Новости за 15.09.2020

(Кайбыч, 15 сентябрь, «Татар-информ», « Кайбыч таңнары », Фирада Сайранова). Узган атнаның пәнҗешәмбесендә Кече Кайбыч авылында тантаналы төстә яңа модульле кибет ачтылар. Комплекслы хезмәт күрсәтү пунктын ачу тантанасында район башлыгы Альберт Рәхмәтуллин, «Татпотребсоюз» идарәсе рәисе Рашат Шәймәрданов һәм Мәлки кулланучылар җәмгыяте рәисе Салават Халиков катнашты. Бу турыда район басмасы хәбәр итә. Әлеге кибет республикада тормышка ашырылучы «Авыл кибете» максатчан программасы нигезендә сафка басты. Читать дальше...

(Казан, 15 сентябрь, «Татар-информ»). Кукмара районын «Фермерлар үзәне» дип атыйлар. Нәкъ менә биредә гаилә терлекчелек фермаларын төзү буенча республика программасының мөһимлеген беренчеләрдән булып аңладылар. Әһлиуллиннар гаиләсе дә төрле программаларда катнашып, яңа фермалар төзи. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә. Район фермерлары район хакимияте һәм җирле үзидарә органнары ярдәме белән Татарстан Республикасы Авыл хуҗалыгы һәм азык-төлек министрлыгының... Читать дальше...

Татарстанда "Керпе юлы" дигән иҗтимагый оешма төзегән Ленар Мифтахов Русия төбәкләре суверенитет алмыйча, Татарстан бәйсез була алмаячак дип саный. Ул Хабаровскида суверенитет даулау хәрәкәте инде башланды дигән фикердә. Бу хакта аның үзе белән сөйләштек.

(Әлмәт, 15 сентябрь, «Татар-информ», « Әлмәт таңнары »). 11-14 сентябрьдә Евпатория шәһәрендә йөзү буенча «Evolution Open» ачык беренчелеге узды. Анда Әлмәттән 10 спортчы 21 призлы урын алды. Бу турыда район басмасы хәбәр итә. Шамил Хәбибуллин, Анастасия Кузьмина, Реналь Сәйфетдинов, Таисия Шурунова алтын медаль, Данияр Резванов, Шамил Хәбибуллин, Реналь Сәйфетдинов, Даяна Хәсәншина, Анастасия Кузьмина, Таисия Шурунова көмеш, Тимур Хурамшин, Даяна Хәсәншина, Таисия Шурунова, Данияр Резванов, Реналь Сәйфетдинов бронза медаль яулады. Читать дальше...

(Әлки, 15 сентябрь, «Татар-информ», « Әлки хәбәрләре »). Узган шимбәдә район вәкилләре Казанның Дәрвишләр бистәсендә көзге ярминкәдә катнашты. Әлкилеләр миллион ярым сумлык товар алып барган, аның күпчелеген сатып бетергәннәр. Бу турыда район басмасы хәбәр итә. Әлкилеләр ике дистәдән артык машинага төяп калага ит, сөт ризыклары, бәрәңге һәм башка яшелчәләр, ярмалар, көнбагыш мае, бал, бөртек алып барды. Сату бик әйбәт булган. «Хузангай»ның үсемлек маен һәм атланмаен, ярмаларын, сырын, казылыгын яратып алганнар. Читать дальше...

(Чирмешән, 15 сентябрь, «Татар-информ», «Безнең Чирмешән» , Кадыйр Гомәров). Чирмешән районының Кызыл Чишмә бистәсендә кече Сабантуй оештырып, нефтьчеләргә хөрмәт күрсәттеләр, рәхмәтләрен ирештерделәр. Сабантуй дип, ул алай зурлап үтмәде, битлек тә кияргә туры килде. Аннан соң, нәкъ бүген яңгыр сибәләде, эш көне булгач, халык та күп җыелмады. Бу турыда район басмасы хәбәр итә. Моңа сәбәп тә туган — әлеге бистәдә Кызыл Чишмә чишмәсен төзекләндергәннәр. «Нурлатнефть» идарәсе монда инде икенче тапкыр зур ремонт үткәргән. Читать дальше...