نورستانۍ: د ولسمشریزو ټاکنو ابتدايي پایلې به په خپل وخت اعلان شي
حوا علم نورستانۍ پرون د اکټوبر په لسمه ازادي راډیو ته وویل چې په دې تړاو هېڅ پرېکړه به له خلکو پټه نه پاتې کېږي.
حوا علم نورستانۍ وایي: تر اوسه داسې څه نشته چې د اندېښنې وړ وي، دا پروسه ډېره ستره ده ، تخنیکي بحثونه شته، اوس خو موږ بالکل تیار یوو، خو که خداي مه کړه کومه ستونزه وه، موږ به یې د افغانستان له ملت سره شریکوو.
د انتخاباتو ابتدايي پایلې باید د تلې په اووه ویشتمه اعلان شي.
خو جمهوري ریاست ته یو شمېر کاندیدان اندېښنه لري چې کمېسيون ښايي ونه توانېږي چې ابتدایي پایلې په وخت اعلان کړي.
د جمهوري ریاست د ټاکنو وروستۍ پایلې باید د لړم په شپاړسمه اعلان شي.