Новости за 08.07.2020

(Казан, 8 июль, «Татар-информ»). Башкортстанның Ишембай авылы мәчете «Спортлы Башкортстан – көчле халык» проекты белән Президент грантлары фонды грантын отты. Бу хакта Россия мөселманнары шурасы сайтында хәбәр ителә. «Спортлы Башкортстан – көчле халык» проекты, Башкортстан Республикасы мөселманнары Диния нәзарәтенең үсеш буенча әйдәп баручы белгече А.Вәлиев җитәкчелегендә экспертлар командасы тарафыннан эшләнгән. Проект социаль юнәлешле коммерциячел булмаган оешмаларны субсидияләү буенча Президент... Читать дальше...

(Казан, 8 июль, «Татар-информ», «Ютазы таңы», Ильмира Галиева). Ютазы районында силос-сенаж чокырлары паспортлаштырылачак. Бу хакта дүшәмбе көнне «Ансель Вафауллин» КФХ базасында узган семинар-киңәшмәдә район авыл хуҗалыгы һәм азык-төлек идарәсе җитәкчесе Андрей Борисов хәбәр итте. Бу турыда район басмасы яза. Паспортта терлек азыгы нинди культурадан салынуы һәм датасы, аның күләме һәм сыйфаты күрсәтелергә тиеш — бу һәм башка мәгълүматлар авыл хуҗалыгы тармагын үстерүгә республика бюджетыннан бүлеп бирелә торган субсидияләрдә чагылыш табачак. Читать дальше...

(Казан, 8 июль, «Татар-информ»). Бөгелмәдә янган фатирдан хатын-кызны коткарганнар. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Гафиятуллин урамындагы 32 нче йортта янгын турында хәбәр 112 номерына төнге уникеләрдә килде. Өченче каттагы фатирда мебель януы ачыкланды. Төтенләнгән бинадан 10 кеше эвакуацияләнде, ә янган фатирдан битлек ярдәмендә хатын-кызны чыгардылар. Беркем дә зыян күрмәде. Мәйданы 2 кв. метр булган янгынның сәбәпләре ачыклана.

(Казан, 8 июль, «Татар-информ»). Россия Хөкүмәте коронавируслы пациентлар белән эшләү өчен стимуллаштыручы түләүләр алган медиклар өчен ялларга 5 млрд сумнан артык акча бүлеп бирәчәк. Бу хакта ТАСС хәбәр итә. РФ Премьер-министры Михаил Мишустин сүзләренә караганда, акчалар табиблар, урта һәм кече медперсонал, «ашыгыч ярдәм» машина йөртүчеләр һәм хакимият органнары карамагындагы медицина оешмалары хезмәткәрләре өчен каралган. Алар ял яки ял өчен компенсацияләр түләүгә китәчәк. «Аларны исәпләгәндә... Читать дальше...

(Казан, 7 июль, «Татар-информ», « Кайбыч таңнары»). Кайбычтагы Галия Кайбицкая исемендәге музейның бүләкләр коллекциясе тагын бер эксклюзив экспонатка баеды — бергә ике метр үлчәмдәге эскәтерне Чүти авылында яшәүче Румия Шитаева «Бүләк бирәм» акциясе кысаларында ТАССР төзелүгә 100 ел тулуга багышлап махсус бәйләгән. Бу хакта район газетасы хәбәр итә. Эскәтернең чит-читләре челтәрләп бәйләнгән, уртасында «ТАССР 100 ел» дигән язуы урнаштырылган. Румия Шитаева осталыгын башкалар белән дә уртаклаша, белгәннәрен башкаларга да өйрәтә. Читать дальше...

(Казан, 8 июль, «Татар-информ», « Азнакай», Резеда Шәрипова). Авыл хуҗалыгы һәм азык-төлек идарәсенең 7 июльгә булган мәгълүматлары буенча, Азнакай районында барлыгы 63 мең тоннадан артык сенаж салынган, 8 мең тоннадан артык печән әзерләнгән. Бу хакта район газетасы хәбәр итә. Шулай ук 90 мең гектар мәйданда культуралар корткыч бөҗәкләргә, чүпкә һәм чирләргә каршы эшкәртелгән, яфрактан тукландырылган.

(Казан, 7 июль, «Татар-информ», «Әлмәт таңнары»). «Бердәм Россия» партиясенең Әлмәт җирле бүлекчәсе «Яшь Гвардия» активистлары белән берлектә РФ Конституциясен яклау йөзеннән велоузыш үткәрделәр. Бу хакта җирле басма хәбәр итә. Исегезгә төшерәбез, Конституциягә кертелгән төзәтмәләрне — 79,36% шәһәр сайлаучылары һәм район халкының 83,85% ы хуплады. Тавыш бирүдә шәһәрдә сайлаучыларның 81,34%ы һәм районда 88,99%ы катнашты. Тавыш бирү өчен бер атна вакыт кешеләрнең күп җыелуын булдырмаска һәм барлык... Читать дальше...

Совет дәүләте таркалганнан соң килеп туган икътисади кризис вакытында Татарстан, Башкорстаннан күпләр вахта юлы белән Себергә, башка чит төбәкләргә эшкә йөрүгә күчте. Андый гаиләләрдә тормыш ничек корылган? Азатлык хәбәрчесе берничә гаилә белән сөйләште.