فرانسې او عرب لیګ د ترکیې د عملیاتو د درېدو غږ وکړ
د فرانسې ولسمشر اېمانوئل مکرون پرون، شنبه ویلي چې دا عملیات د اسلامي دولت په نوم وسله والې ډلې داعش ته زمینه برابرولائ شي چې له سره فعالیت پېل کړي.
د فرانسې د ولسمشر دفتر وویل چې مکرون د امریکا له ولسمشر دونالد ټرمپ سره دا خبرې په ټېلفوني مکالمه کې کړې دي.
د عرب لیګ مشر احمد ابوالغیط هم پر ترکیې ږغ کړی چې پوځي عملیات بند کړي او خپل عسکر له سوریې وباسي.
د عرب لیګ مشر پرون ویلي چې د ترکیې عملیات د یوه عربي دولت پر واکمنۍ او د خاورې پر بشپړتیا یرغل دی. خو د ترکیې د بهرنیوچارو وزیر مولود چاوش اوغلو ویلي چې په سوریه کې به یې پوځي عملیات دوام ولري.
چاوش اغلو ویلي، حتی که ترکیه هغه متحدان یوازې پرېږدي چې د تروریستانو ملاتړکوي، بندیزونه ورباندې ولګوي یا سزا ورکړي، له خپلو عملیاتو نه شاته کېږي. ترکیه او امریکا د ناټو غړي هېوادونه دي.