(Чаллы, 15 сентябрь,«Татар-информ»). ЛДПР партиясе лидеры Владимир Жириновский КПСС ҮК Генераль секретаре Леонид Брежневның җәсәден Кызыл мәйданнан Чаллы зиратына күчерергә тәкъдим иткән. Бу хакта ул Россия Дәүләт Думасының көзге сессиясе ачылыр алдыннан белдергән. Владимир Жириновский Кызыл мәйданда җирләнгән барлык дәүләт эшлеклеләрен, шул исәптән КПСС ҮК Генераль секретаре Леонид Брежневны да, яңадан җирләргә тәкъдим итте. ЛДПР лидеры сүзләренчә, торгынлык чорының совет лидеры кайчандыр аның исемен йөрткән Чаллы каласы зиратында җирләнергә мөмкин. Чаллы 1982 елда СССР лидеры үлгәннән соң ук Брежнев дип үзгәртелә. 1988 елда шәһәр үзенә тарихи исемне кире кайтара – җирле халык үзгәртеп кушылган исемне кабул итми.
