Новости за 14.02.2020

Ар бир адам бактылуу болууга, бекем үй-бүлө курууга укуктуу. Ошол баалуулуктарга жетүүнүн бирден бир жолу сүйүү эмеспи. "Азаттык+" бул жолу сезим, үй-бүлө баалуулуктары тууралуу берүү даярдады.

Орусия жана Украина президенттери жума күнү телефондон сүйлөшүп, “Норман төрттүгү” форматындагы келерки жолугушууну талкуулашты. Бул тууралуу украин президенти Владимир Зеленскийдин кеңсеси билдирди. Донбасстагы кырдаалды жөнгө салууну көздөгөн сүйлөшүүнүн кезектеги айлампасы качан болору айтылган жок. Маалыматка караганда, Зеленский менен Владимир Путин “Донбасс жана Крымдагы убактылуу оккупацияланган аймактардагы жана Орусияда кармалгандарды бошотуу» маселесин да козгошту. Кремлдин басма... Читать дальше...

14-февраль күнү Кыргызстандын Тышкы иштер министрлигине Тажикстандын Кыргызстандагы элчиси Назирмад Ализода чакыртылды. Бул тууралуу аталган мекемеден маалымдашты. Жолугушууда кыргыз тарап Тажикстандын Согди облусундагы ички иштер башкармалыгынын жетекчиси, милициянын генерал-майору Абдулло Навжувоновдун чек ара тууралуу айткан сөзүнө кескин тынчсыздануусун билдирген.   Тышкы иштер министрлиги 13-февралда Тажикстандын айрым массалык маалымат каражаттарында жана Интернетте тараган маалыматтарда... Читать дальше...

Беларус президенти Александр Лукашенко Орусия кара май менен керектүү көлөмдө камсыз кылбаса, Беларус транзит куурлардан мунай ала баштарын эскертти. Бул тууралуу Беларустун BelTA кабар агенттиги маалымдады. Минск менен Москва мунайдын көлөмү боюнча мунаса таба албай келет. Беларус кошуна өлкөнүн арзан кара майына көз каранды. Лукашенко 14-февралда билдиргендей, Беларустагы мунай иштетүүчү заводдор январда Орусиядан 2 миллион тонна чийки заттын ордуна 500 миң тонна  гана алган. Өлкө аймагы... Читать дальше...

Укук коргоо жана текшерүүчү органдар ишкер чөйрөгө басым жасап, коррупцияга каршы күрөшүү боюнча бирдиктүү депозитти толтуруу үчүн өз ара жарышып жатканы тууралуу сөз болду.

Өкмөттүн Баткен облусундагы өкүлчүлүгү Тажикстандын Согди облусунун ички иштер башкармалыгынын башчысы Абдулло Навжувонов чек арага чектеш аймактагы элдин ынтымагына доо кетире турган билдирүү таратты деп эсептейт. Бул тууралуу Баткен облусунун өкүлчүлүгүнүн басма сөз кызматы маалымдады. “Тажикстандагы Согди облусунун ички иштер башкармалыгынын башчысы Абдулло Навжувонов өз жеринде маалымат жыйын уюштуруп, “Кыргызстандын Баткен облусу жайгашкан аймак, Тажикстанга тиешелүү”, - деген чагымчыл маанайдагы билдирүү тараткан. Читать дальше...

Бишкекти каптаган ыштын адамдардын ден соолугуна зыяны изилдене элек. Бул тууралуу “Азаттыкка” Саламаттык сактоо министрлигинин өпкө илдеттери боюнча башкы дарыгери, профессор Талант Сооронбаев билдирди. Анын айтымында, борбор калаада экологиялык абал начар экени айтылганы менен бул көрүнүштүн адамдардын саламаттыгына кандай таасир тийгизип жатканы илимий негизде аныктала элек: “Бишкекте аба аябай булганды дегенге мен да кошулам. Бирок бул адамдардын ден соолугуна таасирин тийгизет деген изилдөөнүн негизинде далил жок. Читать дальше...

Жапонияда короновирустан улам карантинге алынган саякат кемесинде төрт казакстандык бар экени белгилүү болду. Тажикстан алдыдагы үч жылда Кытайдан насыя алууну токтотууну көздөйт. Бул тууралуу кошуна мамлекеттин Каржы министрлиги билдирди.

Эл аралык республикалык институт (IRI - International Republican Institute) бир нече изилдөөчү уюмдар менен биргеликте 2019-жылдын ноябрь-декабрь айында жүргүзгөн сурамжылоонун жыйынтыгын жарыялады. Анда Кыргызстандагы саясий, экономикалык, коррупция, маалымат булагы сыяктуу бир топ тармактарда изилдөө жүргүзүлгөн. Коомдук пикир көрсөткөндөй, «Азаттык» радиолордун ичинен жаңылыктарды жана саясий маалымат алуу жагынан ишеничтүү деп саналгандардын сап башына чыккан. Ал эми онлайн ресурстардын ичинен... Читать дальше...

Ош болгон окуяны жарандык коом сөз эркиндигине коркунуч катары баалады

Сербия жана Косовонун жетекчилери Белград менен Приштина ортосундагы темир жолду калыбына келтирүү жөнүндөгү келишимге кол коюшту. Кол коюу аземи Мюнхенде коопсуздук конференциясы башталардын алдында 14-февралда өттү. Ага эки өлкөнүн президенттери Александр Вучич менен Хашим Тачи, АКШнын Сербия жана Косово боюнча атайын чабарманы Ричард Гренелл катышты. Өткөн айда тараптар 1998-99-жылкы куралдуу жаңжал күчөгөндө токтотулган коммерциялык учууларды жандандыруу тууралуу макулдашкан. Белград 2008-жылы... Читать дальше...

Бишкектин Биринчи май райондук сотунда ички иштер министринин мурдагы орун басары Курсан Асановдун ишине байланыштуу алгачкы соттук жыйын өттү. Ал иште жабырлануучу катары катышып жаткан мурдагы вице-премьер-министр Жениш Разаков журналисттердин суроолоруна жооп берип жатып, эмнеге сотко арыз бергенин айтып берди. Разаков «алгач мени каралагандардын артында ким турганын билген эмесмин» деди. «Курсан Сатарович менен ортобузда эч качан эч кандай карама-каршылык, тиреш болгон эмес. Иш жана акча боюнча мамилебиз болгон эмес. Читать дальше...

Жапония коронавирустан улам карантинге алынган саякат кемесиндеги айрым жүргүнчүлөрдү сыртка чыгара баштады. Кытайдын өзүндө вирусту жугузгандардын саны 64 миңге чукулдады.

Бишкектеги Биринчи май райондук сотунда Курсан Асановдун ишине байланыштуу алгачкы соттук жыйын өттү. Эми иштин негизи боюнча сот 28-февралда башталат. Анда жабырлануучу катары мурдагы вице-премьер-министр Жениш Разаков көрсөтмө берет. Асановдун жактоочусу Икрамидин Айткулов Асановго карата козголгон иштер бириктирилгенин жана чала тергелип калганын айтты:  «Сотко өткөрүлгөн иш чала тергелген. Асановду айыптоого багытталган иште ойдон чыгарылып жазылган».  Ошондой эле 14-февралдагы соттук отурумда... Читать дальше...

Кытайда COVID-19 аттуу жаңы коронавирусту жугузгандардын саны 64 миң кишиге чукулдады. Өпкөнүн сезгенишине алып келген вирустан 1 миң 380 адам каза тапты. Дүйнөнүн 30га жакын аймагында коронавируска чалдыккан 565 киши катталды. Ал ортодо Жапония илдеттен улам карантинге алынган «Diamond Princess» саякат кемесиндеги айрым улгайган жүргүнчүлөрдү сыртка чыгара баштады. Ал жүргүнчүлөрдүн көбүнүн өнөкөт оорулары бар. Алардан коронавирус табылган эмес. Бирок кемеде дагы эле жүздөгөн адамдар кармалып турат. Читать дальше...

Бишкектеги Биринчи май райондук сотунда Курсан Асановдун ишине байланыштуу алгачкы соттук жыйын башталды. Бул тууралуу адвокаттар кабарлашты. Азырынча ал кайсы иш боюнча өтүп жатканы белгисиз. Алгачкы соттук жыйынга Курсан Асанов, анын айдоочусу Дамирбек Пайзылда уулу, «Чындык» сайтынын редактору Турсунбек Бейшенбеков жана мурдагы вице-премьер-министр Жениш Разаков катышып жатат. 4-февралда Башкы прокуратуранын басма сөз кызматы ички иштер министринин мурдагы орун басары Курсан Асанов боюнча тергөө иши аяктаганын маалымдаган. Читать дальше...

Германияда Дрезден шаарынын бомбаланышынын 75 жылдыгы эскерилип жатат. 1945-жылдын 13-15 февраль күндөрү нацисттик Германияга каршы күрөшкөн өнөктөштөр - Британия менен Кошмо Штаттар бул шаарга төрт тоннадай бомба ташташкан. Абадан урулган соккулардан 25 миңге жакын адам курман болгон. Шаардын тарыхый борбору дээрлик талкаланган. 13-февралда Германиянын президенти Франк Вальтер-Штайнмайер Дрездендеги Маданият сарайында сөз сүйлөдү. Ал өз билдирүүсүндө 75 жыл мурунку аба соккуларынан курман болгондорду эскерип... Читать дальше...

Түндүк Македониянын полициясы түштүк-чыгыш чек ара аймагында 53 мигрантты ташып бараткан оор машине кармалганын бейшембиде кабарлады. Айдоочу адам аткезчилиги менен алектенген топтун мүчөсү деген шек менен камакка алынды. Жүк ташыган машинени алдынкы күнү кечинде Грекия жана Болгария менен чек арага жакын жерде кадыресе текшерүү үчүн токтотушкан.  Полициянын билдирүүсүндө айтылгандай, андагы 37 киши оогандык, 12си пакистандык, экөө Индиядан, бир египеттик жана бир ирандык киши болуп чыкты. Айдоочу... Читать дальше...

14-февраль - дүйнөнүн бир топ өлкөлөрүндө Ыйык Валентин күнү белгиленүүдө.

Антарктикада абанын температурасы тарыхта биринчи жолу 20 градустан жогору көтөрүлдү. Рекорддук көрсөткүч 9-февралда Сеймур аралындагы станция тарабынан катталды. Окумуштуулар мындай ысыкты аномалдуу деп эсептешет. Бирок маалыматты Дүйнөлүк метеорологиялык уюм азырынча тастыктай элек. Бул тууралуу «The Guardian» гезити жазды. 1982-жылы Антарктикада абанын температурасы 19,8 градуска жеткен. Адистер жыл башынан бери жарым аралдын бир топ жери жылуу болуп жатканын байкашууда. Мисалы, 6-февралда... Читать дальше...

13-февраль күнү Бишкектеги Энени жана баланы коргоо боюнча улуттук борбордогу төрөт үйүндө үч эм кыз төрөлдү. Алардын апасы - 37 жаштагы шаар тургуну. Ымыркайлардын салмагы - 2,700, 2, 560 жана 2,800 кг.  Саламаттык сактоо министрлиги кыздардын абалы жакшы экенин кабарлады.  Кыргыз өкмөтү былтыр ноябрь айында үй-бүлөдө үч же андан ашык эм төрөлгөн шартта, жарык дүйнөгө келген ар бир бала үчүн 50 миң сомдон берүүнү чечкен. 2018-жылдын 1-январынан тартып Кыргызстанда балага сүйүнчү чегерилген. Читать дальше...

14-17-февралда көпчүлүк аймактарда жаан жаайт. Буга байланыштуу капчыгайларда кар күрткүсү жана кар көчкү түшүү коркунучу бар. Жолдор тайгак болот. Абанын температурасы: Чүйдө түнкүсүн -4…+1, күндүз 6…11; Таласта түнкүсүн -4…+1, күндүз 5…10; Баткен, Ош, Жалал-Абадда түнкүсүн -3…+2, күндүз 7…12; Ысык-Көлдө түнкүсүн -2…-7, күндүз 3…8; Нарында түнкүсүн -9…-14, күндүз -1…-6 ; Бийик тоолуу райондордо түнкүсүн -12…-17, күндүз -1…-6 градус болот. Бишкекте жаан-чачын жаабайт. Батыштан соккон... Читать дальше...

АКШнын Юстиция департаменти кытайлык «Huawei Technologies» компаниясын Иранга демонстранттарды көзөмөлдөөгө жардамдашкан деп айыптады. Технологиялык жабдуулардын ири өндүрүүчүсү буга чейин да Вашингтондун кысымына туш болуп келаткан. 13-февралда коюлган айыпта «Huawei» америкалык алты технологиялык компаниядан соода сырларын уурдап алууга жана уюшкан кылмыштуу топторго каршы мыйзамды бузууга аракеттенгени айтылат. Прокурорлордун баамында, компания Ирандын бийлигин былтыр Тегеранда өкмөткө каршы... Читать дальше...

Мелдеш 27-29-март күндөрү Кытайдын Сиань шаарында болушу керек эле. Бирок Бириккен күрөш дүйнөсү (UWW) коронавирус тарап жаткандыгына байланыштуу башка жакта уюштуруу чечимин кабыл алган.

Балдарга карата катаал мамиленин, зордук-зомбулуктун алдын алуу, жашоо шарты начар үй-бүлөлөрдү аныктоо жана мониторинг жүргүзүү максатында атайын түзүлгөн штабдын мүчөлөрү өлкөнүн бардык райондорунда эл ичин кыдырып жатышат. Бул тууралуу өкмөттүн басма сөз кызматы маалымдады. Айрыкча мигранттардын балдары тарбияланып жаткан үй-бүлөлөргө мониторинг кылып, зомбулукка жол бербөө тууралуу түшүндүрүү иштерин жүргүзүп жатышат. Эмгек жана социалдык өнүгүү министрлиги эл аралык өнөктөштөрдүн колдоосу... Читать дальше...