دفاع وزارت: د تخار ینګي قلعه ولسوالي له طالبانو بېرته نیول شوې
د دفاع وزارت ویاند فواد امان پرون د سپټمبر په دیارلسمه پر ټوېټر ولیکل چې په دې ولسوالۍ کې ځانګړو ځواکونو عملیات کړي دي.
وسله والو طالبانو لا څه نه دي ویلي.
ینګي قلعه ولسوالي د سنبلې په نولسمه وسله والو طالبانو نیولې وه.
سیمه ییزو چارواکو د ولسوالۍ تر سقوط وروسته ویلي وو چې امنیتي او دفاعي ځواکونو د ملکي وګړو د امنیت لپاره له ولسوالۍ وتلي دی.