په سرپل کې څه د پاسه یو نیم ټن نشه يي مواد وسوځول شول

په سرپل ولایت کې څه د پاسه یو نیم ټن نشه يي مواد وسوځول شول.


د سرپل ولایت امنیه قوماندان جیلاني ابوبکر د نشه يي موادو د سوځولو پر مهال رسنیو ته وویل، له نشه يي موادو سره د مبارزې پولیسو د تېر یوه کال په بهیر کې په څو ولسوالیو کې څه د پاسه یو نیم ټن نشه يي مواد لکه هیروئین، ښیښه، تاریاک، چرس او شراب نیولي دي.


ده وویل: موږ (۱۹) واړه او لوی قاچاق کوونکي نیولي او د دوی دوسیې مو د یو نیم ټن نشه يي موادو له اسنادو سره یوځای عدلي او قضايي ادارو ته سپارلي دي.


له قاچاق کوونکو سره یو شمېر وسلې او موټرونه هم نیول شوي او عدلي او قضايي مرکز ته سپارل شوي دي.