کندهار کې د ټاکنیز کمپاین دفتر ته نزدې چاودنې د یوه خبریال په ګډون څلور کسان وژلي
چاودنه تېره شپه شااوخوا اته بجې د کندهار ښار د ټانک سیمه کې د محمد اشرف غني په مشرۍ د دولت جوړوونکي ټاکنیز ټیم د کمپاین دفتر ته نزدې رامنځته شوه.
ددغه وزارت ویاند نصرت رحیمي پر خپلې ټویټرپاڼې لیکلي، په ټپیانو کې یوه ښځه او یو ماشوم هم شامل دي.
د افغانستان له ازادو رسنیو د ملاتړ ادارې (نی) ویلي، د عبدالحميد هوتکي په ننګرهار کې د هېواد په نوم د یوه محلي راډيو ټلويزيون خبريال و.
د نی ادارې د هېواد راډیو ټلویزیون د رئیس صدیق الله خلیق په حواله ویلي چې ښاغلی هوتکي تېره شپه روغتون ته یوړل شو او نن سهار یې ساه ورکړه.
د افغانستان د خبریالانو مرکز د معلوماتو له مخې، له دې سره په روان لمريز کالکې په افغانستان کې د وژل شويو خبريالانو شمېر څلورو ته ورسېد.