып, беш киши өлгөнүн кабарлады. Ал эми полициянын өкүлү алты киши өлүп, алардын төртөө аскер адамдары болгонун маалымдады. Читать дальше...

12-февралда Бишкекте "Журналисттик иликтөөлөр фонду" уюштурган Уланбек Эгизбаев атындагы жыл сайын ыйгарылуучу сыйлыктын жеңүүчүлөрүн сыйлоо аземи өтөт. Сыйлык быйыл  журналисттик мыкты иликтөөлөргө экинчи ирет берилүүдө. Сыйлык ыйгаруу аземи «Журналисттик иликтөөнүн тажрыйбасы жана келечеги» аттуу медиа форумдун алкагында өтөт. Анда "Журналист-иликтөөчүлөрдүн глобалдык тармагынын" аймактык редактору (Украина) Ольга Симонович тажрыйбасы менен бөлүшөт.  "Журналисттик иликтөөлөр фонду" 2018-жыл... Читать дальше...

Өкмөт башчы Мухаммедкалый Абылгазиевдин 11-февралдагы жарлыгы менен Нуржан Бардинова Тышкы иштер министрлигине статс-катчы болуп дайындалды.  Министрликтин жамаатына жаңы статс-катчыны өкмөттүк аппараттын башчысы Самат Кылжыев тааныштырды.  Нуржан Бардинова буга чейин өкмөткө караштуу Жаштар, дене тарбия жана спорт агенттигинин статс-катчысы болуп иштеген. (ZKo)