Новости за 21.02.2020

21-февралда кечинде Казакстанда Демократиялык партия түзүү демилгелүү тобунун жетекчиси, 31 жаштагы Жанболат Мамай кармалганы кабарланды. Бул саясий топ ишембиде Алматыда бийликтегилердин саясатына нааразылык билдирип митинг өткөрүүнү пландап жаткан. Активисттин жубайы Инга Аманбай жолдошун кармап кетүү жараянын Фейсбуктагы барагында түз тартып көргөздү: бир нече полициячы Жанболат Мамайды күчкө салып кармап, автозакка түртүп салып кетти.   Инги Иманбайдын айтымында, полиция активистти Алматы облусундагы Каскелен шаарында кармап кетип... Читать дальше...

Сыдыман аттуу каймана аты менен белгилүү болгон блогер - Элмирбек аймак аралык кастыкты козутуу боюнча шектүү катары эки айга камалды. Вайнерлер менен блогерлер буга кандай баа беришти? Алар чыгармачылык эркиндик менен кошо жоопкерчилиги тууралуу да билишеби? "Азаттык+" бүгүн ушул теманы талкууга алды.

Ушул күндөрү Индиянын Нью-Дели шаарында өтүп жаткан күрөш боюнча Азия чемпионатында кыргызстандык дүйнө чемпиону Айсулуу Тыныбекова коло байгенин ээси болду. «Биргелешкен күрөш дүйнөсү» (United World Wrestling) уюмунун расмий сайтындагы маалыматына ылайык, Тыныбекова кыз-келиндер күрөшүнөн 62 килограммга чейинки салмакта килемге чыгып, мелдеште жалпысынан эки беттеш өткөрдү. Алгач жапониялык Юкака Каваи менен беттешип, жеңилди. Ал таймашта 1:1 эсеби менен балбандардын күчү тең болуп, акыркы эки... Читать дальше...

Иранда “добуш берүүчүлөрдүн көптүгүнөн” парламенттик шайлоодо добуш берүү эки саатка узартылды. Бул тууралуу мамлекеттик телеканал жума күнү кабарлады. Ашынган консерватор диниятчылардан турган Сакчылар кеңеши бардыгы болуп 7 миң 148 талапкерди жактырган. 290 орундуу парламентке ат салышабыз деген 9 миңдей кишинин талапкерлиги четке кагылды. Алардын арасында азыркы 90 депутат бар. Көбү байистүү же реформачыл мыйзам чыгаруучулар катары белгилүү. Буга чейин байистүү үмүткерлердин четтетилишин... Читать дальше...

“Зомбулукту азайтуу” макулдашуусу ийгиликтүү болсо, Кошмо Штаттар менен "Талибан" кыймылынын ортосундагы тынчтык келишимине 29-февралда кол коюлушу ыктымал. Бул тууралуу АКШнын Мамлекеттик катчысы Майк Помпео жума күнү билдирди.  Вашингтон менен "Талибан" Ооганстандагы жаңжалды саясий жолдор менен жөнгө салуу үчүн сүйлөшүү жүргүзүп келгенин белгилеген. Помпео кол коюлгандан кийин оогандардын өз ара сүйлөшүүлөрү башталарын кошумчалады. "Талибан" келишимге 29-февралда кол коюу пландалып жатканын бышыктады. Читать дальше...

Ирандагы парламенттик шайлоо реформачыл талапкерлердин көбү катыша албай калды. Айрым украиндер коронавирустан улам Кытайдан эвакуациялангандарга каршы чыгышты. Казакстандын туңгуч президентинин иниси Болот Назарбаевди "күйөөм" деп атаган аялдын байлыгы ашкереленди.

Иран 21-февралда коронавирустан дагы эки киши көз жумганын билдирди. Ошону менен өлкөдө бул илдеттен өлгөндөрдүн саны төрт кишиге жетти. Саламаттык сактоо министрлигинин басма сөз катчысы Киянуш Жаханпур вируска чалдыккан дагы 13 киши аныкталганын "Твиттерге" жазды. Маалыматка караганда, жети жаңы учур Ком провинциясында, экөө Гиланда катталды. Коронавирус көбүнчө Ком аймагында жашаган же ал жакка барып кеткен адамдарда табылган. COVID-19 деген вирусту жукутуруп алгандар Иранда 19-февралда катталган. Читать дальше...

Кыргызстанда эл аралык Эне тил майрамы белгиленип жатат. ЮНЕСКО 21-февралды Эне тил күнү катары 1999-жылы бекитип, 2000-жылдан тартып жыл сайын маданиятты жана тил байлыгын өркүндөтүү максатында белгилеп келе жатат. Бул майрам бир топ жылдан бери Кыргызстанда да белгиленүүдө.

Талант Рыспаев Германиядагы Саксония-Анхальт университетинин жана Клаусталь техникалык университетинин профессору болуп эмгектенет. «ХХI кылымдын кадрлары» программасы менен билим алганы барып, илимий ишмердигин уланткан окумуштуу Кыргызстандагы илим жана билим берүүнүн абалы, көйгөйлөрү боюнча «Азаттыкка» маек курду. Анын айтымында, Кыргызстан эң чукул учурда билим берүүнүн сапатын көтөрбөсө өлкөнү өнүктүрүү кыйын болот.

21-февралда Баткенде кыргыз-тажик чек арасы боюнча эки тараптуу өкмөттүк жумушчу топтун жолугушуусу өттү. Ага Кыргызстандын жана Тажикстандын премьер-министрлеринин орун басарлары Акрам Мадумаров жана Азим Иброхим баштаган жумушчу топтор катышууда.

Европадагы Коопсуздук жана Кызматташтык уюмунун Парламенттик ассамблеясында 20-февралда орусиялык оппозиционер Борис Немцовдун киши колдуу болушун иликтөө тууралуу доклад сунуш кылынды. Документти ассамблеянын вице-төрагасы Маргарета Седерфелд даярдаган. Венада сунуш кылынган докладда расмий тергөөнүн жүрүшү анализденген. Көптөгөн кемчиликтер, алешемдиктер, ал иш боюнча чектөөлөр чагылдырган. Немцов атындагы фонддун жетекчиси Владимир Кара-Мурза "Азаттык" радиосунун орус кызматына билдиргендей... Читать дальше...

Магнитогорскидеги жардырууларга шек саналып, 13 ай камакта отурган кыргызстандык Хуснидин Зайнабидинов эркиндикке чыкты.

Баткен шаарында бүгүн, 21-февралда кыргыз-тажик өкмөт аралык чек ара сүйлөшүүсү өтүп жатат. Ага Кыргызстандын жана Тажикстандын премьер-министрлеринин орун басарлары Акрам Мадумаров жана Азим Иброхим катышууда.

Мурдагы президент Алмазбек Атамбаев кан басымы төмөндөп кетишинин себебин анын камактагы тарапташтарын ойлоп, санаага батып жатканы менен байланыштырды. Бул тууралуу Жогорку Кеңештин депутаты Рыскелди Момбеков 21-февралда Атамбаев менен жолугуп чыккандан кийин тарапташтарына билдирди:  «Ал «күнөөсү жок суракта жүргөн, камакта отурган балдарымды ойлоно берип түнкүсүн аябай түшүп кетип жатат. Мындай болчу эмес. Бирок аягына чейин чыдайм» деп айтты. Турганда ордунан жыгылып кете жаздаганын баарыбыз эле көрдүк да». Читать дальше...

Орусиянын Магнитогорск шаарында турак жайдагы жарылуудан кийин кармалган кыргызстандык Хусниддин Зайнабидинов он күн мурун абактан чыкканы, ага эч кандай айып коюлбаганы белгилүү болду. 30 жаштагы Зайнабидинов абакта жатканда Федералдык коопсуздук кызматынын (ФСБ) кызматкерлери жарылууга тиешеси бар экенин айттыруу үчүн аны электр тогу менен кыйнаганын, мурдун, кабыргаларын сындырышканын “Эркин Европа/Азаттык” радиосунун өзбек кызматына айтып берди. Бирок орус полициясы Зайнабидинов жарылууга байланыштуу эмес... Читать дальше...

Иранда 21-февралда парламенттик шайлоо өтүп жатат. Межлистеги 290 орун үчүн жети миңден ашуун адам ат салышууда.

АКШнын, Ооганстандын жана «Талибан» кыймылынын «бир жумага зомбулукту азайтууну» көздөгөн макулдашуусу ишембиге караган түнү күчүнө кирет. Бул тууралуу Ооганстандын Улуттук коопсуздук кеңешинин расмий өкүлү Жавед Файсал 21-февралда билдирди. Мындай мунаса Кошмо Штаттар менен талибдердин ортосундагы сүйлөшүүлөрдүн натыйжасында табылганы кабарланды. Бул мөөнөт ичинде ооган коопсуздук күчтөрү «Ислам мамлекети» террордук тобу сыяктуу башка согушкерлерге каршы операцияларын мурдагыдай эле уланта беришет. Читать дальше...

Журналисттик иликтөө жанры азыркы журналистиканын өтүмдүүсү болуп турган чагы. Ошол эле мезгилде ал маалымат таратуунун опурталдуу ыкмаларынын да бири.

Финансы полициясынын жана Мамлекеттик салык кызматынын эки жооптуу кызматкери туруктуу коррупциялык схема түзүп алган деп шек саналууда. Бул тууралуу 21-февралда «Азаттыкка» Улуттук коопсуздук боюнча мамлекеттик комитеттин (УКМК) басма сөз катчысы Рахат Сулайманов билдирди. Сулаймановдун айтымында, Коррупцияга каршы кызмат аларды 20-февралда колго түшүрдү. Экөө тең Евразия Экономикалык Биримдигинен (ЕАЭБ) Кыргызстанга мыйзамсыз товар алып кирген деп шек саналып жатат.  «Бул кызматкерлер 2019-жылы... Читать дальше...

Аксы районунун Үч-Коргон айыл өкмөтүнүн башчысы болуп кылмышка шектүү адам бекиди. Мындай чечимди Борбордук шайлоо комиссиясы айылдык кеңештин чечиминин негизинде кабыл алды. «Талант Эркиновдун айыл өкмөт болуп шайланышы мыйзамдуу. Эгерде сот анын күнөөлүү деп тапса, жумуштан алынат», – деди БШКнын аймактагы өкүлү Казыбек Шадыбеков. Өкүлдүн айтымында чечимди чыгарууда сот жаңы өкмөт башчынын күнөөсүн далилдеген чечим чыгара элек экендиги эске алынды.  Жалал-Абад облустук сотунун басма сөз кызматынын... Читать дальше...

Москвада коронавируска байланыштуу карантинге жөнөтүлгөндөрдү көзөмөлдөш үчүн адамдын жүзүн таануучу камералар пайдаланыла баштады. Бул тууралуу шаардын мэри Сергей Собянин билдирди. Мэриянын маалыматына ылайык, ушу тапта эки жумалык карантинге 2 жарым миңдей киши жиберилген. Кытайдан Москвага келгендердин баары обочо кармалат. Температурасы жогору болсо, дароо ооруканага жаткырылат. Собяниндин айтымында, Кытайдан келгендердин мониторинги менен метро, «Мосгортранстын» кызматкерлери, полиция жана дарыгерлер алектенишет. Читать дальше...

Ооганстандын аткаруу бийлигинин жетекчиси Абдулла Абдулла президенттик шайлоонун жеңүүчүсү деп Ашраф Ганинин таанылышына нааразы болуп, Европа Биримдигине арызданды. «Твиттердеги» бейшемби күнү чыккан постуна саясатчы каттын көчүрмөсүн жайгаштырды. Абдулла 18-февралда жарыяланган жыйынтык «мыйзамсыз жана көпчүлүк оогандар үчүн алгылыксыз», «шайлоодо мыйзам бузууларга, бурмалоолорго жол берилген» деп жазды. «Өнөктүктүн мыйзамдуу жеңүүчүсү катары бардык саясий күчтөрдү камтыган өкмөт түзүүнү чечтик», деп кошумчалады Абдулла. Читать дальше...

Кытайдагы коронавирус эпидемиясына байланыштуу алдын алуу иштеринин алкагында Кыргызстанда 150дөй адам дарыгерлердин көзөмөлүндө турат. Бул тууралуу 21-февралда «Азаттыкка» Оорулардын алдын алуу жана мамлекеттик санитардык-эпидемиологиялык көзөмөл департаментинин жугуштуу ооруларды көзөмөлдөө бөлүмүнүн башчысы Динара Оторбаева билдирди. Анын айтымында, обсервация жайлары республиканын бардык аймактарында ачылган. «Кытайдан келгендерден үч күнгө чейин обсервацияда анализ алынып, контактта болгонбу же жокпу... Читать дальше...

Мурдагы президент Алмазбек Атамбаевдин айрым тарапташтары бүгүн, 21-февралда Улуттук коопсуздук боюнча мамлекеттик комитеттин (УКМК) алдына чогулушту.  Атамбаевдин адвокаты Замир Жоошевдин айтымында, мурдагы президенттин тарапташтары анын саламаттыгына тынчсызданышууда. УКМКнын имаратынын жанында турган Жогорку Кеңештин депутаты Асел Кодуранованын журналисттерге билдиргенине караганда, Атамбаевге алты депутат жолукканы жатат. Кодуранова  депутаттар Атамбаевге кездешүүнү дүйшөмбү күнү эле пландашканын билдирди. Читать дальше...

Грузиянын мурдагы өкмөт башчысы жана мурдагы ички иштер министри Вано Мерабишвили дээрлик 7 жыл түрмөдө отуруп, 20-февралда бошотулду. Полиция күчтөрүнүн реформасынын башында турган Мерабишвили «Көз боёмочулук» жана «Кызматынан кыянаттык менен пайдалануу» беренелери боюнча соттолгон. Экс-министр эркиндикке чыкканда кийин саясатка кайтарын, Бидзина Иванишвилинин «Грузин кыялы» партиясы башкарган өкмөттү кетирүүгө аракеттенерин билдирди. Саясатчынын жылдызы 2003-жылкы «роза ыңкылабынан» кийин жанган. Читать дальше...