Новости за 25.01.2020

Бишкекте экстремизм көйгөйүн, зордук-зомбулуктун жыйынтыгын чагылдырган интерактивдүү тасманын бет ачары өттү. Жаңы форматта тартылган тасмада көрүүчү да каармандардын тагдырын өзгөртө алат. Тасманы Европа Биримдигинин жана "Интерньюс" уюмунун колдоосу менен "Борбор Азиядагы туруктуулукка жана тынчтыкка көмөк көрсөтүү" долбоорунун алкагында Media kitchen студиясы тартты.

25-январда "Ала-Арча" мамлекеттик резиденциясында Коомдук байкоочу кеңештердин иши талкууланды.

Кыргызстанда коронавируска байланыштуу жагдайды көзөмөлдөө үчүн ыкчам штаб түзүлдү. Ал штабдын курамына Саламаттык сактоо министрлигинин жана бир катар тийиштүү мамлекеттик органдардын адистери кирген. Ыкчам штабдын мүчөлөрү Бүткүл дүйнөлүк саламаттык сактоо уюмунун өкүлдөрү менен байланышып, ыкчам маалымат алмашып турушат. Кыргызстанда Кытай аймагында чыккан коронавирус учурлары катталган жок. Саламаттык сактоо министрлигинин маалыматы боюнча, 2019-жылдын декабрынан тарта жаңы вируска чалдыгуунун... Читать дальше...

Кытайдын Шинжаң аймагында былтыр 24-ноябрда белгилүү уйгур активист Варис Абабекри 53 жаш курагында ажал тапкан.

Кыргызстандын Түркиядагы элчилиги Элязыг провинциясындагы жер титирөөдө каза болгондордун жана жабыркагандардын арасында кыргыз жарандары жок экенин билдирди. 24-январда Түркиянын чыгышындагы Элязыг провинциясында күчү очогунда 6,8 баллга жеткен жер титирөөдө 22 киши каза болуп, миңдеген тургундар жаракат алган. Кырсыкка байланыштуу президент Сооронбай Жээнбеков Түркиянын мамлекет башчысы Режеп Тайып Эрдоганга жана түрк элине көңүл айтты. "Элязыг провинциясынын Сивриже шаарында жер титирөөнүн... Читать дальше...

Түркиянын чыгышындагы Элязыг провинциясындагы жер титирөө кеминде 22 кишинин өмүрүн алып, миңдеген адамдар жаракат алды. Бул тууралуу түркиялык "Anadolu" агенттиги кабарлоодо. 24-январдын кечинде очогунда күчү 6,8 баллга жеткен жер титирөө катталган. Аппаатан имараттар кыйрап, байланыш үзгүлтүккө учураган. Элязыг провинциясындагы Сивриже районундагы имараттардын кыйроосунан чочулаган көпчүлүк жашоочулар үй-жайын таштап кетүүдө. Айрым райондордо жай тургундар спорт комплекстерде баш калкалап жатышат. Читать дальше...

Американын Саламаттыкты сактоо тармагынын окумуштуулары жаңы коронавирустун (2019-nCoV) вакцинасы алдыдагы үч айдын ичинде илдеттин алгачкы этабында адамдарга сынап көрүү үчүн даяр болорун билдиришти.

Өкмөт Кыргызстанда өндүрүлгөн арактын төмөнкү баасынын жаңы чегин бекитти. Ага ылайык, арактын дүңүнөн жана чекене баасы 22 сомго жогорулады. Бул тууралуу салык кызматы кабарлады.   Мисалы, 0,5 литр даяр арактын баасы дүңүнөн 2020-жылы 103 сом, (буга чейин 81 сом болчу), 2021-жылы 114 сом, 2022-жылы 125 сом жана 2023-жылы 136 сом болот. Ал эми 0,5 литр даяр арактын чекене баасы 2020-жылы 112 сом (буга чейин 90 сом болчу), 2021-жылы 123 сом, 2022-жылы 134 сом, 2023-жылы 145 сом болуп көтөрүлөт.... Читать дальше...

Синоптиктердин маалымдашынча, 26-январда түнкүсүн өлкөнүн көпчүлүк аймактарында кар жаайт. Жолдор тайгак жана тоңголок болот. Абанын температурасы: Чүй өрөөнүндө түнкүсүн -3…-8, күндүз -3…+2; Суусамыр өрөөнүндө түнкүсүн -10…-15, күндүз -25…-30; Талас облусунда түнкүсүн -6…-11, күндүз -3…+2; Баткен, Ош, Жалал-Абад облустарында түнкүсүн 0…-5, күндүз 0…5; Ысык-Көл облусунда түнкүсүн -7…-9, күндуз -1…+1; Нарын облусунда түнкүсүн -21…-26, күндүз -7…-12; 26-январда Бишкек шаарында мезгил-мезгили менен кар жаайт. Читать дальше...

Кыргызстандык мушкер кыз Небраска штатынын Линкольн шаарында өтчү UFC Fight Night show турниринин алкагында октагонго чыгат.

Премьер-министр Мухаммедкалый Абылгазиев мамлекеттик органдардын коомдук кеңештеринин жыл сайын өтүүчү жыйынында бала бакча тартыштыгынан 400 миңге жакын бала мектепке чейинки билим берүү мекемелерине бара албай жатканын билдирди. - Бала бакчанын жоктугуна байланыштуу 400 миңге жакын бала мектепке чейинки билим берүү мекемелерине бара алышпайт. Бул маселени чечүү боюнча күн сайын иштер жасалууда. Акыркы эки жылда эле 200дөн ашуун мектеп жана бала бакча курулду, - деди Абылгазиев. Премьер-министр... Читать дальше...

Казакстандык студенттер коронавирус биринчи катталган Кытайдын Ухань шаарынан чыга албай жатышат.

Ирандын саламаттыкты сактоо министри Саид Намаки Түркиянын чыгышындагы катуу жер титирөөдөн кийин зарыл болгон учурда андан жапа чеккендерге жардам берүү үчүн Ирандын куткаруучу командаларын даяр абалда туруусуна буйрук берди.

Кытайдын өкмөтү Ирандын өзөктүк келишими боюнча тирешүүлөрдүн келип чыгышына Америка себепкер деп эсептейт.

Кыргыз үй-бүлөсүнүн түмөн түйшүгү тууралуу акын Шайлообек Дүйшеевдин чыгармасы. Ыр 1989-жылы жарык көргөн.

Саясат таануучу Сейтек Качкынбай парламенттин депутаты Жанар Акаев, экономика министринин мурдагы орун басары Эльдар Абакиров менен чогуу парламенттик шайлоого катышууга камынып жатышканын маалымдады.  Сейтек Качкынбай кайсы партиянын атынан шайлоого катышарын азырынча айта элек. Анын ырасташынча, бул партия мурда эле түзүлгөн. Учурда позициясы шайкеш келген саясатчы, ишкер, активисттер менен сүйлөшүүлөр жүрүп жатат. Жакында партиянын съездин өткөрүшөт. Сейтек Качкынбай 2016-жылы түзүлгөн “Демократ”... Читать дальше...

25-январда президент Сооронбай Жээнбеков Евразия экономикалык кеңешинин (ЖЕЭК) башчысы Тигран Саркисянды кабыл алды. Бул тууралуу президенттин сайты жазды. Мамлекет башчы 2019-жылы Евразия Экономикалык Биримдиги жаш жана тез өнүгүп келаткан интеграциялык уюмдардын бири экенин белгиледи. Президент ЕАЭБге мүчө өлкөлөрдүн экономикалык көрсөткүчтөрү жакшырып жатат деп эсептейт. Саркисян ЕАЭБдин алкагында көтөрүлгөн демилгелерде уюмга мүчө өлкөлөрдүн кызыкчылыгы эске алынганын белгиледи. Президент... Читать дальше...

Өкмөттүн Баткен облусундагы ыйгарым укуктуу өкүлү Акрам Мадумаров 22-январда Кызыл-Кыядагы педагогикалык институтка барганда мугалимдерди "Эмне үчүн галстуксуз жүрөсүңөр?" деп жемелегени талкуу жаратты.

 24-январда Кыргыз Республикасынын Президенти Сооронбай Жээнбеков Тажикстан Республикасынын Президенти Эмомали Рахмон менен телефон аркылуу сүйлөштү.

Дүйшөмбү күнү Орусиянын мамлекеттик думасынын төрагасы  Вячеслав Володин делегацияны жетектеп Иранга иш сапары менен барат.

Кытайда өпкөнү сезгенткен жаңы вирустан өлгөндөрдүн жана жуктуруп алгандардын саны кескин көбөйүүдө. Францияда жана Австралияда да бул илдетти жуктуруп алгандар катталды. 25-январдагы маалыматка караганда, Кытайда жаңы вирустан өлгөндөрдүн саны 41ге жетип, 29 провинцияда 1287 киши жуктуруп алганы катталды. Алардын ичинен 237 бейтаптын абалы оор.  Францияда коркунучтуу илдет менен ооруган үч киши катталды. Бул Европадагы жаңы вирусту жуктуруп алган алгачкы учур болууда. Расмий органдар эки бейтап Парижде... Читать дальше...

Иран ТИМнин расмий өкүлү Брайан Хуктун “Кудс” Сакчылар корпсунун жаңы башысына карата коркутуусун сынга алды.

Пентагондун басма сөз катчысы Ирандын Ирактагы “Айн аль-Асад” америкалык базасына жасаган ракеталык чабуулунан 34 аскер мээсинен жабыркаганын ачыктады.

Лондондо 24-январда премьер-министр Борис Жонсон Евробиримдиктен чыгуу боюнча 10 келишимге кол койду. Ал Европа Биримдигинен чыгууга жол ачкан бул окуяны “фантастикалык учур” деп атады. Жонсон узак жылдарга созулган талаш-тартыш токтойт деп үмүт кылып жатканын билдирди. Буга чейин Евробиримдиктин лидерлери Брекзит жөнүндө документке кол коюп, поезд менен Лондонго жөнөткөн. Макулдашууга кол коюлгандан кийин эми ал ратификациядан өтөт. Буга чейин британ парламенти келишимдин текстин колдоп беришкен. Читать дальше...

Премьер-министр Мухаммедкалый Абылгазиев мамлекеттик органдардын байкоочу кеңештеринин өкүлдөрү менен жолугушуу учурунда көмүскө экономиканы ачыкка чыгаруу үчүн коомдук кеңештен жардам сурады. - Көмүскө экономикада 35-40 млрд. сом жатат. Таасирдүү адамдар көмүскөдө акча жасап отурушат. Аны ачыкка чыгаруу коомдук кеңештин колунда. Эгер көмүскөдөгү акчаны чыгарсак көп маселе чечилет, - деди өкмөт башчы. Абылгазиев тышкы карызды чечүүнүн жолдорун ойлонуу мезгили келгенин белгиледи. Анын айтымында, 2019-жылы бюджеттен 200 млн. Читать дальше...