Новости за 29.02.2020

Кыргызстан элинин Ассамблеясынын курамындагы «Ооган диаспорасы» коомдук бирикменин төрагасы Сардар Мухаммад Сахи менен маек.

Немцов өлтүрүлгөн күндү белгилеген маршка миңдеген адам чыкты.

Улуттук коопсуздук боюнча мамлекеттик комитеттин (УКМК) басма сөз кызматы 29-февралда тараткан маалыматка караганда, ыкчам иликтөө иштеринин натыйжасында О.Б кармалган. Ал телефон аркылуу сүйлөшүүсүндө 2-мартта Бишкекте өтчү митинг учурунда бийликти күч менен басып алууга чакырган. «Чагымчыл маанайдагы маалыматтарды таратып, коомдук-саясий абалды курчутууну каалагандарды издөө боюнча тиешелүү иштер жүрүп жатат. Мекеме өлкөдөгү абалды дестабилдештирүүгө алып келчү буга окшогон материалдарды жайылткандар... Читать дальше...

Ички иштер министринин мурдагы орун басары Курсан Асанов ага тагылган айыптарды четке кагып, муну Кой-Таш окуясы боюнча жетекчилердин ич күйдүлүгү катары баалады.

Кошмо Штаттары жана “Талибан” кыймылы Ооганстандан америкалык аскерлерди чыгаруу, өлкөдө тынчтыкты орнотууну баштоо боюнча эки тараптуу келишимге кол коюшту. Катардын борбор калаасы Дохада өткөн кол коюу жөрөлгөсүнө Ооганстандын президенти Ашраф Гани, АКШнын коргоо министри Марк Эспер, АКШнын мамлекеттик катчысы Майк Помпео жана НАТОнун баш катчысы Йенс Столтенберг катышты. Бул документ 2018-жылдын октябрь айынан бери уланган Кошмо Штаттары жана талибдердин сүйлөшүүлөрүнүн негизинде макулдашылды. Читать дальше...

Бул маалыматты «Азаттык» радиосуна Балыкчы шаарынын мэри Марат Кудайбергенов ырастады. Маалыматка караганда, окуя 26-февралда болгон. Чоң атасынын колунда тарбияланган кыз ажырашып кеткен ата-энесине таарынып, көлгө чөгүп, өз өмүрүн кыюуну чечкен. Бул тууралуу Бишкекте иштеген апасы Балыкчы милициясына кабар берген. Маалыматтан кийин мэриянын социалдык бөлүмүнүн кызматкерлери да көл жээгине келип, сууга кирип бараткан кызды куткарып калышкан. Окуя боюнча милиция комментарий бере элек. (KS)

Москвада оппозициялык саясатчы Борис Немцовду эскерүү жөө жүрүшү өтүп жатат. Маркум 2015-жылы 27-февралда Кремлге жакын жерде киши колдуу болуп өлгөн. Ушундай эле жүрүштөр жана пикеттер Орусиянын ондогон шаарларында да болду. Владивосток шаарында полиция пикетке чыккан бир нече кишини кармап кайра коё бергени кабарланды. Новосибирскиде 30 чакты активист бийлик менен макулдашылбаган жүрүш уюштурушту. Бул шаарда кармоолор болгон жок. Ал эми Санкт-Петербург шаарында жергиликтүү бийликтин уруксаты... Читать дальше...

Иранда өпкөнү сезгенткен коронавирустан 24 саатта тогуз киши каза болду. Ирандын Саламаттык сактоо министрлигинин өкүлү ушуну менен өлкөдө коронавирустан өлгөндөр 43кө жеткенин, вирусту жугузгандардын саны 593 экенин айтты. Вирустун таралышы боюнча Иран Кытайдан кийинки эле эң кооптуу өлкөгө айланды. Вирусту жуктургандардын арасында Ирандын аялдар жана үй-бүлө маселелери боюнча вице-президенти, саламаттык сактоо министринин орун басары жана төрт парламент депутаты бар. Бул илдетке байланыштуу... Читать дальше...

Кыргызстанда коронавируска байланыштуу эпидемиологиялык абалды көзөмөлдөгөн республикалык штаб жарандарды коомду тынчсызданууга жана дүрбөлөңгө алып келе турган, чындыкка дал келбеген маалыматтарды жайылтпоого чакырат. Ошондой эле адамдарга эл көп жыйналган жерлерден оолак болууну жана өздүк гигиена эрежелерин сактоону сунуштады. Штабдын маалыматы боюнча, бүгүнкү күндө Кыргызстанда коронавирус менен ооругандар жок.  Штаб 28-февралда акыркы 20 күн ичинде эпидемиологиялык абал жакшы эмес, тобокелдик... Читать дальше...

Кыргызстан коронавирус көп жайылып жаткан беш өлкөнүн жарандарынын каттамына чектөө киргизди жана кыргызстандык жарандарды чек аралардан ички паспорт (ID-карта) менен каттоого тыюу салды. Коронавирус тобокелдигин алдын алуу максатындагы ушул убактылуу чаралар жана башка маселелер тууралуу вице-премьер министр, республикалык штабдын жетекчи орун басары Алтынай Өмүрбекова "Азаттыктын" суроолоруна жооп берди.

Коронавирус чыккан өлкөлөрдөгү кыргыз жарандарына элчиликтер жардам берип, маалымат алмашып жатышат. Бул тууралуу  вице-премьер-министр Алтынай Өмүрбекова "Азаттыкка" берген маегинде билдирди.  Өмүрбекованын айтымында Кытайдагы 4600 студенттин көпчүлүгү кышкы каникулда жана андан кийин келишкен. Азыр Кытайда 200 чамалуу кыргызстандык жаран бар. Алардын айрымдары өз каалоосу менен калып, каалоочулар кайтып келип жатышат.  «Тышкы иштер министрлигинин маалыматы боюнча Италияда 6000ге жакын жараныбыз бар. Читать дальше...

Кабо-Верде соту кемеге тогуз жарым тонна кокаин салып бараткан орусиялык 11 моряк боюнча чечим чыгарды. Португалиянын Notícias ao Minuto гезити кеменин капитаны 12 жылга, экипаждын калган 10 мүчөсү 10 жылдан түрмөгө кесилгенин жазды. Дагы бир моряк каза болгонуна байланыштуу ага карата кылмыш иши жабылган. Батыш Африкадагы Кабо-Верде мамлекетинде кемеге тогуз жарым тонна кокаин салып бараткан орусиялык 11 моряк былтыр январь айында камакка алынган. Алар Панаманын желеги илинген жүк ташуучу кеме менен Мароккого баратышкан. Читать дальше...

Казакстандын президенти Касым-Жомарт Токаев активист Дулат Агадил жүрөк оорусунан улам каза болгонун билдирди. Бул тууралуу ал Казакстандын Informburo.kz маалымат агенттигиндеги маегинде айтты. Токаев муну менен тергөө абагында көз жумган Дулат Агадилдин өлүмү боюнча алгачкы версияны бышыктады. «Коомдогу резонансты эске алып мен бул иш менен дыкат таанышып чыктым. Активист Агадил жүрөк оорусунан каза болгонун ишенимдүү айта алам», - деди Токаев. Казакстандык активист Дулат Агадил 24-февралда кармалып... Читать дальше...

Кытайдын өкмөтү бүгүн эртең менен өлкө боюнча коронавирус илдетин жуктуруп алгандардын жарымынан көбү айыгышканын билдирди.

Кыргызстанда 1-январдан 27-февралга чейин 91 миң 80 жол эрежесин бузуу катталды. Бул тууралуу Жол кыймыл коопсуздугун камсыздоо башкы башкармалыгы кабарлады. Мекеменин маалыматына караганда, жол эрежелерин бузганы үчүн 4680 айдоочунун автоунаасы айып токтотмого коюлган. Арасында 1392си мас болуп машине айдагандар. 124ү салынган айыппулду убагында төлөгөн эмес. Андан тышкары 602 айдоочу автоунаасынын терезесин караңгылатканы, 826сы жөө жүргүнчүнү өткөрбөй койгону үчүн жана 36 миң 632 айдоочу... Читать дальше...

*Тилекке каршы Николай Рубцовдун айтканы айтканындай дал келген. Кыргыздар «пенденин оозунда болсо Кудайдын кулагында» дегендей,  акын чынында эле «крещенский мороз» маалында 19-январда дүйнөдөн кайткан.

Премьер-министр Мухаммедкалый Абылгазиев 29-февралда башка өлкөлөрдөн келген жүргүнчүлөрдү текшерүү иши менен таанышуу үчүн «Манас» эл аралык аэропортуна барды. Бул тууралуу өкмөттүн басма сөз кызматы билдирди. Абылгазиев анда Түркиядан келген жүргүнчүлөрдү текшерүү процессин көрдү. Учакта 150 жүргүнчү болгон, бул каттам менен келгендердин арасынан вирус аныкталган жок. «Биз сак болуп, жерибизге келген ар бир адамды текшерүүгө тийишпиз. Дене табынын жогору болушун гана эмес, тигил же бул жүргүнчү... Читать дальше...

«Кыргызгидромет» борбору кабарлагандай, 1-мартта жаан жаабайт. Тоолуу райондордо жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн -1…+4, күндүз 13…18; Таласта түнкүсүн -2…+3, күндүз 12…17; Баткенде, Ошто, Жалал-Абадда түнкүсүн 1…6, күндүз 14…19; Ысык-Көлдө түнкүсүн -4…+1, күндүз 4…9; Нарында түнкүсүн -4…-9, күндүз 2…7; Бийик тоолуу райондордо -16…-21, күндүз 0…-5 градус болот. Бишкекте жаан-чачын болбойт. Читать дальше...

Бишкекте Жибек-Жолу менен Кулиев көчөлөрүнүн кесилишинде аскерлер бараткан автоунаа жол кырсыгына кабылды. Бул тууралуу Патрулдук милициянын басма сөз кызматы билдирди. Маалыматка караганда, 29-февраль күнү эртең менен «Зил 31» менен «Део - Колос» үлгүсүндөгү автоунаалар кагышкан. Кырсыкка кабылган автоунаада аскерлер бараткан, жабыркагандар жок. Кайгуул милициясы автокырсыкты териштирип жатат. (BTo)

Ат-Башы районунун Кара-Булуң айылындагы 70 наристе барган бала бакча кулаганы калган имаратта жайгашкан. Жаңысы качан курулары белгисиз. Кооптуу жайда балдарды караган тарбиячылардын жумушу оңой эмес. Анан калса сууну да алыстан ташып келишет.

Саламаттык сактоо министрлиги «Оштун Өзгөн районунда коронавирус катталды» деген маалыматты четке какты. Министрликтин басма сөз кызматы бул тууралуу социалдык тармактарда тарап жаткан маалыматтар чындыкка дал келбесин, Кыргызстанда вирусту жуктурган учур катталбаганын билдирди. 28-февралда Кара-Суу районундагы «Достук» көзөмөл өткөрмө бекетинен Түштүк Кореядан Өзбекстан аркылуу Кыргызстандын бир, Орусиянын эки жараны өткөнү кабарланды. Алар тиешелүү медициналык кароодон өтүп, кандайдыр бир оорунун... Читать дальше...

Жалпы билим берүүчү мектептерге жаңы окуу жылынан баштап киргизиле турган «Дүйнөлүк диндердин маданияты» сабагына окуу куралдарынын, мугалимдердин сандык жана сапаттык курамы жетишеби?

Кытайга расмий сапар менен барып келген Монголиянын президенти Халтмагийн Баттулга жана аны коштоп барган делегациянын бардык мүчөлөрү карантинге алынды.

Американын президенти Талибан менен тынчтык келишимине жетүү, Ооганстандагы согушту токтотууга жана америкалык күчтөрдү бул өлкөдөн чыгарууга кадам деп билдирди.

Кыргызстандан аткезчилик жол менен 1 миллион даана медициналык беткапты чыгарып кетүүгө аракет кылышкан. Бул тууралуу өлкө аймагына коронавирустун келишинин алдын алуу жана анын жайылышына жол бербөө боюнча республикалык штабдын 28-февралдагы жыйынында белгилүү болду. Беткаптарды мыйзамсыз жол менен кимдер, кайсы өлкөгө алып баратканы тууралуу маалымат берилген жок. Штабдын жетекчисинин орун басары, вице-премьер-министр Алтынай Өмүрбекованын билдиргенине караганда азыр бул ишти финполиция териштирип жатат. Читать дальше...