Новости за 12.02.2020

Коомдук транспорт же такси кызматын колдонуудан кыйналган майып кыздар «Азаттыкка» өз окуяларын айтып беришти. Бишкек мэриясынын маалыматына ылайык, борбордо жалпысынан 150 троллейбус бар, анын 87синде гана мүмкүнчүлүгү чектелгендерге ылайыктуу шарттар каралган. Бирок майыптар троллейбустардагы пандустар дээрлик иштебей жатканын айтышат.

13-февралда түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында мезгил-мезгили менен кар жаайт. Ысык-Көл, Нарын облустарында жаан-чачын болбойт. Күндүз көпчүлүк аймактарда мезгил-мезгили менен кар жаайт. Чүй, Талас, Ош, Жалал-Абад облустарынын кээ бир райондорунда жана Ысык-Көл облусунун чыгышында бурганак болот. Батыштан соккон шамалдын ылдамдыгы секундасына 4-9 метрге, тоолуу райондордо жана Ысык-Көл акваториясында 15-20 метрге жетет. Абанын температурасы: Нарын облусунда түнкүсүн -8...-13... Читать дальше...

Президент Сооронбай Жээнбеков курулуш тармагындагы тоскоолдуктар ишкерликти өнүктүрбөй жатканын айтты. Мындай пикирин ал 12-февралда «Ала-Арча» мамлекеттик резиденцияда өткөн Өнөр жайын жана ишкердикти өнүктүрүү боюнча комитеттин экинчи жыйынында билдирди. Ал өкмөткө караштуу Архитектура, курулуш жана турак жай-коммуналдык чарба мамлекеттик агенттигинин директору Бактыбек Абдиевдин ишине нааразы болду.​ «Өзүңөрдүн чөнтөгүңөрдү толтуруу маселесин чечип отурасыңар. Ошондуктан иш артка кетип жатат. Читать дальше...

Баткендеги музыкалык драма театрынын жана Ош куурчак театрынын жетекчилери алмашты. Бул аймактык театрлардын ишмердиги, көйгөйү, жаңылануу аракети тууралуу темага жем таштады.

Мамлекеттик бажы кызматынын Борбордук бажы бөлүмүнүн мурдагы башчысы Нурбек Айбашевдин коррупцияга байланышкан иши боюнча сот аягына чыга элек. Жогорку соттун басма сөз кызматы териштирүү Бишкектин Октябрь райондук сотунда уланып жатканын 12-февралда билдирди.  Жаза аткаруу мамлекеттик кызматы Айбашев №1 тергөө абагында отурганын маалымдады.  Нурбек Айбашевди 2018-жылы 25-майда Экономикалык кылмыштарга каршы күрөш боюнча мамлекеттик кызматтын адистери кармаган. Ага Кылмыш-жаза кодексинин 304-беренеси... Читать дальше...

Орусиялыктардын 35% президент Путинге ишенет. «Левада борборунун» январдагы сурамжылоосу бул көрсөткүч беш ай мурункуга салыштырмалуу 4% азайганын жарыялады. 2017-жылдын ноябрында сурамжылоо Путинге болгон ишеним 59% экенин көрсөтсө, эки жылда ал эки эсе азайган.    Социологдордун сурамжылоосуна караганда, 2019-жылдын сентябрында коргоо министри Сергей Шойгунун жана тышкы иштер министри Сергей Лавровдун рейтингдери жогорулаган.  «Левада борборунун» иликтөөсүндө жаңы премьер-министр Михаил Мишустинге... Читать дальше...

Борбордук шайлоо комиссиясы (БШК) жергиликтүү шайлоону өткөрүү маселесин жана шайлоо алдында айрым шаарларда убактылуу каттоого турган жарандар кескин көбөйгөнүн талкуулайт.  Жумушчу жыйын 12-февралда саат 15:00дө болорун «Азаттыкка» БШК төрайымынын орун басары Абдыжапар Бекматов билдирди.  Жыйынга Улуттук коопсуздук боюнча мамлекеттик комитеттин (УКМК), прокуратуранын жана башка органдарын өкүлдөрү да катышат.  Баткен, Жалал-Абад, Нарын, Ысык-Көл, Чүй, Ош облустарынын аймактарындагы 26 айылдык кеңештин жана Каракол... Читать дальше...

Жогорку Кеңештин мурдагы депутаты Равшан Жээнбеков учурда Бишкектеги №1 тергөө абагында кармалууда.

«Коомдук талдоо институту» Мамлекеттик каттоо кызматынын мурдагы бөлүм башчысы Насирбек Алмаматовду бошоткон судьяларга карата чара көрүү тууралуу өтүнүч менен президент Сооронбай Жээнбековго кайрылды. Аталган уюм өз кайрылуусунда Алмаматовго карата чечим чыгарган Бишкек шаардык сотунун судьяларына карата Тартип комиссиясы сөгүш гана бергенине нааразылыгын билдирген. «2020-жылдын 24-январында өткөн Коопсуздук кеңешинин жыйынындагы сиздин сөзүңүздөн соң коррупционердин эркиндикке чыгып, сот жазасынан... Читать дальше...

Маданият, маалымат жана туризм министринин буйругуна ылайык Тургунбай Алдакулов Жалал-Абад облустук медиа борборунун директору болуп дайылдалды. Борбордун жамаатына жаңы дайындалган жетекчини өкмөттүн облустагы ыйгарым укуктуу өкүлүнүн орун басары Ырысбек Ызабеков тааныштырды. «Министрдин дайындоо жөнүндө буйругу 10-февралда чыккан. Алдакулов директорлук кызматка эмгек келишиминин негизинде дайындалды», - деди Ызабеков. 42 жаштагы Тургунбай Алдакулов буга чейин 2016-2018-жылдары ушул облустун телеканалында жетекчи болуп иштеген. Читать дальше...

Өзбекстандын президентинин мансапка умтулган күйөө балдары.

Улуттук коопсуздук боюнча мамлекеттик комитет (УКМК) Бишкек шаарынан «Хизбут-Тахрир» диний-экстремисттик уюмунун жигердүү мүчөсү кармалганын кабарлады. Атайын кызматтын маалыматы боюнча шектүү Интернет аркылуу «халифат» түзүүгө чакырган. Кармалган кишинин жашаган жерин тинтүү учурунда андан экстремисттик багыттагы материалдар табылган.   Биринчи май райондук сотунун чечимине ылайык, шектүү №1 тергөө абагына камалды. Учурда ыкчам тергөө иштери жүрүп жатат. 2003-жылы соттун чечими менен «Хизбут-Тахрир»... Читать дальше...

Парламенттеги коалициялык көпчүлүк вице-премьер-министрлик кызматка Акрам Мадумаровдун талапкерлигин колдоду. Бул маалыматты Жогорку Кеңештин депутаты Мирлан Жээнчороев тастыктады. Өкмөт башчы көрсөткөн Мадумаровдун талапкерлиги жалпы жыйында качан каралаары азырынча белгисиз.  Акрам Мадумаров өкмөттүн Баткен облусундагы ыйгарым укуктуу өкүлү болуп иштеп жаткан. Ал бул кызматка 2019-жылдын апрель айында дайындалган. Ага чейин Мамлекеттик кадр кызматын жетектеген.  Жеңиш Разаковду өз арызына... Читать дальше...

Кыргызстандын вице-премьер-министри Жеңиш Разаков күтүүсүздөн кызматтан кетти.

Орусия Кыргызстандын Кант шаарындагы авиабазасына аба соккуларынан коргой турган техника орнотууну көздөп жатат. «РИА Новости» кабарлагандай, бул тууралуу Орусиянын коргоо министринин орун басары Николай Панков Канттагы базанын макамы жана анын жайгашуу шарттары боюнча протоколду ратификациялоо боюнча Мамлекеттик Думанын жыйынында билдирди.  Президент Владимир Путиндин 2019-жылы Кыргызстанда өткөн мамлекеттик сапарынын алкагында Орусиянын бирдиктүү аскер базасы боюнча келишим жаңыртылган.  Протоколго ылайык... Читать дальше...

УКМКнын "Альфа" түзүмүнүн кызматкери, полковник Үсөн Ниязбековдун өлүмүнө шектелип, Кой-Таш окуясы боюнча кармалган Рысбек Карыпбек уулу абактан Кыргызстандын акыйкатчысына, Кыйноолорго каршы улуттук борбордун жетекчисине жана маалымат каражаттарына кайрылуу жолдоду. Кайрылууну Атамбаевди колдогон Кыргызстан социал-демократиялык партиясы (КСДП) 12-февралда таратты.  Кол жазма жана электрондук түрдө таратылган кайрылууда Карыпбек уулу өзүн Ички иштер министрлигинин Уюшкан кылмыштуулукка каршы башкы... Читать дальше...

Жогорку Кеңештин 12-февралдагы жыйынында Финансы рыногун жөнгө салуу жана көзөмөлдөө боюнча мамлекеттик кызматтын төрөгасынын орун басары Мыктыбек Абиров депутаттардын суроолоруна жооп берди. Ал өлкөдөгү мүлктү камсыздандыруу компаниялары 1 млрд. 300 млн. сом чогултканын билдирди. Ал эми бир жыл ичинде мүлкүн камсыздандырган адамдардын керектөөсүнө 200 млн. сом төлөнүп берилген.  Депутат Аалы Карашев бул тармакта иш чабал жүрүп жатканын сындады:  «Дүйнө жүзүндө бул абдан өнүккөн. Бир жарым млрд. Читать дальше...

Экономикалык кылмыштарга каршы күрөш боюнча мамлекеттик кызматтын (Финансы полициясы) мурдагы кызматкери коррупциялык схема түзүп, мамлекетке 15 миллион сомдон ашуун зыян келтирген деп шек саналууда. Улуттук коопсуздук боюнча мамлекеттик комитеттин (УКМК) Коррупцияга каршы күрөш кызматы анын мыйзамсыз ишмердигин аныктаганы тууралуу кабар 12-февралда таратылды.  Расмий маалыматка ылайык, шектүү Финполициянын Чүй облусундагы Аламүдүн жана Ысык-Ата район аралык бөлүмүндө иштеген. Ал түзгөнү айтылып жаткан схемага ылайык... Читать дальше...

12-февралда Бишкекте «Журналисттик иликтөөлөр фонду» уюштурган Уланбек Эгизбаев атындагы жыл сайын ыйгарылуучу сыйлыктын жеңүүчүлөрүн сыйлоо аземи өтөт. Сыйлык быйыл журналисттик мыкты иликтөөлөргө экинчи ирет берилүүдө. «Журналисттик иликтөөлөр фонду» 2018-жыл үчүн башкы сыйлыкты «Азаттыктын» Ош облусундагы кабарчысы Ыдырыс Исаковго ыйгарып, аны былтыр 12-февралда тапшырган. Жеңүүчүлөрдү фонд өз алдынча комиссиянын тандоосунун негизинде аныктайт. Чыгаан журналист Уланбек Эгизбаевдин көзү тирүү болгондо 12-февралда 30 жашка чыкмак.

Тажикстандын президенти Эмомали Рахмон туулуп өскөн Дангара кыштагы Хатлон облусунун борборуна айланышы мүмкүн. Бул сөздөрдү өкмөттүн расмий өкүлдөрү ырасташты.

Чыгаан журналист Уланбек Эгизбаевдин көзү тирүү болгондо 12-февралда 30 жашка чыкмак. Бишкекте жаштар журналисттин туулган күнүн утурлай эскерүү кечесин өткөрүштү.

Башкы прокуратура «Эркин Европа/Азаттык» радиосунун украин кызматынын кабарчысы Галина Терещуктун автоунаасын өрттөөгө буйрутма берген деген негизде полициянын майорун сырттан айыптап, ага издөө жарыялады. Львов облусунун прокурору Ирина Диденко бул ишке катышы бар адам катары 43 жаштагы офицер шек саналып жатканын билдирди. Маалыматка ылайык, офицер журналисттин машинесин өрттөөгө буйрутма берип, аны аткарган кишиге акча төлөп берген.  Мурдараак полиция бул ишке шектүү катары мурда бир нече жолу соттолгон  48 жаштагы жаранды кармаган. Читать дальше...

Алар Ирандын санкцияланган мунайын Кытайдагы мунай иштетүүчү заводго сатууну көздөшкөн деп шек саналууда. Юстиция министрлигинин маалыматына караганда, алардын төртөө Техаста, бирөө Нью-Йоркто туруп, 2019-жылдын июль айынан быйылкы февралга чейин мунайды мыйзамсыз сатуу менен алектенип жүрүшкөн.  Николас Хован (33 жашта), Жеймс Фукс (26 жашта), Роберт Туэйтс (30 жашта) жана Даниэл Рэй Лейн (38 жашта) ич ара сүйлөшүү менен Филаделфия жана башка жерлерден мунай сатып алып, аны 39 жаштагы Женю Ван деген жаранга сатып жүрүшкөн. Читать дальше...

Ашхабадда аймактардан келип иштеп жаткан катттоосу жок жарандар шаардан чыгарылууда. Бул тууралуу «Азаттык» радиосунун түркмөн кызматы кабарлады. Маалыматка караганда, өткөн жумада бийлик өкүлдөрү шаардагы мамлекеттик мекемелерди кыдырып, Ашхабадда каттоосу жок кызматкерлерди жумуштан кетирүүнү талап кылышкан. «Дүйшөмбү күнү бир нече мекеме аймактардан келип иштеп жаткан кызматкерлерин жумуштан кетирди», - деп билдирди радионун кабарчысы. Түркмөнстанда аймактардан келген каттоосу жок жарандарды Ашхабаддан чыгаруу системага айланган. Читать дальше...

Казакстандын мурдагы президенти Нурсултан Назарбаев 11-февралда Коопсуздук кеңешинин жыйынында Кордойдогу окуя боюнча алгачкы жолу пикирин билдирди. «Болуп өткөн окуя менин тынчымды алууда. 30 жыл аралыгында биз оор күндөрдү баштан өткөрдүк. Казакстанда 130 ишкана жабылып, 2,5 миллион адам жумушсуз калган. Азык-түлүк тартыш болуп, үйлөргө жылуулук берилбей калган. Бул кыйынчылыктардын баарын бирге жеңдик. Ал кезде биздин көп улуттуу калкыбыз биригип, туруктуулукту камсыз кылбаганда, бүгүн биздин өлкөгө чет өлкөлүк инвесторлор келмек эмес. Читать дальше...