هرات کې یو ځانمرګی بریدګر هدف ته له رسېدو وړاندې لمنځه تللی

په هرات ښار کې یو ځان وژونکی برید ګر هدف ته تر رسېدو دمخه له ځانه سره چاودېدونکي مواد وچول چې په نتیجه کې یو ملکي وګړی ووژل شو او اته نور ټپیان شول.


د هرات امنیه قومندان امین الله امرخېل ازادي راډیو ته وویل چې دغه برید کوونکي غوښتل د دوشنبه په ماښام (عقرب ۶مه) په یوه تکیه خانې کې د شیعه مذهبو پر مراسمو برید وکړي.


د ښاغلي امرخېل په خبره وروسته له دې چې پولیسو دا کس وپیژنده، هغه ځان ته چاودنه ورکړه.


په وروستیو کلونو کې په هرات ولایت کې د شیعه ګانو پر څو جوماتونو انتحاري بریدونه شوي دي.


یوازي هرات نه بلکه په پلازمېنه کابل کې هم شیعه مذهبي د خونړیو بریدونو شاهد پاته شوي دي.


د دغو بریدونو مسولیت تر ډېره داعش وسلوالو منلی دی.