Новости за 15.01.2020

Орусиянын президенти Владимир Путин өкмөттү жетектөөгө Федералдык салык кызматынын төрагасы Михаил Мишустиндин талапкерлигин көрсөттү. Бул тууралуу Кремлдин басма сөз кызматы кабарлады. Маалыматта "Президент Владимир Путин Михаил Мишустин менен жолугушуп, ага өкмөттүн төрагасы кызматын сунуштады жана макулдугун алгандан кийин Мишустиндин талапкерлигин Мамлекеттик Думага жөнөттү" деп айтылат. 55 жаштагы Михаил Мишустин Федералдык салык кызматын 2010-жылдан бери жетектейт.  Орусиянын президенти... Читать дальше...

Украинанын президенти Владимир Зеленский 15-январда Германиянын канцлери Ангела Меркел менен телефон аркылуу сүйлөштү. Анда эки өлкөнүн лидерлери Орусия колдогон жикчилдер көзөмөлдөгөн Донецк жана Луганк облустарындагы соңку жагдайды талкуулашты. Украинанын президентинин расмий сайтындагы маалыматка караганда, Зеленский Меркелге өткөн жылдын аягында Парижде "Норманд төрттүгү" форматындагы саммитке катышканы үчүн ыраазычылык билдирди, бирок "Украинанын чыгышында ок атууну толук токтотуу" боюнча... Читать дальше...

Орусиянын президенти Владимир Путин 15-январда Федерация Кеңешинде кезектеги кайрылуу менен чыккандан кийин премьер-министр Дмитрий Медведевди кабыл алды. Анда Медведев Путиндин Конституцияны өзгөртүү киргизүү сунуштарына байланыштуу орус өкмөтү отставкага кетерин жарыялады. Медведев өкмөттүн отставкасын президентке керектүү чечимдерди кабыл алууга толук мүмкүнчүлүк түзүп берүү максаты менен түшүндүрдү. Путин өз кезегинде Медведевге жаңы өкмөт куралгыча милдетин толук аткарып турууну сунуштады. Читать дальше...

HRW эл аралык уюму Кытай бийлиги 2019-жылы адам укуктары менен сөз эркиндигин катуу чектегенин сындады. Орусиянын президенти Владимир Путин кезектеги жылдык кайрылуусунда өлкөдөгү демографиялык абалга токтолуп, балдар өтө аз төрөлүп жатканын айтты. Красноярскиде мыйзамсыз миграцияга шек саналган жарандардан кыргыз паспорту чыкканы маалым болду.

Орусиянын премьер-министри Дмитрий Медведев орус өкмөтү отставкага кеткенин жарыялады. Бул тууралуу бир катар маалымат агенттиктери жазып чыкты. Мындан бир нече саат мурда Орусиянын президенти Владимир Путин 15-январда Федерация Кеңешиндеги кезектеги элге кайрылуусунда мамлекет башчынын айрым ыйгарым укуктары парламентке берилиши керектигин билдирген. Ага ылайык, Мамлекеттик Дума премьер-министр, вице-премьер-министр жана федералдык министр кызматтарына талапкерлерди тандап, аныктайт. Президент... Читать дальше...

2019-жылдын 7-8-августундагы Кой-Таш окуялары боюнча козголгон кылмыш ишин тергөө аяктады. Эми шектүүлөрдүн адвокаттары кылмыш ишинин материалдары менен тааныша баштайт.

Өзбекстанда “Абу Сахий” базарынын жетекчилерине кылмыш иши козголду. Учурда базарды бир нече мамлекеттик орган ар тараптан текшерип жатат.

Сейсмология институтунун маалыматына ылайык, 15-январда саат 15:19да Кыргызстан менен Тажикстандын чектешкен аймагында очогунда күчү төрт баллга жеткен жер титирөө катталды. Жер титирөө Ош облусунун Алай районунун Бор-Дөбө айылында төрт балл, Кара-Киндик, Сары-Таш, Нура айылдарында үч баллга чейин сезилди. Өзгөчө кырдаалдар министрлиги жер титирөөдөн жабыркагандар жана кыйроолор жок экенин билдирди. (BTo)

Үй-бүлөлүк зомбулуктан коргоо тууралуу мыйзам долбооруна редакциялык өзгөртүү долбоору парламентте кызуу талкуу жаратты.

Лондондогу Эксетер университетинин окумуштуулары жана Британиянын метеорологиялык кызматы биргелешкен изилдөөдө андай деңгээлдеги өрттөргө Калифорния, Амазония, Сибирь туш болушу мүмкүн деген жыйынтыкка келишти. Жашыл континент деп аталган Австралияда 10 миллион гектар токой тилсиз жоонун кучагында калды. Бул - Бельгия жана Даниянын аянттарына барабар. Аптапта 1,5 миңдей турак үй кыйрады, болжол менен миллиарддан ашуун жапайы жан-жаныбар кырылды. Окумуштуулар абанын температурасы жогорулап жатканын... Читать дальше...

Ош, 15-январь, 2020-жыл. /ca-irnews.com/. Жалал-Абад шаарындагы убактылуу кармоочу жайында күч органдарынын мурдагы кызматкери асынып алды.

«Азия Ньюс» гезитинин башкы редактору Асланбек Сартбаев 15-январда Аскер прокуратурасында күбө катары беш саат сурак берип чыкты. Ал «Азаттыкка» комментарий берип жатып тергөөнүн купуялуугун ачыкка чыгарбоо боюнча кол коюп бергенин билдирип, кайсыл иш боюнча суралганын ачык айткан жок. Бирок сурак «Азия Ньюс» гезитине чыккан материалга байланыштуу болгонун кошумчалады. - Бул журналисттик ишмердикке байланыштуу болду. Беш саат сурак мени кыжаалат кылып, моралдык, психологиялык кысым болду, - деди Сартбаев. Читать дальше...

Украинанын прокуратурасы Ирандан кыйраган украиналык учактын кара кутусун Киевге өткөрүп берүүнү сурады.

Орусиянын президенти Владимир Путин 15-январда Федерация Кеңешиндеги кезектеги элге кайрылуусунда мамлекет башчынын айрым ыйгарым укуктары парламентке берилиши керектигин билдирди. Ага ылайык, Мамлекеттик Дума премьер-министр, вице-премьер-министр жана федералдык министр кызматтарына талапкерлерди тандап, аныктайт. Президент парламент сунуштаган талапкерди ошол кызматка бекитип гана бере алат жана четке кагуу укугу болбойт. Путин эгер премьер-министр же дагы башка жогорку кызматтагы аткаминерлер... Читать дальше...

Кыргызстандын топографиялык жумушчу тобу Кыргызстан менен Тажикстандын вице-премьер-министрлеринин жолугушуусунда кол коюлган протоколдун пункттарынын бирин аткаруу боюнча ишке киришти. Бул тууралуу өкмөттүн басма сөз кызматы билдирди. Топографиялык жумушчу топко ушул жылдын 1-мартына чейинки мөөнөттө Кыргызстандын Баткен району менен Тажикстандын Исфара шаарынын ортосундагы бир нече жерден окшош жана аянты бирдей тилкелерди өз ара алмашуу боюнча макулдашылган варианттарды иштеп чыгуу тапшырмасы берилген. Читать дальше...

Орусиянын президенти Владимир Путин 15-январда Федерация Кеңешинде элге кезектеги, 16-кайрылуу менен чыкты. Анда өлкөдөгү демографиялык абалга кеңири токтолуп, балдар өтө аз төрөлүп жатканын айтты. Путин буга байланыштуу «Энелик капитал» программасы 2026-жылга чейин узарарын, бюджеттен балдар үчүн жаңы жөлөк пул каралганын белгиледи. Ага ылайык, эмдиги жылдан тартып Орусияда «энелик капитал» тун баласын төрөгөн аялдарга бериле баштайт жана эки балалуу болгон үй-бүлөлөргө үчүн бул каражаттын суммасы көбөйөт. Читать дальше...

Математика, физика жана информатика боюнча мугалимдердин жана олимпиадалык резервдин машыктыруучуларынын II Эл аралык «IMPACT Olympiad» ачык чыгармачылык конкурсунда кыргызстандык мугалимдер үч медаль утушту. Кыргызстандын Билим берүү жана илим министрлиги тараткан маалыматка ылайык, сынак 8-январдан 12-январга чейин Казакстандын Алматы шаарында өттү. Конкурска КМШ мамлекеттеринин математика, физика жана информатика мугалимдери катышты. Төрт мугалимден түзүлгөн Кыргызстандын командасынан Бишкектеги... Читать дальше...

Иран менен Орусиянын тышкы иштер министрлери Делиде жолугушуп, сүйлөшүү жүргүзүштү.

АКШда Демократиялык партиянын атынан президенттик шайлоодо ат салышууну көздөгөн саясатчылар дебатка чыгышты. Талапкерди аныкташ үчүн ички партиялык шайлоо 3-февралда башталат.  Айова штатындагы дебатка Жо Байден, Берни Сандерс, Элизабет Уоррен, Эми Клобучар, Пит Буттижич жана Том Стейер чыкты.  Мурдагы вице-президент Жо Байден «Вашингтон Жакынкы Чыгышта колдоодон айрылып калды» деп президент Дональд Трамптын Ирандагы аракеттерин сындады.  Байдендин негизги атаандашы сенатор Берни Сандерс Ирактагы согушка каршы чыкканын эске сала кетти. Читать дальше...

«Азия Ньюс» гезитинин башкы редактору Асланбек Сартбаев Аскер прокуратурасында сурак берип жатат. Бул маалыматты «Азаттыкка» журналист Динар Турдугулова ырастады. Анын сөзүнө караганда, Сартбаев 15-январда саат 11де суракка кирген бойдон чыга элек. - Аскер прокуратурасы Асланбек Сартбаев​ди Жеңиш Разаков боюнча маалыматтарга байланыштуу суракка чакырды, - деди Турдугулова. Ал бул ишке байланыштуу Аскер прокуратурасынын тергөөчүсү аны да суракка чакырганын айтты. Өзү «Азия Ньюс» гезитинде штатта иштебей турганын... Читать дальше...

Беларустун жетекчилиги мунай сатып алуу жөнүндө сунуш менен Европадагы бир катар өлкөлөргө кайрылды. Вице-премьер-министр Дмитрий Крутой жергиликтүү компаниялар чет өлкөдөгү өнөктөштөр менен сүйлөшө баштаганын маалымдады. Андан сырткары Беларусь Украина, Польша, Балтика мамлекеттери, Казакстан жана Азербайжан менен кызматташуу жолдорун карап жатканын айтты.  Орусия ушул айдын башынан тартып Беларустун мунай заводдорун чийки мунай менен камсыздоону токтотуп койгон. Москва менен Минскинин ортосундагы... Читать дальше...

Баткен шаарында 15-январда митингге чыккан эл тарады. «Азаттыктын» аймактагы кабарчысы билдиргендей, нааразылык акциясына чыккандар Баткен районунун Көк-Таш айылында 11-январда кармалган төрт кишини бошотууну талап кылышты. Андан тышкары 14-январда кыргыз-тажик өкмөт мүчөлөрү кол койгон протоколдун айрым пункттарына каршы экенин, ал эми чек ара маселесин чечиш үчүн жер алмашууга макул экенин айтышты. Баткен облустук милициясы төрт адам былтыр 18-декабрда жана быйыл 11-январда кыргыз-тажик чек арасындагы... Читать дальше...

Ош шаардык соту «Зордуктоо» жана «Ээнбаштык» беренелери менен шек саналып жаткан «уюшкан кылмыштуу топтун активдүү мүчөсү» Умар Маратов кандай негизде эркиндикке чыкканын түшүндүрдү. Бул тууралуу Ош облустук сотунун басма сөз катчысы Бекзат Осмонкулов «Азаттыкка» комментарий берди. Анын сөзү боюнча, Маратов Ош шаардык сотунун чечими менен ушул жылдын 8-январында үй камагына чыгарылган. - Судья анын өздүгү такталганын, турукту жашаган жери бар экенин эске алып жана соттон качып кетүүгө себептери жок деген тыянакка келип... Читать дальше...

Массачусетс технологиялык институтунун профессору Джим Уолш жана Американын мурдагы дипломаты Майкл Спрингман АКШнын президенти Дональд Трамп өзөктүк келишимден чыгуу менен дипломатиянын ордуна тирешүүнү коюп, аймакта кооптуу кырдаал жаратканын билдиришти.

Ирандын президенти Хасан Роухани украиналык учактын атып түшүрүлгөнүнөн улам тутанган нааразылык акцияларына байланыштуу 15-январда телеканал аркылуу кайрылуу жасады. Анда ал элди «сабырдуулукка жана биримдикке» чакырды. Ал учак кырсыгына күнөөлүүлөр «кечирим сурашы керек» экенин билдирди. Мындан бир күн мурда «Украинанын эл аралык аба жолдоруна» таандык учакты атып түшүрүүгө күнөөлүү деген шек менен бир канча адам камакка алынганы белгилүү болгон. Бирок Тегеран кармалгандардын санын жана кимдер экенин маалымдаган эмес. Читать дальше...