Новости за 02.01.2020

Акын, котормочу Мукан Асаналиев 2-январда 72 жашында дүйнөдөн өттү. Бул тууралуу «Азаттык» радиосуна маркумдун жакындары билдирди. Мукан Асаналиев кыргыз акындарын англис, орус тилдерине, чет элдик акындарды кыргыз тилине оодарган таланттуу котормочу катары белгилүү эле. Ал Байрондун ырларын кыргыз тилине, кыргыз акындарынан Алыкул, Мидин, Байдылдадан баштап сексенге чукул акын-жазуучунун чыгармаларын англис тилине которгон. Мындан сырткары «Курманжан датка» көркөм фильмин англис тилинде сүйлөткөн. Читать дальше...

Түркиянын парламенти Ливияга түрк аскерлерин бир жылга жөнөтүүгө макул болду. Бул чечим парламенттин 2-январдагы чукул жыйынында колдоо тапты. Ливиянын Бириккен Улуттар Уюму колдогон өкмөтүнө аскердик колдоо көрсөтүүгө уруксат берген документти 325 депутат жактап, 184ү каршы болду. 26-декабрда Түндүк Африкадагы бул өлкөнүн премьер-министр Фаиз Сараж жетектеген өкмөтү Анкарадан расмий түрдө аскердик жардам сураган. Аны улай Түркиянын президенти Режеп Тайып Эрдоган эгер түрк парламенти жактырып берсе, Ливияга аскерлер жөнөтүлөрүн айткан. Читать дальше...

Орусиянын Ингушетия республикасындагы бир полиция кызматкеринин өмүрүн алган кол салуу боюнча жоопкерчиликти "Ислам мамлекети" террордук тобу өз мойнуна алды. Бул тууралуу экстремисттик топтордун интернеттеги иш-аракетине мониторинг жүргүзгөн "SITE Intelligence Group" уюму билдирди. Маалыматка ылайык, согушкерлер кол салууну уюштурганын айтышканы менен аны күбөлөгөн далилдерди келтиришкен эмес. 31-декабрда Ингушетиянын баш калаасы Магаста куралчан эки киши автоунаасы менен полиция кызматкерин тебелетип кетип... Читать дальше...

Бакуда кармалып, Кыргызстанга жеткирилген Мамлекеттик бажы кызматынын мурдагы төрагасы Адамкул Жунусовдун камактагы бөгөт чарасы өзгөрүп, камактан бошотулганы кабарланууда.

Маданият, маалымат жана туризм министрлиги 2019-жылы өнөктөштөр менен бирге республика боюнча 50дөн ашык маданий иш-чара уюштурду.

Иран армиясынын бир катар жогорку жетекчилери АКШнын президенти Дональд Трамптын дооматына жооп кайтарышты. «Биз өлкөнү согушка жетелебейбиз. Бирок биз согуштан коркпойбуз», - деп билдирди 2-январда Ислам революциясынын сакчылар корпусунун башчысы, генерал Хоссейн Салами. Иран армиясынын кол башчысы, генерал-майор Абдулрахим Мусави да ирандык күчтөр «душманга» каршы турууга даяр экенин айтты. «Эгер кимдир-бирөө кымындай ката кетирсе, алар чечкиндүүлүк менен жооп кайтарат», - деди Мусави. Президент... Читать дальше...

Алматынын полициясы өткөн аптада «Bek Air» учагы кырсыкка учураган кезде кош бойлуу аялды сактап калган 23 жаштагы Темирлан Кадауовго сыйлык тапшырды. Шаардык полиция департаментинин басма сөз кызматы 2-январда билдиргендей, Кадауов «Өзгөчө кырдаалдын алдын алууда жана анын кесепетин жоюуда артыкчылык көрсөткөнү үчүн» деген медаль менен сыйланды.  Маалыматка ылайык, Кадауов учак жерге кулаганда жанында отурган кош бойлуу Гүлим Акишеваны өз денеси менен калкалап, учактан алып чыккан. Андан соң башка жүргүнчүлөргө да жардам көрсөткөн. Читать дальше...

Кытайдын Гонконг районунда демократиячыл кыймылдардын нааразылык акциясы 1-январда да уланды. «Reuters» маалымат агенттиги кабарлагандай, ал күнү 400гө чукул демонстрант «мыйзамсыз жыйынга чогулду» деген жүйө менен кармалды. Полиция түмөндөгөн адамдарды таркатыш үчүн көздөн жаш агызуучу газ колдонду. Уюштуруучулардын айтымында, жаңы жылдын алгачкы күнү бир миллиондой адам жүрүшкө чыкты. Полиция демонстранттардын санын 60 миң деп көрсөттү. Гонконгдо июнь айында бийликке каршы демонстрациялар башталгандан бери 7 миңдей демонстрант кармалды. Читать дальше...

АКШнын мамлекеттик катчысы Майк Помпео Казакстанда, Өзбекстанда, Украинада жана Беларуста өтө турган иш сапарын кийинкиге жылдырды. Буга Иракта митингчилердин Америка элчилигине чабуул койгону себеп болгонун, ошондон улам Помпеого Жакынкы Чыгыштагы кырдаалга көз салууга туура келип жатканын Мамлекеттик департамент 1-январда билдирди.  АКШнын башкы дипломаты 3-январда Киевге келип, андан соң Минскиге, Нур-Султанга, Ташкентке барышы керек эле. Помпео постсоветтик чөлкөмдөгү бул сапарынын алкагында... Читать дальше...

Тайванда аскердик тик учак кырсыкка учурап, андан армиянын кол башчысы генерал Шэн Имин баштаган сегиз киши каза тапты. Коргоо министрлиги билдиргендей, 13 кишини салып бараткан «Блэк Хок» тик учагы Тайбэй шаарынын чекесине чукулунан конгон. Беш жүргүнчү аман-эсен куткарылды. Кырсыкка эмне себеп болгону айтыла элек.  Тайвань армиясынын башкы штабынын жетекчиси, 62 жаштагы Шэн Имин аралдын түндүк-чыгышындагы аскердик бөлүккө учуп баратканы белгилүү болду. Бул кырсык Тайванда президенттик жана парламенттик... Читать дальше...

Монтенегродо (Черногория) диний уюмдардын мүлкүнө байланыштуу мыйзам Серб православ чиркөөсүнүн жана Орусиянын нааразылыгын жаратууда. 1-январда бир нече миң адам кайрадан баш калаа Подгорицада митингге чыкты. Алар жаңы мыйзам бийликке серб чиркөөлөрүнүн кыймылсыз мүлкүн тартып алууга мүмкүнчүлүк берерин билдирип жатышат. Мындай дооматты Балкан жарым аралында жайгашкан өлкөнүн бийлиги четке каккан. Монтенегронун президенти Мило Жуканович 28-декабрда кол койгон мыйзамга ылайык, диний уюмдар кайсы... Читать дальше...

Мамлекеттик бажы кызматынын коррупцияга байланыштуу шек саналып жаткан мурдагы башчысы Адамкул Жунусов үй камагына чыкканы айтылууда. Мындай маалыматты бир катар сайттар күч түзүмдөрүндөгү жеке булактарына таянып жазып жатышат. Ага ылайык, Бишкектин Октябрь райондук соту былтыр 30-декабрда Жунусовдун бөгөт чарасын карап, аны үй камагына бошоткон. Жогорку соттун басма сөз кызматы бул маалыматты иш күнү башталганда гана тактап берерин билдирди. Адамкул Жунусов 2018-жылы 28-декабрда Кыргызстанга Бакудан жеткирилген. Читать дальше...

Австралиянын Жаңы Түштүк Уэлс штатында токойлорду каптаган өрттөн улам жети күндүк өзгөчө кырдаал жарыяланды. Жергиликтүү бийлик 3-январдан тартып тилсиз жоо каптаган аймактардын тургундарын күч менен болсо да коопсуз жайларга көчүрө турган болду.  Күндүн кескин ысышы жана катуу шамал Австралиянын түштүк-чыгыш штаттарындагы өрттү күчөтүп жатат. 2-январда Жаңы Түштүк Уэлс жана Виктория штаттарында өрттүн 200дөн ашык очогу катталды.  «Өрттү өчүрүүгө жана элди эвакуациялоого артыкчылык берилет.... Читать дальше...

Түркиянын парламенти Ливияга түрк аскерлерин жөнөтүү маселесин талкуулаганы жатат. Ал үчүн депутаттар 2-январда чукул жыйынга чогулууда. Эгер демилге парламентте колдоо тапса, анда түрк күчтөрү Ливиянын Бириккен Улуттар Уюму тааныган өкмөтүнө жардам көрсөтөт.  Триполини көзөмөлдөгөн бул өкмөт өлкөнүн чыгыш аймактарын колуна алган генерал Халифа Хафтар жетектеген «Ливиянын улуттук армиясы» менен тирешип жатат. 26-декабрда премьер-министр Фаиз Сараждын өкмөтү Анкарадан аскердик жардам сураган. Түркиянын... Читать дальше...

Иран колдогон жарым-жартылай аскердик түзүмдөрдүн өкүлдөрү АКШнын Ирактагы элчилигинин алдынан тарап кетишти. Бул тууралуу Ирактын армиясы 1-январда билдирди. Ошол эле күнү мамлекеттик катчы Майк Помпео Ирактын премьер-министри Адил Абдул-Махди менен телефон аркылуу сүйлөшүп, АКШнын Багдаддагы элчилигинин аймагында болгон зомбулукту кескин айыптады. 31-декабрда «Элдик мобилизация күчтөрү» аттуу шиит кошуунунун жүздөгөн тарапкерлери элчиликтин алдына топтолуп, Вашингтон «Катаиб Хезболла» тобунун... Читать дальше...

3-январда Ош, Жалал-Абад, Баткен облустарынын көпчүлүк аймактарында жаан, кар, Чүй, Талас, Ысык-Көл, Нарын облустарынын кээ бир райондорунда кар жаайт. Жолдор тоңголок жана тайгак болот. Батыштан соккон шамалдын ылдамдыгы секундасына 3-8 метрге жетет. Абанын температурасы: Чүйдө түнкүсүн 0…-5, күндүз 2…7; Таласта түнкүсүн -1…-6, күндүз 2…7; Баткенде, Ошто, Жалал-Абадда түнкүсүн -4…+1, күндүз 2…7; Ысык-Көлдө түнкүсүн -2…-7, күндүз 1…6; Нарында түнкүсүн -12…-17, күндүз -2…-7; Бийик тоолуу райондордо -19…-24... Читать дальше...

Өрнөктүү адамдардын өмүрүнөн.

Буга чейин иштебей жаткан Тышкы иштер министрлигинин (mfa.gov.kg) жана Ички иштер министрлигинин (mvd.gov.kg) сайттары иштей баштады. Бирок Экономика министрлигинин расмий сайты (mineconom.gov.kg) азыр деле ачылбай турат. kg домендерди тейлеген «Азия инфо» компаниясынын оператору сайттардын иштешинде маселе жаралганын, аны жөнгө салуу аракети көрүлүп жатканын билдирген. Интернеттеги ачык булактардагы маалыматтарга караганда, gov.kg деген домен 2001-жылдын 16-январь күнү катталган. Анын мөөнөтү... Читать дальше...

Баткен аэропортунун мурдагы жетекчиси Нургазы Жаныбековдун кайрылуусу боюнча териштирүү иштери жүрүп жатат. Бул тууралуу «Азаттыкка» Башкы прокуратуранын басма сөз катчысы Наргиза Куватова билдирди. - Ал жетекчилиги жана Баткен облусунунун прокуратурасы тарабынан басым болгонун айтып чыкпадыбы. Азыр эми анын жүйөлөрү текшерилип жатат, - деди Куватова. Нургазы Жаныбеков Баткен облусунун прокурору Абдибакыт Халмурзаев менен кер-мур айтышуусу тартылган видеону «Фейсбуктагы» баракчасына жарыялаган. Читать дальше...

Ал буга чейин Латвия, Россия, Бахрейн, Индонезия сыяктуу мамлекеттердин футбол клубдарында ойноп келген. Ал эми өткөн сезондо Байматов бишкектик "Дордойдун" курамында өлкө чемпиону боло алды.

Учурда дүйнөнү дүңгүрөткөн экономикасы бар мамлекеттердин бири болгон АКШда жашап кетиш оңой эмес. Бул өлкөдө мээнеткеч болсоңуз анда өзүңүзгө жакшы шарт жана ыңгайлуу жашоо түзүп алсаңыз болот.

Кыргызстанда бир катар министрликтердин сайттары жана электрондук почталары иштебей калды. mfa.gov.kg, mineconom.gov.kg жана mvd.gov.kg деген домендер менен катталган Тышкы иштер министрлигинин (ТИМ), Ички иштер министрлигинин (ИИМ) жана Экономика министрлигинин сайттары ачылбай жатат. Өкмөттүн жана Маалымат технологиялары жана байланыш боюнча мамлекеттик комитеттин басма сөз кызматтары бул боюнча маалыматты тактап бере алышкан жок. Ал эми kg домендерди тейлеген «Азияинфо» компаниясынын оператору... Читать дальше...

Активисттер Сириянын лагерлериндеги балдарга жаңы жылдык белек таратышты. Лагерлерде кыргызстандык балдар да бар. Москвада майрамдык манайды жаратыш үчүн шаар бийлиги көчөлөргө атайын кар чачты. Ал эми Байкалда суучулдар Жаңы жылды көлдүн түбүндө майрамдоону чечкен. Аймагы жагынан Аргентина менен Индияны артка калтырган, а бирок калкынын саны жана 40 cууктка аба ырайы менен көбүн таң калтырган Якутияга сапар тартабыз. «Каректе Евразия» берүүсүнүн майрамдык чыгарылышын сунуш кылабыз.

 Өкмөт жүргүнчүлөрдү, жол жүгүн жана жүктөрдү коммерциялык ташуу үчүн оң рулдуу унааларды пайдалануунун социалдык маанисин эске алуу менен  ЖК депутаты А. Эргешовдун көрсөтүлгөн тыюу салуунун күчүнө кирүү мөөнөтүн 2025-жылга чейин жылдыруу жөнүндө демилгесин колдойт. 

2019-жыл саясий айдыңда сыноолордун жылы катары сыпатталды. Ал эми 2020-жылдагы саясий турмуш күзүндө өтчү шайлоого жана анын айланасындагы саясий жүрүштөргө байланчудай.