Новости за 08.02.2020

Таиланддын түндүгүндөгү Накхонратчасима шаарында армия капралы жайкын адамдарга ок атты. Анын айынан кеминде 15 адам каза тапканын жергиликтүү полиция кабарлады. Жакрапант Томма аттуу аскер алгач үч офицерди өлтүрүп, армиянын автоунаасын айдап кеткен. Андан соң шаардагы ибадатканын жана соода борборунун жанынан өтүп бараткандарга ок аткан. Томма кол салуунун видеосун "Фейсбуктагы" баракчасына жарылаган. Алардын биринде “колго түшүп берейинби?” деп суроо салып жатканын көрүүгө болот. Полиция жана армия учурда кылмышка шектүүнү издеп жатат.

Өкмөттөгү булактардын маалымдашынча, бүгүн, 8-февралда кыргыз-казак чек арасынан Кыргызстандын аймагына 4500дөй киши өттү. Жакынкы күндөрү бул сан дагы өсүшү мүмкүн. Маалыматты атайын органдар тастыктай элек. Казакстандын чек арага жакын Кордай районунда ишембиге оогон түнү сегиз адамдын өмүрүн жаңжалдан кийин Кыргызстан тарапка келгендер негизинен "Кең-Булуң" жана "Токмок" өткөрүү бекетинен өтүшкөн.  Буга чейин Кыргызстандын Чек ара кызматы Кордайдан Кыргызстандын аймагына киргендер көбөйгөнүн... Читать дальше...

Кыргызстандын Борбордук шайлоо комиссиясынын жетекчиси Нуржан Шайлдабекова Москвадагы кыргыз диаспорасынын өкүлдөрү менен жолугуп, шайлоого камылга тууралуу маалымат берди.

Чек ара кызматы Кордайдагы чырдан кийин Кыргызстандын аймагына өткөн адамдар көбөйгөнүн айтты. Бирок аталган кызмат ушу саатка чейин өткөн адамдардын так санын айта элек. Мындан бир аз мурда “Азаттыктын” кабарчысы кыргыз-казак чек арасындагы "Кең-Булуң" өткөрмө бекетинде 200гө жакын адам топтолуп турганын, ар бир он мүнөттө бирден киши кыргыз тарапка өтүп жатканын билдирген.

Казакстандын Кордай районундагы чырдан кийин кыргыз-казак чек арасындагы “Токмок” жана “Кең-Булуң” өткөрмө бекеттери аркылуу Казакстандан Кыргызстанга киргендер токтой элек. Ошол жерде жүргөн “Азаттыктын” кабарчысына чек арадан өткөн адамдар Казакстан тарапта кезекте тургандардын саны көп экенин билдиришти. Чек ара кызматы 8-февралда аталган бекет аркылуу Кыргызстанга өткөндөр көбөйгөнүн билдирип, бирок алардын санын тактаган жок. Аталган кызмат, топтолгондор коронавируска текшерилип, тепловизордон... Читать дальше...

Түркмөнстандын президенти Гурбангулы Бердымухамедов уулу Сердарды өлкөнүн өнөр жай жана курулуш министри кылып дайындады. Бул тууралуу 8-февралда өлкөдөгү мамлекеттик маалымат каражаттары жарыялады. 38 жаштагы Сердар Бердымухамедов былтыртан бери Ахал облусунун башчысы болуп иштеп келген. Түркмөн лидеринин уулун кезектеги жогорку кызматка дайындашы “мураскерди” таптоо аракети катары кабыл алынууда. Жаңы кызматта кенже Бердымухамедов Ахал аймагынын жаңы борборун куруу боюнча амбициялык долбоорду ишке ашыруу менен алектенери пландалууда. Читать дальше...

Айтылбай турган сөз эле…же түндүк–түштүк картасы, бул Кыргызстанды жок кылуучу, өтө коркунучтуу айыктырылгыс оору.

Казакстандын Кордай районундагы башаламандыктар учурунда сегиз адам каза болуп, ондогону жараат алды.

Кыргыз-казак чек арасындагы Кыргызстандын аймагындагы "Кең-Булуң" өткөрмө бекетинде 200гө жакын адам турат. Бул тууралуу ошол жерде жүргөн “Азаттыктын” кабарчысы билдирди. Топтолгондордун көпчүлүгү дунган тектүүлөр Казакстандан туугандарын күтүп жатышканын айтышууда. Алар бекеттин жанында ысык тамак уюштурушкан. Өткөрмө бекеттен өткөндөр Казакстандын аймагында бир топ адамдар топтолуп турганын айтышты. Буга чейин Кыргызстандын Чек ара кызматынан Казакстандын Кордай районундагы чырдан кийин... Читать дальше...

Кыргыз Либерал-демократиялык партиясы FactCheck порталы жазган партиянын бет ачарына Бажы кызматынын мурдагы төрага орун басары Райымбек Матраимовдун жакын адамдарынын биринин катышканы боюнча маалыматка жооп кайтарды. Партия "Фейсбуктагы" баракчасына жайгаштырган маалыматта партиянын бетачарына бардык каалоочулар келип кеткенин, бирок бул алар менен тилектеш деген ишаратты билдирбесин белгиледи.  “Бет ачарга Интернет аркылуу бардык жарандарды чакырганбыз, бардык каалоочуларга эшик ачык болгон. Читать дальше...

АКШнын Европа Биримдигиндеги элчиси Гордон Сондланд кызматтан кетти. Сонланд буга чейин Конгрессте президент Дональд Трампка импичмент жарыялоо маселеси боюнча көрсөтмө берген. Ал кызматтан кетүүнү президент сунуштаганын билдирди. Ага чейин Улуттук коопсуздук кеңешинин кызматкери Александр Виндман кызматтан бошотулуп, АКШ Ак үйүнөн күзөт кызматынын кайтаруусу менен чыгарылган. Виндман АКШ Конгрессинде көрсөтмө берип, Трамп Украинанын президенти Владимир Зеленскийге мыйзамсыз талап койгонун билдирген. Читать дальше...

Ооганстандын түндүк, түндүк-чыгыш тарабындагы Кытай жана Тажикстан менен чек аралары коронавируска каршы күрөшүү максатында белгисиз мөөнөткө жабылды.

Бириккен Улуттар Уюму Сирия менен Иракта 27 миң террорист бар экенин жана ИШИМ бул өлкөлөрдөгү бийлигин кайрадан калыбына келтирүүгө аракет кылып жатканы боюнча эскертүү жасады.

Кытайдын Ухань шаарында коронавируска чалдыккан АКШнын жараны каза болду. Бул тууралуу Кошмо Штаттардын Кытайдагы элчилиги кабарлады. Маалыматка ылайык, 69 жаштагы адам Ухандагы ооруканада көз жумган.  Буга чейин АКШда 12 адам коронавирусту жугузуп алганы аныкталган. Алардын көпчүлүгү Кытайга барып келгендер же алардын жакындары болгон. Жапон бийлиги да 60 жаштагы жараны Ухань шаарындагы ооруканада каза болгонун жарыялады. Эпидемия былтыр декабрь айында башталган. Адамдан адамга жуккан вирус көп учурда өпкөнүн сезгенишине алып келет. Читать дальше...

Кыргызстандын мурдагы президенти Аскар Акаевдин тун уулу Айдар Акаевдин сөөгү Москвадагы Троекуров көрүстөнүндө жерге берилди. Бул тууралуу “Азаттык” радиосунун Москвадагы кабарчысы кабарлады. Маалыматка ылайык, Айдар Акаев менен коштошуу расмисине 200дөн ашуун адам чогулду. Алардын арасында Акаевдердин жакындары, Москвадагы кыргыз диаспорасынын өкүлдөрү болду. Кыргызстандан тажияга Аскар Акаев бийликте турган мезгилде ар кыл мамлекеттик кызматтарды ээлеген Осмонакун Ибраимов, Кубанычбек Жумалиев... Читать дальше...

2010-жылдагы июнь коогасынан кийин өмүр бою абакка кесилген укук коргоочу Азимжан Аскаров Кыргызстандын өкмөтүн сотко берди. Бул тууралуу “Азаттык” радиосуна Аскаровдун адвокаты Валерьян Вахитов кабарлады. Анын айтымында, абактагы укук коргоочу кыргыз өкмөтү БУУнун Адам укуктары боюнча комитетинин сунуштарын, эл аралык милдеттенмелерин аткарбай жатат деп эсептейт. Буга байланыштуу Аскаров Бишкектин райондор аралык сотуна арыз жолдоду. Арыз сотто качан каралары айтыла элек. Жалалабаддык укук... Читать дальше...

UFC 247 турниринин башкы беттешинде Жонс менен Рейес беттешсе, кеченин экинчи маанилүү кармашында Шевченко менен Чукагян октагондо жолугушат. Sputnik редакциясы турнирди көрсөтө турчу телеканалдар менен сайттарды сунуштайт.

Казакстандын Кордай районундагы башаламандыктан соң чектеш Токмок шаардык ооруканасына 18 адам кайрылды. Бул тууралуу Кыргызстандын Саламаттык сактоо министрлигинен кабарлашты. Маалыматка ылайык, кайрылгандардын 17си казакстандык, бирөө кыргызстандык. Учурда 10 адам ооруканага жаткырылды. Алардын сегизи Токмок шаардык ооруканасында болсо, экөө Бишкекке жөнөтүлдү. Абалдары орто деп бааланууда. Калгандары алгачкы жардам көрсөтүлгөн соң кое берилген. Чек ара кызматы жаңжалдан кийин "Кең-Булуң"... Читать дальше...

Казакстандын Кордай районунда чыккан чырда сегиз адам каза болуп, ондогон адам жараат алды. Бул тууралуу Казакстандын ички иштер министри Ерлан Тургымбаев билдирди. Анын айтымында, эки полиция кызматкерине ок тийип, жараат алган. 30дан ашык турак үй, 15 имарат жана 23 автоунаа талкаланган. Кырдаалды курчутууга шек саналып 47 адам кармалып, алардан эки аңчылык мылтыгы алынган. Министр “бардык күнөөлүүлөр жоопко тартыларын” билдирди. 7-февралдын кечинде Жамбыл облусунун Кордай районуна караштуу... Читать дальше...

Түркиянын тышкы иштер министри Анкарага Идлиб маселеси боюнча сүйлөшүү үчүн Орусиядан делегация барарын билдирди.

Ош шаардык ички иштер башкармалыгынын басма сөз кызматы маалымдагандай, ушул жылдын 7-февраль күнү саат 22.50 чамасында Баткен облусунун Кадамжай районунун аймагынан баңгизат ташууга шектүү катары эки адам кармалган. Алар түшкөн «Шевроле-Каптива» үлгүсүндөгү автомашинаны кароо учурунда 17 даана ак түстөгү пластикалык идиштерде жалпы салмагы 425 килограмм баңгизат жасоодо колдонула турган химиялык суюктук табылган. - Алдын ала алынган ыкчам маалыматтын негизинде Баткен облустук жана Ош шаардык... Читать дальше...

Кыргызстандын транспорт жана жолдор министринин орун басары Жеңишбек Ногойбаев жана министрликке караштуу Автомобиль, суу транспорту жана салмак габаритти контролдоо агенттигинин башчысы Анарбек Бекмуратов Улуттук коопсуздук комитетинин Коррупцияга каршы кызматынын кызматкерлерине 10 миң доллар пара берип жаткан жеринен кармалды. Бул тууралуу УКМКнын Коррупцияга каршы кызматынан кабарлашты. Аталган кызмат тараткан маалыматта кармалгандардын аты-жөнү “Н.Ж” жана "Б.А" деп көрсөтүлгөн. Ал эми... Читать дальше...

Кытайдын тышкы иштер министрлигинин басма сөз катчысы Хуа Чунинг жума күнү өткөргөн онлайн-басма сөз жыйынында Иранга медициналык жардам жөнөткөнү үчүн ыраазычылык билдирди.

“Дасмия” комплексинде өтүп жаткан курултайга уюштуруучулар 500гө жакын делегат катышып жатканын билдиришти. Уюштуруучулардын бири Айбек Мырза “Азаттыкка” кабарлагандай, курултайдын жүрүшүндө Кыргызстандагы Конституциялык реформа, элдик курултай мыйзамы, кен-байлыктарды пайдалануу маселеси жана сот-укуктук реформанын жүрүшү талкууланууда. Мындан сырткары курултай катышуучулары 2019-жылдын 7-8-августундагы Кой-Таш айылындагы окуяны иликтеген коомдук комиссиянын корутундусун угушту. Жыйындын жүрүшүндө... Читать дальше...

Казакстандын Жамбыл облусунун Кордай районундагы бир нече айылда орун алган башаламандыкта каза болгондор жана жараат алгандар бар. Казакстандын президенти Касым-Жомарт Токаев тараткан билдирүүдө каза болгондор жана жабыр тарткандардын саны ачык айтылган эмес. Токаев бир нече айылда орун алган тургундар ортосундагы жапырт мушташты чагымчылдар колдонуп кеткенин белгилеген. Казак президенти каза болгондордун жакындарына көңүл айтып, учурда аймактагы абал полиция жана Улуттук Гвардиянын көзөмөлүндө экенин билдирген. Читать дальше...