Новости за 06.02.2020

Ош шаардык ички иштер башкармалыгынын криминалдык милициясы Жалал-Абад облусунун Үч-Терек айылынан баңгизаттарды мыйзамсыз жүгүртүү үчүн шектүү катары 42 жаштагы адамды кармалды. Бул тууралуу «Азаттыкка» Ош шаардык ички иштер башкармалыгынын басма сөз кызматы билдирди. Маалыматка ылайык, шектүү жашаган үйдү кароо учурунда жалпы салмагы 101 килограмм 335 грамм баңгизат табылган. Атайын экспертиза анда табылган баңгизат марихуана (кара куурай) экенин аныктады. Шектүү алгачкы көрсөтмөсүндө баңгизатты... Читать дальше...

АКШ визалык чектөө киргизген алты мамлекеттин тизмесине Кыргызстан да кошулду. Мындай жагдайга эмне себеп жана ким күнөөлүү? Коомчулук кыргыз бийлигинен кандай аракеттерди күтөт? "Азаттыктын" "Биз жана дүйнө" берүүсүн көрүңүз.

2019-жылы Интеллектуалдык менчик жана инновациялар мемлекеттик кызматы (Кыргызпатент) ата мекендик музыкалык чыгармаларды пайдаланганы үчүн кафе-ресторан, мейманкана сыяктуу эс алуучу жайлардан 12 млн. сом чогултту. Бул тууралуу Кыргызпатенттин жетекчиси Динара Молдошева 6-январдагы Жогорку Кеңештин жыйынында билдирди:  «Келишим түзүлөт. Инспекторлор барып, ошол жайдагы орундарды санап, атайын формула менен чыгарат. Телевизор, фонограмма, жандуу үн менен музыка болобу, алар милдеттүү түрдө автордук сый акы төлөйт. Читать дальше...

АКШнын Жакынкы Чыгыш боюнча тынчтык планы жарыялангандан бери израилдиктер менен палестиналыктардын ортосунда карама-каршылык күчөдү. 6-февралда Иордан дарыясынын батыш жээгинде эки адам Израил күчтөрүнүн огунан каза тапты. Жети палестиналык жараат алды. Иерусалимдин чыгышында дагы бир адам полицияга ок атканы үчүн коопсуздук күчтөрүнүн колунан каза тапты. Бейшембинин таңында Иерусалимдин борбордук бөлүгүндө бир палестиналык автоунаасы менен израилдик аскерлерди сүзүп, андан 12 жоокер жараат алган. Читать дальше...

Коомдук телерадиокорпорациянын (КТРК) байкоочу кеңешинин башчылыгына төкмө акын Азамат Болгонбаев шайланды. Анын талапкерлигин байкоочу кеңештин 14 мүчөсү бир добуштан колдоду. Бул тууралуу “Азаттык” радиосуна Болгонбаев өзү тастыктады. Жаңы шайланган жетекчи алдыдагы негизги максатын айтты.   - Мыйзамда дагы жазылгандай байкоочу кеңештин негизги милдети КТРК менен коомчулуктун ортосундагы байланышты күчөтүү. Акыйкат жана калыс иш алып барууга аракет кылам, - деди Болгонбаев.  2019-жылы ноябрь... Читать дальше...

Бишкек мэри Азиз Суракматов «Тазалык» ишканасынын басма сөз катчысы Жибек Каракеева менен вице-мэр Мирлан Амантуровдун ортосундагы пикир келишпестикти «жумуш процесси» деп баалады. Суракматовдун пикирин мэрия аппаратынын башчысы Балбак Түлөбаев «Фейсбуктагы» баракчасына жарыялады.  «Мен муну жумуш процесси деп ойлойм. Эгерде иш болбосо мындай талаш-тартыш болбойт. Бирок биз алдыга жылгыбыз келсе мындан кача албайбыз. Ал эми «Тазалык» ишканасында чыгымдарды оптимизациялоо жана санариптештирүү жүрүп жатат», – деди Суракматов. Читать дальше...

Токмок шаарына бир айдын ичинде эле 3 миң киши каттоого турганын Мамлекеттик каттоо кызматы билдирди. Бул апрелде өтө турган жергиликтүү кеңешке шайлоого байланыштуу партиялардын добуш алуу аракети экени айтылууда.

2020-жылдын 1-январына карата 206 киши Кыргызстанда качкын макамын алган. Бул тууралуу 6-февралда Жогорку Кеңештин жыйынында Мамлекеттик миграция кызматынын башчысы Болотбек Ибраимжанов маалымдады.  Анын маалыматына караганда, Ооганстандын 90, Сириянын 79, Украинанын 23, Ирактын 6, Тажикстандын 4, Ирандын 2, Эфиопиянын 1, Марокконун 1 жараны качкын макамын алган. Алардын көпчүлүгү өз  өлкөсүндө согуш болуп жаткандыктан качып келгендер жана чет элдик кыргыздар, ал эми Эфиопиянын жараны диний себептерден улам келген. Читать дальше...

Токмок шаарына бир айдын ичинде эле 3 миң киши каттоого турганын Мамлекеттик каттоо кызматы билдирди. Бул апрелде өтө турган жергиликтүү кеңешке шайлоого байланыштуу партиялардын добуш алуу аракети экени айтылууда.

6-февралда Баку шаарында Кыргызстандын жана Түркиянын тышкы иштер министрлери Чыңгыз Айдарбеков менен Мевлүт Чавушоглу жолугушуп, эки тараптуу кызматташтыкты талкуулашты.  Жолугушуу Түрк кеңешиндеги Тышкы иштер министрлер кеңешинин кезексиз жыйынынын алкагында өттү. Анда министр Айдарбеков Бишкектеги «Кыргыз-түрк достук ооруканасын» иштетүү тууралуу макулдашуунун Түркия парламенти тарабынан тезирээк ратификацияланышы маанилүү экенин белгиледи. Эки министр ошондой эле кыргыз-түрк бизнес-форумун Кыргызстанда өткөрүү тууралуу да сүйлөштү. Читать дальше...

Кыргызстандын тунгуч президенти Аскар Акаевдин уулу Айдар Акаевдин сөөгү Москвада коюлат.  Акыркы сапарга узатуу зыйнаты 8-февралда өтөрүн, үй-бүлөсү ушундай чечим кабыл алганын «Азаттык» радиосуна 6-февралда Москвадагы кыргыз диаспорасынын жетекчиси Дамир Асанов билдирди: «Cөөгү Москвада коюлат. Үй-бүлөсү ушундай чечим кабыл алыптыр. «Ушул ишембиде жерге берилет» деп айтып жатышат. Аскар Акаев Айдар акыркы беш жылдан бери жүрөк оорусуна чалдыгып, дарыгерге көрүнүп жүргөнүн айтты. Акыркысында микроинфакрт болуптур». Читать дальше...

Кыргызстандын туңгуч президенти Аскар Акаевдин уулу Айдар Акаевдин сөөгү 8-февралда Москвада жерге бериле турган болду.

Кыргызстандын мурдагы президенти Курманбек Бакиев биринчи президент Аскар Акаевге уулу Айдар каза болгонуна байланыштуу көңүл айтты. Бакиевдин тарапташтары анын атынан тараткан кайрылууда: «Айдардын дүйнөдөн мезгилсиз өткөндүгүнө байланыштуу үй-бүлөсү менен жакындарына терең кайгыруу менен көңүл айтып, аза кайгысын тең бөлүшөм. Аскар Акаевич, Майрам Дүйшөновна, сабыр тилейм. Айдардын жаткан жери жайлуу, топурагы торко болсун. Жараткан жар болуп, жанын жанатта кылсын! Терең кайгыруу менен, Бакиев Курманбек Салиевич», деп айтылат. Читать дальше...

Кытайда чыккан коронавирус эл аралык спорттук иш-чараларга да таасир этип жатат.

Тажикстандын Исфара шаарында 4-5-февралда кыргыз-тажик мамлекеттик чек арасын делимитациялоо жана демаркациялоо боюнча өкмөт аралык комиссиясынын жыйыны өттү. Кыргыз өкмөтүнүн басма сөз кызматы 6-февралда кабарлагандай, жыйынга эки өлкөнүн вице-премьер-министрлери Жеңиш Разаков жана Азим Иброхим катышты. «Жыйын учурунда белгиленгендей, эки жактуу мамилелерди бекемдөө максатында республикалардын ортосунда мамлекеттик чек араны делимитациялоо жана демаркациялоо маселелерин чечүү жаатында жалпы түшүнүү жана каалоо бар. Читать дальше...

АКШнын 2019-2025-жылдарга карата Борбор Азия боюнча стратегиясы «Эгемендикти бекемдөө жана экономикалык өнүгүү» деген аталыш менен 5-февралда жарыяланды. Стратегия Борбор Азия мамлекеттеринин эгемендигин жана өз алдынчалыгын бекемдөөгө, жалпы эле аймакка көмөктөшүүгө, экономикалык, энергетикалык, коопсуздук тармактарында жана мамлекеттик башкарууда кызматташууга багытталган. АКШнын мамлекеттик катчысынын Түштүк жана Борбор Азия боюнча жардамчысы Элис Уэллс Кошмо Штаттар аймактык стратегияны соңку... Читать дальше...

Ат-Башыда логистикалык борборго байланыштуу кайрадан митинг өтүп жатат. Активисттер акция башталганда түшкө маал ал жерде 500дөй адам чогулуп турганын айтышкан.  Саат 17:30да «Азаттык» Нарын облустук администрациясынын басма сөз катчысы Назгүл Мүсүралиева менен байланышканда ал митинг дагы эле уланып жатканын айтты.  «Азыр Ат-Башы районунун Ак-Талаа айыл өкмөтүнүн Калинин айылында тынч митинг өтүп жатат. Ага башка айылдардан да тургундар келген. Район акими Жакыпбек Субакожоевдин айтымында, 120дай киши бар. Читать дальше...

Парламент депутаты Марлен Маматалиев Кыргызстанда жарандардын жеке маалыматынын купуялыгы корголбой жатканын айтып чыкты.

Кыргызстан Камбар-Ата-1 ГЭСин куруу боюнча кезектеги сүйлөшүүлөрдү жыйынтыктап калды. Бул тууралуу 6-февралда парламентте депутаттарга маалымат берип жатып «Улуттук энергохолдинг» компаниясынын жетекчиси Айтмамат Назаров билдирди:  «Камбар-Ата-1 боюнча азыр сүйлөшүүлөр жүрүп жатат. Биз да бир чечимге келейин деп калдык. Жакын арада билдирүү жасайбыз». Назаров сүйлөшүү кайсы өлкө менен жүрүп жатканын тактап айткан жок, болгону долбоор боюнча иш быйыл башталарын кошумчалады. Нарын дарыясына курулчу... Читать дальше...

АКШ президенти Дональд Трамп акталды. Сенат ага импичмент жарыялоону туура көргөн жок. Демократтар эми Трамптын бийлиги ашкере күчөйт деп кооптонуп жатышат.

Түркия Орусияны Сириянын өкмөттүк күчтөрүнүн Идлиб провинциясындагы чабуулдарын тез арада токтотууга чакырды. Бул тууралуу түрк тышкы иштер министри Мевлүт Чавушоглу 6-февралда Баку шаарынан билдирди.  Ал Анкара Сириядагы көтөрүлүшчүлөрдүн акыркы таянычы саналган Идлибдеги кырдаалды жөнгө салыш үчүн Москва менен бирге иштеши керек экенин белгиледи. Апта башында түрк президенти Режеп Тайып Эрдоган эгер Сириянын президентинин күчтөрү ушул айдын аягына чейин Идлибден чыгып кетпесе, түрк армиясы... Читать дальше...

Иерусалим шаарынын борбордук бөлүгүндө белгисиз киши машинеси менен израилдик аскерлерди барып сүзүп, андан кеминде 14 киши жарадар болду. Израилдин бийлиги бейшембинин таңында болгон бул окуяны теракт катары иликтеп жатат. Жабыркагандардын 12си армиянын жоокерлери экени маалымдалды.  Анын алдында Иордан дарыясынын батыш жээгинде палестиналык 19 жаштагы жигит жөөт аскерлери менен кагылышта мүрт кеткен.  Бул окуяларды улай Израилдин коопсуздук күчтөрү Палестин автономиясына караштуу Бейт-Жала шаарчасында рейд жүргүзүп... Читать дальше...

Өзбекстандын Наманган облусунун тургундары январда төрөлгөн үч эм кыздарына президент Шавкат Мирзиёевдин жубайы менен кыздарынын урматына Зироатхон, Саида жана Шахноза деп ат коюшту. Чартак районунда жашаган Ахмаджон Кадыров менен Одинахон Алтимешованын үч эм төрөлгөнгө чейин дагы үч кызы бар болчу. Жергиликтүү бийлик өкүлдөрү бул үй-бүлөгө коляскаларды жана башка жаңы төрөлгөн ымыркайлар үчүн керектүү буюм-тайымдарды тапшырышты.  Соңку жылдары Өзбекстанда эгиз же үч эм төрөлгөн балдарга президенттин... Читать дальше...

Тажикстанда абактагы белгилүү адвокат Бузургмехр Ёров адам укуктарын сотто коргоодо көрсөткөн эр жүрөктүүлүгү үчүн «People in need» уюмунун «Homo Homini» сыйлыгына татыды.  Эл аралык укук коргоо уюмунун бул сыйлыгы жыл сайын адам укуктарын коргоого жана демократиялык принциптерди алдыга жылдырууга салым кошкон активисттерге ыйгарылып турат.  «Ёров көп жылдар бою Тажикстанда адам укуктары үчүн күрөштү, бийликтен катуу куугунтук көрдү. Ал саясий себептер менен айыпталгандардын укуктарын башка адвокаттар... Читать дальше...

Кыргызстанда ВИЧ инфекциясын жуктургандар соңку эки жылда 1876 адамга көбөйдү. Бүгүн өкмөт акыркы маалыматтарды жарыялап, 2020-жылдын 1-январына карата өлкөдө ВИЧ жуктурган 9680 адам расмий каттоодо турарын билдирди. Алардын 680и 14 жашка чейинки балдар, 532си чет элдиктер. Эки жыл мурда, 2017-жылы ВИЧ жуктургандардын саны 7804 экени айтылган. 6-февралда вице-премьер-министр Алтынай Өмүрбекова Бириккен Улуттар Уюмунун ВИЧ/СПИД боюнча программасынын (ЮНЭЙДС) атайын кеңешчиси Мишель Казачкин менен жолукту. Читать дальше...