Новости за 25.02.2020

Ирандын жогорку лидери Аятолла Али Хаменеинин аскердик кеңешчиси Хоссейн Дехган англиялык “Financial Times” басылмасына берген маегинде, Иран Америка менен ар тараптуу согушууну көздөбөөрүн, бирок  бул өлкө менен сүйлөшүүлөр дагы маанисиз экенин баса белгиледи.

ДУМА жетекчисинин эл аралык маселелер боюнча биринчи орунбасары коронавирустун жайылышына Американын кыйыр тиешеси бар экенин четке каккан жок.

Түштүк Кореянын өкмөтү коронавирусту көзөмөлгө алуу үчүн парламенттин жана өлкө боюнча сот мекемелерин 48 саатка жапты.

Түркмөнстандын Лебап облусунда бюджеттик мекемелердин кызматкерлерине жума намаздарга барууга тыюу салынды. Мындай тыюу түркмөн президенти Лебапта жаңы мечиттин ачылышына келген убакка туш келди. Бул тууралуу «Азаттыктын» Түркмөнстандагы кабарчысы билдирди. «Билим берүү, маданият, саламаттык сактоо жана аскер кызматкерлерине жума намазга катышууга жана иштеген жеринде намаз окууга тыюу салынат. Жума намазга барган же иштеген жеринде намаз окуган адам жумушунан айрылары алдын-ала эскертилди. Бирок... Читать дальше...

Мамлекеттик бажы кызматынын Ош облустук башкармалыгынын мурдагы кызматкери Эмилбек Кимсанов Биринчи май райондук сотунун чечими менен үй камагына чыгарылды. Бул маалыматты «Азаттыкка» Башкы прокуратуранын басма сөз кызматынын өкүлү Рыспай Садыков ырастады. Анын айтымында, мурдагы бажычыга байланыштуу ишти тергеп жаткан Ички иштер министрлигинин тергөөчүлөрү сотто Кимсановду үй камагына чыгаруу тууралуу өтүнүч келтиришкен. Алар мунун себебин Кимсановдун жаш балдары бар экендиги менен түшүндүрүшкөн. Читать дальше...

Кыргыз жарандарына көптөгөн өлкөлөрдүн визасын алуу барган сайын кыйынга турууда. Бул тууралуу премьер-министр Мухаммедкалый Абылгазиев 25-февралда Мамлекеттик каттоо кызматынын Бишкек шаарындагы Калкты тейлөө борборуна барганда айтты. Өкмөт башчы “Биз бул жагдайдан чыгып, паспорт ээсине бүткүл дүйнөнүн эшиги ачык өлкөлөрдүн бирине айланышыбыз зарыл. Бул үчүн эл аралык деңгээлдеги паспорттор керек», - деди. Ошону менен катар Абылгазиев «Биз жакын арада буга чейинки тендер боюнча соттук териштирүүлөрдүн аякташын күтүп жатабыз. Читать дальше...

Өзбекстандын Санитардык-эпидемиологиялык саламаттык агенттиги Ооганстанда пайда болгон коронавирустун айынан өзбек-ооган чек арасын жабууну сунуш кылды. Бул сунуш 24-февралда талкууланды. Бирок Өзбекстандын Саламаттык сактоо министрлиги сунуш тууралуу да, талкуу тууралуу да эч кандай расмий маалымат тарата элек. Ооганстандын Саламаттык сактоо министрлиги үч адамдан коронавирус илдети табылганы тууралуу маалыматты 24-февралда талкуулаган. Бейтаптын бири илдетти Ирандын Кум шаарынан жугузуп келгени аныкталган. Читать дальше...

Кесиптик кошуундар федерациясынынын имаратында ушул тапта үч аял ачкачылык жарыялап отурат. Алардын бири Бишкек шаарынын тургуну Динара Ракымбаеванын айтымында, алар ачкачылыкты 24-февралда башташкан. Аялдар федерациянын жетекчиси Мирбек Асанакуновдун иштен кетишин талап кылышууда. «Менин эжем менен жездем ушул кесиптик кошуунда көп жылдар бою иштешкен. Асанакунов алардын айлыгын бербей, мыйзамсыз иштен алып койду. Алар эки жылдан бери эмгек акысын ала албай жүрүшөт. Мен ошолорду жактап жүрөм. Читать дальше...

Жогорку сот Азимжан Аскаровдун ишин кароону 6-апрелде улантмай болду. Буга бүгүнкү отурумда прокурорлор кассациялык арызга кошумча жүйөлөр киргизилгендиктен, иш менен таанышууга убакыт сурап, өтүнүч келтиргени себеп болду. Аскаровдун кассациялык арызынан тышкары, адвокаттары да кошумча арыз беришкен. Ал арыз менен айыптоочу тарап тааныша элек экенин айтып, убакыт сурады. Бүгүн, 25-февралда Жогорку сотто башталган жараянга Аскаровдун байбичеси Хадича Аскарова жана уулу Шерзод Аскаров катышты.... Читать дальше...

25-февралда Нур-Султан шаарынын полициясы 43 жаштагы активист Дулат Агадил тергөө абагында жүрөгү кармап көз жумган болушу мүмкүн экенин билдирди. Кабар тарар замат анын ондогон тарапташы тергөө абагынын жанына чогулуп, 22-февралда кармалган митингдин катышуучуларын коё берүүнү талап кылышты. Полиция департаментинин маалыматына ылайык, 24-февралдын кечинде Агадилди тергөө абагына алып барышкан. Былтыр ноябрда адинистративдик жазага тартылып, камакка алынган активист Акмол айылындагы тергөө абагынан качып кеткен. Читать дальше...

Түркмөнстандагы электр түйүнүндө болгон кырсыктан улам Өзбекстанга жөнөтүлчү электр 13 эсе азайды. Бул тууралуу «Өзбекстандын улуттук электр тармактары» ишканасы кабарлады. 21-февралда таңга маал Түркмөнстандагы «Сердар» электр түйүнүндө өрт чыккан. Анын айынан экспорттун көлөмү саатына 780 МВттан 60 МВт саатка чейин түшкөн. «Сердар» электр түйүнү электр энергиясын Марый облусунда жайгашкан жылуулук электр станциясынан алып, Өзбекстанга экспортточу. Учурда Түркмөнстан күйүп кеткен электр түйүнүн калыбына келтирүүгө аракет кылып жатат. Читать дальше...

Мамлекеттик бажы кызматынын Ош облустук башкармалыгынын мурдагы кызматкери, издөөдө жүргөн Эмилбек Кимсанов Орусиянын Санкт-Петербург шаарында кармалып, Кыргызстанга жеткирилди. Бул маалыматты «Азаттыкка» ишенимдүү булактар билдиришти. Укук коргоо органдары бул маалыматты расмий ырастай элек. Эмилбек Кимсанов 14-февраль күнү кечинде «Фейсбуктагы» баракчасына спортчу Төлөгөн Рахманберди уулунун видео кайрылуусун жүктөгөн. Кайрылууда Рахманберди уулу Ош шаардык спорт комитетинин башчысы Кылыч Саркарбаев... Читать дальше...

Жогорку сотто 2010-жылдагы июнь коогасынан кийин өмүрүнүн акырына чейин түрмөгө кесилген укук коргоочу Азимжан Аскаровдун иши карала баштады. Сотко Аскаровдун байбичеси Хадича Аскарова жана уулу Шерзод Аскаров катышууда. Алар «Азаттыктын» суроолоруна жооп берип жатып «бүгүн жакшы чечимден үмүт кылып жатканын» айтышты. "Азимжандын боштондукка чыгышын дүйнө талап кылып жатат. БУУнун чечимин Кыргызстан аткарган жок.  Аткарышы керек да. Соттон жакшы чечим күтүп жатам", деди Хадича Аскарова. Жараянга эл аралык укук коргоо уюмдарынын... Читать дальше...

Бир офицердин өлүмү менен коштолгон Кой-Таш окуясы боюнча 14 адамга расмий айып коюлду. Бул тууралуу «Азаттыкка» Башкы прокуратуранын расмий өкүлү Наргиза Куватова билдирди. Ал эми тергөө менен кызматташууга макул болгон беш адамдын иши өзүнчө каралууда. «Башкы прокуратура айыптоо корутундусун бекитти. 14 адамга тапшырылды. Эми сотко жөнөтүлөт», - деди Куватова. 2019-жылы 7-8-августта Улуттук коопсуздук боюнча мамлекеттик комитет (УКМК) жана Ички иштер министрлиги (ИИМ) Чүйдүн Кой-Таш айылында... Читать дальше...

Кыргызстан социал-демократиялык партиясынын (КСДП) мурдагы президент Алмазбек Атамбаевди колдогон бөлүгүнүн расмий өкүлү Кундуз Жолдубаева Кой-Таш окуясы боюнча шек саналып жаткандарга айыптоо актылары расмий тапшырылганын билдирди. Ал «Фейсбуктагы» жеке баракчасына жазганына караганда, башкы прокурор Өткүрбек Жамшитов 491 беттен турган айыптоо корутундусун бекитти. Жолдубаева айыптоолордун баары «бир тараптуу, далил базасы жок жана оозеки айтылгандарга негизделген» деп жазды жана айыпталуучу деп табылгандардын тизмесин жарыялады. Читать дальше...

Италияда коронавирустан алты киши көз жумду. Ооруну жугузуп алгандардын жалпы саны 220 кишиден ашты.

26-февралда түнкүсүн Кыргызстандын аймагында жаан-чачын жаабайт. Күндүз Жалал-Абад, Баткен облустарынын тоо этектеринде жаан, кар, тоолуу райондорунда жана Чүй, Талас, Ош облустарынын тоолуу райондорунда кар жаайт. Чүй, Талас, Ош, Жалал-Абад, Баткен облустарынын өрөөндөрүндө жана Ысык-Көл, Нарын облустарында жаан-чачын жаабайт. Түштүк-чыгыш тараптан соккон шамалдын ылдамдыгы секундасына 5-10 метрге жетет. Абанын температурасы: Чүйдө түнкүсүн -2…+3, күндүз 15…20; Таласта түнкүсүн -3…+2, күндүз 15…20; Баткенде... Читать дальше...

Улукбек Жолдошбеков 1996-жылы 9-февралда Нарын шаарында туулган. 2018-жылы Кыргыз мамлекеттик юридикалык академиясын бүтүргөн. Учурда ушул эле окуу жайда магистратурада билим алат.

Алтын медаль ээси Жолдошбеков кечээ Бишкекке келип түшкөндө, 23-февралда ирандык балбан Дастан менен беттешип жатып көзүн жабыркатып алганы коомчулукка белгилүү болду.

Чаткалдын тургундары аймакта жүргүзүлүп жаткан чачыранды алтын казууга мораторий киргизүүнү талап кылышууда. Алар бул тууралуу өкмөттүн облустагы өкүлү менен жолугушкан учурда айтышты.

Кыргыз Республикасынын жана Тажикстан Республикасынын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын отурумунун жүрүшүндө Баткен облусунун Баткен шаарында кеңири пикир алмашуу болуп өттү.

Түштүк Кореяда коронавирус жайылып жаткандыктан Америка Сеул менен биргелешип өткөрүп жаткан аскердик машыгууларын кыскартмакчы.

Кытай бийлиги өлкөдө коронавирусту көзөмөлгө алуу жана ушул сыяктуу оорулардын жайылышын алдын алуу үчүн жапайы жаныбарларды сатканга жана алардын этин жегенге тыюу салды.

Кувейттин өкмөтү өлкөдө коронавирус илдетин жуктуруп алгандар болгондуктан улуттук майрамдарын майрамдоону жокко чыгарды.

«Аалам», 29.01.09 — 10-бет: Полит-элита…• Дааватчылар жадатты Үй тиричилигиң менен кызуу алпурушуп жатканыңда алагды кылып, эшик алдына келген бирөөнү сыртыңдан сыр бербесең да, ичиңден жаман көрөөрүң анык. Өзгөчө кийинки учурларда эшик алдына келип «Биз дааватчыларбыз, саат мынчада мечитке келиңиз» дечүлөр көбөйдү. Мурда мындай исламга үгүттөөчүлөрдү көрбөгөн айылдыктар алгач таң калуу менен карап келишсе,азыр «А, баягы […]