Новости за 17.02.2020

Бириккен араб Эмирлиги мурдагы тажик командири, жарандык согушта "Элдик фронтту" жетектеген Хужа Каримовду Тажикстанга өткөрүп берди. Ал өз мекенинде адам өлтүрүүгө, талап-тоноого, адам уурдоого жана башка кылмыштарга айыпталган.    17-февралда Тажикстандын ички иштер министрлиги беш жылдык жарандык согушта өкмөттүк күчтөрдүн командири болгон Каримов Дүйшөмбүгө экстрадицияланганын билдирди.        Экс-командирди Интерпол былтыр жайында Дубай шаарында Дүйшөмбүнүн өтүнүчү менен кармаган. Тажикстанда жарандык согуш 1992-жылы башталып... Читать дальше...

Москвадагы метродо коронавирус илдетине кабылган адамды туураган Тажикстандын жараны Кароматулло Джаборов бейбаштыкка айыпталып кармалды. Бирок ага тагылган айып оорлоштурулуп, топ адамдар менен бирге атайын даярданып, бейбаштык кылган деген берене боюнча айып тагылууда. Бул берене боюнча кармалган адам 7 жылга чейин кесилиши мүмкүн. Джаборов 2-февралда жүзүнө беткап кийип, ондогон адамдардын көзүнчө коронавирус талмасына кабылган адамдай болуп полго жыгылып, жер чапкылап баштаган. Анын шериктери өздөрүн алдастап калгандай көрсөтүшкөн. Читать дальше...

Исламабадда Пакистандын ооган качкындарын кабыл ала баштаганынын 40 жылдыгына арналган эл аралык конференция өтүп жатат. Миллиондогон качкын башпааналаган лагерлердеги алачыктарда бир эмес, эки муун чоңойду.

Мамлекеттик бажы кызматынын Ош облустук башкармалыгынын мурдагы кызматкери Эмилбек Кимсановдун иниси Эмирбек Кимсановдун 15-февралда "Фейсбук" аркылуу президентке кайрылуусу Кара-Суу райондук ички иштер бөлүмүнүн электрондук журналына катталды. Бул тууралуу Ош облустук ички иштер башкармалыгынын басма сөз катчысы Жеңиш Аширбаев "Азаттыкка" билдирди. Райондук милиция жабырлануучунун үйүнө барып, кароо жүргүзгөндө ал жерде Кимсановдун туугандары убактылуу жашап жатканы, үй ээлери чет өлкөгө чыгып кеткендиги аныкталган. Читать дальше...

Нарын шаарындагы тоо лыжа боюнча спорт мектебинин түптөлгөнүнө 20 жылдан ашып калды. Лыжа тебүүгө кызыгып, такай машыккандардын саны алтымышка чамалайт. Алардын бири Элайым Дүйшөбаева жети жылдан бери машыгып келатат. Лыжа тепкенге ылайыгы жок кууш жана тик жерде машыккан Элайым жакында эл аралык мелдешке катышуу үчүн даярданууда.

Саламаттыкты сактоо министрлигинин маалыматына караганда, Кытайдан Кыргызстанга учуп келген кош бойлуу келин Бишкектеги перинаталдык борбордун өзүнчө палатасына жаткырылды. "24 жаштагы келиндин курсагындагы түйүлдүккө 32 жума болгон. Ал Кытайдагы университеттердин биринде окуп жаткан. Келин 16-февраль күнү Москва аркылуу учуп келген. Бишкекке конгондон кийин толук изилдөөдөн өтүү үчүн жугуштуу оорулар клиникасына жиберилген. Келин Ухандын оору чыккан Хубэй провинциясында болгон эмес, Ляонинг провинциясынын Шеньянь шаарында жашаган"... Читать дальше...

Нарындык Элайым Дүйшөбаева лыжа боюнча эл аралык таймаштарга даярданып жатат. Трансплантация маселеси Кыргызстанда чоң көйгөйгө айланды. Шарты жок коомдук транспортто кыйналган майыптардын көйгөйү. “Данисте” берүүсүнүн кезектеги чыгарылышын сунуш кылабыз.

17-февралда Казакстандын баш калаасы Нур-Султанда ипотекалык карызын төлөй албаган жана соттордун чечимине нааразы болгон 60ка жакын адам акцияга чыкты. Алар мурдагы президент Нурсултан Назарбаев, анын тун кызы, Сенаттын төрайымы Дарига Назарбаева жана президенттик администрациянын жетекчиси Ерлан Кошанов менен жолугушууну талап кылышты. Чогулгандар көтөргөн маселелери ар башка болгону менен аларды бир гана бийлик чече аларын айтып чыгышты. Алар президенттин резиденциясына барууга аракет кылышты. Читать дальше...

17-февралда Ат-Башыга логистикалык борборду куруу тууралуу келишим жокко чыгарылды.

Дүйнө жүзүндө коронавирусту жугузуп алгандардын саны 71 миң кишиден ашты. Азербайжандын полициясы оппозициялык партиялардын лидерлерин жана 100дөн ашуун активистти кармады. Өзбекстанда жергиликтүү тургундар менен милициянын кагылышуусунан үч киши жаракат алды.

Мындай маалыматты "Нарын" эркин экономикалык аймагынын жетекчиси Артур Байтереков "Азаттыкка" билдирди. Анын билдирүүсүндө «Ат-Башы Кыргыз-Кытай эркин соода аймагы» компаниясынын Индустриалдык-соода-логистикалык борбордун курулушу боюнча долбоорду жабуу чечимине байланыштуу аянты 200 гектар жерди 49 жылга ижарага берүү келишими жокко чыгарылды. Учурда биз буга чейин айыл чарба жоготууларынын ордун толтуруу иретинде инвестор төлөгөн 43 миллион сомдон ашуун акчаны кайтаруу жөнүндө өкмөткө кат даярдап жатабыз" деп жазылган. Читать дальше...

Башкы прокуратура Ош шаардык кеңешине шайлоонун алдында добуштарды сатып алуу аракети боюнча сотко чейинки өндүрүш башталганын жарыялады.

Ош облустук ички иштер башкармалыгынын маалыматына караганда, 9-класста окуган кызды зордуктоого шектелгендер кыздын айылдаштары болуп чыккан. Алардын бири 37 жашта, экинчиси 25 жашта. Ош ОИИБнын басма сөз катчысы Жеңиш Аширбаевдин "Азаттыкка" билдиргени боюнча, зордуктоо эки башка күнү - 9-февралда жана 12-февралда болгон: «13-февралда 1957-жылы туулган А.Э. 16 жаштагы кызы зордукталганы боюнча милицияга кабар берген. Бул иш боюнча 1983-жылы жана 1995-жылы туулган жарандар кармалды. Алар окуучу... Читать дальше...

Бул тууралуу Мамлекеттик каттоо кызматынын төрагасынын орун басары Тилек Батырканов 17-февралда Борбордук шайлоо комиссиясынын (БШК) жабык өткөн жыйынында айтканын БШКнын мүчөсү Атыр Абдрахматова билдирди. Бирок үйдүн ээси, үйдүн дареги – жеке маалымат деп эсептелгендиктен алар кайсы дарекке катталганы ачык айтылган жок. Бул маалыматты Мамлекеттик каттоо кызматынан да ырасташты. Мекеме мыйзамда чектөө жок экенин, үйдүн ээси макулдук берсе жарандар каалаган жерине каттоого тура аларын кабарлады. Читать дальше...

Өзбекстандан Кыргызстанга келип окуган студенттердин саны 17 миңдин тегерегинде.

Өлкөнүн хоккей командасы чемпионаттан биринчи орун алып, үчүнчү дивизионго чыгууга белсенип турат.

Милиция «FactCheck» порталынын редактору, журналист Болот Темировго кол салууну тергеп бүтүп, ишти сотко өткөрүп берүүнүн алдында турат. Бул маалыматты Темиров өзү ырастады. Анын айтымында, шектүүлөргө «Тоноо» жана «Бейбаштык» беренелери боюнча айып коюлду. Болот Темировго 9-январда Бишкекте белгисиз адамдар кол салып, сабап кетишкен. Темиров муну өзүнүн кесиби менен байланыштырып келет. Ал бул кол салууну «FactCheck» порталы жарыялаган Мамлекеттик бажы кызматынын төрагасынын мурдагы орун басары... Читать дальше...

Шайба менен хоккей ойноо боюнча дүйнө чемпионаты 3-5-март күндөрү Бишкектеги шаардык муз аянтчада өтөт.

Сирияда Башар Асаддын режими көзөмөлдөгөн маалымат каражаттары өкмөттүк күчтөр Алеппонун айланасындагы провинциянын көп бөлүгүн өзүнө каратканын жарыялашты. «Reuters» маалымат агенттигинин кабарына караганда ал аймактарда дагы эле куралдуу оппозициянын очоктору сакталып турат. «Reuters» орус авиациясынын колдоосуна таянган Асад Алеппо провинциясынын көп бөлүгүн өзүнө каратып, ири жеңишке жетишкенин жазды. Жекшемби күнү Орусия Сириянын Анадан шаары баш болгон бир нече калктуу конуштарына авиация менен чабуул койгон. Читать дальше...

Өзбекстандын Сурхандарыя облусундагы тополоңдо эки милиция кызматкери жана бир жай тургун жаракат алды.

Назирбек Бөрүбаев өкмөт аппаратынын жетекчисинин биринчи орун басары - өкмөттүн чек ара маселелери боюнча атайын өкүлү болуп дайындалды. Тиешелүү буйрукка премьер-министр Мухаммедкалый Абылгазиев кол койгонун өкмөттүн басма сөз кызматы билдирди. Бөрүбаев Ташкенттеги ТИИИМСХ институтун инженер-жер пландоо адистиги боюнча аяктаган. Ал эмгек жолун 1969-жылы Лейлек районунда башталгыч класстын мугалими болуп баштаган. Кийин ушул эле райондо ар кандай кызматтарда иштеп, 1996-1999 – жылдары Лейлек айыл өкмөтүнүн башчысы болгон. Читать дальше...

Кармалгандардын көбү ошол эле 16-февралда коё берилди. Бул тууралуу оппозиция өкүлдөрү билдиришти. 16-февралда шайлоонун жыйынтыгы боюнча митингдин алдында «Реал» партиясынын лидери Илгар Мамедли, «Мусават» партиясынын лидери Ариф Гажили жана оппозициялык кыймылдын жетекчиси Руслан Иззатлы үйүндө же кеңсесинде отурган учурда кармалышкан. Кийинчерээк алардын баары шаардан алыс аймактардагы чоң жолдорго коё берилген. Бул окуя боюнча оппозициялык кыймылдын лидери Руслан Иззатлы ИИМди сотко берерин билдирди. Читать дальше...

Ирандын президенти Хасан Рухани кечээ, жекшемби күнү Тегеран Эр-Рияд менен учурдагы көйгөйлөрдү талкуулоого даяр экенин, Сауд Аравияны күтүп жатканын тастыктады.

Ооган бийлиги өлкөнүн түндүгүндө «Талибан» кыймылынын жоочулары өкмөттүк күчтөрдүн базасын курчоого алып, кеминде беш жоокерди өлтүргөнүн билдирди. Бул кан төгүү Кошмо Штаттар менен «Талибан» кыймылы ооган жергесинде тынчтык орнотууну макулдашып жаткан маалда болду. Чабуул 16-февралда Кундуз провинциясынын Шора Хак районунда коюлду. Анын алдында эле АКШнын коргоо министри Марк Эспер талибдер менен зордук-зомбулукту бир жумага токтотуу тууралуу макулдашууга жетишкенин билдирген. 17-февралда ооган... Читать дальше...

Улуу орус акыны Александр Пушкиндин «Көрүстөндөгү ой толгоо» аттуу ырын кыргыз акыны Шайлообек Дүйшеевдин котормосунда сунуш кылабыз.