Новости за 28.01.2020

Казакстандык Ички иштер министрлиги 500дөй машине өлкөнүн жолдорундагы кар бурганакта калганын маалымдады. Синоптиктер жакынкы күндөрү күндүн көзү ачыларын божомолдобой жатышат. Нур-Султанда өзгөчө кырдаал жарыяланып, мектептер жабылды. Баш калаанын аба майданындагы учак каттамдары токтоду.

Тажикстанда тыюу салынган «Мусулман агайындар» кыймылынын мүчөсү деген шек менен баш-аягы 113 киши кармалды. Бул тууралуу өлкөнүн башкы прокурору Юсуф Рахмон 28-январда Дүйшөмбүдө өткөн басма сөз жыйынында билдирди. Анын айтымында, кармалгандардын арасында жогорку окуу жайларынын 20 окутуучусу менен кызматкерлери, ошондой эле Исфара шаардык аткаруу бийлигинин өкүлдөрү да бар.  - Алардын баарына кылмыш иштери козголду. Булардын максаты Тажикстанда бийликти күч менен кулатуу жана көп өлкөлөрдө... Читать дальше...

Иран быйыл беш жандоочун Жердин орбитасына учурууну көздөп жатат. Бул маалыматты Ирандын маалымат жана байланыш технологиялары боюнча министри Мохаммад Жавад Азари-Жахроми 27-январда ырастады. «Ооба, «Зафар» жандоочун орбитага учуруш үчүн атайын жай даярдалып жатат», - деп жазды министр «Твиттердеги» барагына. Мунун алдында Сан-Францискодо жайгашкан «Planet Labs Inc» компаниясынын жандоочтору тартып алган сүрөттөр Ирандын Имам Хомейни атындагы космостук борборунда иш-аракет күчөп, транспорт да көбөйгөнүн көрсөткөн. Читать дальше...

Швециянын эл аралык институту дүйнөдө курал-жарак өндүрүү боюнча Америкадан кийин Кытай деп жарыялады.

Кытайдын бийлиги өпкөнү сезгенткен жаңы вирустан каза тапкандардын саны 106 адамга жеткенин билдирди. 28-январга карата 4500дөн ашуун киши коронавирусту жуктуруп алганы ырасталды. Кытайдан башка 16 өлкөдө баш-аягы 48 адам вакцинасы табыла элек бул илдетке чалдыкканы белгилүү болду. Алардын дээрлик баары кытайлык туристтер же Кытайга барып келген жарандар. 27-январда Германияда коронавирусту жуктурган биринчи адам аныкталды. Монголия, Түндүк Корея жана Кыргызстан Кытай менен чек араларын убактылуу жабууну чечти. Читать дальше...

Кытайда окуп жаткан алты кыргызстандык студент мекенине кайтып келди. Бул тууралуу «Азаттыкка» Оорулардын алдын алуу жана мамлекеттик санитардык-эпидемиологиялык көзөмөл департаментинин жугуштуу ооруларды көзөмөлдөө бөлүмүнүн башчысы Динара Оторбаева билдирди: - Абалы жакшы. 10-14 күн байкоодо болот. Учурда бардык студенттер атайын чатырларда (изоляторлордо), аларга дайыма медициналык көзөмөл жүргүзүлүп жатат, ден соолугу канааттандырарлык, эч кандай оорунун белгилери жок. Лабораториялык диагностикалык изилдөө жүрүп жатат. Читать дальше...

Ислам динин кабыл алып, ал тургай Сириядагы согушка катышып келген беларус улутундагы казак жараны укук коргоо органдарына багынып берди. Өзүн мусулман деп санаган 24 жаштагы Николай Лазаренко азыр Казакстанда түрмөдө отурат.

Өткөн аптада дүйнөдө болуп өткөн орчундуу окуялар сүрөттөрдө.

29-январда Кыргызстандын аймагында жаан-чачын болбойт. Чүй, Талас, Ош, Жалал-Абад, Баткен облустарынын кээ бир жерлеринде туман түшүшү ыктымал. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн -8…-13, күндүз -2…+3; Таласта түнкүсүн -10…-15, күндүз -4…+1; Баткенде, Ошто, Жалал-Абадда түнкүсүн -3…-8, күндүз 1…6; Ысык-Көлдө түнкүсүн -6…-11, күндүз -2…+3; Нарында түнкүсүн -19…-24, күндүз -7…-12; Бийик тоолуу райондордо түнкүсүн -27…-32, күндүз -10…-15 градус болот. Читать дальше...

Американын коргоо министрлиги Ооганстанда өлкөнүн учагы Талибан тарабынан атып түшүрүлгөн деген маалыматты четке кагып, учак кулап түшкөнүн билдирди.

Ош шаардык кеңешинин депутаттары 27-январь күнү өткөн сессияда калаанын бюджетин бекитип беришти.

Автотранспортту каттоо жана айдоочулук күбөлүк берүү департаментинин Бишкек шаардык бөлүмүнүн мурдагы башчысы Насирбек Алмаматовго Интерпол аркылуу эл аралык издөө жарыяланды. Бул тууралуу «Азаттыкка» Бишкектин Октябрь райондук милициясы кабарлады. Буга чейин Алмаматовго КМШ аймагында мамлекет аралык издөө жарыяланган. Ал Жогорку соттун былтыр 30-октябрдагы токтомуна ылайык кайра абакка камалышы керек болчу. Бирок жашаган дарегине барган милиция кызматкерлери аны тапкан эмес.  Алмаматов 2018-жылдын 2-ноябрында кармалган. Читать дальше...

Кыргызстанда биометрикалык жалпы жарандык паспорт 2021-жылдан тартып бериле баштайт. Бул тууралуу “Азаттык” радиосуна Мамлекеттик каттоо кызматынын басма сөз катчысы Адилет Бейшеналиев билдирди. Анын белгилешинче, буга чейинки тендердин жыйынтыгын жокко чыгарган сот чечими жаңы сынак жарыялоого жол ачты: - Бул чечим 2020-жылы сүйлөшүү жүргүзүүгө, тендер жарыялоого, биометрикалык паспорт киргизүү боюнча бир чечимге келүүгө жол ачты. 2020-жылы толук иш алып барабыз да 2021-жылы, буюрса, колдонууга берели деген план койдук. Читать дальше...

Талибан кыймылынын расмий өкүлү Забиулла Муджахид АКШ армиясына таандык учактын кыйрашына жоопкерчилик алды.

Иранда бахаи динин тутунгандар мамлекеттик күбөлүк же тек-жайын ырастаган ID карта ала албай калышы мүмкүн. Болбосо алар өз дининен баш тартышы керек. Буга Тегеран киргизген жаңы чектөөлөр түрткү болууда.

«Чек ара» бирикмеси вице-премьер-министр Жеңиш Разаковдун айткандары боюнча Бишкекте басма сөз жыйынын өткөрө албай жатканын билдирүүдө. Бирикменин мүчөсү Гүлжигит Исаков «Азаттык» радиосуна айтып бергенине караганда, өткөн аптада «Элдик медиага» кайрылганда алар оңдоп-түзөө иштери жүрүп жатканын айтышкан. Ал эми 28-январда «Super.kg» пресс-борборунда маалымат жыйын өткөрүү макулдашылган: - Бүгүн 10:30га деп макулдашылган, бирок 9да чалып, техникалык мүчүлүштүктөн улам пресс-конференция болбойт деп айтышты. Читать дальше...

24-январда Түркиянын чыгышындагы Элазыг aймагындагы жер титирөөдө кеминде 39 кишинин өмүрү кыйылып, миңдеген адам жаракат алды. Күчү 6,8 баллга жеткен зилзаладан имараттар менен үйлөр кыйрап, учурда жергиликтүү калк чатырларда жашап жатышат. Түрк бийлиги табигый кырсыктан жабыр тарткандарга ар тараптуу колдоо көрсөтөөрүн билдирди. Ал эми ал аймакта жашаган жүздөгөн Вандык кыргыздардын үй-бүлөлөрү зилзаладан жабыркаган жок.

Ош, 28-январь, 2020-жыл. /ca-irnews.com/. Чоң-Алай районуна караштуу Чоң-Алай айыл өкмөтү этникалык кыргыздарга 100 миң сом акчалай жардам берди.

Бишкекте Равшан Жээнбековдун тарапташтары басма сөз жыйынын өткөрүшүүдө. Анда жактоочу Замир Жоошев Жээнбеков өзүнө коюлган айыптарды саясий чечим деп баалай турганын айтты. - Жээнбеков Кой-Таштагы оор кылмыштарга эч кандай тиешеси жок, ал окуяда абалды жөнгө салууга аракет кылган. Ал оор кылмыш боюнча шектүү болсо эмнеге дароо кармалган жок? - деди жактоочу. Замир Жоошев Равшан Жээнбеков окуядан кийин эки жолу чет өлкөгө чыгып келгенин эске салып, күнөөсү болсо кайра келбей коймок деген оюн ортого салды. Читать дальше...

Отрывка нет, потому что запись защищена.

Отрывка нет, потому что запись защищена.

Кыргызстанда прогрессивдүү жаштардын партиясы түзүлүүдө. Бул тууралуу Жогорку Кеңештин депутаты Жанарбек Акаев «Фейсбуктагы» жеке баракчасында жарыялады.  Депутаттын айтымында, партия Бишкекте кеңсе ачты, 28-январда Ошто ачылган кеңседе жолугушуу өтөт.  - Жаңы жүздөрдөн, билимдүү, прогрессивдүү жаштардан куралган жаңы партиянын бет ачарын өткөрөбүз. Таза, жаңы Кыргызстанды куруу ниети бар жарандарыбыздын баарын бизге кошулууга чакырам, - деди Акаев. Партия бет ачарын жакынкы күндөрү өткөрүүнү пландап жатат. Читать дальше...

«Азаттык» жана «Эркин Азия» радиолору «Кытайдагы кысым» долбоорунун алкагында чогуу даярдаган макала.

Алайда өрт чалган мечит толугу менен күйүп кетти. Бул тууралуу Өзгөчө кырдаалдар министрлиги кабарлады. Мекеменин маалыматына караганда, окуя 28-январга караган түнү болгон. Жаңы-Алай айыл аймагына караштуу Таш-Коргон айылындагы жалпы аянты 180 чарчы метрлик мечиттен чыккан өрт бул диний мекеменин имаратын керектен чыгарды. Кырсыкка эмне себеп болгонун адистер азыр тактап жатышат. Соңку бир сутка ичинде республиканын аймагында тогуз өрт катталып, өрттү өчүрүүгө 11 бөлүм тартылды. Дин иштери... Читать дальше...

Президент Сооронбай Жээнбеков өлкөдөгү эпидемиологиялык кырдаалга күнү-түнү мониторинг жүргүзүүнү талап кылды. Бул тууралуу мамлекет башчысы дүйшөмбү күнү өткөргөн чукул жыйында айтты. Жээнбеков бардык алдын алуу чараларын күчөтүүгө чакырып, азыркы кырдаал тууралуу так эмес маалымат таркатууга бөгөт коюу максатында өлкө калкын дайыма маалымдоо маанилүү экенин баса белгиледи. Өкмөткө вирустун пайда болушуна жол бербөө боюнча конкреттүү иш-чаралардын планын иштеп чыгуу жана көзөмөл-өткөрүү пункттарынын ишин күчөтүү тапшырылды. Читать дальше...